ކުރީގެ ރައީސް މައުމޫން އަބްދުލް ގައްޔޫމާއި ދަރިކަލުން ފާރިޝް މައުމޫން، ސްރީލަންކާގެ ރައީސްއާ އެކު.-
27 ޖެނުއަރީ 2023 - 20:06
16 comments
ކުރީގެ ރައީސް މައުމޫން އަބްދުލްގައްޔޫމް ސްރީ ލަންކާ އަށް މިހާރު ކުރައްވަމުން ގެންދަވާ ދަތުރުފުޅުގައި އެ ގައުމުގެ ރައީސް ރަނިލް ވިކްރަމަ ސިންހައާ ބައްދަލުކުރައްވައިފި އެވެ.
ލަންކާގެ ރައީސްގެ އޮފީހުގައި އިއްޔެ ބޭއްވި އެ ބައްދަލުކުރެއްވުމުގައި މައުމޫން ވަނީ ލަންކާ އާއި ރާއްޖެއާ ދެމެދު އޮންނަ ހަރުދަނާ ގުޅުން ފާހަގަކުރައްވައި އެ ގުޅުން އިތުރަށް ބަދަހިކުރެއްވުމާ ގުޅޭ ގޮތުން މަޝްވަރާ ކުރައްވައިފަ އެވެ. އެ ބައްދަލުކުރެއްވުމުގައި އެމަނިކުފާނުގެ ދަރިކަލުން ފާރިސް މައުމޫނު ވެސް ބައިވެރިވެވަޑައިގަތެވެ.
މައުމޫންގެ އޮފީހުން ބުނީ އެ ބައްދަލުކުރެއްވުމުގައި އެމަނިކުފާނު ވަނީ އެމަނިކުފާނު ރާއްޖޭގެ ރައީސްކަމުގައި ހުންނެވި ދުވަސްވަރު ލަންކާގެ ސަރުކާރުން ރާއްޖެއާ މެދު ގެންގުޅުއްވި ގާތް ކަމަށް ވެސް ޝުކުރު އަދާކުރައްވާފައި ކަމަށެވެ.
ލަންކާގެ ރައީސް ވަނީ އެ ގައުމަށް ކުރިމަތިލާން ޖެހުނު ދަތި އުނދަގޫ ހާލަތުގައި ރާއްޖޭގެ ފަރާތުން އަބަދުވެސް އެ ގައުމަށް ދެއްވަމުން ގެންދަވާ އެހީތެރިކަމަށް ޝުކުރު އަދާކުރައްވައިފަ އެވެ.
ސްރީލަންކާގެ ސަރުކާރުންދޭ އެންމެ މަތީ ޝަރަފު ކަމަށްވާ "މިތުރަ ވިބޫޝަނަ އެވޯޑް" ވެސް 2008 ވަނަ އަހަރު ލިބިވަޑައިގެންފައިވާ މައުމޫނު، މިވަގުތު ލަންކާގައި ހުންނެވި އަމިއްލަފުޅު ދަތުރުފުޅެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާލި
28 January 2023
އިންޑިއާ އަށް ވިއްކާ ނިމިގެން ލަންކާ އަށް ވެސް ވިއްކާލަނީތަ؟
ކަތްދައްތަ
28 January 2023
މައުމޫން ވެރިކަމަށް އެރިއިރު ރާއްޖެ އޮތް ހާލަތު...އާހް. މައިބަފައިން ތިބީ ނުކައި. ކާންލިބޭ މަދުއެތިކޮޅު ދަރިންނަށް ދީގެން ދިރިހުރުމާ ހަގުރާމަކުރީ. މައުމޫން ފުރަތަމަކުރިކަމަކީ ސިލޯނުން 3 މަހުގެ ކާޑު ދަރަންޏަށް ގެނެސް ކާޑުގެކަންކަން ހަމަޖެއްސީ. ދިވެހިން މަރާ ކުރަމުން ދިޔަ ހަގުރާމަ ނިންމީ. ބަދަލުގަ ދިވެހިންގެ ލަދުހަޔާތް ކަޑުވައި ވެރިންނާ އިސްރަށްވެހިންނަށް ހުތުރުބަސް ގޮވުމުގެ ގަޓު އަންނިއުފެއްދި. އެކަމުން އަރައި ނުގަނެވި އަދި މިދަނީ އެކޯޅުމުގަ.ލަދް
ސައްޙާފް
28 January 2023
ސުބުހާނަﷲ. ކަތްދައްތަ ތިޔަ ބުނި ވާހަކަ ތިބީދައިން މިއަދު ވެސް ނަޝީދަށް ގުުރުބާންވާ މީހަކު ބުނިއަޑު އެހިން މީގެ 2 ދުވަސް ކުރިން. ބުނީ މިއަދު މިއާދެވުނު ހިސާބަށް އާދެވުނީ އޭނަގެ އެހީ ލިގެންވީމަ އޭނައާ ދުރުނުވެވުނަސް، ތިމަންނާ ޤަބޫލު ކުރަމޭ ރާއްޖޭގެ ރައްޔިތުންގެ ތެރޭ އަޚުލާގީ ބޮޑު ކެންސަރު ގަނޑެއް ހަރުލައްވާ މުޖުތަމައުގެ ހަމަތަކާއި އަގަލު ހަލާކުކުރީ ނަޝީދުކަމަށް.
