މަރުވެ، އަރި އަތޮޅުން އޮޔާ ދެމެމުން ދިޔަ ބޮޑުމަހެއްގެ ކައިރީގައި ފެމުނުތަކެއް. ފޮޓޯ: އެލެގްޒެންޑްރާ ޗައިލްޑްސް/ މޯލްޑިވްސް ވޭލް ޝާކް ރިސާޗް ޕްރޮގްރާމް (އެމްޑަބްލިޔުއެސްއާރްޕީ)
17 ޖެނުއަރީ 2017 - 11:36
21 comments
މި ކަހަލަ މަންޒަރެއް ދުވަހަކު ވެސް ދުށިން ހެއްޔެވެ؟ މަރުވެ، ކުނި ވެފައި އޮތް ބޮޑުމަހެއް ފެމުނުތަކެއްގެ ކާނާއަކަށް ވީ އެވެ.
މޯލްޑިވްސް ވޭލް ޝާކް ރިސާޗް ޕްރޮގްރާމް (އެމްޑަބްލިޔުއެސްއާރްޕީ)ގެ މި ފޮޓޯތަކުން ފެންނަނީ އަރި އަތޮޅުގައި އިއްޔެ އޮޔާދެމެމުން ދިޔަ ބިޔަ ބޮޑުމަހެއްގެ ކައިރީގައި ފެމުނުތަކެއް އުޅެމުން ދިޔަ ގޮތެވެ. ގައިމު ވެސް އާއްމުކޮށް ފެންނަ ކަހަލަ ކަމެއް ނޫނެވެ.
މަރުވެފައި އޮތް ބޮޑުމަހުގެ ކައިރީގައި ފެމުނުތައް ދުވަނީ. ފޮޓޯ: އެލެގްޒެންޑްރާ ޗައިލްޑްސް/ މޯލްޑިވްސް ވޭލް ޝާކް ރިސާޗް ޕްރޮގްރާމް (އެމްޑަބްލިޔުއެސްއާރްޕީ)
އެމްޑަބްލިޔުއެސްއާރްޕީ އިން ފޭސްބުކްގައި ޝެއާކޮށްފައިވާ މި ފޮޓޯތައް ސަޅިވެގެން އެތައް ބަޔަކު އަންނަނީ އެ ވާހަކަ ދައްކަމުންނެވެ. އޭގެ ތެރޭގައި ދިވެހިންނާއި ގިނަ އަދަދެއްގެ ބޭރު މީހުން ވެސް ހިމެނެ އެވެ.
ބައެއް މީހުން އެންމެ ބޮޑަށް ޝައުގުވެރިވީ ފެމުނުތަކަށެވެ. ފެމުނަކީ މިޔަރުގެ ތެރެއިން އެންމެ ނުރައްކާތެރި އެއް ބާވަތެވެ. އެހެން މިޔަރަށް ވުރެ ބޯ ބޮޑުކޮށް، ގައިގައި ލައް ޖަހާފައި ހުންނަ ފެމުނު ބާރުގަދަ ވެފައި ދަތްތައް ވަރުގަދަ އިރު މީހުންނަށާއި އުޅަނދުފަހަރަށް ވެސް ހަމަލާ ދޭ ކަމަށްވެ އެވެ.
އެކަމަކު، މަރުވެފައި އޮތް ބޮޑުމަސް ކާން އުޅުނު ފެމުނުތަކުގެ ފޮޓޯ އާއި ވީޑިއޯ ފެނު އަޑިން ނަގައި ބައެއް މީހުން ވަނީ ސޯޝަލް މީޑިއާގައި ޕޯސްޓްކޮށްފަ އެވެ. އެހާ ނުރައްކާތެރި އެއްޗެއްގެ މަންޒަރުތައް ނެގީމާ އެކަން "ސަޅި"ވެގެން ބައެއް މީހުން ވާހަކަ ދެއްކި އިރު އަނެއް ބަޔަކު ތިބީ އެކަމާ ހައިރާންވެ ބަސް ހުއްޓިފަ އެވެ.
ފެމުނެއް ބޮޑުމަސް ކަނީ. ފޮޓޯ: އެލެގްޒެންޑްރާ ޗައިލްޑްސް/ މޯލްޑިވްސް ވޭލް ޝާކް ރިސާޗް ޕްރޮގްރާމް (އެމްޑަބްލިޔުއެސްއާރްޕީ)
ބައެއް ޑައިވަރުން ބުނާ ގޮތުގައި ފެމުނަކީ ރާއްޖެ އިން އެހާ އާއްމުކޮށް ފެންނަ އެއްޗެއް ނޫނެވެ.
"މިހާރު އިރުވައިގެ އޮއެ ދެމޭތީ ފެންނަނީ ކަމަށް ވަނީ،" ތަޖުރިބާކާރު ޑައިވް އިންސްޓްރަކްޓަރަކު ބުންޏެވެ.
