04 ޖެނުއަރީ 2023 - 13:45
8 comments
އަހަރު ނިމުނު އިރު ބަޖެޓުން 40 ބިލިއަން ރުފިޔާ ހޭދަކޮށްފި އެވެ.
ފިނޭންސް މިނިސްޓްރީގެ ތަފާސްހިސާބުތަކުން އެނގޭ ގޮތުގައި، މިދިޔަ އަހަރު ވެސް އެންމެ ބޮޑު ހޭދައެއް ކުރީ މުވައްޒަފުންގެ މުސާރަ އާއި ހިންގުމުގެ ހަރަދުގެ ގޮތުގަ އެވެ. މިދިޔަ އަހަރު މުވައްޒަފުންގެ މުސާރަ އާއި އޮފީސްތައް ހިންގުމަށް ބަޖެޓުން 28 ބިލިއަން ރުފިޔާ ހޭދަކުރި އެވެ. އެއީ ބަޖެޓުގެ ގާތްގަނޑަކަށް 70 ޕަސެންޓެވެ.
ބަޖެޓުގެ ހޭދައިގެން ތެރެއިން އާސަންދަ އާއި އެހީގެ ގޮތުގައި ދައުލަތުން ވަނީ 8.4 ބިލިއަން ރުފިޔާ ހޭދަކޮށްފަ އެވެ. އަދި ސަރުކާރުން ދޭ ބަދަލުގެ ގޮތުގައި 45 މިލިއަން ރުފިޔާ ހޭދަކުރި އެވެ. ލޯނު އަނބުރާ ދެއްކުމަށް ދައުލަތުން ވަނީ 2.6 ބިލިއަން ރުފިޔާ ހޭދަކޮށްފަ އެވެ.
މިދިޔަ އަހަރު ކެޕިޓަލް ހަރަދުތަކަށް ހޭދަކުރީ 12 ބިލިއަން ރުފިޔާ އެވެ. އޭގެ ތެރެއިން ތަރައްގީގެ ޕްރޮޖެކްޓްތަކަށް ހޭދަކުރީ ދެ ބިލިއަން ރުފިޔާ އެވެ. އޭގެ އިތުރުން ޕީއެސްއައިޕީ މަޝްރޫއުތަކަށް 8.8 ބިލިއަން ރުފިޔާ ހޭދަކޮށްފައިވެ އެވެ.
އަހަރު ނިމުނު އިރު ދައުލަތުގެ ބަޖެޓު ޑެފިސިޓް 12 ބިލިއަން ރުފިޔާ އެވެ. މިދިޔަ އަހަރު ނިމުނު އިރު ދައުލަތަށް ވަނީ 27.5 ބިލިއަން ރުފިޔާ ލިބިފަ އެވެ. މިއީ މިދިޔަ އަހަރު ލަފާކުރި ބަޖެޓުގައި ލިބޭނެ ކަމަށް ކަނޑައެޅި އާމްދަނީ އަށް ވުރެ ތިން ބިލިއަން އިތުރު އަދަދެވެ. އާމްދަނީ އެހާ ބޮޑަށް ރަނގަޅުވީ، ޓޫރިޒަމް ދާއިރާއިން ލިބުނު ޓެކްސް އިތުރުވުމުންނެވެ.
