އިންޑިއާގެ އިދިކޮޅު ލީޑަރު ރާހުލް ގާންދީ
24 މާޗް 2023 - 14:43
17 comments
އިންޑިއާގެ އިދިކޮޅު މައި ޕާޓީ ކަމަށްވާ ކޮންގްރެސްގެ ލީޑަރު ރާހުލް ގާންދީގެ މައްޗަށް ކުރި އަބުރުގެ ދައުވާއެއް ސާބިތުވެ ދެ އަހަރަށް ޖަލަށް ލުމަށް އިއްޔެ ހުކުމް ކުރުމާ އެކު، ގާނޫނު ހަދާ މަޖިލީހުގެ ތިރިގެއިން އޭނާގެ ގޮނޑި ހުސްވެފައިވާ ކަމަށް މިއަދު ކަނޑައަޅައިފި އެވެ.
"ރާހުލް ގާންދީ ވަނީ އޭނާގެ މައްޗަށް ކުށް ސާބިތުވި ދުވަހުން ފެށިގެން ލޮކް ސަބާގެ މެންބަރުކަމުން ވަކިވެފައި" ކަމަށް ގާނޫނު ހަދާ މަޖިލީހުން މިއަދު ނެރުނު ނޯޓިސްއެއްގައި ބުނެފައިވެ އެވެ.
އުމުރުން 52 އަހަރުގެ ރާހުލްގެ މައްޗަށް ދެ އަހަރުގެ ޖަލު ހުކުމެއް އައީ 2019 ވަނަ އަހަރު އިންތިހާބުގެ ކެމްޕޭން އެއްވުމެއްގައި، ހުރިހާ ވަގުންގެ ފަހަތު ނަމަކަށް "މޯދީ" އަންނަނީ ކީއްވެތޯ ވިދާޅުވެފައި ވާތީ އޭނާގެ މައްޗަށް ކުރި އަބުރުގެ ދައުވާއެއް ސާބިތު ވެގެންނެވެ. އެކަމަކު 30 ދުވަހުގެ ކަފާލާތު ލިބިފައި ވާތީ ރާހުލް ޖަލަށް ވަޑައިގަންނަވާކަަށް އަދި ނުޖެހެ އެވެ.
"ހުރިހާ ވަގުންގެ ފަހަތު ނަމަކަށް މޯދީ އޮންނަނީ ކީއްވެ؟ ނިރާވް މޯދީ، ލަލިތު މޯދީ، ނަރެންދުރާ މޯދީ،" ކަރްނާޓަކާގައި 2019 ވަނަ އަހަރުގެ އޭޕްރީލް މަހު، އެންމެ ފަހުގެ އާންމު އިންތިހާބުގެ ކެމްޕޭން ރެލީއެއްގައި ރާހުލް ވިދާޅުވި އެވެ.
އަވަހާރަކޮށްލި ކުރީގެ ބޮޑުވަޒީރު ރަޖީވް ގާންދީގެ ދަރިކަލުން ރާހުލްގެ މައްޗަށް ދައުވާކުރީ އިންޑިއާގެ ގާނޫނު ހަދާ މަޖިލީހުގައި މޯދީގެ ބީޖޭޕީ ތަމްސީލްކުރައްވާ މެންބަރެއް ކަމަށްވާ ޕުރްނޭޝް މޯދީ އެވެ. އޭނާ ވިދާޅުވެފައިވަނީ ރާހުލްގެ ވާހަކައިން "މޯދީ ކޮމިއުނިޓީ" އަށް ހުތުރުވެފައިވާ ކަމަށެވެ.
ރާހުލް އަށް ކުރި ހުކުމާ ގުޅިގެން، ގާނޫނީ ދާއިރާގެ ބައެއް ބޭފުުޅުން ވަނީ ހުކުމާ މެދު ސުވާލު އުފައްދަވައިފަ އެވެ. ޖުމްލަކޮށް ގިނަ ބަޔަކަށް ނިސްބަތްވާ ގޮތަށް "ވަގުން" ކަމަށް ބުނެފި ނަމަ ދައުވާއެއް ސާބިތު ކުރެވޭނީ އެ މީހަކު އެއީ ސީދާ އެ މީހަކަށް ބުނި ބަހެއްކަން ސާބިތުކޮށްދެވިގެން ކަމަށާއި ރާހުލްގެ މައްޗަށް ކުރި ދައުވާގައި އެގޮތަށް ސާބިތުނުވާ ކަމަށް އިންޑިއާގެ ގާނޫނީ ބައެއް ބޭފުޅުން ވިދާޅުވެ އެވެ.
