ރައީސް އޮފީހުގެ ސްޕޯކްސްޕާސަން މިއުވާން ވާހަކަ ދައްކަވަނީ: އިޒްރޭލްގެ ގައުމީ އެއާލައިނަށް ރާއްޖެއިން ހުއްދަ ނުދޭނެ ކަމަށް އޭނާ ވިދާޅުވި --- ފޮޓޯ/މިހާރު
09 މާޗް 2023 - 21:13
11 comments
އިޒްރޭލްގެ ގައުމީ އެއާލައިން ކަމަށްވާ އެލް އަލްގެ ދަތުރުތައް ރާއްޖެއަށް ފެށުމަށް ހުއްދަ ނުދޭނެ ކަމަށް ދިވެހި ސަރުކާރުން މިއަދު ބުނެފި އެވެ.
އެލް އަލްގެ ދަތުރުތައް ރާއްޖެއަށް ފެށުމަށް ވިސްނަމުންދާ ކަމަށް އެ ކުންފުންޏާ ހަވާލާދީ ބޭރުގެ ބައެއް މީޑިއާތަކުން ވަނީ ރިޕޯޓްކޮށްފަ އެވެ. އެހެން ނަމަވެސް ރާއްޖެ އާއި އިޒްރޭލާ ދެމެދު ހާރިޖީ އަދި ވިޔަފާރީގެ އެއްވެސް ގުޅުމެއް ނޯވެ އެވެ.
ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމެއްގައި ރައީސް އޮފީހުގެ ސްޕޯކްސްޕާސަން މިއުވާން މުހައްމަދު ވިދާޅުވީ އިޒްރޭލާއި ރާއްޖެއާ ދެމެދު އެފަދަ އެއްބަސްވުމެއް ނޯންނާނެ ކަމަށާއި އަދި އެފަދަ ހުށަހެޅުމެއް ވެސް ނެތް ކަމަށެވެ. އެހެންވެ، އެފަދަ ހުއްދައެއް ރާއްޖެއިން ނުދޭނެ ކަމަށް އޭނާ ވިދާޅުވި އެވެ.
"އެ އެއާލައިންގެ ފަރާތުން ވެސް ހުށަހަޅާފައެއް ނެތް. އެނގިވަޑައިގަންނަވާނެ ވިޔަފާރީގެ ގުޅުމެއް ރާއްޖެ އާއި އިޒްރޭލާ ދެމެދުގައި މިހާރަކު ނޯންނާނެ. އެހެންވީމަ އެފަދަ އެއްބަސްވުމަކަށް ނުވަތަ ދަތުރު ކުރެވޭނެ އިންތިޒާމެއް ހަމައެއް ނުޖެހޭނެ." މިއުވާން ވިދާޅުވި އެވެ.
އިޒްރޭލުން ފަލަސްތީނުގެ ބިންތަކަށް ވެރިވެ، ހިންގަމުންދާ އަމަލުތަކާ ގުޅިގެން، ރާއްޖެއިން އިޒްރޭލާ ދެމެދު އޮތް ހާރިޖީ ހުރިހާ ގުޅުންތައް ރައީސް މައުމޫން އަބްދުލްގައްޔޫމްގެ ވެރިކަމުގެ ކުރީކޮޅުން ފެށިގެން އޮތީ ކަނޑާލައިފަ އެވެ. އެހެންވެ، އިޒްރޭލްގެ އުފެއްދުންތައް ރާއްޖެ އެތެރެކުރުން ވެސް އޮންނަނީ މަނާކޮށްފަ އެވެ.
އެހެންވެ، އެލް އަލްގެ ދަތުރުތައް 2011 ވަނަ އަހަރު ރާއްޖެއަށް ފަށަން މަސައްކަތް ކުރުމުން އެކަމާ ދެކޮޅަށް އޭރުގެ އިދިކޮޅު ފަރާތްތަކުން ވެސް މުޒާހަރާކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮހޮނޭ
11 March 2023
އިޒްރޭލުގެ ފްލައިޓް ތައް ޖެއްސޭހާ ސިކިއުރިޓީ ދުނިޔޭގެ ގިނަ ގައުމުތަކުގައި ނުހުންނާނެ. އިޒްރޭލު ފްލައިޓު ޖައްސަންޏާ އިޒްރޭލު ސިފައިންވެސް، އެއަރޕޯރޓްގައި ތިބެންޖެހޭނެ. އިޒްރޭލަކީ މުޅިދުނިޔެއަށް ގޮންޖަހަން އެމެރިކާއިން ތައްޔާރު ކޮށްފައިވާ އެފްބީއައި ކަލްޓެއް. މާމުހިއްމު ބައެއް ނޫން. އެހެނަސް ދިވެހި ވިޔަފާރިތަކައް އޮތް ދެރައެއް އިޒްރޭލުމުދާ އެތެރެނުވުން. ޚާއްސަކޮށް ދަނޑު ހައްދާ ތަކެއްޗަށް.
