ނަޝީދާއި ޔާމީން ސަލާމް ކުރައްވަނީ: ޔާމީން ޖަލުގައި އޮންނެވުމަކީ އުފާކުރަންޖެހޭ ކަމެއް ނޫން ކަމަށް ވިދާޅުވި --- ފޮޓޯ/ރައީސް އޮފީސް
01 ޖެނުއަރީ 2023 - 22:54
42 comments
ކުރީގެ ރައީސް އަބްދުﷲ ޔާމީން ޖަލަށްލުމަކީ އުފާކުރަން ޖެހޭ ކަމެއް ނޫން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.
ވ. އާރަށް މައްސަލާގައި މަނީ ލޯންޑްރިން އާއި ރިޝްވަތުގެ ކުށް ސާބިތުވެ، ޔާމީންގެ މައްޗަށް 11 އަހަރުގެ ޖަލު ހުކުމަކާއި ފަސް މިލިއަން ޑޮލަރުގެ ޖޫރިމަނާގެ ހުކުމެއް އިއްވާފައިވާތީ ޔާމީނަށް އަންނަ ރިޔާސީ އިންތިޚާބުގައި ވާދަކުރުމުގެ ޝަރުތު ވަނީ އުނިވެފަ އެވެ.
އެމްޑީޕީގެ ރިޔާސީ ޕްރައިމަރީއާ ގުޅިގެން މިރޭ ބޭއްވި ނޫސްވެރިންގެ ބައްދަލުވުމެއްގައި ނަޝީދު ވިދާޅުވީ ޔާމީން 11 އަހަރުގެ ޖަލު ހުކުމެއްގައި ޔާމީން ހުންނެވުމުން އިދިކޮޅު ޕީޕީއެމުން ކޯލިޝަނުން ކެންޑިޑޭޓަކު ނެރޭނެ ކަމަށެވެ. އަދި ލީޑަރަކު ޖަލުގައި އޮތުމަކީ އުފާ ކުރަންޖެހޭ ކަމެއް ނޫން ކަމަށް ވިދާޅުވި އެވެ.
"ކޮންމެ ބަޔަކު ވެސް އެ ބައެއްގެ ލީޑަރަށް ދެރަ ގޮތެއް ވީމަ ނުރުހޭނެ. އިހްސާސްތައް ހުންނާނެ. އުދާސްތައް ހުންނާނެ. އެއީ އަޅުގަނޑުމެން އެންމެން ވެސް ބަލައިގަންނަންޖެހޭ ކަމެއް. އަދި އެއީކީ އަޅުގަނޑުމެން އުފާކުރަންޖެހޭ ބާވަތުގެ ކަމެއް ނޫން،" ނަޝީދު ވިދާޅުވި އެވެ.
ނަޝީދު ވިދާޅުވީ މީހުން ޖަލަށްލުމަކީ މާ މޮޅު ކަމެއް ކަމަށް އެމަނިކުފާނު އެއްވެސް އިރަކު ގަބޫލުފުޅު ނުކުރައްވާ ކަމަށެވެ. އެކަމަކު ޔާމީނަށް އިއްވީ ސިޔާސީ ހުކުމެއް ކަމަށް ވިދާޅުވާން ބޭނުންފުޅުނުވާ ކަމަށް އެމަނިކުފާނު ވިދާޅުވި އެވެ.
"އަޅުގަނޑަކީ އެއްވެސް މީހަކު ޖަލަށްލައިގެން އެއީ މާ މޮޅު ކަމަކަށް ހަދައިގެން އެއްވެސް އިރަކު އުޅުނު މީހެއް ނޫން،" ނަޝީދު ވިދާޅުވި އެވެ.
"ހެއްކާއި ގަރީނާގެ މައްޗަށް ހުކުމް އިއްވަނީ. އުފުލިފައިވަނީ ގާނޫނުގައިވާ މާއްދާތަކުގެ ތެރެއިން މާއްދާއެއްގެ ދައުވާއެއް. އެހެންވީމަ އަޅުގަނޑަށް ތިކަމާ އެހެން ދަންނަވަން ނުކެރޭނެ." ޖުޑީޝަލް ސާވިސް ކޮމިޝަން (ޖޭއެސްސީ) މެމްބަރުކަން ވެސް ކުރައްވާ ނަޝީދު ވިދާޅުވި އެވެ.
ޔާމީން ޖަލަށްލާން ހުކުމް ކުރުމުން އިދިކޮޅު ޕީޕީއެމް ކޯލިޝަނުން ދަނީ އެ ހުކުމާ ދެކޮޅަށް އިހްތިޖާޖް ކުރަމުންނެވެ. އަދި ޔާމީނަށް ވާދަ ނުކުރެވޭ ގޮތަށް ރިޔާސީ އިންތިޚާބު ނުބޭއްވޭނެ ކަމަށް އިދިކޮޅު ކޯލިޝަނުން ގެންދަނީ ބުނަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީހަމީދު
02 January 2023
ހޫނ، ދެން ކޮންމެސް ވާހަކައެއް ދައްކައިގެން ޕީޕީ ކުދިންގެ ތާއީދު ލިބޭތޯބަލާ.
