ވެލިދޫގައި މިރޭ ބޭއްވި ރައީސް އިބްރާހިމް މުހައްމަދު ސޯލިހުގެ ރިޔާސީ ޕްރައިމަރީގެ ކެމްޕެއިން ޖަލްސާގައި އެ މަނިކުފާނާއި އެމްޑީޕީގެ ބައެއް އެހެން މެމްބަރުން.
07 ޖެނުއަރީ 2023 - 23:16
40 comments
އެމްޑީޕީގެ ރިޔާސީ ޕްރައިމަރީގައި ވާދަކުރައްވަނީ ވަކި ބޭފުޅަކާ ދެކޮޅަށް ނޫން ކަމަށާއި އަދި ޕްރައިމަރީ އަށް ފަހު އެ ޕާޓީ ކުރިއަށް ދާނީ އަނެއްކާވެސް އެއްބައެއްގެ ގޮތުގައި ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
މި މަހުގެ 28 ގައި ބާއްވާ އެމްޑީޕީގެ ރިޔާސީ ޕްރައިމަރީގެ ކެމްޕެއިނަށް ނ. ވެލިދު އަށް ވަޑައިގެން، އެ ރަށުގައި ވާހަކަފުޅު ދައްކަވަމުން ރައީސް ވިދާޅުވީ، އެމްޑީޕީއަކީ އަބަދުވެސް އެއްބައެއްގެ ގޮތުގައި ހިނގާ ޕާޓީއެއް ކަމަށެވެ. ޕްރައިމަރީ ނިމުނަސް، ޕާޓީ ބައިބައި ނުވާނެ ކަމަށާއި އަނެއްކާވެސް އެ ޕާޓީ ކުރިއަށް ދާނީ އެއްބައެއްގެ ގޮތުގައި ކަމަށް ވިދާޅުވި އެވެ.
"މި އަކީ ވަކި މީހަކާ ދެކޮޅަށް އަޅުގަނޑުމެން ކުރާ ކަމެއް ނޫން. ވަކި ބަޔަކު ބާކީ ކުރަން ކުރާ ކަމެއް ވެސް ނޫން. އަޅުގަނޑުމެން މި ޕްރައިމަރީ ނިމުމާ އެކީގައި އަނެއްކާވެސް ކުރިއަށް ދާނީ ހަމަ އެމްޑީޕީ. އެމްޑީޕީއަކީ އެއް ބައެއް،" ރާއްޖޭގެ އެންމެ ބޮޑު ސިޔާސީ ޕާޓީގެ އިސް ލީޑަރުކަން ވެސް ކުރައްވާ ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ރައީސް ވިދާޅުވިގޮތުގައި، ޕްރައިމަރީއަށް ފަހު އެމްޑީޕީ އެކީގައި ކުރިއަށް ގެންދެވޭނެ ގޮތަށް ކެމްޕެއިން ކުރިއަށް ގެންދިއުމަކީ އެ މަނިކުފާނުގެ އެދިވަޑައިގަތުމެކެވެ.
"އެހެންވީމާ ޕާޓީ ޕްރައިމަރީ ނިމުމާ އެކީގައި އެގޮތަށް މަސައްކަތް ކުރެވޭނެ ވިސްނުމެއްގައި އަޅުގަނޑުމެންގެ ކެމްޕެއިންގެ ހަރަކާތްތައް ކުރިއަށް ގެންދިއުމަކީ އަޅުގަނޑުމެންގެ ސަޕޯޓަރުންގެ ކިބައިން މިރޭ ވެސް އެދޭ އެދުމެއް،" އެ މަނިކުފާނު ވިދާޅުވި އެވެ.
ރައީސް ވިދާޅުވީ، އެމްޑީޕީގެ ރިޔާސީ ޕްރައިމަރީ ހަގީގަތުގައި ބާއްވާކަށް ނުވެސް ޖެހޭ ކަމަށެވެ. އެކަމަކު، ހާލަތު އެ ގޮތަށް އޮތަސް، އެ މަނިކުފާނަށް ޕްރައިމަރީ ބޮޑުތަނުން ކާމިޔާބު ކުރެވޭނެ ކަމަށާއި އޭގެ ފަހުގައި ރިޔާސީ އިންތިހާބު ވެސް އެއް ބުރުން ކާމިޔާބު ކުރައްވާނެ ރައީސް ވިދާޅުވި އެވެ.
