އަންނަ އަހަރު ބޮޑު އީދުގެ ބަންދުގައި ފެމިލީ ކޯޓުން ކައިވެނިކޮށް ނުދޭނެ

ފެމިލީ ކޯޓުގެ ކައިވެނީގެ މަޖިލީހަކަށް ބަޔަކު ވަންނަނީ: އަންނަ އަހަރުގެ ބޮޑު އީދުގައި އެ ކޯޓުން ކައިވެނިކޮށް ނުދޭނެ --- ފޮޓޯ/މިހާރު

މުއިއްޒު އިބްރާހިމް، މިހާރު

16 ޑިސެމްބަރ 2022 - 21:16

13 comments

އަންނަ އަހަރުގެ ބޮޑު އީދާ ގުޅިގެން އަންނަ ބަންދު ދުވަސްތަކުގައި ފެމިލީ ކޯޓުން ކައިވެނިކޮށް ނުދޭން ނިންމައިފި އެވެ.

މިއަހަރާއި މިދިޔަ އަހަރު ވެސް ފެމިލީ ކޯޓުން ހުރިހާ ދުވަހެއްގައި ކައިވެނިކޮށް ދެމުން އަޔަސް، އަންނަ އަހަރުގެ ވަކި ދުވަސްތަކެއްގައި ކައިވެނިކޮށް ނުދޭން އެ ކޯޓުން ވަނީ ނިންމައިފަ އެވެ.

ފެމިލީ ކޯޓުން އިއްޔެ ނެރުނު އިއުލާނެއްގައިވާ ގޮތުން އަންނަ އަހަރުގެ ޖޫން މަހުގެ 24 ވަނަ ދުވަހުން އިން ފެށިގެން 26 ވަނަ ދުވަހުގެ ނިޔަލަށް އަދި 28 ވަނަ ދުވަހުން އިން ފެށިގެން ޖުލައި މަހުގެ ފުރަތަމަ ދުވަހުގެ ނިޔަލަށް ކައިވެނިކޮށް ނުދޭނެ އެވެ.

ފެމިލީ ކޯޓުން ބުނިގޮތުގައި ދުވަސްތަކުގައި ކައިވެނިކޮށް ނުދެނީ އަޟްހާ އީދުގެ މުނާސަބަތުގައި އަންނަ ބަންދު ދުވަސްތަކާ ގުޅިގެންނެވެ. އެ ދުވަސްތަކުގައި ސަރުކާރު ބަންދު ނުވާނީ ޖޫން މަހުގެ 27 ވަނަ ދުވަސް އެކަންޏެވެ. އެދުވަހު ފެމިލީ ކޯޓުން ވެސް ކައިވެނިކޮށް ދޭނެ އެވެ.

ކައިވެނިކޮށް ދޭ ގަޑިތަކަށް މާ ބޮޑު ބަދަލެއް ނުގެނެ އެވެ. އެގޮތުން ކޯޓުގައި ކައިވެނި ކުރުން ހެނދުނު 9 އިން ފެށިގެން މެންދުރު 11:30 އާ ހަމައަށް އަދި މެންދުރު 1 އިން ފެށިގެން 1:30 އަށް ކުރިއަށް ގެންދާނެ އެވެ.

ނުރަސްމީ ގަޑީގައި އަދި ކޯޓުން ބޭރުގައި ކައިވެނި ކުރާނަމަ ހަވީރު 4 އިން ފެށިގެން ރޭގަނޑު 9:30 އާ ހަމައަށް ކައިވެނިކޮށް ދޭނެ އެވެ.

ފެމިލީ ކޯޓުން ވަކި ދުވަސްތަކެއްގައި ކައިވެނިކޮށް ނުދޭން ނިންމިޔަސް، ރަށްރަށުގެ ކޯޓުތަކުން އެކަން ކަނޑައަޅާނީ އެ ކޯޓަކުން އަމިއްލައަށެވެ.

އީދު އަޟްހާ އީދު ކޯޓް ފެމިލީ ކޯޓު ކައިވެނި

13 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އީދުއެކަނިތަ

18 December 2022

އަދިވެސް މަދުކުރަންވީ ކައިވެނިކޮށްދޭ ދުވަސްތައް. ކައިވެނި ކުރަން ގިނަ ދުވަސްނަގާ ވަރަކަށް ކަންކަން ބޮޑަށް ސާފުވެ މީހުންގެ އަސްލު ގޮތް ހާމަވެ ކައިވެނިކުރުން މަދުވެސް ވެދާނެ. ވަރި އެންމެ ގިނަ އެއް ގައުމުގެ ގޮތުގައި އޮތުން މާ ރީއްޗެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުކުޅުން

18 December 2022

ހާދަދެރައޭ އަހަރެން ޖެހި ރަމަލުން ކައިވެރިކުރަން އެންމެ ރަގަޅުދުވަހަކީ އަންނަ އަހަރުގެ އީދު ދުވަސް އެހެންވީމާ ތިވެރިން ކައިވެނި ނުކޮށްދިނަސް އަންނަ އީދުގަ އަހަރެން ކައިވެނިކުރާނަން