ދެ ލައްކަ ނުދެއްކުމުން 286 މިލިއަންގެ ޖޫރިމަނާ: ސުޕްރީމް ކޯޓުން ވެސް ނާކާމިޔާބު

ގިނަ އަދަދެއްގެ ފައިސާތަކެއް: ޖޫރިމަނާގެ ގޮތުގައި 286 އެރި މައްސަލަ ސުޕްރީމް ކޯޓުން ވެސް ވަނީ ނާކާމިޔާބުވެގެން ނިމިފައި --- ފޮޓޯ/މިހާރު

މުއިއްޒު އިބްރާހިމް، މިހާރު

29 ނޮވެމްބަރ 2022 - 16:38

15 comments

ރާއްޖޭގައި ޖޫރިމަނާގެ ގޮތުގައި ކޯޓަކުން ނަގައިދިން ރެކޯޑް އަދަދެއް ކަމަށްވާ 286 މިލިއަން ރުފިޔާގެ މައްސަލާގައި، އެ ފައިސާ ދައްކަން ނުޖެހޭނެ ކަމަށް ސުޕްރީމް ކޯޓުން ވެސް މިއަދު ހުކުމްކޮށްފި އެވެ.

ވަކިވަކި ފަރުދުންތަކެއްގެ މެދުގައި ހެދި އެއްބަސްވުމެއްގެ ދަށުން މުދާތަކަކަށް ދައްކަންޖެހޭ 227،000ރ. ނުދެއްކުމުން ޖޫރިމަނާގެ ގޮތުގައި 286 މިލިއަން ރުފިޔާ ދައްކަން ސިވިލް ކޯޓުން 2016 ވަނަ އަހަރު ހުކުމްކުރީ ފައިސާ ނުދައްކާ ކޮންމެ ދުވަހަކަށް 80 ޕަސެންޓްގެ ޖޫރިމަނާއެއް އަރާ ގޮތަށް އެއްބަސްވުމުގައި އޮތުމުންނެވެ. އެއީ ފައިސާ ނުދައްކާ ހޭދަވި 13 އަހަރުގެ ތެރޭގައި ދުވާލަކަށް 182،000ރ. ގެ ރޭޓުންނެވެ.

ހައި ކޯޓުން މިދިޔަ އަހަރު އެ ހުކުމް ބާތިލްކޮށް، ޖޫރިމަނާގެ މިންވަރު 227،000ރ. އަށް ދަށްކުރި އެވެ. އެހެންވެ، ފައިސާ ލިބެންޖެހޭ މީހާ އެ މައްސަލަ ސުޕްރީމް ކޯޓުގައި އިސްތިއުނާފްކުރި އެވެ. އަދި 227،000ރ. ޖޫރިމަނާއެއް ދައްކަން އެންގުމުން އަނެއް މީހާ ވެސް އެ މައްސަލަ އިސްތިއުނާފްކުރި އެވެ.

ސުޕްރީމް ކޯޓުން މިއަދު ކުރި ހުކުމުގައިވަނީ އެއްބަސްވުމުގައި ބަޔާންކުރާ ޖޫރިމަނާގެ ފައިސާ ނަގައިދެވޭ ގޮތަށް ސުޕްރީމް ކޯޓުން ކުރިން ނިންމާފައިވާ ނިންމުންތަކާ އެ ކޯޓުން މިދިޔަ އަހަރު ދުރަށް ގޮސްފައިވާ ކަމަށެވެ. އަދި އެއްބަސްވުމާ ހިލާފުވުމުން ނަގައިދެވޭ ބަދަލަކީ އަނެއް ފަރާތަކަށް އަދަބެއް ނުވަތަ ނުބައްދަލު ބުރައެއް ކުރިމަތިކުރަން ނަގައިދެވޭ ބަދަލަކަށް ވެގެން ނުވާނެ ކަމަށް ހުކުމުގައިވެ އެވެ.

ހުކުމުގައިވާ ގޮތުން 227،000ރ. ނުދެއްކުމުން ކޮންމެ ދުވަހަކަށް 182،000ރ. ގެ ރޭޓުން ޖުމްލަ 286 މިލިއަން ރުފިޔާ އަރާ ގޮތަށް އޮތީ ސައްހަ މަސްލަހަތެއްގައި ކަން އެނގޭކަށް ނެތެވެ.

