ކިޔަވާ ލޯނުގެ އިންޓްރެސްޓާއި އިސްލާމިކް އެޑިއުކޭޝަންގެ ފައިނޭންސިން ރޭޓް ބީއެމްއެލުން ކުޑަކޮށްފި

ކިޔަވާ ލޯނުގެ އިންޓްރެސްޓާއި ބީއެމްއެލް އިސްލާމިކް އެޑިއުކޭޝަންގެ ފައިނޭންސިން ރޭޓު ކުޑަކޮށްފި. -- ފޮޓޯ: ބީއެމްއެލް

އައިޝަތު ޖަޒްލީ، މިހާރު

01 ފެބުރުއަރީ 2023 - 13:44

ބޭންކް އޮފް މޯލްޑިވްސް (ބީއެމްއެލް) އިން ދޫކުރާ ކިޔަވާ ލޯނުގެ އިންޓްރެސްޓާއި ބީއެމްއެލް އިސްލާމިކް އެޑިއުކޭޝަންގެ ފައިނޭންސިން ރޭޓް ފަސް ޕަސެންޓަށް މިއަދުން ފެށިގެން ކުޑަކޮށްފި އެވެ.

އެ ބަދަލަކީ މިހާރު ނަގާފައިވާ ކިޔަވާ ލޯނާއި އެޑިއުކޭޝަން ފައިނޭންސިންގެ އިތުރުން އަލަށް އެދި ހުށަހަޅާ ފެސިލިޓީތަކަށް ވެސް ހިނގާނެ ރޭޓު ކަމަށް ބޭންކުން ބުންޏެވެ. އަދި އެ ބަދަލުގެ ސަބަބުން މިހާރު ލޯނާއި ފައިނޭންސިން ނަގާފައިވާ ފަރާތްތަކަށް ފައިސާ އަނބުރާ ދައްކަންޖެހޭ މުއްދަތު އޮޓޮމެޓިކުން ކުޑަވާނެ ކަމަށް ވެސް ބުންޏެވެ.

ބޭންކުން ބުނި ގޮތުގައި އެ ލޯނު މަހުން މަހަށް ދައްކަންޖެހޭ އަދަދު ކުޑަކުރުމަށް ބޭނުންވާ ކަސްޓަމަރުން އަމަލުކުރަންޖެހޭ ގޮތާއި އެކަމާ ގުޅޭ އިތުރު މައުލޫމާތު ކިޔަވާ ލޯނާއި ބީއެމްއެލް އިސްލާމިކް އެޑިއުކޭޝަން ފައިނޭންސިންނަގާފައިވާ ކަސްޓަމަރުންނާ އަންގަމުންދާނެ އެވެ.

ބީއެމްއެލްގެ ސީއީއޯ އަދި މެނޭޖިން ޑިރެކްޓަރު ކާލް ސްޓުމްކަ ވިދާޅުވި ގޮތުގައި ކިޔަވާ ލޯނަށް ގެނައި ބަދަލާ އެކު ދުނިޔޭގެ ކޮންމެ ތަނަކުން ކިޔެވުމަށް ބޭނުންވާ ދަރިވަރުންނަށް ވެސް ފަސޭހައިން ފަންޑިން ހޯދުމަށް ފުރުސަތު ލިބޭނެ އެވެ.

ބީއެމްއެލްއިން ބުނި ގޮތުގައި ކިޔަވާ ލޯނާއި އެޑިއުކޭޝަން ފައިނޭންސިން މެދުވެރިކޮށް ދަރިވަރުންނަށް ޓިއުޝަން ފީ އާއި ދިރިއުޅުމުގެ ހަރަދުތައް ހިމެނޭހެން ކިޔެވުމުގެ ހަރަދުތަކުގެ 75 ޕަސެންޓާ ހަމައަށް ފައިނޭންސް ލިބޭނެ އެވެ. މި ފައިސާ އަނބުރާ ދެއްކުމަށް 10 އަހަރު ގެ މުއްދަތެއް ލިބޭނެ އެވެ.