"ރިޔާސީ އިންތިހާބު އެއް ބުރުން، އެއް ބުރުން، ބޮޑުތަނުން އަޅުގަނޑުމެން ކާމިޔާބު ކުރާނަން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ވެލިދޫގައި މިރޭ ބޭއްވި އެމްޑީޕީގެ ރިޔާސީ ޕްރައިމަރީގެ ކެމްޕެއިން ޖަލްސާގައި އެ ޕާޓީގެ އިސް ލީޑަރު އަދި ރައީސް އިބްރާހިމް މުހައްމަދު ސޯލިހު ވާހަކަފުޅު ދައްކަވަނީ.
ރައީސް ވިދާޅުވި ގޮތުގައި އެމްޑީޕީއަކީ އެންމެ ބޮޑު ޕާޓީއަށް ވިޔަސް، ރިޔާސީ އިންތިހާބު އެ ޕާޓީއަށް ކާމިޔާބު ކުރެވޭނީ ކިހިނެތް ކަމާ މެދު ކުރީގެ ތަޖުރިބާތަކަށް ބެލުމަށް ފަހު ވިސްނަންޖެހެ އެވެ. އެގޮތުން 2012 ވަނަ އަހަރު އެމްޑީޕީގެ ސަރުކާރު ވެއްޓުމާއި އަދި 2013 ވަނަ އަހަރުގެ ރިޔާސީ އިންތިހާބު އެ ޕާޓީ އަށް ނާކާމިޔާބުވި ގޮތާއި އޭގެ ފަހުން ކަންކަން ވެގެން ދިޔަ ގޮތް ހަނދާނަށް ގެންނަންޖެހޭ ކަމަށް ވިދާޅުވި އެވެ.
"އެންމެ 6،000 ވޯޓު މަދުވެގެން މި އޮތް ބޮޑު ޕާޓީ، އެ ވޯޓުލީ އެންމެންނާ އެކު ތިބީ މަގުމަތީގައި. މިއަދު އަޅުގަނޑުމެންގެ ކުރިމަތީގައި އޮތީ އެ ދުވަހު އެ ކުރިމަތިވި ނާކާމިޔާބީއަށް ފަހު އަޅުގަނޑުމެންނަށް ކުރިމަތިވި އަނިޔާ އާއި ބިރުވެރިކަމާއި ނާމާންކަމުގެ ތެރެއަށް އަޅުގަނޑުމެން ދާނީތޯ؟" ރައީސް ސުވާލު އުފެއްދެވި އެވެ.
ވެލިދޫގައި މިރޭ ބޭއްވި އެމްޑީޕީގެ ރިޔާސީ ޕްރައިމަރީގެ ކެމްޕެއިން ޖަލްސާގައި ބައިވެރިވި އެ ޕާޓީގެ ބައެއް މެމްބަރުން: މި ޖަލްސާ އަށް ވަރަށް ގިނަ ބަޔަކު ހާޒިރުވި.
ރައީސް ވިދާޅުވީ އެ އަނިޔާތައް ތަކުރާރު ނުވާނީ އެކި ފިކުރުތަކުގެ މީހުންނާ އެކު ސަރުކާރެއް ގާއިމު ކުރެވިގެން ކަމަށާއި އެކަން ކުރެވޭނީ ހަމައެކަނި އެ މަނިކުފާނަށް ކަމަށެވެ. އަދި ރައްޔިތުން ވެސް އެކަން ގަބޫލުކުރާ ކަމަށް ވިދާޅުވި އެވެ.
