ޓެކްސް ބޮޑުކުރުމުން ޓީޖީއެސްޓީގެ އާމްދަނީ 65 ޕަސެންޓް އިތުރުވެއްޖެ

ރިސޯޓެއްގައި މުވައްޒަފަކު ޓޫރިސްޓުންނަށް ހިދުމަތް ދެނީ. ޓީޖީއެސްޓީން ލިބުނު އާމްދަނީ ވަނީ 65 ޕަސެންޓު އިތުރުވެފައި-- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

11 ފެބުރުއަރީ 2023 - 11:58

9 comments

ޓީޖީއެސްޓީ ބޮޑުކުރުމުން ދައުލަތަށް އެއިން ލިބުނު އާމްދަނީ 65 ޕަސެންޓް ޕަސެންޓު އިތުރުވެއްޖެ އެވެ.

ފިނޭންސް މިނިސްޓްރީގެ ތަފާސްހިސާބުތަކުން ދައްކާ ގޮތުން މިދިޔަ މަސް ނިމުނު އިރު ޓީޖީއެސްޓީ އާއި ޖީއެސްޓީގެ ގޮތުގައި ވަނީ 1.6 ބިލިއަން ރުފިޔާ ލިބިފަ އެވެ. އޭގެ ތެރެއިން ޓީޖީއެސްޓީގެ ގޮތުގައި ލިބުނީ 1.2 ބިލިއަން ރުފިޔާ އެވެ. މިދިޔަ އަހަރުގެ މި މުއްދަތުގައި ޓީޖީއެސްޓީ އާއި ޖީއެސްޓީން ލިބުނީ އެއް ބިލިއަން ރުފިޔާ އެވެ.

މިދިޔަ މަހު ޖީއެސްޓީގެ ގޮތުގައި 405 މިލިއަން ރުފިޔާ ލިބިފައިވެ އެވެ. މިދިޔަ އަހަރުގެ ޖެނުއަރީ މަހު ޖީއެސްޓީގެ ގޮތުގައި ލިބުނީ 298 މިލިއަން ރުފިޔާ އެވެ. އެހެންވެ އެއީ މި އަހަރު ޖީއެސްޓީގެ ގޮތުގައި ލިބުނީ މިިދިޔަ އަހަރަށް ވުރެ 70 ޕަސެންޓް އިތުރު އަދަދެކެވެ.

މިދިޔަ މަހުގެ އެއް ވަނަ ދުވަހުން ފެށިގެން އާންމު މުދަލާއި ހިދުމަތުގެ އަގުން ނަގާ ޓެކްސް، ޖީއެސްޓީ އަށް ޕަސެންޓަށް، އަދި ޓޫރިޒަމް ދާއިރާ އިން ނަގާ ޓެކްސް 16 ޕަސެންޓަށް ވަނީ ބޮޑުކޮށްފަ އެވެ. އޭގެ ކުރިން ޓީޖީއެސްޓީގެ ގޮތުގައި ނެގީ 12 ޕަސެންޓް އަދި ޖީއެސްޓީ ގޮތުގައި ނެގީ 6 ޕަސެންޓެވެ.

މީރާގެ ކައުންޓަރަކުން މީހަކު ހިދުމަތް ހޯދަނީ. މިދިޔަ މަހު ޓެކްސްގެ ގޮތުގައި ދައުލަތަށް 3.4 ބިލިއަން ރުފިޔާ ލިބުނު--ފޮޓޯ: ފަޔާޒް މޫސާ/ މިހާރު

މިދިޔަ މަހު ޓެކްސްގެ ގޮތުގައި ދައުލަތަށް ވަނީ 3.4 ބިލިއަން ރުފިޔާ ލިބިފަ އެވެ. މިއީ މިދިޔަ އަހަރާ އަޅާ ބަލާ އިރު 70 ޕަސެންޓުގެ އިތުރުވުމެކެވެ.

ދެން އެންމެ ބޮޑު އާމްދަނީއެއް ލިބުނު، ބިޒްނަސް އެންޑް ޕްރޮޕަޓީ ޓެކްސް އިން ވެސް ވަނީ 1.3 ބިލިއަން ރުފިޔާ ލިބިފަ އެވެ.

މިއަހަރު ޓީޖީއެސްޓީ އާއި ޖީއެސްޓީއިން ދައުލަތަށް 13.2 ބިލިއަން ރުފިޔާ ލިބޭނެ ކަމަށް ވަނީ ބަޖެޓުގައި ލަފާކޮށްފަ އެވެ.

