ސުޕަ ކަޕްގެ ތަށި ބާސާގެ ކެޕްޓަން ޒަވީ އުފުލާލަނީ: ވާދަވެރި ރެއާލްގެ މައްޗަށް އެ ޓީމުން ކުރި ހޯދީ 3-1 ން --- ފޮޓޯ: އޭއެފްޕީ
16 ޖެނުއަރީ 2023 - 08:40
7 comments
ރިޔާދް (ޖެނުއަރީ 16) - ރެއާލް މެޑްރިޑްގެ މައްޗަށް 3-1 ގެ ނަތީޖާ އަކުން ކާމިޔާބު ހޯދައި ސްޕެނިޝް ސުޕަ ކަޕް ބާސެލޯނާއިން ކާމިޔާބުކޮށްފި އެވެ.
ބާސާގެ މި ތައްޓަކީ އެ ޓީމުގެ ކޯޗު ޒަވީ ހެނާންޑޭޒްގެ ކޯޗުކަމުގެ ދަށުން އެ ޓީމުން ހޯދި ފުރަތަމަ ތައްޓެވެ.
ސައުދީ އަރަބިއާގެ ވެރިރަށް ރިޔާދުގައި ކުޅުނު ސުޕަ ކަޕުގެ ފައިނަލުގެ ފުރަތަމަ ހާފުގައި ބާސާއިން ދެ ލަނޑު ޖެހި އެވެ. އެ ޓީމުގެ ރޮބަޓް ލެވަންޑޯސްކީ އާއި ޕަބެލޯ މާޓިން ގަވީ އެ ދެ ލަނޑުގައި ހިއްސާވި އެވެ.
ފުރަތަމަ ލަނޑު މެޗުގެ 33 ވަނަ މިނެޓްގައި ގަވީ ޖެހީ ލެވަންޑޯސްކީ ތަނަވަސްކޮށް ދިން ފުރުސަތަކުންނެވެ. ފުރަތަމަ ހާގު ނިމުމުގެ ކުރިން ލެވަންޑޯސްކީގެ ލަނޑު އޭނާ ޖެހީ ގަވީ ދިން ބޯޅައަކުންނެވެ.
ދެވަނަ ހާފުގައި ވެސް ޑޮމިނޭޓް ކުރީ ބާސާއިންނެވެ. އެ ޓީމުގެ ތިންވަނަ ލަނޑު ޕެޑްރީ ގޮންޒާލޭޒް ޖެހީ 69 ވަނަ މިނެޓްގަ އެވެ. ރެއާލްގެ ހަމައެކަނި ލަނޑު ކެޕްޓަން ކަރީމް ބެންޒެމާ ޖެހީ މެޗުގެ 90 މިނެޓް ހަމަވެގެން ދެއްކި އިތުރު ވަގުތު ތިންވަނަ މިނެޓްގަ އެވެ/،
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލެއްގިކޮމިޝަނަރ
16 January 2023
ބާސާގެ ކާމިޔާބަށް މަރުހަބާ. ބާސެލޯނާ ރޭގަކުޅުނީ ފަހުގެ ތާރީހެއްގަ އެމީހުން ކުޅުނު އެންމެމޮޅު އެއްމެޗް. މުޅި މެޗުގަ ރަެއާލް ކުޅުންތެރިން އުޅުނީ ވާނުވާނޭންގި ގޭމްތެރެއަށް ނުވަދެވިގެން. މެދުތެރޭގަ ބާސާއިން ހަދާނެ އެއްޗެއް ހަދާފަ ނަތީޖާނެރުނީ. އެންޗޮލެޓީ ޖުވިންގަމް ކާލައިގެން ލޮލުން އިޝާރާތް ކުރިވަރަކަށް ބާސާގެ ނުރައްކާދިޔައީ އިތުރުވަމުން. މިފަހަރުވެސް އެންޗޮލެޓީގެ ފޯމިއުލާ ވޯކުނުކުރިދޯ؟
ކަތީބްބެ
16 January 2023
ދެން ރެއާލް ސަޕޯޓަރުންނާ ބާސާ ސަޕޯޓަރުން ތަޅާނީއެއްނޫން.
ރަދީފްއޮފިޝަލް
16 January 2023
މަރުހަބާ ބާސާ.ރެއާލް ކުދިން މިއަދު ބުނާނީ (ސްޕެނިޝް ސުޕަ ކަޕް) އެއީ، މިކީ މައުސް ކަޕެއްކަމަށް.ރެއާލުން ކުރި ހިތްވަރަށް ސާބަސް. #ވިސްކައެލްބާސާ #ޕުތަމެދްރިދް
×ދެދރޗ
16 January 2023
މަބުނީ މިތާ # ބޭނުން ކުރީމަ ވާކަމަކީ ކޮބާތަ؟
ރަދީފްއޮފިޝަލް
16 January 2023
ތިޔާ ކަހަލަ ޅަކުދިންނަށް އެބާވަތުގެ ކަންކަން އޮޅުންނުފިލާނެ.އެހެންވީމަ ސައިޒްގަ ހުރުން އެދެވިގެންވޭ.ވ.ވެދުން
ކިޔާން
16 January 2023
ރަދީފް ގަބޫލުކުރަނީ، އަނެކާއަށް އެއްޗެއް ނޭނގޭކަމަށް، އެހެންވެތާ އަނެކާއަށް އެއްޗެއް ނޭނގޭވާހަކައާ މަޑުން ހުރުމަށް އަންގަނީ. މިތަނުގައި # ބޭނުންކޮށްގެން ފައިދާއެއް ލިބޭކަމަށް ގަބޫލުކުރެވި ލިޔެފަ އެގޮތުގައި ތިމާހުރުމީ ތިމާގެ މިނިވަންކަން. އަނެކާއަށް އެހެންގޮތަކަށް ގަބޫލުކުރެވި އެކަން ސުވާލެއްގެ ސިފައިގައި ކުރީމާ ދެން ޖާހިލަށް ގޮވުން އެއީ ތަހުޒީބު ގޮތެއް ނޫން. މަށަކަށް ނޭނގެ ރަދީފަކީ ކިހާ ހަރުމީހެއްކަމެއް. ހަރުނަމަ، ހަރުވާހަކަ ދައްކާނީ. ރެސްޕެކްޓް.
ރަދީފްއޮފިޝަލް
17 January 2023
@ކިޔާނަން ބްރަދާ އަށް.ވެދުން ސަލާމް.ލެމަންގްރާސްއަށް ކޮފިއަކަށް އިންވައިޓްކުރަން.ގަޑި: 19:00 ބުރާސްފަތި. ވ.ވެދުން