ހަށިވިއްކާ ތަނުން ހައްޔަރުކުރި އެކަކު ދޫކޮށް، ތިން މީހަކު ބަންދަށް

ފުލުހެއް: ހަށިވިއްކުމުގެ ތުހުމަތުގައި ފުލުހުން ހައްޔަރުކުރި އެކަކު ދޫކޮށްލައި، ތިން މީހަކު ބަންދުކުރަން ވަނީ އަމުރުކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

23 ފެބުރުއަރީ 2023 - 16:51

4 comments

ހަށިވިއްކުމުގެ ތުހުމަތުގައި މާލެއިން ހައްޔަރުކުރި މީހުންގެ ތެރެއިން އެކަކު ދޫކޮށްލައި، ދެން ތިބި ތިން މީހުންގެ ބަންދުގެ މުއްދަތު ކޯޓުން އިތުރުކޮށްފި އެވެ.

މާލޭގެ ގެސްޓްހައުސްއެއް ފާސްކޮށް، މިދިޔަ އަންގާރަ ދުވަހުގެ ރޭ ހައްޔަރުކުރީ ދިވެހި ފިރިހެނަކާއި ބިދޭސީ ފިރިހެނެއްގެ އިތުރުން ބިދޭސީ ދެ އަންހެނެކެވެ. އެ މީހުން ހައްޔަރުކުރީ ހަށިވިއްކުމާ ދެކޮޅަށް ހިންގި އޮޕަރޭޝަނެއްގަ އެވެ.

ފުލުހުން ބުނީ ހައްޔަރުކުރި މީހުންގެ ތެރެއިން ދިވެހި ފިރިހެން މީހާ ޝަރުތުތަކާ އެކު ދޫކޮށްލަން ކްރިމިނަލް ކޯޓުން ނިންމާފައިވާ ކަމަށެވެ. އަދި ބިދޭސީ ފިރިހެން މީހާގެ ބަންދަށް 15 ދުވަހުގެ މުއްދަތު އިތުރު ކުރުމަށްފަހު ބާކީ ތިބި ދެ އަންހެނުންގެ ބަންދަށް ދިނީ އެއް ދުވަހުގެ މުއްދަތެއް ކަމަށް ފުލުހުން ބުންޏެވެ.

މާލޭގައި ހަށިވިއްކުން އާންމުވެ، އެކަމާ ދެކޮޅަށް ފުލުހުން ފިޔަވަޅު ނާޅާތީ އާންމުންގެ ފާޑުކިޔުން ދަނީ އަމާޒުވަމުންނެވެ. އެކަމާ ގުޅިގެން، ރާއްޖޭގައި ސްޕާތައް ހިންގުމުގެ އުސޫލު ހަރުކަށިކޮށް، ސަރުކާރުން އިއްޔެ ވަނީ އާ ގަވާއިދެއް ނެރެފަ އެވެ.

ކުށްކުރުން ފުލުހުން ކްރިމިނަލް ކޯޓް ހަށިވިއްކުން ޖިންސީ ކުށުގެ ބިލް

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސީޒަން ޖެކުހަން

23 February 2023

3 މީހުން ބަންދުކޮށްފާ ފުރަތަމަ ދޫކުރާނީ އެކަކު. ދެން ދުވަސްކޮޅަކުން އަނެއްކާ އަނެކަކު ދޫކުރާނެ. ދެން ރައްޔިތުންގެ ހަދާނުން ހުރިހާކަމެއް ފިލީމާ ދެން ތިބި ދެމީހުން ދޫކޮށްލާ ފައިލުގާ ތަޅުއަޅުވާނެ.