ހައި ކޯޓުގެ ފަނޑިޔާރަކަށް ޝަކީލް އައްޔަންކުރަން ނިންމައިފި

ކްރިމިނަލް ކޯޓުގެ އިސް ގާޒީ ޝަކީލް: އޭނާ އަކީ މީގެ 19 އަހަރު ކުރިން ފެށިގެން ޝަރުއީ ދާއިރާ އަށް ނުކުންނަވާފައިވާ ބޭފުޅެއް.

06 މާޗް 2023 - 09:51

38 comments

ހައި ކޯޓުގެ ފަނޑިޔާރުކަމަށް، ކްރިމިނަލް ކޯޓުގެ އިސް ގާޒީގެ މަގާމުގައި ހުންނެވި އަހުމަދު ޝަކީލް އައްޔަން ކުރަން ޖޭއެސްސީން އިއްޔެ ނިންމައިފި އެވެ.

ޝަކީލް، ހައި ކޯޓަށް އައްޔަން ކުރަން ޖޭއެސްސީން ނިންމީ އެ ކޮމިޝަނުން މިއަދު ބުނިގޮތުގައި ހައި ކޯޓަށް ފަނޑިޔާރުން ހޯދުމަށް ކުރި އިއުލާނާ ގުޅިގެން އޭނާ ކުރިމަތިލުމުން "ފަނޑިޔާރުން އައްޔަން ކުރުމުގައި ކޮމިޝަނަށް ލަފާދޭ ކޮމިޓީ" އިން އިންޓަވިއު ކުރުމަށް ފަހު އެވެ.

ޝަކީލަކީ މަނީލޯންޑަރިންގެ މައްސަލާގައި ކުރީގެ ރައީސް އަބްދުﷲ ޔާމީން 11 އަހަރަށް ޖަލަށް ލާން ހުކުމް ކުރެއްވި ފަނޑިޔާރެވެ.

އޭނާ ފަނޑިޔާރުކަމަށް އައްޔަންކުރީ މާޗް 23، 2003 ގަ އެވެ. ވިލާ ކޮލެޖުން ބެޗެލާ އޮފް ޝަރީއާ އަދި މާސްޓާ އޮފް ޝަރީއާ ހައްދަވާފައިވާ ޝަކީލް ވަނީ މިދިޔަ 19 އަހަރުގެ ތެރޭގައި ކްރިމިނަލް ކޯޓުގެ އިތުރުން އއ. އުކުޅަހު މެޖިސްޓްރޭޓް ކޯޓާއި ޖުވެނައިލް ކޯޓާއި ފެމިލީ ކޯޓުގައި މަސައްކަތް ކުރައްވާފައިވާ ކަމަށް ޖޭއެސްސީން ބުންޏެވެ.

ހައި ކޯޓުގެ އިތުރުން ސުޕީރިއާ ކޯޓުތަކަށާއި މެޖިސްޓްރޭޓް ކޯޓުތަކަށް ވެސް އައްޔަން ކުރާނެ ފަނޑިޔާރުން ޖޭއެސްސީން ވަނީ ކަނޑައަޅައިފަ އެވެ. އެ ބޭފުޅުން ކަނޑައެޅީ ވެސް އެ ކޮމިޝަނުން ކުރި އިއުލާނާ ގުޅިގެން އެ ކަމަށް ކުރިމަތިލުމުން އިންޓަވިއު ކުރުމަށް ފަހު ކަމަށް ޖޭއެސްސީން ބުންޏެވެ.

ކޯޓުތަކަށް އަލަށް އައްޔަންކުރާ ފަނޑިޔާރުން ހުވާކުރުން އޮންނާނީ އެ ކޮމިޝަނުން ބުނިގޮތުގައި މި މަހުގެ 13 ވަނަ ދުވަހު އެވެ.

ކްރިމިނަލް ކޯޓް ހައި ކޯޓް ޖުޑީޝަރީ ފަނޑިޔާރުން ޖުޑީޝަލް ސާވިސް ކޮމިޝަން

38 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފޮނިޓައްޕު ހަސަނު

07 March 2023

ފުލުހުންނަކަސް، ގާޒީންނަކަސް، ސިފައިންނަކަސް ވަޒީފާގެ ކުރިއެރުން ލިބެންޖެހޭނެ. ޝަކީލު ތެދުވެރިކަމާއިއެކު ދަށުކޯޓުތަކުގައި ކުރެއްވި ބުރަ މަސަތްކަތުގެ ނަތީޖާ ހައިކޯޓުގެ ގާޒީއަކަށް ޕްރޮމޯޓު ތިޔަވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅެފަހެ

06 March 2023

ސްކްރީން 100% ގަ ބެހެއްޓީމަ ގާޒީގެ ފޮޓޯ ފެންނަލެއް ހާދަ ބޮޑޭ. ކޮންކަމެއްތަ މިކަމުން އަހަރުމެންނަށް އެނގެންވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

06 March 2023

މިއޮތީ ފިސާރި ރަނގަޅަށް ތިން ބާރުވަކިވެ، އަދުލުއިންސާފު އަތްފޯރާ ހިސާބަށް ގެނެވިފައި. ޖޭއެސްސީ ވެސް މިނިވަންވެ ވައުދު ފުދިފައި. ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

06 March 2023

ފަނޑިޔާރުން ނަގަނީވެސް ކޯލީޝަނަކުންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަހަހަހަހަހާ

