އޭޑީކޭ ހޮސްޕިޓަލްގެ ހިދުމަތުގެ އަގުތައް ބޮޑުކުރީ 15-20 ޕަސެންޓަށް

އޭޑީކޭ ހޮސްޕިޓަލް ކައިރީގައި ދެ މީހަކު މަޑުކޮށްލައިގެން: ހިދުމަތުން ނަގާ އަގުބޮޑުކުރަން ވަނީ ނިންމާފައި.-- ފޮޓޯ: ފަޔާޒު މޫސާ/ މިހާރު

އާސިމާ ނިޒާރު، މިހާރު

14 ޑިސެމްބަރ 2022 - 11:03

43 comments

އިންފްލޭޝަން ރޭޓް މަތިވެ، މުދަލާއި ހިދުމަތުގެ އަގުތައް ބޮޑުވެފައިވާތީ، ހިދުމަތްތަކުގެ އަގުތައް ބޮޑުކުރީ 15-20 ޕަސެންޓަށް ކަމަށް އޭޑީކޭ ހޮސްޕިޓަލުން މިއަދު ބުނެފި އެވެ.

އެ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް "މިހާރު" އަށް ވިދާޅުވީ ފަރުވާގެ އަގުތައް ބޮޑުކުރަން ނިންމާފައިވަނީ އެކި ފިޔަވަހިތަކަށް ބަހާލައިގެން ކަމަށެވެ.

"ކުއްލި ގޮތަކަށް އާންމުންނަށް ދަތި ނުވާ ގޮތަށް ފިޔަވަހިތަކަކަށް ބަހާލައިގެން ބޮޑުކުރީ. އަޅުގަނޑުމެން ވެސް ވަރަށް މަސައްކަތް ކޮށްފިން ހިދުމަތުގެ އަގު ބޮޑުނުކޮށް ވޭތޯ. އެކަމަކު ކޮންސިއުމަބްލް ފަދަ ތަކެތީގެ އަގު ދަނީ ބޮޑުވަމުން،" އޭނާ ވިދާޅުވި އެވެ.

"ދެހާސް އަށާރަ، ނަވާރަ ހިސާބުގައި ކޮންޓެއިރަކަށް 2،000 ޑޮލަރު ޖެހޭއިރު މިހާރު 6،000 ޑޮލަރު ހިސާބުގައި އަގު އުޅެނީ."

ކޮވިޑްގެ ސަބަބުން ދުނިޔޭގެ އިގްތިސާދަށް ކުރިމަތިވި ހީނަރުކަމާ ގުޅިގެން އިންފްލޭޝަން ރޭޓް މަތިވެ، މުދަލާއި ހިދުމަތުގެ އަގުތައް ބޮޑުވެފައިވާތީ ކަމަށް ބުނެ، އޭޑީކޭ ހޮސްޕިޓަލްގެ އަގުތައް މާދަމާއިން ފެށިގެން ވަނީ ބޮޑުކުރަން ނިންމައިފަ އެވެ.

އާންމު ބަލިތަކުގެ ޑޮކްޓަރަށް ދެއްކުމަށް މިހާތަނަށް ނަގަމުން އައީ 150ރ. ކަމަށް ވިޔަސް މިހާރު އެ އަދަދު ވަނީ 200ރ. އަށް ބޮޑުކޮށްފަ އެވެ. އެކަމަކު، އާސަންދަ ކަވަރޭޖަށް ބަދަލެއް ނާންނާތީ އަތުން ހަރަދުވާ ވަރު ބޮޑުވާނެ އެވެ.

ADK Hospital ge aguthah bodukuran nimmaifi

The most trusted news source in the Maldives

Mihaaru

އަގުތަކަށް ގެނައި ބައެއް ބަދަލުތައް

- ޖެނެރަލް ޑޮކްޓަރަކަށް ދެއްކުމަށް: 150ރ. އިން 200ރ. އަށް.