އެ ފައިސާ ނުލިބުމުން 13 އަހަރު ތެރޭގައި ގެއްލުންތަކެއް ލިބިފައިވާ ކަމަށް ބުނެފައި ވިޔަސް، ސުޕްރީމް ކޯޓުގެ ހުކުމުގައިވަނީ 286 މިލިއަން ރުފިޔާގެ ގެއްލުމެއް ނުވާނެ ކަމަށެވެ. އަދި މުދަލުގެ އަގު ލިބިގެން އެ އިން ފައިދާ ހޯދިޔަސް، 286 މިލިއަން ރުފިޔާ ލިބޭނެ ކަމަށް ގަބޫލު ނުކުރެވޭ ކަމަށް ހުކުމުގައިވެ އެވެ.

ހައި ކޯޓުން އެ މީހާ އަށް ޖޫރިމަނާގެ ގޮތުގައި ނަގައިދިން 227،000ރ. ވެސް ދައްކަން ނުޖެހޭނެ ކަމަށް ސުޕްރީމް ކޯޓުން ނިންމި އެެވެ. އެއީ ޖޫރިމަނާ ފައިސާ ނަގައިދިނުމާ ބެހޭގޮތުން ހައި ކޯޓުން ރިއާޔަތްކުރި އުސޫލު މިހާރު އުވިފައިވާތީ އެވެ.

އެހެންވުމުން އެ މީހާއަށް ދެން ލިބޭނީ މުދަލުގެ އަގަށްވާ 227،000ރ. އާއި ގާނޫނީ ހަރަދުގެ ގޮތުގައި ލިބެންޖެހޭ 20،000ރ. އެކަނި ކަމަށް ސުޕްރީމް ކޯޓުގެ ތިން ފަނޑިޔާރުންގެ އިއްތިފާގުން ކުރެއްވި އެ ހުކުމުގައިވެ އެވެ.

ސުޕްރީމް ކޯޓުން އެ މައްސަަލަ ބެއްލެވީ ފަނޑިޔާރު ޑރ. މުހައްމަދު އިބްރާހިމާއި ފަނޑިޔާރު ހުސްނުއްސުއޫދު އަދި ފަނޑިޔާރު ޑރ. އަޒްމިރަލްދާ ޒާހިރެވެ. ބެންޗުގެ ރިޔާސަތަކީ ފަނޑިޔާރު މުހައްމަދު އިބްރާހިމެވެ.

ސިވިލް ކޯޓް ސުޕްރީމް ކޯޓް ހައި ކޯޓް ޖުޑީޝަރީ ކޯޓް މައްސަލަތައް

15 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޅި.

01 December 2022

ބަރާބަރު، ރިބާ ކާންދޭނެ ކަމެއްނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިސްޓަރ އައިޑިއަރ

30 November 2022

ޓައިމް ވެލިއު އޮފް މަނީ މީ ފައިނޭސްގައި ދުނިޔެ ގަބޫލުކުރާ ކޯ ވެލިއުއެއް. ދައުވާ ކުރި ފަރާތުން ޖޫރިމަނާ ނަގާދޭން އެދިފަ އޮތް ސަބަބަކި ފައިސާ ނުލިބުމުން އަރާ ޖުރިމަނާއަށްވާތީ. ހަމަ ސީދާ ގެއްލުމުގެ ބަދަލޭ ނުބުންޔަކަސް އާހިރު ނަތީޖާ އެއީ އެއްކަމެއް. އެހެވެ ހުކުމުގައި ގެއްލުމުގެ ބަދަލު ހޯދަން ވަކިން ކޯޓަށް ހުށަ އަޅަން ބުނެވިދާނެ. މިހާރު ގޮސްކޮން ކަން ކުރި މީހާއަށްވީ މޮޅު.ކޯޓުން އަމިއްލަ ޑްރެކްޓިވްސް ނެރެވޭ ބޭނުންވީމަ. ސެލެކްޓިވް ޖަސްޓިސް މި އޮންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދުނ

30 November 2022

ތީ އަލްހާނުގެ މޮޅު ރޭވުމަކުން ހުކުންކުރި ފަނޑިޔާރުންނަށް ބައިއަޅާގޮތަށް އެއްބަސްވެގެން ކުރި އެއްވެސް އަސާސެއްނެތް ވަރަށް ދަށުދަރަޖައިގެ ހުކުމެއް ނަމަވެސް މިސްކޭމް ނާކާމިޔާބު ކޮށްލުމަށްޓަކައި އެޓާނީޖެނެރަލް ޝަމީމް ކުރެއްވި ބުރަމަސައްކަތް ފާހަގަކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާނޫނު

