ފަރެސްމާތޮޑާ އެއާޕޯޓު. އެ އެއާޕޯޓު ރަސްމީކޮށް ހުޅުވަނީ އަންނަ ބުދަ ދުވަހު-- ފޮޓޯ: އެމްޓީސީސީ
13 މާޗް 2023 - 12:07
6 comments
ގއ. ފަރެސްމާތޮޑާ އެއާޕޯޓަށް ޓެސްޓް ފްލައިޓުތައް މިއަދު ޖައްސާނެ ކަމަށް، ގައުމީ އެއާލައިން މޯލްޑިވިއަން އިން ބުނެފި އެވެ.
މޯލްޑިވިއަން އިން ބުނީ ޓެސްޓު ފްލައިޓު ޖައްސާނީ މިއަދު ހަވީރު 5:00 ހާއިރު ކަމަށެވެ. މިއަދު ޓެސްޓް ފްލައިޓް ޖެއްސިޔަސް، އެ އެއާޕޯޓް ރަސްމީކޮށް ހުޅުވަނީ އަންނަ ބުދަ ދުވަހު އެވެ.
އެ އެއާޕޯޓަށް ކޮމާޝަލް ފުރަތަމަ ދަތުރު ކުރުމަށް ހަމަޖައްސާފައިވަނީ އަންނަ ބުރާސްފަތި ދުވަހު އެވެ. އޭގެ ފަހުން ކޮންމެ ހަފްތާއަކު ދެ ދަތުރު ކުރުމަށް ވަނީ ހަމަޖެހިފަ އެވެ.
މޯލްޑިވިއަން އިން ވަނީ އެ އެއާޕޯޓަށް ބުދަ ދުވަހާއި އަންނަ ހަފްތާގެ އާދިއްތަ ދުވަހު ދަތުރުކުރާ މީހުންނަށް ހާއްސަ ފެއާއެއް ކަނޑައަޅައިފަ އެވެ. އެ ދެ ދުވަހު އެރަށަށް ކޮޅަކަށް 1،574ރ. އަށް ދަތުރު ކުރެވޭނެ އެވެ. އެއީ އެރަށުގެ ޓިކެޓުން 50ރ. ކުޑަ އަގެއެކެވެ.
އެމްޓީސީސީން ހެދި ފަރެސްމާތޮޑާ އެއާޕޯޓުގައި 1،200 މީޓަރުގެ ރަންވޭއެއް އަޅާފައިވެ އެވެ. އެ އެއާޕޯޓް ހެދުމަށް އެމްޓީސީސީއާ ސަރުކާރުން ހަވާލުކުރީ ނޮވެމްބަރު 2020 ގަ އެވެ. އެ ޕްރޮޖެކްޓަށް 145 މިލިއަން ރުފިޔާ ހޭދަކުރާ އިރު މަސައްކަތް ނިންމުމަށް ދިނީ އެއްއަހަރާ އަށް މަސް ދުވަހެވެ. އެ މުއްދަތުގެ ތެރޭގައި މަސައްކަތް ނުނިމި ލަސްވީ، ޕްރޮޖެކްޓަށް ބޭނުންވާ ބައެއް ސާމާނުތައް ގެނައުމުގައި ލަސްތައް ދިމާވުމުން ކަމަށް އެމްޓީސީސީން ކުރިން ބުނެފައިވެ އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުވަދޫ.
14 March 2023
ހުވަދޫ އެއަރޕޯޓޭ ކިޔަން މަށަށް ފެންނަނީ. އެއީ އެރަށުގައި ހުރީ ހުވަދޫ ސްކޫލްވެސް. ދެން ހުވަދޫ އެއަރޕޯޓް ކިޔަން ވަރަށް ސަޅިވާނެ
އޮނަރަބްލް އަފީފު ދީދީ
14 March 2023
އުތުރުގެ ހަބަކަށް ހަނިމާދޫ އަދި ދެކުނުގެ ހަބަކީ ގޭންއިންޓަރނޭޝަނަލް އެއަރޕޯޓްކަމުގައިކަޑައަޅާފައި މޯލްޑިވިއަންގެ އެއަރބަސް ޝެޑިއުލްދަތުރުތައް މާލެއިން ހަނިމާދުއަށް އަދި މާލެއިން އައްޑުއަށްބާއްވާފައި އުތުރު ހުރިހާ ޑޮމެސްޓިކްމަންޒިލްތަކަށް ހަނިމާދޫއިން ދަތުރުކޮށްފަ ހަމަމިގޮތަށް ދެކުނުގެ ހުރިހާ ޑޮމެސްޓިކް ބަނދަރުތަކަށް ގޭންއެއަރޕޯޓުން ދަތުރުކުރެވޭނެ އިންތިޒާމްހަމަޖައްސާ އަދި މިފަދަ އެއަރޕޯޓްތައް ކާމިޔާބުކުރަން ޑޮމެސްޓިކް ކަނެކްޓިވިޓީ ފުޅާކުރަންޖެހޭ
ޒުހުރާ
13 March 2023
ގއ. ފަރެސްމާތޮޑާ އެއް ނޯވޭ..
ކޮރުކީ
13 March 2023
ބޭރުން ބަލާލަން ރީއްޗަސް ތި ޓަރމިނަލްގެ އެތެރެ ވަރަށް ހަޑި
ހޮޓީ
14 March 2023
ބިޓުން ނަގަނީ ވެސް ބޭރުން ރީތި ވީމަ. ސޯ ވަޓް.
މުޑަހަންޖާ
13 March 2023
ފަރެސްމާތޮޑާގައި 145 މިލިއަނަށް އެއާޕޯޓެއް އެޅުނުއިރު ކ.ހުޅުމާލޭގައި ހިއްކާފައޮތް ބިމެއްގައި ހަމައެކަނި ބަލާލަން ރީއްޗަކަށް ކޮނެނަގައިގެން ކޯރެއް ކޮނެފަ ބުރިޖު އަޅާފައެއޮތީ 1،300 މިލިއަން ރުފިޔާއަށް. މާދަމާނޫންކަމެއްނޭނގެ އަނެއްކާ 5،000 މިލިއަނަށް ކުޑަ ފަރުބަދައެއް ހަދަންވެއްޖެއޭ ބުނާނީ.