ގިނަ އަދަދަކަށް ސުޕާރީ ކާ ޒުވާނެއްގެ ފުއްޕާމޭގައި ސުޕާރީ ފުށްތަކެއް ތާށިވެފައި ހުއްޓާ ނަގައިފި އެވެ.
އައިޖީއެމްއެޗްގައި މަސައްކަތް ކުރައްވާ ނޭވާލާ ނިޒާމުގެ ސްޕެޝަލިސްޓް ޑޮކްޓަރެއް ކަމަށްވާ މުހައްމަދު އިސްމާއިލް ކުރި ޓްވީޓެއްގައި ވަނީ ޒުވާން އަންހެން ކުއްޖެއްގެ ފުއްމާޕޭގައި ފެން ހެދުމުގެ ސަބަބުން އިންފެކްޝަނެއް އުފެދިގެން ބްރޮކޮންސްކޮޕީ ހަދައިގެން ބެލިއިރު، ސުޕާރީ ފުށްތަކެއް ތާށިވެފައި ހުއްޓާ ފެނުނު ކަމަށެވެ.
އެ މީހާއާ އިތުރަށް ސުވާލު ކުރުމުން، އެއީ ގިނަ އަދަދަކަށް ސުޕާރީ ކާ މީހެއް ކަން ހާމަވެފައިވާ ކަމަށް އޭނާ ވިދާޅުވި އެވެ.
ފުއްޕާމޭގައި ފޯކާއި ސުޕާރީ ތާށިވެގެން ކުރިން ވެސް ނަގާފައިވެ އެވެ. ސުޕާރީއަކީ އަނގައިގެ ކެންސަރަށް މަގުފަހިކުރާ އެއްޗަކަށް ވާތީ އެ ތަކެއްޗާ ދުރުވާން ޑޮކްޓަރުން އަބަދުވެސް އިލްތިމާސް ކުރެ އެވެ.
