ރިޔާސީ އިންތިހާބުގެ ސެކިއުރިޓީއާ ގުޅޭގޮތުން އީސީގެ މެމްބަރުން، ފުލުހުންގެ އިސްވެރިންނާ މިއަދު ބައްދަލުކުރައްވަނީ.-- ފޮޓޯ: ޕޮލިސް
13 ޑިސެމްބަރ 2022 - 19:19
4 comments
އަންނަ އަހަރު ބާއްވާ ރިއާސީ އިންތިހާބުގެ ސެކިއުރިޓީ ބެލެހެއްޓުމާ ގުޅޭގޮތުން އިލެކްޝަންސް ކޮމިޝަން (އީސީ) އިން ފުލުހުންނާއެކު މިއަދު މަޝްވަރާކޮށްފި އެވެ.
ފުލުހުންގެ ވެބްސައިޓުގައި ބުނީ އީސީގެ ރައީސް ފުއާދު ތައުފީގާއި ކޮމިޝަންގެ މެމްބަރުން، ޕޮލިސް ކޮމިޝަނަރު މުހައްމަދު ހަމީދާއި އެ މުއައްސަސާގެ އިސްވެރިންނާ ބައްދަލުކުރައްވައި ރިޔާސީ އިންތިހާބުގެ ސަލާމަތާއި ރައްކާތެރިކަން ކަށަވަރުކުރުމާ ގުޅޭގޮތުން ބައްދަލުކުރެއްވި ކަމަށެވެ.
އޭގެ އިތުރުން އިލެކްޝަން ކޮމިޝަނުން ފުލުހުންގެ ފަރާތުން ބޭނުންވާ ސެކިއުރިޓީ ދިނުމާ ގުޅޭގޮތުން ވެސް އެ ބޭފުޅުން މަޝްވަރާކުރެއްވި ކަމަށް ވެބްސައިޓުގައި ބުންޏެވެ.
ރިޔާސީ އިންތިހާބަށް ވަގުތީ މުވައްޒަފުން ހޯދަން ވެސް އީސީން ވަނީ އިއުލާނުކޮށްފަ އެވެ. އެ ކަމުގެ އެކި މަސައްކަތްތަކަށް ބޭނުންވާ 11 މުވައްޒަފުން ހޯދަން ހުޅުވާލާފައިވެ އެވެ.
އިލެކްޝަންސް ކޮމިޝަނުން މީގެ ކުރިން ބުނެފައި ވަނީ ރިޔާސީ އިންތިހާބު ބާއްވާނެ ތާރީހެއް މި މަސް ނިމުމުގެ ކުރިން އިއުލާނު ކުރާނެ ކަމަށެވެ.
އަންނަ އަހަރަށް ފާސް ކުރި ދައުލަތުގެ ބަޖެޓުގައި ރިޔާސީ އިންތިހާބަށް 90 މިލިއަން ރުފިޔާ ކަނޑައަޅާފައިވާ ނަމަވެސް އިލެކްޝަނުން ބުނަނީ އިންތިހާބު ދެވަނަ ބުރަކަށް ގޮސްފި ނަމަ އެ އަދަދު މާ މަދުވާނެ ކަމަށެވެ. އެ ކޮމިޝަނުން ބުނާ ގޮތުގައި ދެ ބުރު ބޭއްވާ ނަމަ އިތުރު 30 މިލިއަން ރުފިޔާ ބޭނުންވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދހސތވސ
14 December 2022
ދުރާލައި ތައްޔާރުވަނީ
އިޙްސާސްވާވަރުމީ
14 December 2022
އިންތިޚާބުގެ ސެކިއުރިޓީ ގެ ކަންކަމުގައި މަޝްރާކުރާ ބައިގައި އިންޑިޔާ މީހުން ބައިވެރިކުރަންވާނެ. ޢެހެންނޫނީ ސިކިއުރިޓީގެ ފުރިހަމަކަމެއް ނުލިބޭނެ. ޢަދި ޢިންތިޚާބީ ކޮމެޓީގައިވެސް އިންޑިޔާގެ އެޑުވައިޒަރެއް ބަހައްޓަންވާނެ. މިއީ ހަފަރާތް ފެންނަ ޞައްޙަ އިންތިޚާބަކަށް ވާނީ އިންޑިޔާމީހުންގެ ބާރު ކޮމްޕިއިޓަރ ތެރެއިބްނާ ދާއިރާ ތަކަށް ވަދެގެން. އިންޑިޔާ ވާހަކަ ލިއުމަކީ ބައެއްނޫސްތަކުގައި ނުވެސް ކުރާކަމެއް.
ކަހޯނާޕިޔާރުހޭ
13 December 2022
އިންތިޚާބަށް ބޭނުންވާ ހުރިހާ ސިކިއުރިޓީއެއް ފެނަކައިން ފޯރުކޮށްދީފާނެއެވެ. ޝަރުތަކީ ފެނަކައާއި ވޯޓު ފޮށި ބެލެހެއްޓުމުގެ ހުރިހާކަމެއް ހަވާލު ކުރަންޖެހޭނެއެވެ.
އަނެއްފަރާތް
14 December 2022
މިފަހަރު މަހުންނާނަށް ވޯޓް ފޮށްޓެއްގެ ކައިރީ. އެކަމކު މަގޭ ރަށުގައި މިވީހާތާކު ފޮއްޓަށް ނުފޫޒު ވަނުމުގެ ފުރުޞަތެއް ލިބިފައެއްނެތް. އެއަށްވުރެ ރައްޔިތުންގެ ޙޭވަރިކަން މާބޮޑު. އެކަމަކު މިފަހަރަކީ ތަފާތު ފަހަރެއް. މުޅި ޤައުމުގައި އޮތީ އިމްޑިޔާގެ ބާރު. ގޮނޑި ކޮށްކޮއެއްވެސް ނޫން. މާނުރައްކާ. އަތްނުވަންނަ އެންމެ ލޯވަޅެއްވެސް ނެތް.