އަލިފުށީގައި ކެންސަރު ޖެހޭ މީހުން ގިނަ: ދިރާސާއެއް ކުރަން އެދިއްޖެ

ގަސްކާނާ ބޭނުންކޮށް ސްޕްރޭކޮށް ހަދާއިރު އެއްވެސް ކަހަލަ ސަލާމަތީ ފިޔަވަޅެއް އަޅާބައެއްނޫން އަލިފުށީގައި އުޅެނީ. ވަރަށް އެހެންކަހަލަ ވިސްނުންހުންނަ ބައެއް، ކޮންމެ ކަމެއް ނިމޭނީ ފަންޑިތަ ސިހުރުން. ބޭސްވެރިކަން ގަބޫލުކުރާ ބައެއްނޫން.

ދިރާގުންވެސް ރައްރަށުގަ އެބަ ފައިބަރ އަޅާ ، މީގެސަބަބުން މީހުންނަށް ލިބޭގެއްލުމެއްނުބަލާ ،ފައިބަރު ބޭނުންކުރުން ހުއްޓާލަން އެބަޖެހޭ މީހުން އުޅޭރައްރަށުގަ.

މުޅި ރަށުގައި ފައިބަރު މަސައްކަތް. މީހުން ދިރިއުޅޭ ގޭގޭގައިވެސް ފައިބަރު މަސައްކަތް. ދެން ވާނެ ގޮތް ވިސްނާ

މީހުން ދިރިއުޅޭ ރަށްރަށުގައި ފައިބަރު މަސައްކަތްކުރުން ހުއްޓުވަން ޖެހޭ، އަދި ފަޅު ރަށަކަށް މިކަން ބަދަލުކޮށް އެތާ މަސައްކަތްކުރާ މީހުންވެސް ރަނގަޅަށް ޕްރޮޓެކްޓިވް ގިއަރ އަޅުވާފަ ނޫނީ މަސައްކަތްނުކުރޭގޮތަށް ހަދަންޖެހޭ، ދިރާސާ އެއް ނުކުރިޔަކަސް މިއީ އެންމެނަށްވެސް އެނގޭ ކަމެއް، ސ. މީދޫ ގައި ވެސް ކެންސަރު ވަރަށް ފަހަކަށް އައިސް ގިނަ ވެފައިވޭ، އެއީވެސް ފައިބަރުގެ ސަބަބުން ކަމަށް ވަރަށް ޤަބޫލުކުރެވޭ.

މަސައްކަތު މާހައުލުގެ ރައްކާތެރިކަން، މިއީ ރާއްޖޭގައި އެ ކަމަށް އަޅާލަންޖެހޭ މިންވަރަށް އަޅާލެވޭ ކަމެއް ނޫން. ޚާއްޞަކޮށް ބިނާވެށީގެ ސިނާއަތުގައި މި ކަމުގެ ފަރުވާ ކުޑަކަން އިންތިހާ. ކިތައް ފުރާނަ އެއްވެސް ހައްގަކާ ނުލައި ދުނިޔެއިން ވަކިވެކެން ހިނގައްޖެ، މި ބުނި ފަދަ ފަރުވާ ކުޑަ ކަމުގެ ސަބަބުން ހިނގައި ދިޔަ ހިތާމަވެރި ހާދިސާތަކުގައި. ކޮންމެ ފަހަރަކު ވެސް ހާދިސާ ހިނގާ ދުވަހު ހީވޭ، ދެން މި ފަދަ ހާދިސާ އަކަށް އިރު ނުއަރާނެޔޭ. އެކަމަކު ބިލާހަކަށް ވަނީ.

ދިވެހިން ކައިބޮއެ އުޅެނީ ވަރަށް އާރޓިފިޝަލް ގޮތެއްގަ އުފައްދާފަ ހުންނަ ކާނާގެ ބާވައްތައް، ދިރި އުޅެނީ ސާފު ވެއްޓެއްގައެއް ނޫން، މަސައްކަތުގެ މާޙައުލު ރައްކާތެރިއެއް ނޫން، އެއްވެސް ގޮތަކުން އިޖްތިމާޢީ ރައްކާތެެރި ކަމެއް ނެތް! އެހެންވީމަ ދިވެއްސެއްގެ ޢުމުރު ދިގުވާނެ އެއްވެސް ސަބަބެއް އެބައޮތް؟ ކެންސަރާއި، އެތެރެހަށީގެވެސް ބޮޑެތި ބަލިތައް އެހާ ޢާއްމުވީ މި ހުރިހާ ސަބަބަކާއިވެސް ހުރެ! ދިރާސާއެއް ކޮށް އެއަށް ޢަމަލު ނުކުރެވެންޏާ އެކަމުގެ ބޭނުމެއް ނެތް!

ފައިބަރަކީ ބާރުގަދަ ކެމިކަލް އަޅައިގެން ހަދާއެއްޗެއް..

އަހަރެމެން ބުނީމަ ގަބޫލް ނުކުރެވެނީ. ފައިބަރުގެ އަސަރު ނުކުރާ ޅަފުރާނައެއް ނުހުންނާނެ އަލިފުއްޓަކު. އެދެވޭ ގޮތުގައި ފައިބަރުން އުފެދޭ ކުނޑިއާއި ވިހަ ލޮލަށް ނުފެންނަ އެތައް ގެއްލުންދެނިވި އެއްޗިއްސުން ސަލާމަތް ނުވެވޭނަމަ ސީދާ ނޭވާލާ ނިޒާމުގެ ތެރެއިން ހަށިގަނޑުގެ ހުރިހާ ހިސާބަކަށް އޭގެ އަސަރު ކުރާނެ. ސިއްޙީ އެތަށް މައްސަލަތަކަކާއި ކުރިމަތިލާންޖެހޭނެ. ރަށް ވަށައިގެން ހަރުގެ ޖަހައިގެން އަތްޖަހަން ތިއްބަކަސް ކަންކަމެއް ހައްލެއް ނުވާނެ.

ރ އަލިފުއްޓަކީ އާންމުން ދިރިއުޅޭ ރާއްޖޭގެ އެެހެން ރަށްރަށާއި އަޅައި ބަލާއިރު، ސިނާއީ މަސައްކަތެރިކަން ހިނގާ ރަށެއް. ރަށުގައި ބޯޓު ޔާޑެއް ހުރި. ކުރިން ލަކުޑިން ދޯނި ބަނދެ އުޅުނަސް މިހާރު އެ މަސައްކަތް ކުރަނީ ފައިބަރގްލާސް ބޭނުންކޮށްގެން. ނަމަވެސް މި ފަދަ ސިނާއީ މަސައްކަތްތަކީ އެކަށޭ ސަލާމަތާއި ރައްކާތެރިކަމުގެ ވަސީލަތްތައް ނެތި ކުރާ ނަމަ، އެ މަސައްކަތް ކުރާ މީހުންނަށާއި، ރަށު މާހައުލަށް އިންތީހާއީ ނޭދެވޭ ސިއްހީ އަސަރު ކުރުމުގެ ފުރުސަތު އޮންނާނެ.

ރައީސް އޮފީހަކީ ދިރާސީ އިދާރާއެއް ނޫން!