- ސްޕެޝަލިސްޓް ޑޮކްޓަރަށް ދެއްކުމަށް: 300ރ. އިން 500ރ. އަށް

- ސުޕަ-ސްޕެޝަލިސްޓަށް ދެއްކުމަށް: 500ރ. އިން 700ރ. އަށް

- ޑެންޓަލް: 300ރ. އިން 350ރ. އަށް

ނަމަވެސް، ދައުލަތުގެ ބިމެއްގައި ހިންގަމުން އަންނަ އޭޑީކޭ ހޮސްޕިޓަލްގެ އަގުތައް ބޮޑުކުރުމުން ގިނަ ބައެއްގެ ފާޑުކިޔުން އަމާޒުވެފައިވެ އެވެ. އެ ބިމުގެ ކުލި ކުޑަ ކަމަށް ބައެއް މީހުން ބުނަމުން ދިޔަ ނަމަވެސް ކުލި ހާމައެއް ނުކުރެ އެވެ.

އެ ހޮސްޕިޓަލް ހިންގަން ސަރުކާރާއި އޭޑީކޭއާ ދެމެދު ވެފައިވާ އެއްބަސްވުމުގެ ތަފްސީލު ހޯދަން، މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު" އިން މިދިޔަ އޮގަސްޓް މަހު ހެލްތު މިނިސްޓްރީއަށް ހުށަހެޅުމުން ވެސް ކުއްޔާ ގުޅޭ އެއްވެސް ތަފްސީލެއް ނުދެ އެވެ.

މިނިސްޓްރީން ބުނީ 1995 ވަނަ އަހަރު އޭޑީކޭ ހިންގަން، ކުރީގެ ސެންޓްރަލް ހޮސްޕިޓަލް ހުރި ބިން ކުއްޔަށް ދިނީ ކޮން އުސޫލަކުންކަން މިނިސްޓްރީގެ ލިޔެކިޔުންތަކުން ފެންނާކަށް ނެތް ކަމަށެވެ. ނަމަވެސް، ފަހުން އެ ކުންފުންޏަށް ދީފައިވަނީ ރައީސް އޮފީހުގެ ދަށުން އޭރު ހިންގަމުން ދިޔަ ނޭޝަނަލް ޕްލޭނިން ކައުންސިލަށް އޭޑީކޭއިން ހުށަހެޅި ޕްރޮޕޯޒަލް އެ ކައުންސިލުން ފާސްކޮށްގެން ކަމަށް ހެލްތުން ބުންޏެވެ.

ސިއްހަތު އޭޑީކޭ ހޮސްޕިޓަލް އާސަންދަ ހެލްތު މިނިސްޓްރީ

43 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަރވިސް

15 December 2022

ތި އޭޑީކޭ އަގާ ބަލާފަ ޚިދުމަތް ހަަަމަ ސުމެއް... ތިތަނުން ތަނެއްގެ ފާހާނާއަށް ވަދެލީމާ ކިރިޔާ ހޮޑުނުލެވުނީ... ކައުންޓަރަކަށް ފައިސާ ދައްކަން ގޮސްގެން ފައިސާ މާރެއް ނުވޭ.. އެކަމް ބިލިއަން ޑޮލަރުގެ ކުންފުންޏެއް... ކައުންޓަރުތަކުގަ ތިބޭ ކުދިން އެހާ ރޫޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޭޑީކޭ ބޮޑުމީހާ

15 December 2022

ހޮސްޕިޓަލް ތަކުގެ އަގު ބޮޑު ކުރަނީ... އާސަންދައިން ކަވަރ މިކުރަނީ މކކސސ... ދެން ފުލުހުންނަށާ ސިފައިން ނޫނީ ދަޢޫލަތަށް ހިދުމަތްކޮށްދޭ ބަޔަކު ނޫޅޭ... އެހެން ސަރުކާރުގެ މުޢައްސަސާތަކަށް އިންޝުއަރެންސް ހަމައެއް ނުޖެހޭ.. މިހާރު މީނީ ވިހަންވެފަ... ތިތަނަށް މިދައްކަނީ... ދެންވީ އަގުބޮޑު ވީމާ ހޮސްޕިޓަލް ބަދަލުކުރަން.. ކިހާ ދެރަކަމެއްމީ... މާލޭ، ސިޔާސީ ސަރުކާރު މަތީފެންވަރުގެ މީހުންނަށް އެކަނި ހިންގަން އުޅޭ ހޮސްޕިޓަލަކާ ވައްތަރު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަށަނގުލި

