ކ. ތުލުސްދޫ ކައިރިން މޫދަށް އެރި އުޅުނު ޓޫރިސްޓެއްގެ ގައިގައި ލޯންޗަކުން ޖެހި މިއަދު މަރުވެއްޖެ އެވެ.
އަނބިމީހާއާއެކު، ރާއްޖެ އަށް ޗުއްޓީ އަށް އައިސް އުޅުނު ސްޕެއިންގެ އެ ފިރިހެންމީހާ މަރުވީ، ކުޑަވިލިނގިލި ކައިރިން ކަނޑުއޮޅި އަށް މޫދަށް އެރި އުޅެނިކޮށް އޭނާގެ ގައިގެ މަތިން ލޯންޗެއް ދުއްވާފައި ދިއުމުންނެވެ.
މި އެކްސިޑެންޓްގައި އެ މީހާގެ އެއް އަތް ބުރިވެ، ބަނޑު ކަފައިގެން ގޮސް ގޮހޮރު ވެސް ވަނީ ނުކުމެފަ އެވެ. ފައި ވެސް ވަރަށް ބޮޑަށް ކަފައިގެން ގޮސްފައިވާއިރު ބުރިވި އަތް އަދި ނުފެނެ އެވެ.
ތުލުސްދޫގެ އެ ލޯންޗު ދުއްވަން އިނީ އެ ރަށުގެ މީހެކެވެ.
