ޚަބަރު / ޖައްވީ ދަތުރުތައް

ސްޕޭސް މިޝަންގެ ފުރަތަމަ ސެޓެލައިޓް ޑިޒައިންކޮށް ޓެސްޓުކޮށްފި

ރާއްޖޭގެ ފުރަތަމަ ސްޕޭސް މިޝަންގެ ޓީމް

އާސިމާ ނިޒާރު، މިހާރު

23 ފެބުރުއަރީ 2023 - 12:28

27 comments

ރާއްޖޭގެ ސްޕޭޝް މިޝަން "އަޒުމް" ގެ ފުރަތަމަ ސެޓެލައިޓް ޑިޒައިންކޮށް، ޓެސްޓު ކޮށްފި އެވެ.

ރާއްޖޭގެ ސްޕޭސް ޕްރޮގްރާމް ކުރިއަށް ގެންދާ އިންސްޓިޓިއުޓް ފޯ ގްލޯބަލް ސަކްސަސް (އައިޖީއެސް) އިން މިއަދު ނެރުނު ބަޔާނުގައި ބުނީ، ބޭރުގެ އެއްވެސް ބައެއްގެ އެހީއަކާ ނުލައި ރާއްޖޭގެ ފުރަތަމަ ސެޓެލައިޓް ޑިޒައިން ކުރުމުގައި އިސްކޮށް ހަރަކާތްތެރިވީ ސްޕޭސް ޓިމުގެ އޭރޯސްޕޭސް އިންޖިނިއަރު ހުސައިން އައްސަދާއި އިލެކްޓްރިކަލް އަދި އިލެކްޓްރޯނިކްސް އިންޖިނިއަރު މުހައްމަދު ޖުނައިދު އަދި މެކޭނިކަލް އިންޖިނިއަރު އަހުމަދު އިޖާޒު އަބްދުﷲ ކަމަށެވެ.

ސެޓެލައިޓް، ޕްރޮގްރާމް ކުރުމާއި ޓެސްޓުކުރުމުގައި ސްޕޭސް ޓީމުގެ މަރިޔަމް މަހްރޫސާ އަބްދުއްރަހްމާން އަދި މަރިޔަމް ޝިމާނަތު ވެސް ބައިވެރިވި އެވެ.

ކިއުބްސެޓް ފެންވަރުގެ ސެޓެލައިޓް ޑިޒައިން ކުރީ ބޭނުންވާ މިޝަނަކާ ގުޅޭގޮތަށް ފަސޭހައިން ސައިޒު ބޮޑުކުރެވޭ އަދި ތަފާތު މިޝަންތަކާ ގުޅޭގޮތަށް ބަދަލުކުރެވޭ ގޮތަށެވެ.

އައިޖީއެސް އިން ބުނީ ސްކޫލް/ޔުނިވާސިޓީތަކުގެ އެކްސްޕެރިމެންޓަލް މިޝަންތަކުން ފެށިގެން ސަބް އޯބިޓަލް މިޝަން އަދި އޯބިޓަލް މިޝަންތަކުގެ ޑިޒައިނަށް ބަދަލު ނުގެނެސް ވެސް ސެޓެލައިޓް ހާޑުވެއާ އުފެއްދޭނެ ކަމަށެވެ.

އެގޮތަށް ސެޓެލައިޓު ހަދާއިރު އެންމެ ބޮޑު ތަފާތަކަށް ވާނީ ހާޑްވެއާ ކޮލިޓީ އާއި ޕޭލޯޑް ނުވަތަ މިޝަންގެ އެޕްލިކޭޝަނެވެ.

އައިސީއެސްގެ ޗެއާމަން އަދި ސީއީއޯ ރިފްއަތު މުހައްމަދު ވިދާޅުވިގޮތުގައި، ސެޓެލައިޓެއް ޑިޒައިން ކުރުމަކީ ވަރަށް އުނދަގޫ މަސައްކަތެކެވެ. މުޅިން އަމިއްލައަށް ސެޓެލައިޓެއް ޑިޒައިން ކުރުމަކީ ޓީމުން ހޯދި ބޮޑު ކާމިޔާބީއެއްކަން އޭނާ ފާހަގަކުރައްވަ އެވެ.

