ފަރެސްމާތޮޑާ އެއާޕޯޓު. އެތަނުގެ ގިނަ ވަޒީފާތަކަކަށް ވަނީ ހުޅުވާލައިފައި-- ފޮޓޯ: އެމްޓީސީސީ
06 ފެބުރުއަރީ 2023 - 16:37
6 comments
ގދ. ފަރެސްމާތޮޑާ އެއާޕޯޓުގެ 45 ވަޒީފާއަކަށް މީހުން ހޯދަން ރީޖަނަލް އެއާޕޯޓްސް ކުންފުނިން ހުޅުވާލައިފި އެވެ.
އެ ކުންފުނިން ކުރި އިއުލާނެއްގައި ވަނީ އެއާޕޯޓު މެނޭޖަރާއި އޮޕަރޭޝަން އޮފިސަރުންނާއި އެޑްމިނިސްޓްރޭޓިވް އޮފިސަރުންނާއި މަސައްކަތު މީހުންނާއި ސުޕަވައިޒަރުންނާއި މެއިންޓެންންސާއި ސެކިއުރިޓީ އާއި ފަޔާފައިޓަރުން ފަދަ ވަޒީފާތަކަށް ކުރިމަތިލަން ހުޅުވާލައިފަ އެވެ.
ގެޒެޓު ކުރި އެ އިއުލާނުގައިވާ ގޮތުން މި މަހުގެ 20 ކުރިން އެޕްލިކޭޝަން ހުށަހަޅަން ޖެހެ އެވެ.
ފަރެސްމާތޮޑާ އެއާޕޯޓުގެ ވަޒީފާތަކަށް ހުޅުވާލި އިރު އެ ތަން ހުޅުވުމުގެ ކުރިން ނިންމަންޖެހޭ އެންމެ ފަހުގެ މަސައްކަތްތައް އެމްޓީސީސީން އަންނަނީ ކުރަމުންނެވެ. ފަރެސްމާތޮޑާ އެއާޕޯޓް ހުޅުވަން ތާވަލު ކޮށްފައި ވަނީ އަންނަ މަހެވެ. އެ އެއާޕޯޓުގެ ގާތްގަނޑަކަށް 90 ޕަސެންޓް މިހާރު ވަނީ ނިމިފަ އެވެ.
އެ މަޝްރޫއުގެ ދަށުން ރަންވޭގެ ސަބްގްރޭޑް ކުރުމާއި ސަބްބޭސްގެ މަސައްކަތް ކުރުމާއި ޓެކްސީވޭއަކާއި އޭޕްރަން ފަޔަ ޕެޑް އަދި ފަޔަ ރޯޑެއް ހަދާނެ އެވެ. ފަޔާ ބިލްޑިންގް އިމާރާތް ކުރުމާއި ޓާމިނަލް ބިލްޑިންއެއް ވަނީ ހަދައިފަ އެވެ.
އެ އެއާޕޯޓުގައި 1،200 މީޓަރުގެ ރަންވޭއެއް އަޅާނެ އެވެ.
އެއާޕޯޓާ އެކު ފަރެސްމާތޮޑާގައި އަޅާ ބްރިޖްގެ މަސައްކަތް ވެސް އެމްޓީސީސީން އަންނަނީ ކުރަމުންނެވެ. އެ އެއާޕޯޓް ހެދުމަށް އެމްޓީސީސީއާ ސަރުކާރުން ހަވާލުކުރީ ނޮވެމްބަރު 2020 ގަ އެވެ. އެ ޕްރޮޖެކްޓަށް 145 މިލިއަން ރުފިޔާ ހޭދަކުރާ އިރު މަސައްކަތް ނިންމުމަށް ދިނީ އެއް އަހަރާއި 8 މަސް ދުވަހެވެ. މަސައްކަތް ނުނިމި ލަސްވީ، ޕްރޮޖެކްޓަށް ބޭނުންވާ ބައެއް ސާމާނުތައް ގެނައުމުގައި ލަސްތައް ދިމާވުމުން ކަމަށް އެމްޓީސީސީން ކުރިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
07 February 2023
ސަރުކާރުގެ ހުރިހާ ވަޒީފާތަކައް "ހަމައެކަނި ދިވެހިންނަށް" ޖަހާފަ މީހުން ހޯދަން އިޢުލާން ކުރުން މުހިއްމު!
އޮނަރަބްލް އަފީފު ދީދީ
07 February 2023
ހަނިމާދުއާއި ގޭން އޮޕަރޭޝަން ފެއްޓުމަށްޓަކާ މި 2 އެއަރޕޯޓްހިމެނޭ ސަރަހައްދުތަކުގައިވާ ޑޮމެސްޓިކް އެއަރޕޯޓްތަކަށް ޑެލިއީ ކަނެކްޓިވިޓީ ވަރަށްމުހިންމުވާނެ. # މިކަމަށްޓަކާ މާލެއިން ހަނިމާދުއާއި އައްޑުއަށް A-321 ބޯޓް އޮޕަރޭޓްކޮށް އުތުރުގެ އެހެންމަންޒިލްތަކަށް ދަތުރުކުރާ މީހުން ހަނިމާދޫމަގުން އަދި މިގޮތަށް (ފުވައްމުލަށް ފިޔަވާ) ދެކުނުގެ ޑޮމެސްޓިކް އެއަރޕޯޓްތަކަށްދާންބޭނުން މީހުން ގޭންއެއަރޕޯޓްމަގުން ޓްރާންސިޓްވާގޮތަށް ރޫޓިންގތަކަށް ބަދަލުގެންނާންޖެހޭ.