"މިހާތަނަށް ވެސް އަޅުގަނޑު މި އަންނަނީ ތި ބޭފުޅުންނަށް އެކަން ހާމަކޮށްދެމުން. ރައްޔިތުން ވެސް އެކަން ގަބޫލުކުރޭ. ކުރިއަށް އޮތް ތަނުގައި ވެސް ރައްޔިތުން އެދޭ ގޮތަށް އެއްވެސް މީހަކު ބާކީ ނުކޮށް ހުރެވޭނެ ކަމުގެ ޔަގީންކަން އެބައޮތް،" ކޯލިޝަން ސަރުކާރަށް އިޝާރާތް ކުރައްވައި، ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ވިދާޅުވީ އެމްޑީޕީގެ އަބަދުވެސް ސިޔާސަތަކީ މީހުން ބިނާކުރުން ކަމަށާއި އެ މަސައްކަތް އެންމެ ހަލުވިކޮށް ކުރިއަށް ގެންދަނީ މި ސަރުކާރުން ކަމަށެވެ. އަދި ތަރައްގީގެ އެތައް މަޝްރޫއެއް އަދިވެސް ކުރިއަށް ރޭވިފައި އެބަހުރިކަމަށް އެ މަނިކުފާނު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
08 January 2023
ތިބޭޅާ ނިކުމެވަޑައިގެން ހުންނެވީ ކޮންގޮތަކަށްކީއްކުރަންކަން ބަލާކަށް ދިވެހިރައްޔިތުން ބޭނުމެއްނުވޭ. # އެހެންނަމަވެސް ސިޔާސީކަންކަމާއި މަލްޓިޕާޓީނިޒާމެއްކައި ކަންކަންހިގާގޮތް ކިރިޔާ އިގޭމީހަކަށްވެސް އޮޅިވަޑައިގެންފައިނުވާނެ ބޭޅާ (ކޯލިޝަން ރައީސް) ނިކުމެ ކުރިމަތިލައްވައިގެން ތިހުންނެވީ އެމްޑީޕީގެ އެންމެ މަޤުބޫލު ސިޔާސީ ލީޑަރ އަދި މިވަގުތުވެސް ޕާޓީގެ އިންތިޙާބީ ރައީސް ކަމުގެ މަޤާމްގައިހުންނެވި ރައީސް ނަޝީދުއާއި ވާދަކޮށްގެން ރިޔާސީ ޓިކެޓް ލިބޭތޯކަން.
ދުނގެތި
08 January 2023
އަންނި ބޭޅާގެ ސައިޒް މިފަހަރު ފެންނާނެ! ޕާޓީ އުސްސަފުގެ ގްރޫޕެއް އަތުއަޅުވާގެން މީގެ ކުރިން ކުޅުނު ގްރާސްރޫޓް މަސްތުކުރާ ކުޅިތަކެއް މިފަހަރު އެހާ ކުޅެވޭކަށް ނެތޭ ބުނެވޭނީ.
ދ×ެދެގތ
08 January 2023
ތި ނިކުތީ ޔާމީނާ ވާދައަށް...އެ ވެރިކަމުގަ ކެއިވަރަށް ވުރެ އިތުރަށް ކާން... ދޮގެއް؟ އެމަންޒަރު އަދި ފެންނަނީ،،، ޖސޓ ބޮޑުކޮށްފާ ކޮން ވާހަކައެއް ދައްކާކަށް
ދ×ެދެ
08 January 2023
ތި ނިކުތީ ޔާމީނާ ވާދައަށް...އެ ވެރިކަމުގަ ކެއިވަރަށް ވުރެ އިތުރަށް ކާން... ދޮގެއް؟ އެމަންޒަރު އަދި ފެންނަނީ
ނާމްދި ކާނޫ
08 January 2023
ރައީސް ބޭފުލާއަށް ކުރެވުނުހާވެސް ކަމަކީ ވާހަކަ ދެއްކެވުން! އަމަލުން އެއްކަމެއްވެސް ނުވޭ! ގެއްލުނުހާ ފައިސާއިން 1ރ ވެސް އަންބުރާ ނުހޯދޭ! ކުރެވުނުހާވެސް ކަމަކީ ކުރިން ކުރި ވެރިކަމަށް ވުރެން "މުޑުދާރު" ވެރިކަމެއް ކުރެއްވުން!
ސަމްކު
08 January 2023
ހުދުގަމީސްލާފައި ރީނދޫޓައީގައި ތިބީ މުޅިންވެސް މާލެއިން ދިޔަމީހުން. ދެންނިކުތް މީހުން ނެރުނީ ލޯޑުންގޮވާ އާދޭސް ކޮށްގެން.