ރާހުލް އަށް ކުރި ހުކުމަކީ ސިޔާސީ ހުކުމެއް ކަމަށާއި ބޮޑުވަޒީރު ނަރެންދުރަ މޯދީ އާއި އޭނާގެ ޕާޓީ، ބީޖޭޕީން ސިޔާސީ ވާދަވެރިންނަށް ހުރަސް އަޅަނީ ކަމަށް ބުނެ ކޮންގްރެސް އިން މިއަދު ވަނީ އިންޑިއާގެ އެކި ހިސާބުތަކުގައި މުޒާހަރާ ވެސް ކޮށްފަ އެވެ. ކޮންގްރެސް އިން މިހާރު ތައްޔާރުވަމުން އަންނަނީ ހުކުމް އިސްތިއުނާފު ކުރުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
25 March 2023
ޗައިވާލާ މޮޑީ އަކީ ސައިހެދުމުގެ އުނގު ވިޔަފާރި ކޮށް އުޅުނު މީހެއް.
އަބްޑޫޅް
25 March 2023
މިހާރު ހަމަ މިގޮތަށް، ރާއްޖޭގަ ކަންތައް ކުރުމަށް، އިންޑިޔާ މީހުން މި ގެންދަނީ، އެއުޅޭ އެންޑީޕީ ބައިގަނޑަށް ދަސްކޮށް ދެމުން.
އިޓަލިއަން
25 March 2023
ހާދަ އިޓާލިއަން އޭ ރާހުލް. ވަރަށް ހޭންޑުސަމް ވިތް ޔޯ ތުބުޅި
ދޯޕައްޓާ
24 March 2023
ކ.މާލެތެރޭއުޅޭ އިދިކޮޅު ގަބީލާގެ ލީޑަރު ބޮޑު މައްސަލަގަނޑެއްގަ ޖަލަށްލީފަހަރު ހުދުމީހުންގެ ވަފްދުތަކާއި އިންޑިއާއިން ހީވީ އެހެންކަމެއްހެން. އެންމެފަހުން ކޮންމެވެސް އެރާއެއް އުޅެއޭކިޔާފަ ފަހުން އެކަންތައްގަނޑު އުވައިފި. އިންޑިއާގެ ސްޓޭޓެއްގެ އިންޓަނެޓު ކަނޑާފަ މިކަހަލަ ކަންކަންކުރީމަވެސް ނުވޭ މާބޮޑުކަމަކަށް.
އެއެސްއެލް
24 March 2023
މޯޑި ކިބައިން ފެންނަނީ ރައީސް ޔާމީނުގެ ސިފަތައް.
20232023
25 March 2023
ސޯލިހު އެއީ އަސްލު އޭނާގެ ސިފަތައް ހުރި ވެރިކަމާ ހެދި ބޫތުކައިގެން ތެޅިބާލާ މީހަކީ
ޙައްގުބަސް
24 March 2023
350މިލިޔަންނަ އެޅޭނެ ވިލިމާލެ ބްރިޖު މި ސަރުކާރުން އަޅަނީ 600މިލިޔަން ޑޮލަރައް. މިއޮތީ ވައްކަން ހުއްޓިފަ.
ޝޮކްތެރަޕީ
24 March 2023
ރައްޖޭގަވެސް މިއޮތީ މިކަހަލަ ކަންތައްގަޑެއް.
ޢެމެރިކާ
24 March 2023
އިންޑިޔާ ހުއްދަ ނުކޯދާ ރައްޖެއަ އެއްވެސް ބޭރުގެ އަސްކަރީ އުޅަދެއް ނުވަދެވޭގޮތައް އެއްބަސްވުންތަ މި ސަރުކާރު ހެދީ. ދެރަ
ހަސަންދީ
24 March 2023
އަހަރެމެންގެ ތަބަޢަވެގެންތިބި ދީނުގައިވެސް ހުއްދަކަމެއްނޫން ނެތިމޮށުމާއި ޢީބަބުނުމާއި މީހުންގެ އަބުރުނެގުމާއި މިފަދަ ކަންކަންކުރުން، ޑިމޮކްރަސީ ފައްކާވުމަކީ މީހުންގެ އަބުރު ވެއްޔާ މޮޑެލުމާއި ޢީބަބުނުމާއި ނެތިމޮށުމާއި ހަސަދަވެރިކަމާއި ފަސާދަ ވެރިކަން ކަމުގައިވާނަމަ މިރާއްޖެއަކީ ޑިމޮކްރަސީގެ ޗެންޕިއަން
އަލި
24 March 2023
މިކަހަލަ ޑިމޮކްރަސީ އިން އަހަރެމެން މިސާލު ނަގައިގެން ކުރާ ކަންތައްތައް ހުންނާނެ ގޮތް ވިސްނަވާ؟.