"ބުންވަރު ހިނގާލުން"ގެ ނަމުގައި ކުރީގެ ރައީސް އަބްދުﷲ ޔާމީން މިނިވަންކުރުމަށް ގޮވާލައި އިދިކޮޅުން މާލޭގައި ބޭއްވި ބޮޑު ހިނގާލުން: ކުރީ ސަފުގައި އިދިކޮޅުގެ ލީޑާޝިޕްގައި ހިމެނިވަޑައިގަންނަވާ ބޭފުޅުން -- ފޮޓޯ: ފަޔާޒް މޫސާ | މިހާރު
03 ފެބުރުއަރީ 2023 - 18:09
42 comments
ޕީޕީއެމްގެ ރިޔާސީ ކެންޑިޑޭޓް އަދި ކުރީގެ ރައީސް އަބްދުﷲ ޔާމީން މިނިވަންކުރަން ގޮވާލައި އިދިކޮޅު ޕީޕީއެމް/ ޕީއެންސީ ކޯލިޝަނުން މާލޭގައި މިއަދު ބޮޑު ހިނގާލުމެއް ބާއްވައިފި އެވެ.
މިއަދު ހަވީރު ޕީޕީއެމް އޮފީސް ކުރިމަތިން ފެށި މި ހިނގާލުމުގައި ގިނަ ބަޔަކު ބައިވެރިވި އެވެ. މާލޭގެ ބޮޑެތި މަގުތަކުގައި ބޭއްވި މި ހިނގާލުމުގެ އެންމެ ކުރީ ސަފުން އިދިކޮޅުގެ ލީޑާޝިޕްގައި ހިމެނިވަޑައިގަންނަވާ ވަރަށް ގިނަ ބޭފުޅުން ފެނުނެވެ. މިއީ މިފަދަ އެއްވުމެއްގައި އިދިކޮޅުގެ ލީޑާޝިޕްގައި ހިމެނޭ މިހާ ގިނަ ބޭފުޅުން ބައިވެރިވެވަޑައިގެންނެވި ފުރަތަމަ ފަހަރެވެ.
"ބުންވަރު ހިނގާލުން"ގެ ނަމުގައި ކުރީގެ ރައީސް އަބްދުﷲ ޔާމީން މިނިވަންކުރުމަށް ގޮވާލައި އިދިކޮޅުން މާލޭގައި ބޭއްވި ބޮޑު ހިނގާލުން -- ފޮޓޯ: ފަޔާޒް މޫސާ | މިހާރު
ކުރީގެ ރައީސް ޑރ. މުހައްމަދު ވަހީދާއި މާލޭގެ މޭޔަރު ޑރ. މުހައްމަދު މުއިއްޒު އާއި ޕީއެންސީގެ ރައީސް އަބްދުލްރަހީމް އަބްދުﷲ އާއި ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދާއި ކުރީގެ ނައިބް ރައީސް އަދި ޔާމީންގެ ގާނޫނީ ވަކީލުންގެ ޓީމުގައި ހިމެނިވަޑައިގަންނަވާ ޑރ. މުހައްމަދު ޖަމީލް އަހުމަދުގެ އިތުރުން ޕީޕީއެމްގެ ނައިބު ރައީސް އަދި ގުރައިދޫ ދާއިރާގެ މެންބަރު ގައްސާން މައުމޫން ވެސް މި އެއްވުމުގައި ކުރީ ސަފުގައި ތިއްބެވި އެވެ.
"ބުންވަރު ހިނގާލުން" ގެ ނަމުގައި ބޭއްވި މި ހިނގާލުމަކީ ކުރިއަށް އޮތް ރިޔާސީ އިންތިހާބަށް ތައްޔާރުވުމަށް އިދިކޮޅުން އިއްޔެ ފެށި ކުރިއަށް ގެންދާ "ހޯޕް ކޮންފަރެންސް" ގެ ތެރެއިން ބޭއްވި ހާއްސަ ހަރަކާތެކެވެ.