ގތގތ
08 January 2023
ރ އަތޮޅު ރަށަކުން ދިޔަ އިންތިއަށް ވޯޓު ދިން ދޯކާ ގުރޫޕުވެސް
ވިންޑާން
08 January 2023
ތިނިކުމެވުނީ ދިވެހި ރައްޔިތުންނާއި ދެކޮޅަށް. ދެވަނަ ދައުރެއް ދޭކަށް ދިވެހިން ބޭނުމެއް ނުވޭ. ޔާމީނު ކައިރީ ތިބި މީހުން އޭނައަށް ދެވަނަ ދައުރު ޔަގީންކޮށްދިން ފަދައިން ސޯލިހުވެސް އެހުރީ އެފަދައިން
ސައިޚް
08 January 2023
އިބޫ ދޮގުނުހަދާ، ނިކުމެ ތިހުރީ ނަޝީދު އާދެކޮޅަށް، ބާޣީންގެ އަޅަކަށްވެސް ވެފަ، ތިނޫންގޮތެއް ނެތިފަ، ބަޣާވާތް ނުބަލަން އެއްބަސްވެގެން، އެކަން ނުބަލާ ހިފެހެއްޓޭނީ ކިހާދުވަހުތޯ ދެން ބަލަން މިތިބީ، ކޯލިސަން ތިހިފެހެއްޓެނީ އެހެންވެ، ބަޣާވަތް ބަލަން ފަށާހިސާބުން ގާސިމް، މައުމޫން، އިމްރާން ތެޅިގަންނާނެ، ވިސްނާފަ ވާހަކަދައްކާ.
މަލިދުންމަޑުވަ
08 January 2023
ނ.އަތޮޅު ފަޅުތައް ނުވިއްކާ!!!!
ކައިފި
08 January 2023
ޔާމީނަށްވުރެ ގިނައިން ކެވޭނެ ކޯލިޝަނަކަށް. އެކަން ފެންނަން އެބައޮތް ޑެފިސިޓް އެރި ބިޔަ ބޮޑު ބަޖެޓުން. ރަށްތަކަށް ހަރަދުކުރި ވާހަކަ އަބަދު ދައްކާއިރު އެރަށެއްގަ ގިނަ ބަޔަކު ނުއުޅޭ ރަށްތަކަށް މިލިއަނުން ހަރަދުކުރުމަކީ ކިހާ ތާކުންތާކުނުޖެހޭ ކަމެއްބާ. މިއަހަރު މިލިއަނުން ހަރަދުކުރާ ރަށްތައް އަންނަ އަހަރު ފަޅުކޮށް އެންމެން ދިއައިމަ ދައުލަތުން އެކުރެވުނީ ކިހާ ބޭކާރު ހަރަދެއް؟ ޕްލޭނެއް ނެތި އެހެން ހަމަ ބުރުއްސާލާ މިލިއަންތައް ގުނާނެ މީހަކު ނެތް
ބަރަށް
08 January 2023
ރައްޔިތުން ވިސްނަށްވީ ކޯލިޝަނަށް ވޯޓު ދިނުމަކީ މާލިއްޔަތު ހުސްކޮއްލާ ކަމެކެވެ. އެގޮތުން ރައްޔިތުންގެ ބިންތަކާއި ރަށްތަކާއި ފަރުފަރާއި ހާހާތަށް ކޯލިޝަންގެ ވެރީން ހިތްހަމަޖެއްސުމަށްޓަކައި ބަހާ ހުސްކުރުމެވެ. ގާސިމްއަށް މިހާރު މާމިގިލީ ކައިރީގައި އޮތް ފަޅު އެދިނީ ކޯލިޝަން ދެމެހެއްޓުމަށްޓަކައެވެ. އަނބި ގޮއްޔެއަށް މިނިސްޓަރުކަށްދީ އެތަނުން ވެސް ހިންގީ ކަރެޕްޝަނެވެ. ކޯލިޝަންވީމާ އެއްޗެކޭ ބުނާކަށް ވެސް ނުކުރޭ މީހަގީގަތެވެ.