ދެން އަންނަ ސަރުކާރެއްގައި އެމްޑީޕީގެ ހިއްސާ އޮންނަން ބޭނުންވާ ނަމަ ކުރިއަށް ދާންވީ ނަޝީދު ދައްކާ މަގުން: އީވާ

ރައްޔިތުންގެ މަޖިލީހުގެ ނައިބް ރައީސް އީވާ އަބްދުﷲ: އޭނާ ވިދާޅުވީ ދެން އަންނަ ސަރުކާރެއްގައި އެމްޑީޕީގެ ހިއްސާ އޮންނަން ބޭނުންވަންޏާ ކުރިއަށް ދާންވީ ނަޝީދު ދައްކާ މަގުން ކަމަށް.-- ފޮޓޯ: މިހާރު

އިފްރާޒް އަލީ، މިހާރު

15 މާޗް 2023 - 12:21

54 comments

މި އަހަރުގެ ރިޔާސީ އިންތިހާބު ކާމިޔާބުކޮށް، އުފެދޭ ސަރުކާރެއްގައި އެމްޑީޕީގެ ހިއްސާ އޮންނަން ބޭނުންވާ ނަމަ، އެ ޕާޓީގެ ރައީސް މުހައްމަދު ނަޝީދު ދައްކަވާ މަގުން ކުރިއަށް ދިއުން ނޫން ގޮތެއް ނެތް ކަމަށް ނަޝީދު ފެކްޝަންގެ އިސް މެމްބަރު އަދި ގަލޮޅު އުތުރު ދާއިރާގެ މެމްބަރު އީވާ އަބްދުﷲ ރޭ ވިދާޅުވެއްޖެ އެވެ.

"ފިިކުރެއްގެ ދިރުން"ގެ ޕީޖީ ގުރޫޕްގެ ބައްދަލުވުމުގައި އީވާ ވިދާޅުވީ، ރައީސް އިބްރާހިމް މުހައްމަދު ސޯލިހާ އެކު އެމްޑީޕީއަށް ރިޔާސީ އިންތިހާބު ކާމިޔާބު ނުކުރެވޭނެ ކަން ޕާޓީގެ ހުރިހާ މެމްބަރުންނާއި ރައްޔިތުންނަށް ވެސް މިހާރު ޔަގީންވެއްޖެ ކަމަށެވެ.

އީވާ ވިދާޅުވި ގޮތުގައި، އެއީ މި ސަރުކާރުގެ ކޯލިޝަން މިހާރު ރޫޅިފައި ވާތީ އެވެ. މި ކޯލިޝަން، ކޯލިޝަނަކަށް ހަދައިދޭ ޕާޓީ، ޖުމްހޫރީ ޕާޓީން އަމިއްލައަށް ވާދަކުރަން ނިންމުމުން ރައީސް އިބްރާހިމް މުހައްމަދު ސޯލިހުގެ "އަމިއްލަ ބުރަދަނެއް ނެތްކަން" އެނގިއްޖެ ކަމަށް އޭނާ ވިދާޅުވި އެވެ. އީވާ ދެކެވަޑައިގަންނަވާ ގޮތުގައި، ނަޝީދު ދައްކަވާ މަގުން އެމްޑީޕީގެ މަސައްކަތްތައް ބައްޓަންކުރަންވީ އެ ސަބަބަށްޓަކަ އެވެ.

ދެން އުފެދޭ ސަރުކާރެއްގައި އެމްޑީޕީގެ ހިއްސާ އޮންނަން ބޭނުންވަންޏާ އަޅުގަނޑަކަށް ހިޔެއް ނުވޭ، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުއާއެކު އެމްޑީޕީ މި ރިޔާސީ އިންތިހާބުން އެއީކީއެއް، އެމްޑީޕީއަކަށް އޮތް ޗޮއިސެއްހެން: އީވާ

"އަޅުގަނޑުމެން އެންމެނަށް ވެސް އިނގޭ އިންތިހާބެއްގައި އެކަންޏެއް ނޫން، މި ރާއްޖޭގައި އެމްޑީޕީއަށް ލިބުނު ކާމިޔާބެއް ވިއްޔާ މިއަދާ ހަމައަށް ވެސް ލިބަފައި ވަނީ ހަމަ ރައީސް ނަޝީދު ދެއްކެވި މަގުން އަޅުގަނޑުމެން މި ޕާޓީ ކުރިއަށް ގެންގޮސްގެން،" ރައްޔިތުންގެ މަޖިލީހުގެ ނައިބް ރައީސްކަން ވެސް ކުރައްވާ އީވާ ވިދާޅުވި އެވެ.

"ދެން އުފެދޭ ސަރުކާރެއްގައި އެމްޑީޕީގެ ހިއްސާ އޮންނަން ބޭނުންވަންޏާ އަޅުގަނޑަކަށް ހިޔެއް ނުވޭ، ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުއާއެކު އެމްޑީޕީ މި ރިޔާސީ އިންތިހާބުން އެއީކީއެއް، އެމްޑީޕީއަކަށް އޮތް ޗޮއިސެއްހެން."