މަރުމޯލުރާޖާ
10 March 2023
ތިކަމެއްނޭންގެ، އިޒްރޭލްގެ މީހުނަށްވެސް އޮންނަނީ ހަމަރާއްޖެއަށް ފައިބާހިސާބުން އޮންއެރައިވަލް ތައްގަނޑު ޖަހާދީފަ. އަދިހަމައެއާއެކު އިޒްރޭލްގެ އުފެއްދުންތައްވެސް ބާޒާރުގަފެންނަލެކެއް މަދެއްނޫން، ޚާއްސަކޮށް ހައިޓެކްއިންޑަސްޓްރީގެސާމާނު.
ރސރސ
10 March 2023
ޗެކްޕޮއިންޓު ފަޔަރވޯލް، ވައިބަރގެ އަސްލު، ފޭސްބުކު، ވަޓްސުއަޕް، މިހެންގޮސް ގިނަ ސޮފްޓުވެޔާތަކަކީ އިޒްރޭލް ނޫނީ ޔަހޫދީންގެއެއްޗިހި. ދިވެހިން ދެފުއްކެހެރިނޫނީއްޔާ މިއެެއްޗެހި ބޭނުންކުރުން ހުއްޓަންވީނު.
ކސކސ
10 March 2023
އެހެންވީމަ އިސްރާއީލު މީހުންނަކަށް ރާއްޖެ ނާދެވޭނެދޯ؟
ޓެންގޯ000
10 March 2023
އިޒްރޭލްގެ އެއާރލައިނުން ދަތުރު ނުފެށިޔަސް އެހެން އެއާރލައިން ތަކުން އިޒްރޭލްގެ ރައްޔިތުން ރާއްޖެ އާދޭ..
ޒަކިއްޔަ
10 March 2023
ތިވެދާނެ މިތާތިބި ޔަހޫދީ އެޖެންޓުންގެ ބަޔަކު ބޭނުންވެގެން އުޅޭ ޑީލެއްކަމަށް. އެމީހުންގެ ހުއްޖަތަކީ ރިސޯޓުތަކުގަ ރާވެސް ވިއްނީ ނޫންހޭ. އެހެންވީމަ.......
1206
10 March 2023
އިޒްރާއީލް އާއި އެއްވެސް ގުޅުމެއް ބޭއްވުން ޤާނޫނީ ގޮތުން މަނާކުރަންވީ. މީގައި ސީދާކޮށާއި ނުސީދާކޮށް ކުރެވޭ މުޢާމަލާތު ވެސް ހިމެނުމަށް ގޮވާލަމެވެ. އިޒްރާއީލަށް ހުރިހާ ގޮތަކުން ފިއްތުން އެއީ އެންމެ މަދު މިންވަރުން އަހަރުމެން ކުރެވޭނެ ކަންތަކެވެ. ނުވަތަ ޚާރިޖީ، ސިޔާސީ، އިގްތިސާދީ އެނޫންވެސް ގޮތް ގޮތުން އިޒްރާއީލް ބާކީ ކުރުން މި ގާނޫނުގެ މަގްސަދަކަށް ވާންޖެހޭނެ. 1967 ގައި އިޒްރޭލް ބޯޑަރު ކަމުގައި ހިމެނޭ އިމަށް ދިވެހިން ދިޔުން ވެސް މަނާކުރާށެވެ.
އާތިފާ
09 March 2023
ނުދޭންވީ ސަބަބެއް މިހާރުނެތް. ސައުދީން ވެސް އަދި ޔޫއޭއީ ވެސް މިހާރު އިޒްރާއީލްއާއިއެކު ގުޅުން ރަގަޅުވަނީ.
ޖަމީލުބެ
09 March 2023
الحمد لله
އެފް.އޭ
09 March 2023
ކެމްޕޭނު ފަނޑުރެޑީވީމި އަދާލަތައް ބައިއަޅީމަ ހަލާލުވާނެ ހުރިހާކަމެއް
ޖާބެ.
09 March 2023
ޢެކަމަކު ޖައްސާނެ މިކަން ކަށަވަރުކުރާނެ އިޔާޒުމެންގެ ޓީމުން އަދި ދިފާއުވެސްކުރާނެ އިބޫ ބަލިވާހެން ހީވެއްޖެނަމަ ފަހުގަޑީގަ ނިކުންނަން ރެޑީވެގެންތިބީ 6 މަސް ސަރުކާރުގަ އަދި ބާކީ އޮތީމަ އަދާލަތުން މިކަންކުރާނީމިހެން