ޓެކްސް އިން ލިބުނު އާމްދަނީ ބޮޑުވި ނަމަވެސް، ޓެކްސް ނޫން އެހެން ދާއިރާތަކުން ދައުލަތަށް ލިބުނު އާމްދަނީ ވަނީ މިދިޔަ އަހަރަށް ވުރެ 60 ޕަސެންޓު ވަނީ ދަށްވެފަ އެވެ. ޓެކްސް ނޫން އެހެން ދާއިރާތަކުން މިދިޔަ މަހު ދައުލަތަށް ލިބުނީ 403 މިލިއަން ރުފިޔާ އެވެ. މިދިޔަ އަހަރުގެ އެ މުއްދަތުގައި 650 މިލިއަން ރުފިޔާ ލިބިފައިވެ އެވެ.

މި މަހުގެ 2 ވަނަ ދުވަހުގެ ނިޔަލަށް ދައުލަތުގެ ޖުމްލަ އާމްދަނީގެ ގޮތުގައި ވަނީ 3.8 ބިލިއަން ރުފިޔާ ލިބިފަ އެވެ. މިއީ މިދިޔަ އަހަރަށް ވުރެ ގާތްގަނޑަކަށް 70 ޕަސެންޓުގެ އިތުރުވުމެކެވެ.

މިއަހަރު ނިމޭ އިރު ދައުލަތުގެ އާމްދަނީގެ ގޮތުގައި 32 ބިލިއަން ރުފިޔާ ލިބޭނެ ކަމަށް ބަޖެޓުގައި ލަފާކޮށްފައިވެ އެވެ. އޭގެ ތެރެއިން ޓެކްސް އާމްދަނީގެ ގޮތުގައި 24 ބިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ.

ފިނޭންސް މިނިސްޓްރީ މީރާ ޓޫރިޒަމް ދައުލަތުގެ އާމްދަނީ ޖީއެސްޓީ ރިސޯޓްތައް ޓީޖީއެސްޓީ

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮން

12 February 2023

ޖީއެސްޓީ ބޮޑުކޮށް ޖޫރިމަނާ ޖެނުއަރީ އެކަނީ 6.6 ނެގީމަ ދައުލަތުގެ އާމުދަނީ އިތުރުވެއްޖެ. ރައްޔިތުމިހާ އަތްމަތި ދަތިވެއްޖެ. ޗެކްއެންޑް ބެލެންސް ނޫސްވެރިން މިކަންކަމާ ދިރާސާކޮށްލުން މުހިއްމުކަމަށްފެނޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބުދުލްމަޖީދު

12 February 2023

ބޮޑުކުރި ޓީޖީއެސްޓީ އަދި ޖީއެސްޓީގެ އެއްވެސް ފައިސާއެއް ދައުލަތަކަށް ނުލިބޭނެ. މިހާރުގެ މީހުނަށް ވާނުވާ އެނގޭހެނެއްހިޔެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބެ

11 February 2023

50 ވަރަކަށް ޕަސެންޓް ނަގާލާއިރަށް ރެކޯޑް އަދަދަކަށް އާމްދަނީ އިތުރުވާނެ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

11 February 2023

އާން. އަވަހަށް އެލާރިގަނޑު ސިޔާސީ މީހުނަށް ބަހާލާފަ ލޯނުނަގަން ފަށާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔެވެލިބެ

11 February 2023

ޓީޖީއެސްޓީގެ އާމްދަނީ ސަރުކާރު ޖީބަށް 65 ޕަސެންޓު އިތުރުވެ ރައްޔިތުންގެ ޖީބުތައް ފަގީރުވެއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

11 February 2023

އޭގެ ތެރެއިން ޓީޖީއެސްޓީގެ ގޮތުގައި ލިބުނީ 1.2 ބިލިއަން ރުފިޔާ އެވެ. ގެސްޓުން ފައިސާ ދައްކަނީ ދިވެހި ރުފިޔާ އަކުންނޫނެވެ. ޑޮލަރާ ޕައުންޑުން އަދި ޔޫރޯ އިންނެވެ. އެކަމު ދައުލަތަށް މިލިބެނީ ރުފިޔާ އެވެ. މިވާ ގޮތެއް ބަލަން ވީ އެވެ. ޑޮލަރާ ޔޫރޯ އަދި ޕައުންޑްތައް ވަންނަ ތަނެއް ބަލަން ވީ އެވެ. އެމްއެމްއޭ އަދި ބޭންކް ތަކަށް އެފައިސާ ނުވަދެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީފް 59

11 February 2023

މި ރިޕޯޓްގައި ޓެކްސް ބޮޑުކުރުމުން، އާމްދަނީ އިތުރުވި ކަމަށް އޮތަސް އެއީ އަދި ރަގަޅު ވާހަކައެއްހެނެއް ހިޔެއް ނުވެއެވެ. ސަބަބަކީ، ޓެކްސް ބޮޑުކުރީ 01 ޖެނުއަރީން ފެށިގެން ކަމުގައި ވާއިރު، ޖެނުއަރީގެ ޓެކްސް މީރާއަށް ދައްކާނީ ، ފެބްރުއަރީ މަހުގެ ތެރޭގާ ކަމަށް ވާތީއެވެ.