މިނިސްޓަރާ ދެކޮޅަށް ކުރި އިސްތިއުނާފް ހައިކޯޓުން ބަލައެއް ނުގަތް

އެޑިއުކޭޝަން މިނިސްޓަރު: އެމްއީއެސް މައްސަލާގައި އޭނާއާ ދެކޮޅަށް ކުރި އިސްތިއުނާފް ބަލައިނުގަތުމަށް ހައި ކޯޓުން ވަނީ ނިންމާފައި -- ފޮޓޯ/މިހާރު

މުއިއްޒު އިބްރާހިމް، މިހާރު

29 ޑިސެމްބަރ 2022 - 13:25

3 comments

އެމްއީއެސް ހިންގި އިމާރާތުގެ މައްސަލާގައި ބަދަލު ދިނުން ލަސްވި ކަމަށް ބުނެ މަންދު ކޮލެޖް ހިންގާ މާލެ ހައި ކުންފުނިން އެޑިއުކޭޝަން މިނިސްޓަރު ޑރ. އައިޝަތު އަލީއާ ދެކޮޅަށް އިސްތިއުނާފްކުރި މައްސަލަ ބަލައިނުގަތުމަށް ހައި ކޯޓުން ނިންމައިފި އެވެ.

އިއްޒުއްދީން ސްކޫލްގައި މިހާރު ހިންގާ އެ އިމާރާތް މާލެ ހައި ކުންފުންޏަށް ސަރުކާރުން ދީފައި ވަނިކޮށް 2013 ވަނަ އަހަރު ސަރުކާރުން އެތަން އަތުލީ ގާނޫނާ ހިލާފަށް ކަމަށް ވާތީ އެ މައްސަލާގައި 15 މިލިއަން ރުފިޔާގެ ބަދަލެއް ދައްކަން ސިވިލް ކޯޓުން ހުކުމްކުރި އެވެ.

މާލެ ހައި ކުންފުނިން މިނިސްޓަރު އައިޝަތުގެ މައްޗަށް ދައުވާކުރީ ކޯޓުން ފައިސާ ދައްކަން ދިން އެއް މަސް ތެރޭގައި ފައިސާ ނުދެއްކި ކަމަށް ބުނެ އޭނާގެ އިހުމާލު އޮތްކަމަށް ކަނޑައެޅުމަށެވެ. އެކަމަކު ކޯޓުން ނިންމީ އިހުމާލެއް ނެތް ކަމަށެވެ. މިއީ މިނިސްޓަރަކާ ދެކޮޅަށް މިފަދަ ދައުވާއެއް ކުރި ފުރަތަމަ ފަހަރެވެ.

އެ ނިންމުން އިސްތިއުނާފް ކުރަން މާލެ ހައި ކުންފުނިން ހައި ކޯޓަށް ހުށަހެޅުމުން އެ ކޯޓުގެ ރަޖިސްޓްރާ އިއްޔެ ނިންމެވި ނިންމުމުގައިވަނީ ދަށު ކޯޓުގެ ނިންމުމުގައި އޮތް ގޯހެއް ނުވަތަ ކުށެއް ބުނެ ދެވިފައިނުވާ ކަމަށެވެ. އެހެންވެ، އެ މައްސަލަ ބަލައިގަނެވެން ނެތް ކަމަށް ނިންމީ ކަމަށް އެ ނިންމުމުގައިވެ އެވެ.

މިނިސްޓަރު އައިޝަތުގެ މައްޗަށް ފަރުދީ ގޮތުން ދައުވާ ނުކުރެވޭނެ ކަމަށް ވިދާޅުވެ، އޭނާގެ ފަރާތުން ސިވިލް ކޯޓުގައި އިޖްރާއީ ނުކުތާއެއް ވެސް ނެގި އެވެ. އެކަމަކު ސިވިލް ކޯޓުން ނިންމާފައިވަނީ އިހުމާލެއް ނެތް ކަމަށް ނިންމާފައިވާތީ އެ ނުކުތާގައި ގޮތެއް ނިންމަން ނުޖެހޭނެ ކަމަށެވެ.

ތައުލީމް ހައި ކޯޓް މަންދު ކޮލެޖް ޑރ. އާއިޝަތު އަލީ، އެޑިއުކޭޝަން މިނިސްޓަރު

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާރުދާ މިއާޒް

30 December 2022

ނުބަލާނެ.ސަރުކާރު މީހެއްނުން.މީނަވެސް މީ މިސަރުކާރުގެ ނާގާބިލުކަމަށް ފަސްއަލަމުން މިވަރުގެ ވެރިކަމެއް ނެތް ކަމަށް އުޅޭ ކުދިންގެ ތައުލީމް ޚަރާބުކޮށްލާ އެކަކު.ހުރިހާ ފޮރުވަމުންދަނީ..