މަޖީދީ މަގުގައި ވެހިކަލްތަކެއް ދުއްވަނީ-- ފޮޓޯ: ފަޔާޒު މޫސާ/ މިހާރު
20 މާޗް 2023 - 16:10
5 comments
މިއީ ރާއްޖޭގައި އެންމެ ހޫނުގަދަ ދުވަސްވަރު ކަމަށް ވާތީ މި މާޗު މަހާއި އަންނަ މަހު އެންމެ ގިނަ ވާނީ ހޫނުގަދަ ދުވަސްތައް ކަމަށް މޫސުމާ ބެހޭ އިދާރާ އިން މިއަދު ބުނެފި އެވެ.
އެ އޮފީހުގެ އޮފިޝަލަކު ވިދާޅުވީ ކޮންމެ އަހަރެއްގެ މާޗު އަދި އޭޕްރީލް މަހަކީ އެންމެ ހޫނު ގަދަ ދުވަސްވަރު ކަމަށެވެ. ނަމަވެސް، މިދިޔަ އަހަރުގެ އެ ދުވަސްވަރާ އަޅާ ބަލާއިރު، އަދި ވެސް އެންމެ ހޫނު ގަދަވި ކަމަށް ރިކޯޑުން ދައްކަނީ އެ އަހަރުގެ މާޗު މަހު ކަމަށް އޮފިޝަލް ވިދާޅުވި އެވެ.
މިދިޔަ އަހަރުގެ މާޗު މަހު ހޫނުމިން 33.4 ޑިގްރީ ސެލްސިއަސް ވެސް އެރި އެވެ.
މި މަހުގެ މިހާތަނަށް ވެސް އެންމެ ހޫނު ގަދަވެގެން ރިކޯޑުކޮށްފައިވަނީ 32.3 ޑިގްރީ ސެލްސިއަސް އެވެ. އެއީ މި މަހުގެ 2 ގަ އެވެ.
އޮފިޝަލް ވިދާޅުވި ގޮތުގައި އަންނަ މަހާ ހަމައަށް ވައި މަޑުވެ، ކަނޑުގަދަވިޔަސް ކުޑަކޮށް ވާރޭ ވެހިދާނެ އެވެ. އެކަމަކު، އެ މުއްދަތުގައި ގިނަވާނީ ހޫނުގަދަ ދުވަސްތައް ކަމަށް މެޓުން ބުންޏެވެ.
މި ދުވަސްކޮޅު އެވްރެޖުކޮށް ހޫނުމިން އުޅެނީ 31.6 ޑިގްރީ ސެލްސިއަސްގަ އެވެ.
މެޓްގެ ވެބްސައިޓުގައި ބުނީ ބައެއް ރަށްތަކަށް ކެރީގެ އަސަރު ފޯރުން އެކަށީގެން ވާ ކަމަށެވެ. ވައި އާންމުގޮތެއްގައި މަޑުވެ، ހުޅަނގުދެކުނާއި ހުޅަނގުން ތިން މޭލާއި 13 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް ވެސް ލަފާކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެޑްމުންޑޯ
20 March 2023
ތިގޮތަށް ދެއްކިއަސް މިމާރޗް މަހުގައި ބޮޑުބައި މިދަނީ ވާރޭގެ ތެރޭގައި ރައްރަށުގެ މަގުތަކުގައި ފެންހިނދޭނެ ފުރުސަތެއްވެސް ނުލިބި މިދަނީ ، މިހާރު ބާކީ 10 ވަރަކަށް ދުވަސް ، ހިތާމައަކީ މެޓުން ތިގޮތަށް ބުނީމާ ކަރަންޓް ބިލް އަންނަ އިރު ފިތްކަނޑާގެން ދާނެތީ
ބޮޑުމީހާ
20 March 2023
ކުރިއަށް އޮތް ދުވަސްތަކުގައި ސިޔާސީ ހޫނުވެސް ގަދަވާނެކަމަށް ލަފާކުރެވޭ، ކުރިން ނުހިނގި ހުރި އެތައް ޕްރޮޖެކްޓްތައް ފެށުމާއި، ދައުލަތް ދަރަނިކުރުމާއި، ރައްޔިތުންގެ ހާލު ބަލަން އައުމާއި، ހޮރުހޮރުން ގައުމަށް ވަފާތެރި، ގައުމަށްޓަކައި ގުރުބާންވާން ތައްޔާރަށްތިބި އެތަކެއް ސިޔާސީ ލީޑަރުން ނުކުންނާނެކަމަށްވެސް ލަފާ ކުރެވޭ، އަދި ރައްޔިތުންނަށް ފޮނި ހުފަވެންތައް ދައްކައިގެން ކޮންމެވެސް ބަޔަކު ވެރިކަމަށް އަންނާނެ
ބާބާ
20 March 2023
މިވެސް އަޖައިބެއް. މިގައުމުގައި ހޫނުގަދަވެެގެން ކެތްނުވާއިރުވެސް 32، 33 ޑިގްރީއަކުން މައްޗައްނުދޭ.
އެންވެ
20 March 2023
އެހެންވަނީ ފެނުގެ އާވި ޖައްވު ތެރޭގައި ގިނަވީމަ. ވެދަ ފޯކާސް ކުރާއިރު އިންނާނެ ޓެމްޕެރޭޗަރ ޖަހާފަ، އަދި އިންނާނެ ފީލް ލައިިކް 38 ނުވަތަ އެއަދަދެއް ޑިގްރީސެލްސިއަސް އޭ ޖަހާފަ.
ހުވޭ
20 March 2023
ހޫނުގަދައޭ ކިޔާފަ މިގޭ ކަރަންޓްބިލް ބޮޑުނުކުރައްޗޭ. މިބުނީ އޭސީއެއްވެސް ނުހުރެޔޭ. 3 ފަންކާހުންނަނީ. ހޫނުގަދަވެގެން ފަންކާ ބުރުއަޅާވަރު އިތުރެއްނުވާނެ. ރޯދައިނާޔަތުގެއިތުރުން ވޯޓުގަންނަން ކުންފުނި މީހުންނަށް ދިންލާރި ކޮންމެވެސްގޮތަކުން ރައްޔިތުންއަތުން ހޯދާން ބަހަނާ ދައްކާނެ.