ސަލްމާން މިސްކިތް ނުހުޅުވަނީ ސައުދީން ތާރީހެއް ނުދޭތީ: މިނިސްޓަރު

ކިންގް ސަލްމާން މިސްކިތުގެ މައި ދޮރުގެ މަތީ ހުންނަ ނަން ބޯޑުގައި ސަތަރި އަޅައި ފޮރުވާފައި: ރަސްމީކޮށް ނުހުޅުވަނީ ސައުދީން ތާރީހެއް ނުލިބޭތީ ކަމަށް މިނިސްޓަރު ވިދާޅުވި--ފައިލް ފޮޓޯ: މިހާރު

މޫސާ ރަޝީދު، މިހާރު

13 ފެބުރުއަރީ 2023 - 09:57

24 comments

ސަލްމާން މިސްކިތް ރަސްމީކޮށް ނުހުޅުވާ ހުރީ ސައުދީ ސަރުކާރުން ތާރީހެއް ނުދޭތީ ކަމަށް އިސްލާމިކް މިނިސްޓަރު ޑރ. އަހްމަދު ޒާހިރު މިއަދު ވިދާޅުވެއްޖެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ސައުދީގެ އެހީގައި އިމާރާތް ކުރި ސަލްމާން މިސްކިތް މިދިޔަ އަހަރުގެ ރޯދަ މަހު ބޭނުން ކުރަން ފެށީ ވެސް އެ ތަން ނުހުޅުވައިގެން އާންމުންގެ ޝަކުވާ އިންތިހާ އަށް ބޮޑުވި ފަހުންނެވެ.

ނަމަވެސް އެ މިސްކިތް ރަސްމީކޮށް ނުހުޅުވައި އަދިވެސް ހުރީ މިސްކިތުގެ ނަން ބޯޑު ސަތަރި އަޅައި ފޮރުވައިފަ އެވެ.

ރައްޔިތުންގެ މަޖިލީހުގެ ވެލިދޫ ދާއިރާގެ މެމްބަރު މުހައްމަދު އަބްދުﷲ ޝަފީގް (މޯޑް) މިއަދު އެކަމާ ގުޅޭ ގޮތުން މަޖިލިހުގައި ސުވާލު ކުރެއްވުމުން ޒާހިރު ވިދާޅުވީ ސަލްމާން މިސްކިތް ހުޅުވުމާ ގުޅޭ ގޮތުން ކޮވިޑް-19 ފެތުރުމުގެ ކުރިން ސައުދީ ސަރުކާރާއެކު މަޝްވަރާތަކެއް ކުރެއްވި ކަމަށެވެ.

ސައުދީގެ އިސްލާމިކް މިނިސްޓްރީގެ ބޭފުޅުން ރާއްޖެ ވަޑައިގެން ހުޅުވުމަށްޓަކައި މަޝްވަރާ ކުރައްވައި، ތައްޔާރީތަކެއް ވި ކަމަށާއި ވަކި ދުވަހެއް ކަނޑައެޅުމަށް ފަހު، ރާއްޖެ އަށް އަންގާނެ ކަމަށް އެ ބޭފުޅުން ވިދާޅުވި ކަމަށް ޒާހިރު ވިދާޅުވި އެވެ.

"އަދި އެއްވެސް ޑޭޓެއް ނުއެއް ލިބޭ ކޮން އިރެއް ކަމެއް ހުޅުވޭނީ،" ޒާހިރު ވިދާޅުވި އެވެ.

ގާތްގަނޑަކަށް 24 މިލިއަން ޑޮލަރު (370 މިލިއަން ރުފިޔާ) ހަރަދު ކޮށްގެން އިމާރާތް ކުރި ސަލްމާން މިސްކިތް ހުޅުވި ފަހުން އެ މިސްކިތާ ގުޅޭ ތަފާތު އެހެން ޝަކުވާތައް ވެސް ވަނީ ބޮޑުވެފަ އެވެ.

އެއް ކަމަކީ މިސްކިތުގެ އޭސީ އަބަދުވެސް ހަލާކުވެފައި ހުންނަ މައްސަލަ އެވެ. އެކަމާ ގުޅޭ ގޮތުން މެންބަރަކު ސުވާލު ކުރުމުން ޒާހިރު ވިދާޅުވީ އޭސީގެ މައްސަލަ އަބަދު ދިމާވަނީ އެ މިސްކިތް ހުންނަ ތަނުގެ ސަބަބުން ލޮނުގެ އަސަރު ވަރަށް ބޮޑަށް ކޮށް ދަބަރަށްވެ ހަލާކު ވެގެން ކަމަށެވެ.

މިވަގުތު އަނެއްކާވެސް އޭސީތައް މަރާމާތު ކޮށްފައިވާ ކަމަށް މިނިސްޓަރު ވިދާޅުވި އެވެ.