ފެމުނުގެ ވީޑިއޯ
އެމްޑަބްލިޔުއެސްއާރްޕީ އިން ފޭސްބުކްގައި ބުނިގޮތުގައި ބޮޑުމަހުގެ ދިގުމިނުގައި މަދުވެގެން 25 މީޓަރު (82 ފޫޓު) ހުންނާނެ އެވެ.
"އޭތި ބޮޑުކަމުން، އަހަރެމެން ގެންގުޅޭ 20 މީޓަރުގެ ފީތާ އިން ވެސް ނުފުދުނު،" ފެހުރިހީގެ ދިރާސާތައް ކުރާ ޖަމްއިއްޔާ އިން ލިޔުނެވެ.
ކޮމެންޓްކުރި ބައެއް މީހުން ތިބީ އެއީ ކޮން ބާވަތެއްގެ ބޮޑުމަހެއްތޯ ދެނެގަންނަން ބޭނުންވެފަ އެވެ. ބްލޫ ވޭލްއެއް ކަމަށް އެއް ބަޔަކު ބުނާ އިރު އެއް ޑައިވަރަކު ބުނަނީ އެއީ ހަމްޕްބެކް ވޭލްއެއް ކަމަށެވެ.
ބޮޑުމަހެއް މަރުވެފައި އޮތް ތަން ފެނިފައި ދެރަވިޔަސް، އޭތި ފެމުނުތަކުގެ ކާނާއަކަށް ވެގެން ދިޔަ ގޮތް ގިނަ ބަޔަކަށް ޝައުގުވެރި އެވެ. ބައެއް މީހުން ބުނި ގޮތަށް، މިއީ ދުނިޔޭގެ ކަން ހިނގާ އުސޫލެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސައިން
18 January 2017
ޓައިގަރ ޝާކަކީ ފެމުނު.
މޫސަ
18 January 2017
މިވަރުގެ މަހެއް ފެނުމުން އެއިން ތެޔޮނަގާ މަހުން މާވަހަރު ފެނޭތޯ ބެލުމަކީވެސް އޮތްކަމެކެވެ. އެކަން ކުރާކަށް ބަޔަކު ބޭނުމެއް ނުވިއެވެ. ބޮޑުމަހުގެ ތެލަކީ އޮޑިދޯނިފަހަރާއި ބޭސްވެރިކަމަށްވެސް ބޭނުންކުރެވޭ އެއްޗެކެވެ. މިވަރުގެ މަހަކުން އެތައްފިފާއެއްގެ ތެޔޮނެގޭނެއެވެ. ނަމަވެސް މިއަދު އެއީ ދެއްވި ރޯއްޖެއްކަމަށް ބަލައިގެން އެއިން އެއްޗެއް ނެގޭތޯ ބެލިމީހަކުނެތެވެ. ބޭނުންވަނީ ފޮޓޯއެއް ނަގާލާށެވެ. ވިސްނާ ފިކުރުކުރާކަށް ނުވޭބާވައެވެ.
ޢިއްބެ 22
17 January 2017
މޮޔަނުވޭ. ތީ އާކަމެއްނޫން. ކުރީ ޒަމާނުގަ މާކެޔޮޅުކަމު ގޮސް އޮޑިފަހަރުގަލާ ތެޔޮ ހާނަން ފެމުނު ބާނަނީ ކޯމަސް ކުނިކޮށްގެން. ބޮޑުމަހަކީވެސް ކޯމަސް.
ކުކުޅު
17 January 2017
ލިޔުމުންނާ ގިނަ ކޮމެންޓުތަކުން ހީވަނީ އާކުކުޅަކަށް ގާބިހެއް އެޅިގެން އުޅޭހެން
އސ
17 January 2017
ޓައިގަރ ޝާރކަށް ދިވެހިން ކިޔަނީ ވޮށިމަސްމިޔަރު. އެއީ އެ މިޔަރުގައި ހުންނަނީ ވޮށިމަހުގައި ހުންނަ ކަހަލަ ކުރެހުމަކާ އެކަހަލަ ރިހިކުލައެއް އަދި ހަމަ އެގޮތަށް ބޯކޮޅު ވަރުގަދަކޮށް ދެލޯވެސް ބޮޑަށް ފާޅުވާގޮތަށް. އަޅުގަނޑަށް ލަފާކުރެވޭ ގޮތުން ފެމުނު ކިޔާ މިޔަރަކީ ބުލްޝާރކް. މިސޮރަކީ ފަޅުތެރެއަށާ ކޯރުތަކަށްވެސް ވަންނަ ހަށިގަނޫ ވަރަށް މޮޓާކޮށް އޮންނަ މިޔަރެއް. މަހުގެ ކަރުގޮހުރު އުކާފައި ހުންނަ ބަނދަރުތެރެއަށްވެސް ރޭގަނޑު ތިލަވާފަހަރު އާދޭ. އާންމުކޮށް އުޅެނީ ކާލިގަނޑު މިޔަރުގޮތަށް ފަރުތަކުގެ ބޭރުމަތީގައި ބޮޑު ގްރޫޕު ހަދާފައި.