15 December 2022

ބިމު ކުލި ބޮޑެއް ނުވޭ ދެންކީއްވެ އަގުތައް ބޮޑުވަންވީ އޭޑީކޭއިން ކޮޓަރި ދޫކޮށްގެން އެކަނިވެސް ދުވާލަކު އެތައްހާސް ރުފިޔާއެއް ނަގާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްތިރި މަހާރަދުން

15 December 2022

އޭޑީކޭއިން ފައިދާނުވެ އެޑީކޭ ކޮމްޕެނީގެ ނަމުގައި ރިޒޯރޓާއި ބޮޑެތި ވިޔަފާރި މިހިންގަނީ! އަނދިރި މީހުން އުޅޭ ޤައުމަކީތަ މިއީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖީޖީ

14 December 2022

އޭޑީކޭ ވެރިޔާ އެބަޖެހޭ ތިޔަ ލިބޭ ލާރިގަނޑު ހިފައިގެން އަދި ރެފިއުޖީ ކޭމްޕަކަށް ގޮސްލާ ޕާންކޮޅެއް ބަހާލަމުން ފޮޓޯކޮޅެއް ނަގައިލާން، ނިކަމެތިން އުޅޭ ހާލު ފެނިފައި ދެރަފުޅުވެގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

14 December 2022

15-20 ޕަސެންޓައް ބޮޑުކުރީމަތޯ ކުރީގަ ސްޕެސަލިސްޓް އަކައް ދެއްކޭ 300، ބޮޑުކުރީމަ 500 ޖެހެނީ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮމިނާ

14 December 2022

ސަރުކާރުން ވެސް ރައްޔިތުން ފެލަނީ, އާއްމު ހިދުމަތްތައް ދޭ ޕްރައިވެޓް ތަންތަނުން ވެސް ރައްޔިތުން ފެލަނީ... އަދި މިއީ ފެށުން ކުރިއަށް އޮތް ތަނުގައި އަދި ކިހާ ވަރެއް ވާނެ ކަމެއް ނޭނގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިކަލް އިންޖެކްޝަން

14 December 2022

ފުޑް ކަހަލަ ކާއެއްޗިހީގެ އަގުތައްވެސް ބޮޑު. ލަދު ކޮބާ އޭޑީކޭ؟ ތިޔަ ނޫނަސް ހޮސްޕިޓަލު ހިންގަޔޭ މީހުން! 10-15 ޕަސަންޓު... ހަމަ ކެތް ނުވެގެނޭ؟!!! މި ހީވަނީ މިނޫނީ ބަޔަކު އެއްޗެއް އިމްޕޯޓު ނުކުރަނީހެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދ

14 December 2022

ގެއްލުމުގަޔޯ ހިންނަނީ.. އެކަމު މިލިއަން ޑޮލަރުގެ ރިސޯޓުތައް ހަދަނީ އެހެން ކިޔަކިޔާފަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަލޭކަ ދައިތަ

14 December 2022

ސަރުކާރަށް ބިމުގެ ކުލި ފުލްކޮށް ދައްކައިގެން ތިއްބަސް ވަކި ތިއަށްވުރެން ބޮޑުކޮށް އަގުނަގައިގެން ޚިދުމަތްހޯދަންދާނެ ބަޔަކު ނުވާނެތީ ބޮޑެއްނުކުރެވޭނެ. އެކަމް ތަންހިންގާނެކަމީ ޔަގީން ކަމެއް. ސަރުކާރުން ބިމުގެ އަގުނަގާފަ އޭޑީކޭ ސައިޒު ކުރަންވީ.