މިސްކިތްތައްް މަރާމާތު ކުރުމަށް ފައިސާ ހޯދުމަށް ސިޓީ ކައުންސިލުން އާޓިފިޝަލް ބީޗު ސަރަހައްދުގައި ކުރިއަށްގެންދިޔަ ހަރަކާތުގެ ތެރެއިން ބަޔަކު ފަންޑަށް ފައިސާ ހުށަހަޅަނީ.-- ފޮޓޯ: ސިޓީ ކައުންސިލް
08 ޖެނުއަރީ 2023 - 15:50
2 comments
މާލެ ސިޓީ ކައުންސިލުން ބަލަހައްޓާ މިސްކިތްތަކުގެ މަރާމާތަށް ބޭނުންވާ ފައިސާ ހޯދަން އެ ކައުންސިލުން މިދިޔަ ހަފުތާ ބަންދުގައި ބޭއްވި ހަރަކާތުން އާންމުން ހަތް ލައްކަ އަށް ވުރެ ގިނަ ރުފިޔާ ދީފި އެވެ.
"ޗާލު މިސްކިތް" ގެ ނަމުގައި ކައުންސިލުން ފަންޑެއް ހުޅުވައި ފައިސާ ހޯދަން ނިންމީ މާލެ ސަރަހައްދުގެ މިސްކިތްތައް ބެލެހެއްޓުމަށް ސަރުކާރުން ކަނޑައަޅާފައިވާ އެއް މިލިއަން ރުފިޔާގެ ބަޖެޓުން ނުފުދޭ ކަމަށް ބުނެ އެވެ.
ދެ ދުވަހުގެ މުއްދަތަށް އާޓިފިޝަލް ބީޗް ސަރަހައްދުގައި ބޭއްވި ހަރަކާތުގެ ފުރަތަމަ ދުވަހު 313397.90ރ. ލިބުނެވެ. އެ ހަރަކާތް ރޭ ނިންމާލިއިރު ލިބުނީ 744713.90ރ. ކަމަށް ކައުންސިލުން ބުންޏެވެ.
އެ ކައުންސިލުން ބުނިގޮތުގައި މިސްކިތްތައް ބެލެހެއްޓުން ސަރުކާރުން ކައުންސިލާ ހަވާލުކުރީ މަރާމާތު ކުރުމަށް އެކަށީގެންވާ ބަޖެޓެއް ނުދީ އެވެ.
ސިޓީ ކައުންސިލުން ބުނީ 2021 ވަނަ އަހަރާއި 2022 ވަނަ އަހަރުގެ ބަޖެޓުން ހަޖައްސައި ދިނީ އެއްމިލިއަން ރުފިޔާ ކަމަށެވެ. އެކަމަކު، އޭގެ ބޭރުން ސިޓީ ކައުންސިލުގެ އާމްދަނީ ބަޖެޓުން 10 މިލިއަން ރުފިޔާ މިސްކިތްތަކުގެ މަރާމާތަށް ހަރަދު ކުރަން ޖެހުނު ކަމަށް ކައުންސިލުން ބުންޏެވެ.
"ކައުންސިލުގެ އާމްދަނީ ބަޖެޓުން 10 މިލިއަންރުފިޔާގެ މަރާމާތް ކުރި ނަމަވެސް އަދިވެސް ބައެއް މިސްކިތްތަކުގެ މަރާމާތްތައް ނުކުރެވި ހުރި. އެ މަރާމާތްތައް ކުރުމަށް ނުވަ މިލިއަން ރުފިޔާ ހަރަދުވާނެ ކަމަށް ބެލެވޭ،" މާލޭގެ މޭޔަރު ޑރ. މުހައްމަދު މުއިއްޒު ވިދާޅުވި އެވެ.
ނަމަވެސް އިސްލާމިކް މިނިސްޓަރު ޑރ. އަހުމަދު ޒާހިރު ވިދާޅުވީ 2020 ވަނަ އަހަރުގެ ބަޖެޓުން މިސްކިތް މަރާމާތު ކުރުމަށް ހަމަޖެއްސި އެއް މިލިއަން ރުފިޔާ ކައުންސިލުން ބޭނުން ނުކުރާ ކަމަށެވެ.
މާލެ ސަރަހައްދުގެ މިސްކިތްތައް ބެލެހެއްޓުމަކީ ލާމަރުކަޒީ ގާނޫނުގައި ވާ ގޮތުން ސިޓީ ކައުންސިލުން ކުރަންޖެހޭ ކަމެކެވެ. އެ ކައުންސިލުން މާލެ އާއި ވިލިމާލޭގެ 34 މިސްކިތެއް މިހާރު ބަލަހައްޓަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
LaamuonlineDOTcom
09 January 2023
ރާއްޖޭގައި ޒަމާނުއްސުރެން އޮންނަ އާދައަކީ ދީނީކަންކަމޭ ކިޔައިގެން މީހުންގެ ބޮލަށްއެރުން، މިހާރު މިކަންމިވާގޮތްވެސް ބަލަމާ، މިސްކިތްތައް މަރާމާތުކުރާނެ ފައިސާނެތިގެން ރައްޔިތުންގެ އަތުން ނަގަންޖެހިއްޖެ، ވޯލްޑްކަޕްބަލަން ދާނެ ފައިސާހުރި، ސަރުކާރުހިންގަން މިރާއްޖޭގެ ފަޅުރައްތަކާ ރިސޯޓުތަކާ ފަޅުތަކާ ދެންވެސް އޮތިއްޔާއޮތް ވަސީލަތެއް ލިބިފައިވާއިރު ޖީއެސްޓީބޮޑު ކުރަން ވެއްޖެ، މިފަދަމީހުނަށް ވޯޓުދޭންޖެހޭތޯ؟ ނޯ
ދޮން
08 January 2023
34 މިސްކިތަށް 1މިލިޔަން ރުފިޔާ މިއީ އަމާބުނީމާ ފަރަށް އުސޫލުން ކޮށްފައޮތް ކަމެއް..ކަރަކަރަށް އިސްވެރިން ދަތުރުކުރުމަށް ބިލިޔަނުން ..