ހުސޭނުބޭ: އޭނާގެ މަރާ ގުޅިގެން ތިން މީހަކު ޖަލަށްލި
16 ޖެނުއަރީ 2023 - 19:45
9 comments
ހއ. ހޯރަފުށީގައި ރަހީނު ކޮށްގެން އުޅެނިކޮޮށް މަރުވި ހުސައިން މުހައްމަދު މަނިކު (ހުސޭނުބެ) މަރުގެ މައްސަލާގައި ހިމެނޭ އެކަކު، ޑޮކްޓަރު ލަފާގެ މަތިން ގޭ ބަންދަށް ބަދަލުކޮށްފި އެވެ.
ވިޔަފާރިވެރިއެއް ކަމަށްވާ ހުސޭނުބޭ 2010 ވަނަ އަހަރު މަރުވީ އޭނާގެ ގެއިން ވައްކަން ކުރުމަށްޓަކައި ރަހީނު ކޮށްފައި ހުއްޓާ ލިބުނު އަނިޔާތަކެއްގެ ސަބަބުންނެވެ.
އެ މައްސަލާގައި ހއ. ހޯރަފުށީ ޅޮހީގެ މުހައްމަދު ލަތީފާއި އެ ރަށު ސޯސަންވިލާ ނުއުމާން އަބްދުﷲ އާއި އެ ރަށު އުންމީދީ މަންޒިލް އަހުމަދު އިބްރާހިމްގެ މައްޗަށް ޓެރަރިޒަމްގެ ކުށް ސާބިތުވެ، އެ ތިން މީހުން އުމުރަށް ޖަލަށް ލާން ކްރިމިނަލް ކޯޓުން ހުކުމްކުރީ 2016 ވަނަ އަހަރު އެވެ.
އޭގެ ތެރެއިން ޑޮކްޓަރުގެ ލަފާގެ މަތިން ގޭބަންދަށް ބަދަލުކުރީ ނުއުމާނެވެ.
މޯލްޑިވްސް ކަރެކްޝަނަލް ސާވިސްގެ މީޑިއާ އޮފިޝަލް އައިމިނަތު ޔުސްރީން އަހުމަދު "މިހާރު" އަށް މިއަދު ވިދާޅުވީ އޭނާގެ ގެ އަށް ބަދަލުކުރީ ޑޮކްޓަރުންގެ ލަފާގެ މަތިން ވަގުތީ ގޮތުން ކަމަށެވެ.
"އެ މުއްދަތު ހަމަވުމުން އޭނާގެ ހާލަތު ރިއާޔަތް ކުރުމަށް ފަހު ގޮތެއް ނިންމާނެ،" ޔުސްރީން ވިދާޅުވި އެވެ.
އެކަކު ގޭބަންދަށް ބަދަލުކޮށްފައި ވާއިރު ހުސޭނުބެ އަށް ބޮޑުބޭބެ ކިޔާ ލަތީފްގެ މައްޗަށް އުމުރު ދުވަހުގެ ޖަލު އަދަބެއް ދަށު ކޯޓުން އިއްވީ ގޯސްކޮށް ކަމަށް ވެސް 2021 ވަނަ އަހަރު ހައި ކޯޓުން ވަނީ ނިންމައިފަ އެވެ.