ތައުލީމް ބީއެމްއެލް ސްޓޫޑެންޓް ލޯނު ވިޔަފާރި ޕްރޮމޯޝަން

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބެއްޔާބެގެދަރި

01 February 2023

ލުއި ކަމަށްބުނާ ލޯނު ވެސް ރަހުނަކާނުލާ ލިބޭ. އެކަމަކު ކިޔަވާ ލޯނު މި ލިބެނީ 150 ރަހުނަކަށް ބަހައްޓައިގެން. އަދި އެ ވެސް މާލެ ގޯތި އެކަނި ރަހުނު ކުރެވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

01 February 2023

އެއްވެސް ތަނަކުން ކިޔަވަން ބޭނުންވާ ދަރިވަރުންނަށް ފަސޭހައިން ފަންޑެއް ލިބޭނެ އެއްވެސް ގޮތެއް އަދިވެސް ނެތް! ލޯނު ނަގަން ކިޔަވާކުއްޖަކަށް ބެހެއްޓޭނެ ރަހުނެއް އޮންނާނެތޯ؟ އަނެއްކޮޅުން އަހަރުން އަހަރަށް %5 ނުނަގާ، މުޅި ޢަދަދަށް %10 ގެ އިންޓަރެސްޓެއް ކަނޑައަޅާ 10 އަހަރު ތެރޭ ދައްކަން ޝަރުޠުކޮށްގެން ނޫންތޯ މިނިމަމް ވޭޖުން ލޯނު އަނބުރާ ދެއްކޭނީވެސް! ކިޔަވާ ކިޔެވިއްޔެއްގެ ގޮތުން ކިޔަވާ ނިމެން 5 އަހަރުވެސް ނަގާފާނެ، އެ 5 އަހަރަށް އިންޓަރަސްޓް ނުނަގަމާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެމިނިސްޓް

01 February 2023

އިންޓްރެސްޓް ކުޑަކުރީމަ ރިބާ ޙަލާލުވަނީތަ؟ ޙަރާމް ވާނީ ޙަރާމަށް. ޙައްލަކީ އިސްލާމިކް ފައިނޭންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަހުނު

01 February 2023

ލޯނުގެ ރަހުނުގެ ގޮތުގައި ބަލައިގަންނަނީ މާލޭގައި ހުންނަ ގޯތި އެކަނި. އަދި އެއްގެއަކުން ވެސް ނުފުދޭ. މަދުވެގެން ދެގެ ރަހުނު ކުރަންޖެހޭ. ދުނިޔާގެ އެހެންތަންތަނުގައި ސުޓޫޑެންޓް ލޯނަކީ ރަހުނަކާ ނުލާ ދޫކުރާއެއްޗެެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާރުގެ ވެރީންނަށް

01 February 2023

މޯގޭޖް %150 ކަވާރ ކުރަންޖެހޭނަމަ، އޮތޮޅުތަކުގެ ގޯތި ގެދޮރު އަގުމަގު ކުރާގޮތް އަދި ރޭޓްތައް ވަރަށް ސާފުކޮށް ރައްޔިތުންނަށް އިނގެން އެބަޖެހޭ. ބެންކުގަ އިންނަ މެނޭޖަރެއްގެ ބަނޑުތެރޭ ތި ރޭޓްތައް ހުރުމަކުން އަދި ނުވާނެ. ސަރުކާރުން ބެންކް އޮފް މޯލްޑިވްސް ގެ ބޅށ އޮތް ނަގޫ ތެދުކުރަންޖެހޭ ދަގަނޑު ބޭހާ އޮއްޓު އަޅާގެން ނަމަވެސް. އަތޮޅުތަކު ރައްޔިތުން މަހަށްގޮސް ގުދާރު ބިންދާގެން ލައްކަ މިލިއަނުން ޚަރަދުކޮށް ހަދާފަ ހުންނަ ގޯތި ތަކުގެ އަގެއް އޮންނަން ޖެހޭނެ.