Nasheed ge fikureh ge dhirun aai JP ge PG group gulhumuge visnun

The most trusted news source in the Maldives

Mihaaru

ކުރީގެ ރައީސް މުހައްމަދު ނަޝީދު އެމްޑީޕީއާ ވަކިން އުފައްދަވައިގެން އުޅުއްވާ "ފިކުރެއްގެ ދިރުން" އާއި ޖުމްހޫރީ ޕާޓީގެ ޕާލަމެންޓްރީ ގުރޫޕް ގުޅިގެން މަސައްކަތް ކުރުމުގެ ވިސްނުން ގެންގުޅުއްވާ ކަމަށް ވެސް، ރޭ އީވާ ވިދާޅުވި އެވެ. އޭނާ ވިދާޅުވީ، އެކުގައި މަސައްކަތް ކުރަން ފަށަން ޖޭޕީގެ ރައްޔިތުންގެ މަޖިލީހުގެ މެމްބަރުންނާ ވާހަކަދައްކަން ޖެހޭ ކަމަށެވެ.

"ޖުމްހޫރީ ޕާޓީގެ އިތުރުން އަޅުގަނޑުމެންނާއެކު މަސައްކަތް ކުރާނެ ރައްޔިތުންގެ މަޖިލީހުގެ މެމްބަރުން ވާނެ ކަމާ މެދު އަޅުގަނޑަށް އެއްވެސް ސުވާލެއް ނެތް،" އީވާ ވިދާޅުވި އެވެ.

މި އަހަރުގެ ރިޔާސީ އިންތިހާބުގައި ޖުމްހޫރީ ޕާޓީގެ ކެންޑިޑޭޓަކު ނެރެ، އެ ޕާޓީން އިސްވެ އޮވެ ޕާޓީތަކާއެކު ކޯލިޝަނަކުން ވާދަކުރަން ކައުންސިލްގެ އިއްތިފާގުން ރޭ ވަނީ ފާސްކޮށްފަ އެވެ.

ނަޝީދުގެ "ފިކުރެއްގެ ދިރުން"ގެ ޕީޖީ ގުރޫޕްގެ ބައްދަލުވުމުގައި މެމްބަރުން ވަނީ ޖޭޕީގެ އެ ނިންމުމަށް މަރުހަބާ ވިދާޅުވެފަ އެވެ.

އެމްޑީޕީ މެމްބަރު އީވާ އަބްދުﷲ ރިޔާސީ އިންތިޚާބު 2023 ފިކުރެއްގެ ދިރުން ރައީސް މުހައްމަދު ނަޝީދު

54 ކޮމެންޓް, 28 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެޭކް

19 March 2023

ނަޝީދު އާއި އާއިލާގެ މުދަލެއްކަމަށް އެމް، ޑީ،ޕީ ހަދައިގެން ނުވާނެ ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެހި

18 March 2023

މިހާރު ކަލެޔަށް ހީވާގޮތްތީ އެމް ޑީ ޕީ އައްސަޕޯތޓުކުރާ ޢާއިލާ ތަކަކީ ކަލެޔާ ކަލޭމެން ތިސަޕޯތުކުރާ ކަންތައްތަކައް ކުރަންބޭނުންވާބައެއްނޫންކަން ހަނދާންކުރާތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު..

16 March 2023

ނަޝީދު ކިބައިގައި ދިވެހި ރައްޔިތުންނަށް ރަގަޅުގޮތެއް ދެއްކޭނެ ވަރުގެ ގާބިލު ކަމެއްނެތް ކަން އަދިވެސް ގަބޫލުކުރާކަށް ނުވޭތަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުރިޔާ

16 March 2023

ލަދުހަޔާތްވެސް ކޮންމެވެސްވަރަކަށްހުރުން އެއީ އިންސާނަކު އިންސާނަކަށްވުމުގެ އެއްސިފަ ދޮގާމަކަރާ ހީލަތް މިހުންނަނީ އިންތިހާއަށް އަންނިޔާ އީވާ އަކީ ކޮންބަޔެއްކަން ނޭގެ މީހަކު އެބައުޅޭތަ އެމްޑީޕީ ތިޔަފުނޑާލަނީ ތިމާގެމީހާއަށް މެމްބަރުން ނޫނޭބުނީމަ އެކަމުގެ ހަސަދައިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްލު..

