ވަކީލުކަމުގެ ހުއްދަ ދިނުމަށް ބޭއްވި ޖަލްސާ
22 ފެބުރުއަރީ 2023 - 13:16
3 comments
ރާއްޖޭގައި ބޭއްވި ފުރަތަމަ ބާ އިމްތިހާނަށް ފަހު 73 މީހަކަށް ވަކީލުކަމުގެ ހުއްދަ ދީފި އެވެ.
ގާނޫނީ ފަންނުގެ ގާނޫނުގެ ދަށުން އުފެދުނު ބާ ކައުންސިލުން ފުރަތަމަ ފަހަރަށް ރާއްޖޭގައި ބާ އިމްތިހާނެއް ބޭއްވީ މިދިޔަ އަހަރުގެ ނޮވެމްބަރު މަހު އެވެ. އެ އިމްތިހާނުގައި ބައިވެރިވި 176 މީހުންގެ ތެރެއިން 68 ޕަސެންޓް މީހުން ފާސްވި އެވެ.
އޭގެ ތެރެއިން 73 މީހަކަށް ވަކީލުކަމުގެ ހުއްދަ ދީ، ވަކީލުކަމުގެ ހުވާކުރީ މިދިޔަ ހޯމަ ދުވަހުގެ ރޭ ބޭއްވި ރަސްމިއްޔާތެއްގަ އެވެ. އެ މީހުންނަށް ހުވާ ލައިދެއްވީ ހައި ކޯޓުގެ ފަނޑިޔާރު ހުސައިން މަޒީދެވެ.
ވަކީލުކަމުގެ ހުއްދަ ދިނުމަށް ބޭއްވި ޖަލްސާ ---ފޮޓޯ/ބާ ކައުންސިލް
އުއްތަމަ ފަނޑިޔާރު އަހުމަދު މުއުތަސިމް އަދުނާނާއި ވަޒީރުންނާއި ގާނޫނީ ދާއިރާގެ އިސް ބޭފުޅުން ވެސް ބައިވެރިވެ ވަޑައިގެންނެވި އެ ރަސްމިއްޔާތުގައި، ބާ އިމްތިހާނުން އެންމެ މަތިން ނަތީޖާ ހޯދި މީހުންނާއި އެއް ވަނަ ހޯދި ތިން މީހަކަށް އެވޯޑް ދިނެވެ.
މީގެ އިތުރުން ބާ އިމްތިހާނުގެ ކަންކަމަށް އެކި ގޮތްގޮތުން އެހީވެދިން ފަރާތްތަކަށް ވެސް އެކަމުގެ އެވޯޑް ދިނެވެ. އަދި ބާ އިމްތިހާނު ބޭއްވުމުގެ ކުރިން ވަކީލުކަމުގެ ހާއްސަ ލައިސަންސް ދީފައި ތިބި ފަރާތްތަކަށް ވެސް ވަކީލުކަމުގެ ދާއިމީ ލައިސަންސް އެ ރަސްމިއްޔާތުގައި ހަވާލުކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތައްހާނުބެ
23 February 2023
މިއޮއްފަދަ ތަހުޒީބީ ޒަމާނެއްގަ ބާ އިމްތިހާނެއް ހެދުމުގެ ބޭނުމަކީ ކޮބާ ތި އިމްތިހާނު ޒަމާނަށް ފައްތާލައިފަ އަލުން ބޭއްވުން ބުއްދިވެރި
އެޗް އެމް
22 February 2023
ކޮރަޕްޓް ގައުމު ތަކުގަ ވަކީލުން ގިނަވާނެތެވެ.
ބާ ކްލަބް
22 February 2023
ޤާނޫނުން އުފެއްދީ ދިވެހިރާއްޖޭގެ ބާ ކައުންސިލެވެ. ނަމަވެސް މިހާރު އޮތީ ބާ ކައުންސިލް އޮފް ދަ މޯލްޑިވްސްއެވެ. މިހާރު ގިނަ ވަކީލުން ލިޔާ ބަޔާންތައް އެމީހުން އަތަށް ދީފައި ކިޔަން ބުންޏަސް އެމީހުނަށްވެސް ނުކިޔޭނެއެވެ. އޮތީ ކީކޭކަންވެސް ބުނެ ނުދެވޭނެއެވެ. މީ ހާލަތެވެ. އެކަމު ނަމުގެ ކުރިއަށް އަލްއުސްތާޛު ނުލެވިގެން ޝަކުވާ ކުރާނެއެވެ. އެކަމު ފެންވަރު ބަލާލީމާ ވަނީ އޮރިޔާމެވެ.