"ބުންވަރު ހިނގާލުން"ގެ ނަމުގައި ކުރީގެ ރައީސް އަބްދުﷲ ޔާމީން މިނިވަންކުރުމަށް ގޮވާލައި އިދިކޮޅުން މާލޭގައި ބޭއްވި ބޮޑު ހިނގާލުން -- ފޮޓޯ: ފަޔާޒް މޫސާ | މިހާރު
މި ހިނގާލުމުގެ ބައިވެރިން ގޮވައިލީ ވ. އާރަށް މައްސަލާގައި މަނީ ލޯންޑްރިން އާއި ރިޝްވަތުގެ ކުށް ސާބިތުވެ 11 އަހަރުގެ ޖަލު ހުކުމެއް ތަންފީޒުކުރަމުން އަންނަ ޔާމީން މިނިވަންކޮށް، އިންސާފު ގާއިމްކުރުމަށެވެ.
އިދިކޮޅުގެ "ހޯޕް ކޮންފަރެންސް" ގައި 1،000 އަށް ވުރެ ގިނަ މަންދޫބުން ރަޖިސްޓްރީކޮށްފައިވެ އެވެ. އެ ކޮންފަރެންސްގައި ރިޔާސީ އިންތިހާބަށް ތައްޔާރުވުމާއި ކެމްޕޭންގެ ދަތުރުތައް އަލުން ފެށުމާއި ޕާޓީ އަލުން ތަރުތީބުކޮށް އެއްބައިވަންތަކަމާއެކު އިންތިހާބަށް ނުކުތުމަށް މެމްބަރުންގެ ބައްދަލުވުންތައް ބާއްވަން ވަނީ ހަމަޖެހިފަ އެވެ. އެ ކޮންފަރެންސް ބާއްވަނީ މާދަމާގެ ނިޔަލަށެވެ.
"ހޯޕް ކޮންފަރެންސް" ފަށަމުން މެމްބަރުން ދެއްކީ ޔާމީން ނޫން ކެންޑިޑޭޓަކު ބޭނުން ނުވާކަން https://t.co/3WTHpSAQDO
— Mihaaru (@Mihaarunews) February 2, 2023
"ހޯޕް ކޮންފަރެންސް" ފެށުމުގެ ގޮތުން އިއްޔެ ބޭއްވި ޖަލްސާގައި އިދިކޮޅުގެ ލީޑާޝިޕްގައި ހިމެނިވަޑައިގަންނަވާ ހުރިހާ ބޭފުޅުންހެން ވިދާޅުވީ ޔާމީން ނޫން ކެންޑިޑޭޓެއް ބޭނުންނުވާ ކަމަށެވެ. ޖަލު ހުކުމެއް އިއްވުމާއެކު، ރިޔާސީ އިންތިހާބުގައި ވާދަކުރެއްވުމުގެ ގާނޫނީ ދޮރު ޔާމީނަށް ބަންދުވެފައި ވިޔަސް، އިދިކޮޅުން ބުނަމުން ދަނީ ޕާޓީގެ ރިޔާސީ ކެންޑިޑޭޓަކީ އެ މަނިކުފާނު ކަމަށެވެ.
މި ކޮންފަރެންސް ނިންމާލުމުގެ ގޮތުން މާދަމާ ރޭ "ދުއްޕާން" ނަމުގައި މާލޭގައި ބޮޑު ޖަލްސާއެއް ވެސް ބާއްވާނެ ކަމަށް ޕީޕީއެމުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންއީސަ
04 February 2023
ހޯޕް ކޮންފަރެންސް އަކީ ޕީޕީއެމްގެ ލީޑަރ ޝިޕްގައި ތިބި ބަޔަކަށް މުޅިން އާހޯޕެއް ލިބުނީ ޔާމިން ޖަލަށްލީމަ ވެރިކަމާއިހެދި ދެވި ހިފާފައި! އިހުލާސްތެރިކަމެއް ހުރިނަމަ ތިނަމުގައި ތިކަމެއް ނުކުރާނެ.