އަބްޑޫޅް
28 January 2023
ހޫނ، މަހަތިރި މޮހޮދޭ ވެސް ދެވަނަފަހަރަށް ވެރިކަންކުރި. މިހާރު ގައްޔޫންބެ ވެސް އަނެއްކާ ފައިނަގަނީ.
2023
28 January 2023
މައުމޫން 2023..... ބޮއިހަލަކި
އަހައްމަދު ބެއްޔާ
27 January 2023
ކޮންމެ ބަޔަކު ކިތަންމެ އެއްޗެއް އޭނާއަށް ކީކަމުގައިވިޔަސް، ރައީސް މައުމޫނު ފަދަ ހަރުދަނާ ހިންގުންތެރި ވެރިއެއް ދެނެއް ދިވެހިރާޢްޖޭގައި ވެރިކަންކުރާނެކަމާމެދު ޝައްކު!
މުހައްމާކަލޯ
28 January 2023
ރަގަޅު ވާހަކައެއް. އެއަށްވުރެ ހާސްގުނަ ރަގަޅު ވެރިއެއް ދެން ލިބޭނީ އިންޝާ ﷲ..
އައްލާބެއްޔ
27 January 2023
ކޮންމެ ބަޔަކު އެއްޗެހި ގޮވިޔަސް ރައީސް މައުމޫނު ފަދަ ހަރުދަނާ ހިންގުންތެރި ވެރިއެއް ދެނެއް
48343
27 January 2023
މައުމޫނު އަދިވެސް ދޫނުކުރޭ.
ހެހޭ
27 January 2023
މައުމޫނަކީ ވަރަށް ހަރުދަނާ ޝަޚްޝެއް. ދިވެހި ކޮންމެ ރައްޔިތަކު ފަޚުރުވެރިވުން ހައްގު. 30 އަހަރުގެ ދިގު ވެރިކަމުގައި ގައުމު މިހާރު މިދެކޭފަދަ ހަމަނުޖެހުންތަކެއް ނުފެނޭ.
ކާއްޑަ
27 January 2023
އޭރު އިންޓަނޭޓެއް ނެތް. އެހެންވެ ހިފާއްޓާލެވުނީ.
ޖޯކް
27 January 2023
ކަލޭ ހަމަތަ؟ އާ ތީތެދެއް. ހަމަނުޖެހުމެއް ނުފެނޭ. ކިހިނެއް ހަމަނުޖެހުމެއް ހިންގާނީ. މަރުނުވަތަ ބޮޑު އަނިޔާއެއް ވިއްޔަ ވާނީ.
ޝައްބުކަ
28 January 2023
މައުމޫން ހުރިހާ ކަމެއް ފެށީ ސުމަކުން. އޭރު ރާއްޖޭގައި އޮތީ ދެތިން ރިސޯޓު. ޜާއްޖެތެރޭގައި ހުރީ ދެތިން ސްކޫލް. އިންޖީނު އެޅި ހުރީ ދެތިން ދޯނި. އިގުތިސާދީ އޮނިގަނޑެއްނެތް. ސިއްހީ އަދި އިޖުތިމާއީ ހަރަކާތެއް ނެތް. ވިސްނުންތެރިކަމާއި ހިކުމަތްތެރިކަމާއެކު ހިންގެވި ހަރަކާތްތަކުން ވެެރިކަމުން ފޭބިއިރު ރާއްޖެއޮތީ ސަރަހައްދުގެ ބޮންތީގައި. މިހާރުވެރިކަމަށް އަންނަ މީހުން މިވެނިކަމެއް ތިމަން ކޮށްފީމޭ ބުނަން ކެރެނީ މައުމޫން ހޯދައިދިން ހަކަތައިން.
ބައިކިލޯ
28 January 2023
ރާއްޖެ މިދެކޭ ތަރައްގީގެ ބާނީއަކީ ހަމަ ޒައީމް މައުމޫނު. ދެން އެންމެ މުހިންމު މަސައްކަތްކުރީ ޔާމީން. މާލޭ ސަރަހައްދުގައި ކުރި މަސައްަކތްތަކަށް ބަލަލީމާފެންނަނީ. 1- ހުޅުމާލެ 1 (މައުމޫނު އައިލެންޑް) މައުމޫން. 2- ތިލަފުށި(އުމަރުފުށި) މައުމޫނު 3-މައުމޫނުބީޗް މައުމޫނު 4- އަންނިޖެޓީ ނަޝީދު 5- ގުޅިފަޅު ނަޝީދު 6- ހުޅުމާލެ2(ޔާމީނުސަހަރު) ޔާމީން 7- ޔާމީނުބީޗް0ރަސްފަންނު) ޔާމިން 8- ޔާމީނު ބުރިޖު ޔާމީނު ސޯލިހުގެދައުރު ނިމެނީ އެއްވެސްކަމެއްނެތި ޒީރޯގައި.
އަބްޑޫޅް
28 January 2023
މީހަކު ދެކޮޅުހެން ހީވިޔަސް ގެންގޮސް، ބިޑިއަޅާ، އަނދަގޮނޑި ޖަހާ، އެންގަލަށް އަރުވާފަ ތިބީ.
އަލި ބޭބޭ
27 January 2023
ޝުކުރިއްޔާ ރ މައުމޫން