ސައޫދީ އަރަބިއްޔާ ރައްޔިތުންގެ މަޖިލިސް ރާއްޖެ-ސައުދީ ކިންގް ސަލްމާން މިސްކިތް ޑރ. އަހުމަދު ޒާހިރު، އިސްލާމިކް މިނިސްޓަރު

24 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރެޓޭ

13 February 2023

ކަލޭމެން ވެރިކަމުގަ ތިއްބާ ސައޫދީން ތިޔަ ތާރީޚެއް ނުދޭނެ! ކަލޭމެން ރަސްމީކޮށް އަމިއްލައަށް ހުޅުވަންޏާ ހުޅުވަންވީ ނުހުޅުވަންޏާ ނުހުޅުވަންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވާނެ

13 February 2023

ފ. ވިއްކާލަނީއޭ ކިޔައިގެން ދޮގުހަދައި ބޮޑު ހައިބަތުހުރި ގައުމެއްގެ އަބުރު ނަގާލި ބައެއްގެ ވެރިކަން އެމީހުން ބަލައެއްނުގަންނާނެ. އެހެން ހަމައެކަނި ނުބުނާނީ. ޗައިނާއާ ސައުދީއާ ޖައްސާލައިގެން މާމޮޅުތަކެއްވާނެ ކަމަށް ހީކޮށް ބަޔަކު އުޅުނީ. މިހާރު އެބަ ފެނެއެއްނު ފާޑެއްގެ 800 މިލިއަންގެ ކްރެޑިޓް ލައިނެއްގެ ދަށުވެގެން ކަންކަން ނިންމަންވާ ދުވަހަށް ނުނިމި އެކަމު ފައިސާކޮޅު އެމީހުންނަށް ބަރާބަރަށް ދޭންޖެހޭތަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީނާއި ދުރު ސަރުކާރު

13 February 2023

މިގައުމުގައި މިސްކިތެއް ހުޅުވަން އެހެން ގައުމެއްގެ ހުއްދަ ނުވަތަ އެހެން ގައުމަކުން ތާރީޙް ކަނޑައަޅާ ހިސާބަށް ދިޔައީމައި އެއީ މައްސަލައެއް. މިސްކިތް ހަދަން ފަންޑު ދިނުމަކީ ހުޅުވާ ތާރީޙް ކަނޑައަޅަން އެ ގައުމަށް އޮންނަ ފުރުސަތަކަށް ވެގެން ނުވާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚާދިމާ

13 February 2023

މިސަރުކާރަކު ސައުދީގެ ވެރިން ވަޑައިގަންނަވާނެ ކަމަށް ނުބެލެވޭ. އެމެރިކާއަށްވެސް ސައުދިއަކާ ނުކުޅޭ. އެކަމު މިސަރުކާރު އިދިކޮޅުގައި ކުޅުނީ ވ ހަދިގޭމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު 22

13 February 2023

ތި އޭސީ ތަކުގެ މައްސަލައަށް ދާއިމީ ހައްލެއް އެބަޖެހޭ ގެންނަން، ދޭތެރެ ދޭތެރެން ހަލާކުވުން ގަބޫލެެއް ނުކުރެވޭ، ހަލާކުވެފަ ނުހެދިފަ އެބަހުރޭ 3-4 މަސް ވަންދެން، ދެން ރޭގަނޑު 11 ގެ ފަހުން އެބަޖެހޭ ފާހާނާތައް ލޮކް ކުރަން، ޕާޓޭން ހަކުރު ބޯތަނެއްްގަ ބޭނުން ކުރާކަށް ނޫން ސައުދީ ސަރުކާރުން ބޮޑު ހަރަދެއް ކުރީކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުފެންސް

13 February 2023

އޭރުގެ ހައުސިންގ މިނިސްޓަރަށް ނުކެރުނު ރައީސަށް ދަންނަވަން މޫދާ އެހާކައިރީގަ މިސްކިތް އެޅީމަ އުދަ އެރުމުގެ މައްސަލައާ އެއްޗެހި އަވަހަށް ހަލާކުވުމުގެ މައްސަލަ ދިމާވާނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދދ

13 February 2023

ވަކި މީހަކުލައްވައި މިސްކިތް ހުޅުވީމަ ސަވާބު ގިނަވަނީތަ. މިސްކިތް އެހެރީ މިހާރު ހުޅުވިފަ. ދެން މިސްކިތް ހުޅުވާށޭކިޔައިގެން ލާރިތަކެއް ހޭދަކުރުމުގެ ބަދަލުގަ މިސްކިތުގެ މެއިންޓަނަންސަށް ހަރަދުކުރިއްޔާ މާރަނގަޅުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުުރު

13 February 2023

އެތަށް ރުފިޔާތަކެއް ބުރުވާފަ ތާހިރު ޑިޒައިނަކަށް ހެދި ނަމަވެސް ރަނގޅުތާ! ތި މިސްކިތުގެ ނޫ ފުރާޅުގަނޑުގެ ޑިޒައިން އެޕްރޫވް ކުރީ ކާކުބާ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ!

13 February 2023

ނުހުޅުވިޔަސް ނަމާދު ކުރެވޭދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓޭ1

13 February 2023

ސައުދީ ރުޅި މަޑު. މިސްކިތަ އަޅަން ފައިސާ ދިނީމަ ގުދަންޓިނު މިސްކިތެއް ހަދާފަ ވަލީ އަހުދު ގެންނަން މިއުޅޭނީ މިމީހުން ހިތުން. ކަލޭމެން ލަދެއްވެސް ނުގަނޭތަ ދެން ވަސް ހުޅުވާފަ ބޭނުން ކުރަން ފެސީމަ ނިމުނީ. ޖަލުގަ އޮތް ގޮލާ ގެންގޮސް ރިބަން ފަށް ކަނޑާބަލަ މިސަރުކާރުގަ ރިބަން ފަށް ކަނޑަން ބޭނުން މީހަކު ނެތިއްޔާ