ބީޗުގަ ހުރި މީހެއް
04 February 2023
އަޑުގަދަކުރާއިން ގޮވީ ކޮންމެ ލައިނެއްގަ 6 މީހުން ތިބޭށޯ ކޮންމެ މީހަކު ދިދައެއް ހިފައިގެން، ކޮންމެ ދެމީހެއްގެ ދޭތެރެއަށް ހުސްތަން ދޫ ކޮށްފަ
ވެދުން ސަލާމް!
04 February 2023
ޝަހީމުމެންނަކީ ނުލާހިކު ބޮޑަށް ދީނީ ކަންތައް އޮޅުންފިލާފަ ތިބިމީހުންކަމަށް ކިޔާމީހުން. އެމީހުންވެސް މިބުނަނީ ދައުލަތުގެއެތައް މިލިއަން ރުފިޔާއެއް އަމިއްލަ އެކައުންޓަށް އެޅުމަކީ މައްސަލައެއްނޫނޭ. އަދި އެކަހަލަ މީހެއްގެ މައްޗަށް ޝަރީއަތެއް ހިންގާކުރާ ހުކުމަކީ "ހަރާމްހުކުމް" އެކޭ. މީ ކަޑައެޅިގެން ދީން މީސްތަކުންނަށް އޮޅުވާލާ ދީނަށް ކުރާ ބޮޑު މަލާމާތެއް.
ހުކުމް
04 February 2023
އިކުރާޔުތަކުން ބޭރުން ވަކި މީހެއް ވެގެން އަވަސް ބުރަށްލާފަ ސިޔާސީ މަގުސަދެއްގައި ހުކުމް ކުރީމަ އެއީ ހަލާލު ހުކުމެއްބާ؟ އަދީބު އެހެރީ ގޭގަ ޔާމީނު ޖަލުގަ. އެއީ އިސްލާމު ދީން ދަންނަ އިންސާފެއް ނޫން. އިސްލާމު ދީނުގައި އިންސާފަކީ މޫނަކަށް ކަނދުރާއަކަށް ބަލާފަ ކުރަން އޮންނަ އެއްޗެއް ނޫން
ޑރ. ވަޙީދު
04 February 2023
ޕީޕީއެމް އިން އެހެން ކެންޑިޑޭޓެއް ނެރެންވީ. ގައިދީއަކަށް ބަލަހައްޓައިގެން އުޅެން މާގިނަ މީހުން ގެނެސްގެން އެމްޑީޕީ ވެސް މުޒާހަރާކުރި. ކަމެއް ހާސިލެއްނުވޭ. ސިޔާސީ ތަޖުރިބާ ބޭނުންކޮށްގެން ޙިކްމަތްތެރިކަމާއެކު ޓިކެޓް ޙަވާލުކޮށްފިނަމަ އަޅުގަނޑު މިހުރީ ކުރިއަށްދާން! ނޫނީ އަޅުގަނޑު ވެސް މި ޕާރޓީ ދޫކޮށް ދާނީ.
އަންޑޭ
04 February 2023
ވަގުން ދޫކުރަން މުޒާހަރާކުރަނީ. ކޮން ދީނަކަށް އުޅެނީ؟ ވަލިއްޔުލް ޢަމްރު ކަމުގައި ހުރެ ދައުލަތައް ލިބެންވާ އެތައް ސަތޭކަ މިލިޔަނެއް އަމިއްލަ އެކައުންޓްތަކަށް އަޅާފައިވާ މީހަކަށް ވެރިކަން ހޯދަދޭން ތިޔައުޅެނީ؟ ޖަލުގެ ރައީސްކަން ލިބޭނެ!