ދޮނާ
17 January 2017
ޓައިގަރ ސާކް އަށް ދިވެހިން ކިޔަނީ ފެމުނު މިޔަރު......ވޮށިމަސް މިޔަރަކީ މާކޯ ސާކް........
މުހައްމަދު
17 January 2017
ސައިންޓިފިކަލީ ގޮތުން ވޭލްއަކީ މަހެއް ނޫން، އެއީ މެމަލެއް. ސަބަބަކީ މަހަކީ ބިސް އަޅާއެއްޗަކަށް ވެފައި ވޭލް އަކީ ވިހާ އެއްޗަކަށްވުން. މިއީ ގްރޭޑް 7ގައި އުޅޭ ކުއްޖާއަށްވެސް އެނގޭ މައުލޫމާތެއް. ކުރީ ޒަމާނުގައި ދިވެހިންނަށް މިކަން ނޭގި ބޮޑުމަހުގެ ނަންދީފައިވިއަސް މިއަދު މިކަން އެނގޭތީ އެއަށް ބޮޑުމަސް ކިއުމުގެ ބަދަލުގައި އެހެން ނަމެއް ހެދުން ނުވަތަ ވޭލް ކިއުން މާ ރަނގަޅު.
ޙަސަން އަޙްމަދު
18 January 2017
ބުރޯ! ބިސް އަޅައިގެން ވިހާ އެއްޗެއް ދޫންޏަކީ ވެސް. ވާލު ފިޔަވައި. އެކަމަކު ދޫންޏަކީ މަހެއް ނޫން . އަދި ވެލަޔަކީ ވެސް މަހެއް ނޫން . މަމަލް އަށް ދިވެހިން ކިޔަނީ މަންމަލި . މަމަލްސް އަކީ ބަނޑު އަޅައި ވިހާ ކޮންމެ އެއްޗަކަށް ކިޔާ ނަމެއް. ދޫންޏަކަށް ވިޔަސް މަހަކަށް ވިޔަސް ޖަނަވާރަކަށް ވިޔަސް ސުތްޕަކަށް ވިޔަސް އިންސާނަކަސް ބަނޑު އަޅައި ވިހައި ފިއްޔާ އެއީ މަމަލް އެއް އެހެން ވީމަ ދޫންޏެއް މަހަކަށް ހަދާފަ މަހެއް ތަރުކާރީ އަކަށް ހަދައި ނަން ބަދަލު ކުރާކަށް ނުޖެހޭ.
އައްޕަތު
18 January 2017
މެމަލް އާއި މަސް އެއީ މުޅިން ތަފާތު ދެއެއްޗެއްދޯ. ކާ ކޮންމެ އެއްޗަކީ ކަނޑުގައި އުޅުނަސް އެއްގަމު އުޅުނަސް މަހެއްނޫންދޯ. އެއްގަމު މަހޭ ކިޔައިގެން އެއުޅެވެނީ މުޅިން ގޯހުންދޯ. މަސްތަކުގެ ތެރޭ ހުންނާނީ ޖެނުއަރީ މަހާ ޑިސެމްބަރުމަސްފަދަ މަސްތަކާ މުޙައްރަމް މަހާ ޙައްޖުމަސް ފަދަ މަސްދޯ ކަނޑު ތެރޭ އުޅޭނީ ކަޅުބިލަމަހާއި މާނިޔަމަހާއި ރަތްމަހާ ކޯމަސް ފަދަ މަސްދޯ. ވޭލް އާއި ލައްޓިއާއި ތޮޅި އާއި ގިޔޮޅާ މިޔަރު ފަދަ ތަކެއްޗަކީ މަހެއް ނޫން ދޯ
ދަގަނޑު ދަހަނާ
18 January 2017
ކުރީ ޒަމާނު ދިވެހިންނަށް ރާއްޖޭގެ ޖިއޮގްރަފީ އާ ދިރުން ތަކުގެ މަޢުލޫމާތު އޮޅިފައެއް ނޯންނާނެ. ހީކުރާ ގޮތް ދޯ ؟
އެނޮން
17 January 2017
ހަމްޕްބެކް ވޭލް އެއް. ދެން ހުރީ ޓައިގާ ޝާކްތައް.
ދޮނާ
17 January 2017
މިޒަމާނުގެ ކުދިންނަށް ވަރަށް އާވާނެ ކޮންމެ ކަމެއްވެސް......
އިޔެ
17 January 2017
ވިސްނާ ފިކުރު ކުރާ ބަޔަކަށް އިބްރަތެއް ހާސިލު ވާނެ.
ދޮންދީނި
17 January 2017
މި ވައްތަރުގެ މިޔަރަކީ މި ކަހަލަ ބޮޑުމަހުގެ ކާނާއެއްތޯ...ނޭގޭތީ އަހާލީ ..
އާދަމް
17 January 2017
ނޫން
އާކި
18 January 2017
ބޮޑު މަސް ކައި އުޅެނީ ޕްލޭނކްޓަން ކިޔާ ބާވަތެއްގެ ދިރޭ އެއްޗެއް