30 November 2022

ތީގެ އެންމެ ހެއްވާ ތަންކޮޅަކީ ގާނޫނީ ޚަރަދުގެ ގޮތުގައި 20 ހާސް ރުފިޔާ ނަގައިދޭން އޮތް ތަންކޮޅެވެ. ކުޑަމިނުން ދަށު ކޯޓަކަށް އެންމެ އާދައިގެ ވަކީލަކުވެސް ފަށަނީވެސް 25 ހާހުންނެވެ. ހައިކޯޓަށް ގޮސްފިނަމަ 50-75 ހާހެވެ. ސުޕްރިމް ކޯޓަށް ކޮންމެކޮންމެ ވަކީލަކަށް ނުވެސް ވަދެވޭނެއެވެ. ވަންނަ މީހުން ކިޔަނީ ލައްކައިން މަތިންނެވެ. މިކަން އެންމެ ރަނގަޅަށް އެނގޭނީ މިއޮތްހާދުވަހު ބޮޑެތި ފީތައްނެގި މިހާރު ބެންޗުގައި ތިއްބެވި ބޭފުޅުންނަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިޔަފަހަރީ

30 November 2022

ބަރާބަރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިރުވަރު

29 November 2022

ރިއަލިސްޓިކް އަދަދެއް ނަމަ ވިންވާނެ. ފޭކު އަދަދެއް ވީމަ ވިން ނުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަމާ

29 November 2022

ދިވެހިރާއްޖޭގައި ދެން ވިޔަފާރި ކުރަން އުޅޭނީ ކާކު. މީހަކަށް ދޭން ޖެހޭ ލާރިއެއް ނުދައްކައި ހުންނަންވީ އެތައް އަހަރެއް ވަންދެން. ދެއްކުނު ދުވަަހަކުން ދައްކާލަން ވީ. އެއްވެސް ޖޫރިމަނާއެއް ވެސް، ދައްކާކަށް ނުޖެހޭނެ. ކޯޓަށް މައްސަލަ ލައިގެން 10 އަހަރު ފަހުން ހުކުމް އަންނާނެ. ދެންވެސް ނުދައްކައި ހުންނަންވީ. ކުރެވޭނެ އެެއްވެސް ކަމެއް ލާރި ލިބެން ޖެހޭ މީހާއަކަށް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުންބޭ

29 November 2022

ބިގަށް ދޭން ނިންމި 78 މިލިއަން ވެސް ތިގޮތަށް ޑިސިޝަން ބަދަލުވާންޖެހޭ، ދައުކަތުން ކީއްވެ އެޕީލް ނުކުރީ، އެންމެ 5 މިލިއަން އެވެސް ކޮންޓްރޮވާޝަލް އެގްރިމެންޓަކަށްވެ އޮޑިޓަރ ޖެނެރަލްގެ ލަފަޔާ ދެކޮޅަށް ހިންގި ޓްރާންސެކްޝަންސްތަކަކަށް އެމްބީސީ އަށް ބިގުން ފޮނުވި އިންވޮއިސްތަކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

29 November 2022

ވަރަށް ބަރާބަރު ހުކުމެއް ، އެކަމަކު ދެރައީ ދައުލަތުގެ ޚަޒާނާއިން ޖުރުަނާއޭ އެގްރިމެންޓާއި ޚިލާފްވީއޭ ކިޔާފައި އެތެއް މިލިއަން ނަގަމުންދާތީ ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީލް

29 November 2022

ތިޔަ ތިން ފަންޑިޔާރުގެ މައްސަލައެއް އެބަ އުޅޭ. 13 އަހަރު ވަންދެން ފައިސާ ނުލިބި ހުރުމުން އޭގެންވާނެ ގެއްލުންވެސް އޮންނާނެ. މިޒަމާނަކީ “ޓައިމް ވެލިއު އޮފް މަނީ” ހޯދޭނެ ޒަމާނެއް. އެހެންވީމަ ހުކުމް ކުރި އިރު ހަމަ އެކަނި ލިބެންޖެހޭނީ ނުދައްކާ ހުރި ފައިސާ ކޮޅާ ލިގަލް ފީ އޭ ބުނުމަކީ ވަރަށް ދެރަ ކަމެއް.