ބްރިގޭޑިއާ ޖެނެރަލް ހާމިދު: އޭނާގެ ބޭނުމަކަށް ހަވާ އެރުވުމަށް ސިފްކޯ އިން އެއްވެސް ހަރަދެއް ނުކުރާ ކަމަށް އެ ކުންފުނިން މިރޭ ބުނި.
09 ފެބުރުއަރީ 2023 - 23:09
65 comments
ބްރިގޭޑިއާ ޖެނެރަލް ހާމިދު ޝަފީގް މިދިޔަ ހަފުތާ ބަންދުގައި ބޭއްވި އަމިއްލަ ހަރަކާތަކަށް އެރުވި ހަވައާ ގުޅޭ ކަންކަމަށް އޭނާ އަމިއްލަ އަށް ފައިސާ ދެއްކެވި ކަމަށް ސިފައިންގެ ކުންފުނި ސިފްކޯ އިން މިރޭ ބުނެފި އެވެ.
މިދިޔަ ހޮނިހިރު ދުވަހުގެ ރޭ ސޯލްޓް ރެސްޓޯރަންޓްގައި ބޭއްވި ހަފުލާއާ ގުޅުވައިގެން ތިން މިނިޓަށް ހަވާއެރުވުމަށް ހިނގި ހުރިހާ ހަރަދެއް ހަމަޖެއްސީ ސިފްކޯ އިން ކަމަށް ސިފައިންގޭގެ ކުރީގެ އިސް އޮފިސަރެއް ކަމަށްވާ އަހުމަދު ފަޔާޒު (ޕާޕާ) ސޯޝަލް މީޑިއާގައި ވިދާޅުވެފައިވާތީ "މިހާރު" އިން ސިފްކޯއާ ސުވާލު ކުރުމުން އެ ވާހަަތައް ދޮގުކުރި އެވެ.
"ސިފްކޯގެ ހަރަދުގައި [އެ ހަރަކާތަށް] އެއްވެސް ކަމެއް ކޮށްފައެއް ނޯންނާނެ. ހާމިދު ދައްކަވަން ޖެހޭ ފައިސާއެއް ދައްކަވާފައި ހަވާ އެރުވީ،" ސިފްކޯގެ އިސް އޮފިޝަލަކު ވިދާޅުވި އެވެ.
"އެއީ ރަނގަޅަށް، އުސޫލުތަކުގެ ތެރެއިން ހިނގާފައިވާ ކަމެއް."
ތިން މިނިޓްގެ ހަވާއެރުވުމަކަށް ހަރަދުވަނީ ކިހާވަރެއްތޯ އެހުމުން އޭނާ ވިދާޅުވީ، ދިވެހިންގެ ބޭނުމަކަށް ނަމަ ހަވާއަރުވައި ދެނީ ކޮންމެ މިނިޓަކަށް 600 ޑޮލަރާއި 1،000 ޑޮލަރާ ދެމެދުގެ އަގުތަކެއްގައި ކަމަށެވެ.
ހަވާއެރުވުމަށް ސިފްކޯ އިން އަގު ކިޔަނީ ޑޮލަރުންނެވެ.
މާލެ ސަރަހައްދުގައި ހަވާއަރުވާ ނަމަ އެމްއެންޑީއެފުން އާންމުކޮށް އެކަން އިއުލާން ކުރެ އެވެ. އެހެންވެ، ހާމިދުގެ އެދިވަޑައިގަތުމަކަށް އެެރުވި ހަވާގެ ގަޑި އާއި ހަވާ އަރުވާ ތަން އާންމުކުރި އެވެ. ނަމަވެސް ހަވާއަރުވަނީ "ޕްރައިވެޓް އިވެންޓް" އެއްގެ ގޮތުގައި ކަމަށް ވާތީ ހަވާއަރުވަން އެދޭ މީހާގެ މައުލޫމާތު ހާމައެއް ނުކުރެ އެވެ.
"އާންމުކޮށް އެއްވެސް ފަރާތަކުން ބޭނުމެއް ނުވާނެ ނަން ހާމަކުރާކަށް،" ސިފްކޯގެ އޮފިޝަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޑޭ9
11 February 2023
ވަރަށް ފޮނި ބޮޑާ ކިބުރުވެރި މީހެއް. ބޮޑު މުސާރައާއި އިނާޔަތް ދީގެންބޭކާރު ޙަރަދުކުރަން ގެންގުޅޭމީހުން.