ބަންޑޭ
04 February 2023
ދައުލަތަށް ލިބެންވާ ކިތައް ސަތޭކަ މިލިއަން ކަމެއް ޔާމީންގެ އެކައުންޓްގަ ހުރީ އަދިވެސް ކަނޑައެއްނޭޅޭ. ޔާމީންގެ އެކައުންޓްގަ ކިތަންމެ ބައިވަރު ފައިސާއެއް ހުއްޓަސް އޭގެ ޒާތުގަ އެއީ ދައުލަތުގެ ފައިސާއަކަށްނުވާނެ އެކަން ސާބިތުކޮށް ނުދޭހާ ހިނދަކު. އެވާނީ ހަމަ ޔާމީން ނޫނީ ޕާޓީގެ ފައިސާ ކަމަށް. ޔާމީން ޖަލަށްލާން އެކަނި ހުކުމްކޮށްފަ ފައިސާ ރައްޔިތުންނަށް ހޯދަދޭން ހުކުމްގަ ނޯންނާނީ އެއީ ދައުލަތުގެ ފައިސާއަށް ނުވާތީ.
ށަވިޔަނި
04 February 2023
ކިތަންމެވަރަކަށް ހިނގާލުން ބޭއްވިއަސް ޝަރުޢީ ކޯޓަކުން ކޮށްފައިވާ ޙުކުމަކާ ޚިލާފެއްނުވެވޭނެ. ދަށުކޯޓުގެ ޙުކުމަށް ބަދަލުގެނެވޭނީ އެއަށްވުރެ މަތީ ކޯޓަކުން. ހިނގާލުން ނުބޭއްވިއަސް ޔާމީނަށް ތާއީދުކުރާ އެންމެން ދަށުކޯޓުގެ ޙުކުމަށް ނުރުހޭނެކަން އެނގޭ. އެކަން އަންގަން މަގުމައްޗަށް ނުކުތުމުގެ އެއްވެސް ބޭނުމެއްނެތް.
ޑަވިޔަނި
04 February 2023
މަގުމައްޗަށް ނިކުމެ ސަޕޯޓް ދައްކާލީމަ ދެން މާބޮޑަށް މޭކަރައިގެން ތިއުޅެނީ.
ހާމިދު ޝާހިދު
04 February 2023
ރެކޯޑް އަދަދަކަށް މީހުން ނުކުމެ ސައިޒް ދައްކާލުމުންވެސް، އިސްލާމީ ޝަރީއަތާ ހިލާފަށް ހަރާމް ހުކުމެއް ކޮށް ޤައުމަށް 5 އަހަރުތެރޭ 30 އަހަރުގެ ތަރައްގީ ގެނެސް ދެއްވި ބާނީ އަދިވެސް އެ އޮންނެވީ ހުރަގޭގައި. ހިތްވަރުފުޅު ގަދަ ނޫންތޯ! އިބްރާހިމް ސޯލިހާއި، އަންނިނަމަ މިހާރު އޮންނާނީ ކޮންމެވެސް އެއްޗެކޭ ކިޔައިގެން ޤައުމުން ބޭރަށް ކަނޑާލާފައި. މިއަޒުމުގައި ތިބީމަ، ރައީސް ޔާމީނު ހައްޔަރުން ދޫކޮށް ނުލިނަމަވެސް، އެއްބުރުން ޕީޕީއެމް/ޕީއެންސީ 2023 ކާމިޔާބު ކުރާނެ
ސައި
04 February 2023
ކޮބާތަ ރިކޯޑު އަދަދަކަ ޔާމީން އެކައުންޓަ ވަން ފައިސާ. ވައްކަން ކުރިކަން ކޯޓަސާބިތުވެގެން ޖަލުގަ އެއޮނެވީ. ވެރިކަމަށް ޓަކާ ވައްކަން އޯކޭނުކުރޭ. ދަރިންނަށް ތެދުވެރިކަމާ އަމާނާތްތެރިކަން ދަސްކޮށްދީ
ކަޅުސައި
04 February 2023
ޔާމީން އެކައުންޓަށް ވަތް ފައިސާއަކީ ދައުލަތުގެ ފައިސާ ނޫންވީމަ ކޯޓުންވެސް އެ ފައިސާއާމެދު ގޮތެއް ނުނިންމީ. ރިކޯޑު އަދަދަކަށް ފައިސާ ހުއްޓަސް އޭގެ ތެރެއިން ދައުލަތުގެ ފައިސާއަކީ ކޮބައިކަމެއް ބުނެދޭކަށް ދައުލަތަކަށް ނޭނގެ. ގެއްލުނު ފައިސާގެ ބޮޑުބައިވާނީ އެހެން ބަޔަކު އަތުގަވީމަ ފައިސާތައް ހޯދާކަށް މިސަރުކާރަކުން ނުއުޅޭ.