ހުސޭނު.
07 February 2023
ތިކަން ނޭގިގެން ސަރުކާރާއި މޯލްޑިވިއަން ނޫޅޭ. އެމީހުން ބޭނުމެއްނުވޭ އެމީހުންގެ ރަށަށް ނޫން ތަނަކަށް ތަރައްޤީގެ އެއްވެސް ކަމެއް ކޮށްދީ އެފުރުސަތު ދޭކަށް. އެމީހުންނަށް އިގޭ އެތެރޭގެ އުދުހުންތައް ތިގޮތަށް ހަމަޖައްސައިފިނަމަ ފަތުރުވެރިންނަށް ފަސޭހައިން ތިރަށްރަށަށް އަގުހެޔޮކޮށް ދެވޭނެ އިންތިޒާމް ތަކެއް ހަމަޖެހިދާނެކަން.
އޮނަރަބްލް އަފީފު ދީދީ
06 February 2023
އިތުރުކުރި ޑޮމެސްޓިކް އެއަރޕޯޓްތަކަށް ޑެއިލީ ޝެޑިއުލްދަތުރު ކުރާންޖެހުމުގެސަބަބުން ދައުލަތުގެ އެއަރލައިންކުންފުނި މަރަށްތެޅޭކަން ސަރުކާރަށްއިގޭތޯ. # މިކަންބަދަލުކުރުމަށްޓަކާ ރާއްޖޭގެ ހުރިހާ އެއަރޕޯޓްތަކުން ކ.އަތޮޅުމާލެއަށް ޝެޑިއުލްދަތުރު ކުރުމުގެބަދަލުގައި (ފުވައްމުލަކާއި ދަރަވަންދޫ ފިޔަވާ) މޯލްޑިވިއަން މާލެއިން ޑެއިލީ ޝެޑިއުލް ދަތުރުކުރާނީ ހަމައެކަނި ހަނިމާދުއާއި އައްޑުއަށް ކަމުގައިހަދާ ރީޖަނަލް ހަބްތަކަށް މި 2 އެއަރޕޯޓް ބަދަލުކުރާކަށް ނުވޭތޯ.
ބޯޓުދެލި
06 February 2023
ކ.މާލޭ ލޯކަލް ޓޫރިޒަމް ކޮޓަރިކުލީގެ ވިޔަފާރިއަށް އިތުރު ރަށްރަށުގައި އެއާޕޯޓު އެޅުން މުހިންމު. ކ.މާލޭ ގޭގެއަށް ކުލިދައްކާމީހުން ބަލާފަ އޭގެތެރެއިން މަދީ ކޮންކޮން ރަށްރަށުމީހުންތޯބަލާފަ އެރަށްރަށުގަ އެއާޕޯޓުއަޅާ އެއާޕޯޓުން ކ.ހުޅުލެއަށް އެކަނި ދަތުރުއަޅާކަމަށްވަންޏާ ކުލީގެ ފައިސާ އިތުރުވާނެ. އަލަށްދޫކުރާ ގޯތިތަކު ކޮޓަރިތައް ބޮޑުއަގުގަ ކުއްޔަށްދެވޭނެ.
އޮނަރަބްލް އަފީފު ދީދީ
06 February 2023
އިތުރު ޑޮމަސްޓިކް އެއަރޕޯޓްތަކަށް ހޭދަކުރުމުގެކުރިން ހަނިމާދުއާއި ގޭންއެއަރޕޯޓްގައި އަޅުވައިގެންތިބި "މަރުގެ ތަޅު" ނައްޓާލަދޭންޖެހޭ. # ޑޮމަސްޓިކްއެއަރޕޯޓްތައް ފީޒަބަލްވާނީ ތިލަދުންމަތިން ފާދިއްޕޮޅަށްހިމެނޭ ހުރިހާ ޑޮމެސްޓިކްއެއަރޕޯޓްތަކާއި ހަނިމާދޫ އިންޓަރނޭޝަނަލް އެއަރޕޯޓް ގުޅުވާފަ، ހަމައެގޮތަށް ދެކުނުގެ އިންޓަރނޭޝަނަލް ހަބަކަށް ގޭންއެއަރޕޯޓްހަދާ ކޮޅުމަޑުލުން އައްޑުއަށްހިމެނޭ ހުރިހާ ޑޮމެސްޓިކްއެއަރޕޯޓްތަކަށް ގޭންއެއަރޕޯޓުން ކަނެކްޓިވިޓީ ދީގެން.