ހައި ކޯޓުގެ ހުކުމުގައި ވަނީ ލަތީފްގެ މައްޗަށް ކުށް ސާބިތުވާ ކަމަށް ނިންމާފައިވާ ނިންމުމަށް ތާއީދުކޮށް، އެކަމަކު އޭނާގެ އުމުރަށް ޖަލަށް ލާން ކަނޑައަޅާފައިވާ އަދަބު ބާތިލް ކުރުމާއެކު 15 އަހަރަށް ޖަލަށް ލުމަށް ހުކުމް ކުޑަކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
LaamuonlineDOTcom
18 January 2023
ބޮޑެތިކުށްތައް ސާބިތުވެގެން ޖަލުހުކުމް ތަންފީޒުކުރަމުންދާމީހުން ގެޔަށް ބަދަލުކުރަން ޑޮކުޓަރުންނަށް ލަފާދެވޭނެ ގާނޫނީ ހަމައެއް މާއްދާއެއް އެބައޮތްތޯ؟ "ހަމަ އެންމެ ޑޮކުޓަރެއްގެ ބަހަށް" ގެޔަށް ނުވަތަ ރާއްޖޭންބޭރަށް ބޭސްފަރުވާގެނަމުގައި ކުއްވެރިން ފޮނުވާފޮނުވުމަކީ މުޅި ސިސްޓަމް ގަޑުބަޑުވާކަމެއް، ޑޮކުޓަރުންގެ ލަފާބިނާވަނީ ލިބޭރިޝްވަތަށް ކަންވަރަށްސާފު، ފައިސާހުންނަ މީހުނަށް ޑޮކުޓަރުންގެ ލަފާލިބޭލަތް ގިނަކަން މިއީ މިދެންނެވި ވާހަކައިގެ ހެއްކެއް
ހަސަނު
17 January 2023
ކުށްވެރިން ތބެންޖެހޭނީ ޖަލުގަ.. ޖަލުގާ ތިބޭ މީހުންވެސް އާނމު އުސޫލުން ބަލި ވެސް ވާނެ މަރުވެސް ވާނެ.. ބަލި ވުމަކި ކުށުން ބަރީއަވެ ގެއަށް ދިރިއުޅުން ބަދަލު ކުރާން ޖެހޭ ސަބަބެއް ނޫން...
ފުށިންހުވަރަ
17 January 2023
ހުވަރަފުއްޓަކީ ކުށް ގިނަ ރަށެއް ރައީސް މައުމޫނުގެ ހަށިކޮޅަށް ވަޅިން ޙަމަލާދީ ޙުސައިނުބޭ މަރާލުންފަދަ ބޮދެތި ޖަރީމާތަކެއް ހިންގާފަވާތަނެއް
ސަދޫމް ޖަސްޓިސް
17 January 2023
އަހުނަށް އެނގޭ ދެން މިހާރު މީހަކު މަރާލުމަކީ ހިންޏެއް މަރާލުން ވަރުގެ ކަމެއްކަން
ރަދީފްއޮފިޝަލް
17 January 2023
ބުޅަލެއް ، ވާލެއް ، ވެލައެއް ، މިޔަރެއް ، ވެނެއް ، މަޑިއެއް ، މަދިރިއެއް ، މެއްސެއް ނުވަތަ ބޯވައެއް މަރާލަބަލަ.އެކިއެކި ޖަމިއްޔާތަކުން ބަޔާން ނެރޭނެ.
އެމްސް
17 January 2023
މުޅި ޤައުމުގަ ވައްކަމާއި، މަރާމާރީއާއި، ބިދޭސީން!
ހޯރަފުށީ ފަންކާ
17 January 2023
ހއ. ހޯރަފުށީ ޅޮހީގެ މުހައްމަދު ލަތީފް ވެސް ހުރީ ގޭގައި އެކަމެއް ނޭނގެތަ މިހާރު ނޫސްއަކަށް، އެކަންވެސް ޔަގީން ކޮށްލާފަ ރިޕޯޓެއް ޖަހާލައްޗޭ!!! މި ގައުމުގަ އޮތީ ބޭންއިންސާފް، އެހެން މީހެއްގެ ހައްގަކަށް އަރައިގަނެގެން މުޖުތަމައުން އެކަހެރިކޮށް ޖަލަށްލާ މީހަކު ކިތައްމެ ބަލިވިޔަސް އެމީހާ ގެންގުޅެން ޖެހޭނީ ޖަލުގަ، އެހެންވެ ޖަލު ތަކުގައި ފަރުވާ ދެވޭނެ ނިޒާމްތައް ގާއިމްކޮށްފަ ހުންނަނީ. މިހާރު ނޫހުން ޝޭހު އިމްރާންއަށް ގުޅާލާފަ މިކަންކަން ވެރިފައިކޮށްލައްޗޭ
މަގިދޫ
17 January 2023
މިއީ ވައިއެމބުރި އުޅޭ މޫސުމް ކަމަށް ވާތީ ތިޒާތުގެ ގޭމް ފެންނާނެ
ހައިދަރު
16 January 2023
ހުސޭނުބެ އަށް ބޮޑުބޭބެ ކިއާ ލަތީފް މިހާރު މިނިވަންކޮށްފަ ހުރި ވާހަކަ ހިމަނާލަން ބިރުގަތީ ތޯ؟