ވިސްނާށޭ
04 February 2023
މި މުޒާހިރާގައި ބައިވެރިވި އެންމެންނަށް ފެންނަނީ އަދި ބޭނުންވަނީ ރައްޔަތުންގެ ފައިސާ ކާލި ވަގަކު ޖަލުން ނެރެން. އެހެންވީމާ ވަރަށް ރީއްޗަށް ފެންނަގޮތަށް އެއަންގަނީ ރައްޔަތުންގެ މުދަލަށާއި އެދުންތަކަށް އެމީހުން މުހިއްމުކަން ދޭނެ މިންވަރު!
އެބަވިސްނަމޭ
04 February 2023
މިރާއްޖޭގައި އަލަށް ފެންނަކަމެއްތަ އަޅެމީ؟ ނޫނީ އަލައްތަ މީހަކު ފާފައަކަށް ސަޕޯޓުކުރަނީމީ؟ މިގައުމުގަ އެތައް ބަޔަކު ދީނުގަ ޙަރާމްކުރެއްވި ބަޣާވާތަށް ތާއީދު، އެތައްބަޔަކު މާލޭގަ ރާވިއްކަން ތާއީދު! އެތައްބަޔަކު ބޮޑުދޮގުވެރިން ޖަލުން މިނިވަންކުރަން ތާއީދު! ޤުރުއާނާ ސުންނަތް ނޫން ގޮތެއް ހޯދަން ގޮވާމީހުންނަށް ތާއީދު! މ.ޑ.ނ ދިފާކުރާ ވެރިންނަށް އެހާބޮޑު ތާއީދެއް..... މިހެންގޮސް ކިޔާނެކަމެއްނެތް....
ވިސްނޭށޭ
04 February 2023
ޔާމީނަށް ބެލީމަ ނަހަމަ ގޮތުގަ ފައިސާ ގެންގުޅުނުކަމަށް އެބަ ފެނޭ. އެކަމު އެއަށްވުރެ ބޮޑަށް ފެނޭ ކޮށްދީފަ ހުރި ކަންތައްތައް. ރައްޔިތުންގެ ފައިސާ އެވަރަށް ކޭނަމަ ފެންނަން އެހުރިހާ ބިޔަ މަޝްރޫއުތަކެއް ފެންނާކަށް ނުހުންނާނެ. އަދި އެސްޑީއެފްއަށް ލާނެ އެއްޗެއްވެސް ނޯންނާނެ. ޔާމީނަށް ބެލީމަ ދެން ފެންނަނީ އިންޑިއާ ފަރާތުން ރާއްޖެ ސަލާމަތްކޮށްދޭނެތަން. ބަޔަކަށް ނުފެނުނަސް މިހާރުވެސް ދިވެހިންގެ ނިތްކުރީގަ ހިންދޫންގެ ސިއްކަޖަހަން ފަށައިފި.
ޝޮކްތެރަޕީ
04 February 2023
އެމްޑީޕީ ނޮހޮވޭނެ މިއަންނަ އިންތިހާބުން. ޢިންޝާﷲ
ޢެމެރިކާ
04 February 2023
ރައިސް ޔާމިންގެ ތަރައްގީ ވަރައް ބަރާބަރު.
އެމަނިކުފާބނ
04 February 2023
އެމަނިކުފާނު ދައުލަތާ ޙަޒާނާޔާހަވާލުވެހުރެ އެޙަޒާނާގެ ހުރި ލާރި އަމިލަ އެކައުންޓަ ޖަމާކޮށްލިގޮތްވެސް ވަރަށް މޮޅު