16 March 2023

މޮޔަވާހަކަ ނުދައްކަވާ، އަމިއްލައެދުމަށް ދުނިޔޭގައި ހުރެވޭމަދު ދުވަސްކޮޅު މީހުންއޮޅުވާލާ ފިތުނަ އުފައްދާ ގާތްމީހަކު ނުވަތަ ތިމާއަށް ކޮންމެވެސް މަންފާއެއްކުރާނެ މީހަކު ވެރިކަމަށް ގެނެވޭތޯ މަސައްކަތް ތިކުރައްވަނީ، ނަޝީދު އަށް ރައްޔަތުން ވެރިކަން ދެއްވީމަ ކަންތަށް ކުރެއްވިގޮތް ރައްޔަތުން ހަދާން އެބަހުރި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތައްތީ

16 March 2023

ކީކޭ ދެން ބުނާނީ. އަހަރެމެން ދެން ހޮވާ ސަރުކާރެއްގައި އެމްޑީޕީގެ އަމިއްލަ އެދުން ބޮޑު ނާގާބިލް މީހުން ތިބޭކަށް ބޭނުމެއް ނޫން. އެހެން ނޫނަސް އަސްލު އިސްލާހީ ވިސްނުމުގައި އެމްޑީޕީގައި ތިބި މީހުން ދެކޭނެ ކަމަށް ހީކުރި ދުވަހެއް ނޫން ވެރިކަމުން ބައިކުޅަ ބައެއް ހޯދަން ގޮސް ޖޭޕީއާއި ކޯލިޝަން ހަދައިގެން ޤާސިމް ރައީސްއަކަށް ގެންނަން އެމްޑީޕީ އުޅޭނެ ދުވަހެއް. އެހެންވެ އަހަރުން އެމްޑީޕީ ދޫކޮށް ކާނަލް ނާޒިމްއަށް ސަޕޯޓް ކުރަން ނިންމީ. އެގިއްޖެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަފް

15 March 2023

ރައީސް ނަޝީދަކީ ކޯލިޝަނަށް ތާއިދު ކުރާމީހެއް ނޫންކަމަށް އެތައްފަހަރަކު ބުނެފަވަނީ. ދެން ކީއްކުރަން ޤާސިމްއާއެކު ކޯލިޝަން ހަދަން ތިއުޅެނި. ހަމަ ވެރިކަމާހެދި ދޮގާ މަކަރު ވިއްކައިގެން އުޅޭ ފިކުރުރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކާތިބު

15 March 2023

މިހާރުވެސް އެމްޑީޕީގެ ރައީސްގެ މަގާމުގައި މުހައްމަދު ނަޝީދު އަދި ނައިބު ރައީސްގެ މަގާމުގައި މުހައްމަދު ޝިފާޒު ނޫންތޯ އެތިއްބެވީ 4 އަހަރު ވެގެން ދިޔައިރު ޕާޓީ ކުރިޔަށް ގެންދަން ކިތައް ޖަލްސާ ބޭއްވިތޯ؟ އިލެކްޝަނުން ކޮންމެ އަހަރަކު އެތައް މިލިޔަން ރުފިޔާ ނުލިބޭތޯ؟ ކީއްވެތޯ ކުޑަމިނުން މެންބަރޝިޕް އިތުރުކުރަން ފޯމު ފުރުވައި އިލެކްޝަނަށް ހުށަނޭޅުއްވީ؟ މިހާރު "ފިކުރެއްގެ ދިރުން" ކިޔާފަ ފޯމު ފުރުވަން ފޫގަޅާފަ ހުރިވަރަށް ޕާޓީ ކުރިއަރުވަން ނޫޅުނީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

15 March 2023

އެމްޑީޕީއަކީ ނަޝީދުގެ ހަރުމުދާތޯ. ކެނެރީގޭ ޢާއިލާއަށް ނިސްބަތްވާ ޕާޓީއެއްތޯ. ޢާއިލީވެރިމާ ދެކޮޅަށް ވަކާލާތުކޮށް ރައްޔިތުންގެ އިތުބާރު ހޯދީ. މިހާރު ކީ ހުރިހާއެއްޗެއް ބިލާހަކަށް ވެއްޖެ. ލަދު ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޯޅުން

15 March 2023

(ރިޔާސީ އިންތިހާބު ކާމިޔާބުކޮށް، އުފެދޭ ސަރުކާރެއްގައި އެމްޑީޕީގެ ހިއްސާ އޮންނަން ބޭނުންވާ ނަމަ، އެ ޕާޓީގެ ރައީސް މުހައްމަދު ނަޝީދު ދައްކަވާ މަގުން ކުރިއަށް ދިއުން ނޫން ގޮތެއް ނެތްކަމަށް އީވާ އަބްދުﷲ ރޭ ވިދާޅުވެއްޖެ.) ދެން މިބުނީ ކީކޭތަ (މުހައްމަދު ނަޝީދު އެމްޑީޕީއާ ވަކިން އުފައްދަވައިގެން އުޅުއްވާ "ފިކުރެއްގެ ދިރުން" އާއި ޖުމްހޫރީ ޕާޓީގެ ޕާލަމެންޓްރީ ގުރޫޕް ގުޅިގެން މަސައްކަތް ކުރުމުގެ ވިސްނުން ގެންގުޅުއްވާ ކަމަށް) ބާރުއޮތީ ކާކު ކަމެއް ނޭނގުނު.