06 March 2023

ޔާމީންގެ މައްސަލަ ހައިކޯޓުން ނިމެންވާއިރަށް އަދި ފެންނާނެ ސުޕްރީމްކޯޓަށް ޕްރޮމޯޓުވާތަންވެސް. ދުނިޔޭގަ ތިބި ބަޔަކަށް ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަނުހޭ

06 March 2023

ޔާމީނަށް ހައިކޯޓުން ހުކުމްކުރަންވާއިރަށް އެތަނަށްވެސް ލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއުޒިކް

06 March 2023

ފުރަތަމަ ކޯޓުން ވަކި މީހަކަށް ހުކުމްކޮށްފަ އެމައްސަލަ އިސްތިއުނާފުގަ ދެން ދާން އޮތް ކޯޓަށް ހަމަ އެ ގާޒީ ދިއައިމަ އެއީ ހަމަ ލާމަސީލު އިންސާފު ކޯޓުން ލިބެން އޮތްގޮތްތަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިކުރެއް

06 March 2023

ޔާމީނަށް ކުރި ހުކުމް ހައިކޯޓުގައި އިސްތިއުނާފް ކުރަން ވާއިރަށް އެމައްސަލައިގައި ދަށު ކޯޓުން ހުކުމް ކުރި ފަނޑިޔާރު ހައިކޯޓަށް ބަދަލުކުރުމަކީ އެ މައްސަލައަށް ޖޭއެސްސީއިން ( ރައީސް ގެ ބާރު ހިނގާގޮތަށް އެކުލަވާލާފައިވާ ) ނުފޫޒު ފޯރުވަން މަސައްކަތްކުރާކަމަށް ގަބޫލުކުރަން ފުރުސަތު ލިބޭ ކަމެއް. އަދި މިމައްސަ ސްޕްރީމް ކޯޓަށް ދާންވާއިރު އެކޯޓަށް ވެސް މި ގާޒީ އައްޔަންކޮށްފާނެކަމަށް ވިސްނުމުގެ ޖާގަ ލިބޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިކުރަށް

07 March 2023

ތިހެންވީރު ހުރިހާ ކޯޓަކަށްވެސް އެ ބޭފުޅާ ލާންވީ. ތި ވިދާޅުވާ ކުރީގެ ރައީސަކުގެ ވައްކަމުގެ މައްސަލަ ނުހިނގާ ކޯޓެއް ނެތް. އެހެންވީމަ ދެން ކޮންމެ މީހަކު ކޮންމެ ކޯޓަކަށް ޕްރޮމޯޓުވިޔަސް ތިކަމާ ގުޅުވާ ލެވިދާނެ. އަދިވެސް އެބޭފުޅަކު ކުރިކަމެއް ނެތް ދެއްތޯ؟ އެހެންޏާ، އޭބޭފުޅަކު ގެފުޅުގެ އުރަކޮޅުފަހަން އިންދާ ވިއްޔާ ބަންދުކުރީ!!މާތް ﷲ މި މީސްމީހުންނަށްވެސް ހެވާ ނުބައި ވަކިކުރުމުގެ ހެޔޮ ތައުފީޤު މިންވަރުކުރައްވާށި! އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަންނުވެރިން

06 March 2023

ޔާމީން ވެރިކަމުގައި ރައީސް ނަޝީދުގެ މައްސަލަ ބެލި ޑީޑީ ހައިކޯޓަށާއި، ސްޕްރީމް ކޯޓަށް ދިޔަގޮތް ހަނދާން ނެތުނީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަންނުގައި

06 March 2023

ތިޔަކަހަލަ ފަންނު ކުރިއަރުވާކަށް ނޫން މިވެރިކަން ގެނައީކީ. އެހެންނަމަ ޔާމީނު ބަހައްޓާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެޔޮބާ

07 March 2023

ހެޔޮ ވެރިކަމާ އިންސާފަށް ލޯބި ކުރާ ނަމުގަ އުޅޭ ބަޔަކު ހަމަ 02 ވަނަ ޔާމީންއަށް ވުން ކަޑަ. މިއީ ޝަރުޢީ ނިޒާމު އޮންނަންވާ ގޮތެއްނޫން. އަނެއްކާ ޔެލޯ ކުދިން އުޅެނީ ޔާމީން ކޭ ގޮތަށް ނުކާ ކަމަށް ހެދިގެން. ޔާމީން ޝަރުއީ ނިޒާމަށް އަތްބޭނި ގޮތަށް ނުބާނާ ކަމަށް ހެދިގެން އުޅޭ މާތް ބޭފުޅުން މިހެން އުޅެންވާނެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހުތާން

06 March 2023

ހުކުމާއެކު ޕްރޮމޯޝަން ލިބޭ ޖުޑިޝަރީ އޮންނަ ގައުމަކީ ކޮބާ؟ ހުކުމް ވަކިގޮތަކަށް ހޯދަން ޕްރެޝަރު ކުރާ ޖުޑިޝަރީ އޮންނަ ގައުމަކީ ކޮބާ؟ ޙުކުމް ކުރުމަށް ނުފުޒު ފޯރުވޭގޮތަށް އޮންނަ ޖުޑިޝަރީ އޮންނަ ގައުމަކީ ކޮބާ؟