ޑިޕުލޮމާ ކޮޅު
12 February 2023
ދަށުގަ ތިބި މީހުންގެ ޕުރޮމޯސަންގައި އަތް އަޅައިން. ތިމާއަށް ވުރެ ކިޔަވާގެން ތިބި މީހުން ކުރިއަށް ގޮއްސާނެތި ބިރުން
ހަންޑި ކުޑަ
11 February 2023
މިދެން ބަޔަކު މޮޔަވެގެން ދައްކަން ޖެހޭ ވާހަކައެއްބާ! ބަލަ ހަވާ ވެސް އަރުވާނީ އެފެންވަރު ހުރި މީހުންނަށޭ! މަށާ ، ކާސިމާ، ޢީސަ އަށް ހަވާ ނުވަތަ އުޑުން ތަރި ބޭލިދާނެތަ! ނުވާނެ އެކަމެއް. އެފެންވަރެއް އަފިރިންގެ ގަޔަކު ނެތް. ކަންކަމުގައި ޖޭވިއަސް ތިއީ ބޮޑު ވަރު! ވ ވެދުން.
އަލިފުތާ
11 February 2023
ބަލަގޭ އޭނައަށް މުސަަރަ ދެނީ ރައްޔިތުންގެ ޓެކުސް ފައިސާއިން. އެހެންވީމަ ރައްޔިތުން އަހާނެ ސުވާލުވެސް ކުރާނެ ކައެ ކިތަންމެ ދުޅަވިޔަސް. ވާންޗޮ ނުވެބަލަ.
ޕާޕާ
11 February 2023
ޢަހަރެންނަކީ ދުވަހަކު ވެސް ރަނގަޅު އެއްވެސް ކަމެއް ފެންނަ މީހެއް ނޫން. މަށަށް މަގޭ އަމިއްލަ ނުފުސުވެސް ފެންނަނީ ގޯސްކޮށް. މިއީ މަގޭ. ނަމަކީ ކެޕްޓަން ޕާޕާ.
ެއެކްސިސް
10 February 2023
ވަހީދު ސަރުކާރުން ފެށިގެން ކޮންމެ ސަރުކާރަކުން ތިޔަ ސިފްކޯ ފްލެޓު އަޅަން ދިނިީ ކިތައް މިލިއަން ކަމެއް ނޭގެ. ތި ސިފްކޯ ގެ އޮޑިޓު ހާމަ ކުރަންޖެހޭ.
ޖުލައި2021
10 February 2023
މިރާއްޖެ އަކަށް ބިލިއަނުން ހަރަދުކުރާ މިލިޓަރީއެއް ބޭނުމެއްނުވޭ. ކޯސްޓުގާޑު ފަޔަރ އަދި ރެސްކިއު އެއްބޭއްވީމަ އެވީ.ބޮޑެތި ކުލަބަރިޖަހައިގެން ކަރޯކޭޖައްސާ ބޮޑުބެރުޖަހަން ތިބޭކަށް
ޕާޕޫޕާޕީ
10 February 2023
ދައުލަތެއް ބާޣާވާތުން ވައްޓާލި ޕާޕާ ދައުލަތުގެ ވެރިޔާއަށް ނުކިޔަމަންތެރިވި ޕާޕާ ކުއްލިޔަކަށް އިސް މާގާމެއް ހޯދަން އުޅުނު ޕާޕާ
ޢެމެރިކާ
10 February 2023
އިންޑިޔާގެ ޕަޕެޓުން ސިފައިންގެޔަ ވައްދަނީ.
ގެދޮރު ނެތް މާލޭމީހާ
10 February 2023
ބުނެވިދާނެ އަމިއްލައަށޭ ފައިސާ ދެއްކީ. ސާބިތު ކޮށް ދީބަލަ. ނުކުރެވޭނެ.
ކަޅު ހުއްތު
10 February 2023
ދެންއުފެދޭސުވާލަކީ މިނިޓަކައް600ޑ ނޫނީ 1000ޑ ދައްކާފަ ، އަދި ސޯލްޓްރެސްޓޯރަންޓްގަ ބޮޑުހަފްލާއަކައް އަމިއްލަޖީބުން ސިވިލްސަރވަޓްއެއްގެ ވަޒީފާގަހުރިމީހަކު ކުރިއިރު އެވަރުގެ ހަރަދެއް ކުރެވޭވަރައް ާ.އާމްދަނީލިބޭތޯ، ދެންކުރަންޖެހޭ ހަރަދުތަކާ މީހާޔައްލިބޭއެއްޗަކާ އަޅާކިޔާލީމަދިމާވޭތޯ؟މުއައްސަސާތަކުން މިކަން ބަލައިލުން ރަނގަޅު ކަންނޭގެ.މިކަހަލަ ކަންކަމައް މުއައްސަސާތަކުގެފަރާތުން އެދެވޭޖަވާބެއް ނުލިބޭތީ ދައުލަތެއްގެސިފަ މިސަރުކާރުގަ ނެތޭ މީހުން އެބަކިޔާ
ބލއއ
10 February 2023
ކޮބާ ރިސިޓް ނޫނީ އޮންލައިން ޓްރާންޝެކްޝްން ހެދި ސްލިޕް ނިކަން ދައްކަބަލަ