ގަބުޅި ހަސަނު
02 January 2023
ޔާމީނަށާ އެމަނިކުފާނުގެ އާއިލާއަށާ ސަޕޯޓަރުންނަށް ހާދަ އޯގާތެރި ދޮންފުޅެކޭދޯ . އެކޮއި ކޮންއެއްޗެއްތަ ބޭނުމީ. މެޓައެއްތަ. ލޮލީއެއްތަ. ނޫނީ ޓާކީ ކޮޅެއްތަ. ނޫނީ ޗުމުޗުމް ގީރެއްތަ............... އޭތް ހަރާމް ކުރޭ ވޯޓެއް ނުދޭނަށް.
ރޯޒަސް
02 January 2023
ރައީސް ނަޝީދު އަބަދުވެސް ވިދާޅުވާނީ ދިމާ އިނދިކޮޅަށް.
ފަލަސްތީން
02 January 2023
ފަޅުރައްތަ އެމްޑީޕީ މީހުންނަ ބަހާލާއިރު ސަރުކާރައް އެކެއްޗެއްވެސް ނުލިބެ.
ޢެމެރިކާ
02 January 2023
ސާބިތު ނުވަނީސް ދުސްމަނުންގެ ހެކިބަހައް ޖަލައްލީ. ރޔާމިން ދޫކޮއްލާ.
ޝޮކްތެރަޕީ
02 January 2023
ކޯޓުތަ ސިޔާސީ ބޭނުމައް ބޭނުން ކޮއްގެން ސިޔާސީ މަގުސަދު ހާސިލްކުރުމަކީ ދެރަކަމެއް. ޔޫސުފް ނައީމް ބުނަނީ ތިމަންނަ ރައިސް ޔާމިނަ ރިސްވަތު ނުދެމޭ މިކަމާ ރައިސް ޔާމިނާ ގުޅުމެއް ނެތެ.
ސޭޑް ކާޑު ކުޅެނީ
02 January 2023
ދެރަވާ ކާޑު ކުޅެން ނޫނޅޭ. ތިއީ ޔާމީނަށް ހިތް އެދޭ މީހެއްނޫން
ބަޑިތަކުރު
02 January 2023
އުފާކުރަންޖެހެނީ ބޮޑުން ބޮޑުކޮށް ކުރާކަންކަމަށް އިންސާފު ނުލިބި ކުދިވެރިން ކުރާކުދިކުދިކުށަށް އަދަބު ދެވޭތަން ފެންނަމުންދާއިރު ދައުލަތުގެ އެންމެ މަތީ މަގާމުގައިހުރެ ހިންގި ޚިޔާނާތާއި ފަސާދައިގެ ތެރެއިން އެންމެ ކަމަކަށް ނަމަވެސް ދަށުކޯޓާ ހަމައިން އެކަނިވިޔަސް އިންސާފު ލިބުނީތީއެވެ.
ޙައްބޭ
02 January 2023
ޔާމީން އެކައުމްޓަށް މިލިޔަން ޑޮލަރު ވަނުމަކީ އޭނަ ދައުލަތުގެ ފައިސާގައި ޖެހުނު ކަމުގެ ހެއްކެއް ނޫން. އޮޅިގެން ނޫޅޭ. ޔާމީނުގެ ވައްކަމެއްވެސް ރިޝަވަތެއްވެސް ސާބިތެއްނުވޭ.
ލުގުމާން
02 January 2023
ތިޔަ ބާއްބަން އުޅޭ އިންތިޚާބު ބަލައިވެސް ނުގަނެވޭނެ. ގައުމުގެ އެއްމެބޮޑު ޕާޓީގެ ލީޑަރު ޖަލަށް ލައިގެން އިންތިހާބު ބޭއްވޭތަ؟
ދިލް
03 January 2023
ޔާމީން ޖަުލުގައި އޮތުމަކީ އިންތިހާބު ނުބޭއްވޭނެ ކަމެއް ނޫން.
އިސްތިރި
02 January 2023
މާ ހިތްތިރިވީ ދޯ؟ އެކަމަކު ވަޙީދުގެ ވެރިކަމުގައި 3 އަހަރުގެ ހުކުމެއް އަންނަން އޮތްވާ، މައްސަލަ ނެގުމަށް ފަހު، އަލުން ހުށަހަޅައިގެ 19 ދުވަހުން މަނިކުފާނަށް 13 އަހަރުގެ ޖަލު ހުކުމްކުރީ ސީދާ ޔާމީނުގެ އޯޑަރަށް ކަމަށް ގިނަބަޔަކު ގަބޫލުކުރޭ!