"މިއީ ހަމައެކަނި ކަރުދާހުގައި އޮތް ޑިޒައިނެއް ނޫން. ސެޓެލައިޓް ޑިޒައިން ކަށަވަރު ކުރުމަށް އަޅުގަނޑުމެން ވަނީ ހާޑްވެއާ އުދައްދާ، ސެޓެލައިޓް ޕްރޮގްރާމްކޮށް މުހިއްމު ޓެސްޓުތައް ވެސް ކޮށްފައި،" ރިފްއަތު ވިދާޅުވި އެވެ.

ސްޕޭސް ޓީމުން ރާއްޖޭގެ ފުރަތަމަ ސެޓެލައިޓް ޑިޒައިން ފައިނަލްކުރީ މިދިޔަ އަހަރުގެ ނޮވެމްބަރު 10 ގަ އެވެ. އެ ދުވަހު ހާޑްވެއާ އޯޑަރުކުރުމަށް ފަހު ހާޑްވެއާ ލިބުމުން ސެޓެލައިޓް ޕްރޮގްރާމްކޮށް، ޓެސްޓުތައް ނިންމީ އިއްޔެ އެވެ.

އެޗްޑީސީ ޖައްވީ ދަތުރުތައް ސެޓެލައިޓް

27 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައުވީސް

25 February 2023

ކޮން ސިޓުލައިޓެއް ފޮނުވާންތަ ތިއުޅެނީ؟ ބަލަގަ މިރާއްޖޭގަ މީހުން މިއުޅެނީ އަދިވެސް ތިން އިރު ހަމައަށް ނުކައި. އަނބިފރިކަން ކުރާނެ ހާލަތެއްނެތް. ޑިޕުރެސްވާތީބޭސްނުކާ މީހެއްނެތް. ރައްޔަތުނަށް އެކަށީގެންވާ ބޯހިޔާކަމެއް ނެތް ލިބިފަ. ފުރަތަމަ މިބޭސިކު އަސާސީ ބޭނުންތައް ފޯރުކޮށްދެވޭތޯބަލާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

25 February 2023

ސެޓަލައިޓްގެ ހާޑްވެއަރ ބޯޑް އުފެއްދުމަކީ ވަރަށް އުދަގޫ މަރުހަލާއެއް! ޓީވީ، ނުވަތަ ގޭގައި ބޭނުންކުރާ ތަކެއްޗައް އުފައްދާ ސާރކިޓް ބޯޑާ އެއާ ވަރަށް ތަފާތުވާނެ. އެހެން ގޮތަކަށް ބުނާނަމަ %100 ސާކިއުޓް ބޯޑް އެއް ގެ ފެންވަރުގައި އެއުފައްދަން ވާނީ ކޮލިޓީކޮއް! ސާރކިޓްގެ ސްޓެމެޓިކް ޑައިގްރާމް ޑިޒައިން ކޮއް އެފަދަ ތަކެތި އުފައްދާ ފެކްޓަރީ އަކަށް ދީގެންވާނީ! އެބުނަނީ އެކަންކުރިވާހަކަ! މަރުހަބާ ޓީމަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިކްރޯވޭވް

24 February 2023

މަރުހަބާ! ޑިޒައިންކުރި ސެޓެލައިޓްގެ ފޮޓޯއެއް ލީނަމަ ރަނގަޅުވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

24 February 2023

ޑިޒައިން އަށްވުރެން ދާޚަރަދު ބުނެލިނަމަ މާރަނގަޅެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

23 February 2023

މިކަހަލަ ޚަބަރު މީޑިއާއަށް ދޫކޮށްލާއިރު ފޮޓޯ ވީޑިއޯ ފޮނުވީމަ ވާނުވާ އިގޭނީ، ސެޓްލައިޓް ޑިޒައިންކޮށް އެ އޯބިޓަށް ފޮނުވައި އެ ބެލެހެއްޓުމަކީ ވަރަށް މަދު ގައުމުތަކަށް ހާސިލުކުރެވިފައިވާ ކަމެއް. މިރާއްޖޭގެ އަދި މިއުޅެނީ ހިކިފަސްތަނެއްގައި ފްލެޓެއް ނޭޅިގެން