މޯލްޑިވިއަން
28 ނޮވެމްބަރ 2022 - 14:22
4 comments
އަންނަ ފެބްރުއަރީ މަހު ސ. ގަމަށް ފްލައިދުބާއީގެ ސީދާ ދަތުރުތައް ފެށުމުން ގަމުން ގއ. ކޫއްޑު އަށް ދަތުރުތައް ކުރަން ގައުމީ އެއާލައިން މޯލްޑިވިއަން އިން ނިންމައިފި އެވެ.
އެ އެއާލައިން ހިންގާ އައިލެންޑް އޭވިއޭޝަންގެ މެނޭޖިން ޑިރެކްޓަރު މުހައްމަދު މިހާދު މިއަދު ވިދާޅުވީ، ގަމަށް ފްލައިދުބާއީ އިން ދާ ޓޫރިސްޓުން އެންމެ ގިނަ ވެގެން ދެ ގަޑިއިރުގެ ތެރޭގައި ކޫއްޑު އަށް ގެންދެވޭނެ އިންތިޒާމުތައް ހަމަޖައްސާފައިވާ ކަމަށެވެ. ގަމުން ކޫއްޑު އަށް ދާން ސާޅީހަކަށް މިނެޓް ނަގާނެ އެވެ.
މިހާދު ވިދާޅުވިގޮތުގައި، ކޫއްޑޫ ސަރަހައްދުގައި ހުރި ރިސޯޓުތަކާ އެކު އެ ކަމާ ގުޅޭ ގޮތުން އައިލެންޑް އޭވިއޭޝަނުން އަންނަނީ ވާހަކަ ދައްކަމުންނެވެ.
"ފްލައިޓް ޖައްސާ ގަޑިއަށް ޑޮމެސްޓިކް ކަނެކްޓިނިވީ ބާއްވަން އަޅުގަނޑުމެން މި ނިންމީ. ރިސޯޓުތަކާ އެކަމާ ގުޅޭ ގޮތުން ކޮމިއުނިކޭޓު ކުރަމުން މި އަންނަނީ،" އޭނާ ވިދާޅުވި އެވެ.
ފްލައިދުބާއީގެ ސީދާ ދަތުރުތައް އަންނަ އަހަރުގެ ފެބްރުއަރީ 4 ގައި ގަމަށް ފަށާނެ އެވެ. އެ ދަތުރުތަކުގެ އެންމެ ދަށް އަގަކީ 550 ޑޮލަރު (8،481ރ.) އެވެ. އައްޑު އަށް ހަފުތާގެ ކޮންމެ ދުވަހަކު ފްލައިދުބާއީން ދަތުރުތައް ކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަލި ރަަހާ
28 November 2022
2 ފެބުރުއަރީން ފެށިގެން ޙައްޖު. ދަތުރަށް ކުރާ ޚަރަދު ވެސް އެތައްގުނައަކަށް ތިރިވެގެން ދާނެ!
އޮނަރަބްލް އަފީފު ދީދީ
28 November 2022
ވަގުތީކަމެއްގެގޮތުގައި ތިކަންނުކޮށް ދެކުނުގެ ހުރިހާ އެއަރޕޯޓްތައް ގުޅާލުމަށްޓަކާ ކުޑަހުވަދޫ، ތިމަރަފުށި، ކައްދޫ، Kooddoo އަދި ކާޑެއްދޫ މިހުރިހާ އެއަރޕޯޓް ތަކަށް ގޭންއެއަރޕޯޓުން ހަފުތާއަކު 2 ފުލައިޓް ބޭއްވުން ރަނގަޅު. # މިކަން ވައިބަލް ކުރުމަށްޓަކާ މޯލްޑިވިއަން އެއަރބަސް ފުލައިޓް މިދެންނެވި 2 ދުވަހު ގޭން ކޮޗިންގ ދަތުރު ބާއްވައިގެން ދެކުނު ސަރަޙައްދުން އިންޑިޔާއަށް ދަތުރު ކުރާންތިބި މީހުން އުފުލަން ފުރުސަތު ހޯދިދާނެ.
ޖެނީނާ
28 November 2022
ހުސް ފޮނި ކަނޑަނީ.. ހުވަދުއަށް ވުރެ ކައިރީގަ އޮތް ފުވައްމުލަކަށް ކަނެކްޓިވިޓީ ދެވިގެންތާ އަދި މާދުރުގަ އޮތް ހުވަދުއަށް ތިކަން ވާނީ.. ފުވައްމުލަކުގެ އެންމެ ރިސޯޓަކާވެސް އަދި ތިކަމާ މަޝްވަރާކުރި އަޑެއް ނީވޭ.. ބަހާމާސްގެ ޓައިގާ ބީޗް ފަދަ ޑެސްޓިނޭޝަން ތަކާ ޓައިގާ ޝާކް ޑައިވިންގ ގަ ވާދަ ކުރަމުން އަންނަ ފުވައްމުލަކާއި ނުހަނު ނަލަރީތި ރައްތަށް ހުރި ހުވަދޫގެ ޓުރިޒަމް ކުރިއަކަށް ނުދާނެ ތިޔަ މޯލްޑިވިއަން އަށް ޑިޕެންޑްވެގެން.. މިނޫން ގޮތެއް ހޯދަންޖެހޭ..
އޮނަރަބްލް އަފީފު ދީދީ
28 November 2022
ތިކަން ނުކުރާނެކަމަށް ހުވާކޮށްފަ ބުނާން ކެރިދާނެ. ތިއީ ނޫހުގެ ފަލަސުރުޙީ ހޯދުމަށާއި، ވެރިކަމުގައިހުރިމީހާ ދެވަނަ ދައުރެއްލިބޭތޯ ކުރާމަސައްކަތުގައި "ސަޅިބައިސާ ކެޑުމަށް" ނަމަކަށް ކުރާން އުޅޭ ކަމެއް. # މޯލްޑިވިއަނުން ތިޔަ ދަތުރު ފެއްޓިކަމުގައިވިޔަސް ގޭން ކޫއްޑޫ ސެކްޓަރ ގެ ޓިކެޓް "ރަނުގެ އަގުގައި" ނޫނީ ނުވިއްކާނެ. މިހާރުވެސް ފަތުރުވެރިއަކު ނުވަތަ ވޯކްވީސާއޮތް ބިދޭސީއަކުވިޔަސް އައްޑުއަށް ދިއުމުގެ އަގު މާލެ ސިންގަޕޯރ ރިޓާން ޓިކެޓްގެ އަގާއި އެއްވަރު.