މި އަހަރަށް ދައުލަތުން ކަނޑައަޅާފައިވާ ބަޖެޓަކީ 42 ބިލިއަން ރުފިޔާ އެވެ. މިދިޔަ އަހަރު އާމްދަނީގެ ގޮތުގައި 32 ބިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ. އަދި 40 ބިލިއަން ރުފިޔާ ވަނީ ހަރަދު ކުރަން ވަނީ ކަނޑައަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޮކަބީ މަތިން އުދުހުނު ބައްތެލި
05 January 2023
ތިޔަ ހުރިހާ ފައިސާ ބޭކާރު ނުކޮށް ރައްޔަތުންގެ މެދުގައި ހަމަހަމަށް ބެހުން އެއީ ދިމޫގުރާތީ ރިވެތި އުސޫލެއް
ބޮޑުމީހާ
05 January 2023
ވަކި ބަޔަކު އާސަންދަ، ސިޔާސީ މަގާމުތަކުގެ ނަމުގަ ދައުލަތް ލޫޓްވަނީ. އާސަންދަ އޮވެމެ، ސިޔާސީ މީހުންނަށް ބޭރުގައުމުތަކުން އިންޝުއަރެންސް އޮންނަންވީ ކީއްވެ! ހިތުހުރިހާ ވަރަކަށް ހިތުހުރި މުސާރައެއް ދީފަ ސިޔާސީ މަގާމުތައް އުފެއްދޭ. ރައްޔިތުން ހޭ އަރާ މި އިސްރާފްތައް ހުއްޓާލުމަށް އަޑުއުފުލަންޖެހޭ
ކޮރަލް
04 January 2023
އަހަރު ނިމުނު އިރު ދައުލަތުގެ ބަޖެޓު ޑެފިސިޓް 12 ބިލިއަން ރުފިޔާ އެވެ. 1.6 މިލިއަންޓޫރިސްޓުން އަންނަ އިރު އޭގެ ފައިދާ އާދައިގެ ރައްޔިތުންނަށް ނުވެ އެވެ. އޮފީސްތައް ހިންގުމަށް ބަޖެޓުން 28 ބިލިއަން ރުފިޔާ ހޭދަކުރާއިރު އޭގެ ތެރެއިން ބޮޑު ބައެއް ދަނީ ސިޔާސީ މީހުންގެ މުސާރަ އަށެވެ. ދެން އަގު ބޮޑު ކޮށްހިފާފަހުރި އަމިއްލަ މީސް މީހުންގެ ކުއްޔަށެވެ. ސުރުހީ ތައް އޮތީ ރީތި ކޮށްލާފަ އެވެ.
އެމްސް
04 January 2023
މިޤައުމުގަ އުޅޭ ބިދޭސީން މައްޗަށް އަހަރަކު މަދުވެގެން 12 ބިލިޔަން މިޤައުމުން ބޭރުވާނެ!
23އަށް ރެޑީ
04 January 2023
2023 ގަ ޔަގީނުންވެސް ނާދެވޭނެކަން އެނގޭތީ ދައުލަތް އެއްކޮށް ކައި ހުސްކުރީ ވަގުންތަށް، ނަރަކައިގެ އަލިފާން ތިކެވެނީ، ރައްޔިތުންނަށް އޮޅުވާލަން ގައުމު ތަކުން ދަރަންޏަށް ނަގާފަ އަނބުރާ ރިޒާވް އަށް ތި އަޅަނީ،ހުރިހާ ތަކްލީފެއް ރައްޔިތުންނަށް،ވަގުން ފިނިކޮޓަރީގައި 2023 ގެ އިންތިހާބު އޮޅާލަން ޖެހޭ ނީ ކާމިޔާބު ކުރަންޏާ،
ބަންގް
04 January 2023
އާސަންދަ އުވާލާފަ ކޮންމެ ދިވެއްސަކަށް ޕްރީއަމް އިންޝުއަރަންސް ޕެކޭޖެއް ދިނީމަ ދައުލަތަށް މާބޮޑަަށްވެސް ހަރަދު ކުޑަކުރެވޭނެ. 200 މިލިއަނެއްހާ ޑޮލަރަށް އޭރުން ހަމަޖައްސާލެވޭނެ. ވާ ގޮތަކީ ވައްކަން ކުރަން ބޭނުންވާތީ އެގޮތަށް އެކަން ކުރަން ބޭނުންނުވަނީ.
ކައްޕިތާނު
04 January 2023
ނެތްއެއްޗަކީ ކިހިނެއް ހަރަދުކުރީ؟
އެމްސް
04 January 2023
ލިޔެކިޔުމުން ހޭދަވި ވަރު، މިސާލަކަށް އެމްޓީސީސީން/އެމްޑަބްލިއުއެސްސީން ކުރުވާ ކަންކަމަށް ފައިސާ ނުދީވެސް ބެހެއްޓޭނެ! އެފްއޭއެމް އިން ސްޓެލްކޯގެ ބިލްވެސް ނުދައްކާ ތިބެ އެތައް މިލިޔަންއަކަށް ޢަދަދު އަރުވާލާތާ!