ޗައިނާއިން ރާއްޖެއައި ޓޫރިސްޓުންތަކެއް. މޯލްޑިވިއަން އިން ޗައިނާއަށް ދަތުރުތައް ފެށުމަށް އާ ބޯޓެއް ހޯދަނީ-- ފައިލް ފޮޓޯ: މިހާރު
23 ފެބުރުއަރީ 2023 - 13:54
4 comments
ޗައިނާ އަށް ދަތުރުތައް ފެށުމަށް މޯލްޑިވިއަން އިން އާ ބޯޓެއް ހޯދުމަށް މަސައްކަތްތައް ފަށައިފި އެވެ.
މޯލްޑިވިއަންގެ ޑެޕިއުޓީ މެނޭޖިން ޑިރެކްޓަރު އައިޝަތު ޖެނިފާ ވިދާޅުވީ، ޗައިނާ އަށް ދަތުރުތައް ފެށުމަށް އޮތް އެންމެ ބޮޑު ދައްޗަކީ އެއާބަސްގެ އެންމެ ބޯޓެއް އޮތުން ކަމަށެވެ. އެހެންވެ، ވީ އެންމެ އަވަހަކަށް އޭ330 ގެ ބޯޓެއް ހޯދަން މަސައްކަތްތައް ފަށައިފައިވާ ކަމަށް އޭނާ ވިދާޅުވި އެވެ.
"އަޅުގަނޑުމެން މި ބަލަނީ މި އަހަރުގެ ދެވަނަ ކުއާޓާގައި ދަތުރުތައް ފެށޭވަރު ކުރަން،" އޭނާ ވިދާޅުވި އެވެ.
އައިލެންޑް އޭވިއޭޝަނުން މިހާރު ވަނީ އެ ބޯޓު ދިގު މުއްދަތަކަށް ކުއްޔަށް ހޯދަން އިއުލާން ވެސް ކޮށްފަ އެވެ.
މޯލްޑިވިއަނުން ދިގު ދަތުރުތަކަށް މި ވަގުތު ބޭނުން ކުރާ އެއާބަސް މަރުކާރުގެ ދެ ބޯޓުގެ ތެރެއިން އޭ321 ލީޒް މުއްދަތު އިތުރު ނުކޮށް ފޮނުވާލަން ވަނީ ނިންމައިފަ އެވެ. އެ ބޯޓުގެ ލީޒް މުއްދަތު ހަމަވާނީ އަންނަ މެއި މަހަށެވެ. ބޯޓު ފޮނުވާލަން ނިންމީ މެއިންޓަނަންސް ހަރަދުތައް ބޮޑުވުމުން ކަމަށް އެ އެއާލައިން ހިންގާ އައިލެންޑް އޭވިއޭޝަނުން ކުރިން ބުނެފައިވެ އެވެ.
މި އަހަރުގެ ޖެނުއަރީ މަހު ޗައިނާގެ ބޯޑަރު ހުޅުވާލުމުން އެ ގައުމުން ރާއްޖެ އަށް ދަތުރުތައް އަންނަނީ ކުރަމުންނެވެ. ކޮވިޑް ކުރިން ޗައިނާއަކީ މޯލްޑިވިއަން އިން އެންމެ ބޮޑު އާމްދަނީއެއް ހޯދި ރޫޓެވެ. އޭރު ޗައިނާގެ ހަ މަންޒިލަކަށް ދަތުރުތައް ކުރި އެވެ.
މި ވަގުތު ޗައިނާ އިން ރާއްޖެ އަށް އެ ގައުމުގެ ތިން އެއާލައިނަތުން ދަތުރުތައް ކުރެ އެވެ. ކޮވިޑްގެ ކުރިން ރާއްޖެއަށް އަންނަ ޓޫރިސްޓުންގެ 20 ޕަސެންޓް ވަރު އަންނަނީ ޗައިނާއިންނެވެ. މި އަހަރުގެ މިހާތަނަށް އެ ގައުމުން ވަނީ 8،800 ޓޫރިސްޓުން އައިސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
24 February 2023
ވާދަވެރިކަންބޮޑު ހުޅުލެއެއަރޕޯޓުން ބޭރުގެމަންޒިލްތަކަށް ޝެޑިއުލްދަތުރުކުރެވޭނެ ޤާބިލްކަންނެތް (މާލީގޮތުންވެސް ތަޖުރިބާއާއި ހިދުމަތުގެ ފެންވަރުގެގޮތުންވެސް) ބަޔަކަށް ތިކަމެއްނުކުރެވޭނެ. # އެހެންކަމުން ދައުލަތުން ބޯޓެއްހޯދަދޭނަމަ އެކަންކުރާންވާނީ "ވާދަވެރިކަންނެތް" މުޅިންއެކަހެރި އަމިއްލަމަންޒިލްތަކަކަށް ދަތުރުކުރާގޮތަށް. # މިގޮތުން އޮސްޓްރޭލިއާ، ސައުތުއެފްރިކާ، އިންޑިޔާ، ޗައިނާ އަދި މަޑަގަސްކަރަ ގުޅުވައިދިނުމަށް ގޭންއެއަރޕޯޓް ބޭނުން ކުރެވިދާނެ.
ލީމަތު.
26 February 2023
މަށަށްވެސ ހީވަނީ ތިއީ ތިކަން ކުރެވިދާނެ ގޮތެއް ހެން. ޓްރައިކޮށްލަން ރަނގަޅު. ދުވަސްކޮޅަކުން ނަތީޖާ އެގިދާނެ.
ނަސީމް.
26 February 2023
ތިބުނި ކަންކަމުގެ ތެރެއިން އެއްވެސް ކަމެއްކުރެވެންއޮތީ މިހާރު ކުންފުނީގައިތިބި އިސްވެރިން ބަދަލުކޮށްގެން. އެމީހުން ބަދަލު ކުރެވޭނީ އިބޫގެ ވެރިކަން ބަދަލު ކޮށްގެން. އެހެންވީމާ އައްޑޫ މީހުން ކުރަންވީ ކަމަކީ ފިކުރެއްގެ ދިރުމާއިއެކު ނިކުމެ ވެރިކަން ބަދަލު ކުރުން. ޭރުން ތިކަން ވެދާނެ.
އޮނަރަބްލް އަފީފު ދީދީ
24 February 2023
ވެރިކަން ހޯދަން އައްޑޫމީހުނަށް ސޯލިޙް ވައުދުވި އެއްކަމަކީ ދުނިޔޭގެ 5 މަންޒިލަކުން ގޭންއެއަރޕޯޓަށް ޝެދިއުލް ފްލައިޓް ގެނައުން. # މިކަން ކުރުމަށް ލާޒިމްކޮށްފައިވެސް މޯލްޑިވިއަނަށް Boing 747 ގެ ބޯޓެއް ހީދަދިނުން ރަނގަޅު. މިގޮތުން ޗައިނާގެ ގޮއާންޒޯގެ އިތުރަށް ސައުތުއެފްރިކާ އަށާއި، 11 ވަނަ އިންޑިއަން އައިލެންޑް ގޭމްސް ބާއްވާ މަޑަގަސްކަރަ އަދި އިންޑިޔާގެ ކޮޗިންގ އަށް ގޭންއެއަރޕޯޓުން ޝެޑިއުލް ފްލައިޓް (ބޮޑު ފައިދާނުވިޔަސް) ގެއްލުން ނުވެ ބޭއްވިދާނެ.