ލޯކަލް މާރުކޭޓު. މީހުން ތަކެތި ގަންނަން ގޮސް އުޅެނީ ވަރަށް މަދުން-- ފޮޓޯ: ނިޝާން އަލީ/ މިހާރު
28 މާޗް 2023 - 12:01
32 comments
މާލެ ތެރޭގައި މާރުކޭޓުތައް އިތުރުވުމުން ދަތުރުވެރިންގެ މާރުކޭޓަށް ދާ މީހުން ވަރަށް ބޮޑަށް މަދުވެއްޖެ އެވެ.
މީގެ ކުރިން ރޯދަ މަހު ދަތުރުވެރިންގެ މާރުކޭޓަށް ހެނދުނު 10 އިން މެންދުރު ފަހު 3 އާ ދެމެދު ބާރު ބޮޑުވިޔަސް ވިޔަފާރިވެރިން ބުނީ އެ ވަގުތު ވެސް މިފަހަރު މީހުން މަދު ކަމަށެވެ.
މާރުކޭޓު ގޮޅިއެއް ހިންގާ މީހަކު ބުނީ، ބާޒާރުމައްޗަށް މީހުން އައުން އެހާ ބޮޑަށް މަދުވީ، މާލެ ތެރޭގައި ކުދިކުދި ތަންތަންކޮޅުގައި ގޮޅި ހަދައިގެން ތަރުކާރީއާ މޭވާ ވިއްކުން މިހާރު ވަރަށް ބޮޑަށް އިތުރުވެފައި ވާތީ ކަމަށް ބެލެވޭ ކަމަށެވެ.
އެހެން މީހަކު ބުނި ގޮތުގައި މާރުކޭޓަށް ދާ މީހުންގެ އަދަދު މިފަހަރު ގާތްގަނޑަކަށް 70 ޕަސެންޓު މަދު ކަމަށެވެ.
މާރުކޭޓު ގޮޅިއެއްގައި އިން މީހަކު ފޯނާ ކުޅެނީ: ކުރީގެ ރޯދަ މަސްތަކުގައި އެންމެ ބާރު ބޮޑު ގަޑިތަކުގައި މިފަހަރު މާރުކޭޓު ފެންނަނީ ފަޅުކޮށް. -- ފޮޓޯ: ނިޝާން އަލީ/ މިހާރު
"ކުރިން ކެފޭ ޝޮޕް ހެދިގޮތަށް މިހާރު ކުދިކުދި ކޯނަރުތަކުގައި ހަދަނީ ތަރުކާރީ އާއި މޭވާ ވިއްކާ ތަންތަން. އެހެންވެ، ބާޒާރު މައްޗަށް ނައިސް މީހުންނަށް ތަކެތި ލިބޭ. ކުރިއާ އަޅާ ބަލާއިރު އަންނަ މީހުން ހާހެއްހާ މަދު،" އޭނާ ބުންޏެވެ.
އެހެން ވިޔަފާރިވެރިއަކު ބުނީ، މިއީ މަހުގެ ފަހުކޮޅަށް ވާތީ މީހުންގެ އަތްމަތި ދަތިކަމުން ބާޒާރުކުރަން ނުދަނީ ކަމަށް ވެސް ވެދާނެ ކަމަށެވެ. އެކަމަކު އޭނާ ވެސް ބުނީ މިދިޔަ ރޯދަ މަހާ އަޅާބަލާއިރު މި އަހަރު ވިޔަފާރި ދަށް ކަމަށާއި އެއީ މީހުން އައުން މަދުވުމުން ކަމަށެވެ.
މަޖީދީމަގުގައި ހުންނަ މާރުކޭޓުގައި މިއަދު ހެނދުނު މީހުން ވިޔަފާރިކުރަނީ. -- ފޮޓޯ: ފަޔާޒް މޫސާ/މިހާރު
"މީހުން އަތުގައި ލާރި ނެތީހެން ހީވަނީ. އެހެންވެ އެ މަދުވަނީ. އަންނަ މީހުން ވެސް ބުނަނީ ތަކެތި އަގުބޮޑުވީމާ ނުގަނެވޭނެއޭ،" އޭނާ ބުންޏެވެ.
ލޯކަލް މާރުކާޓުގައި އެންމެ ބޮޑު ޑިމާންޑެއް މިވަގުތު އޮތީ ކަރަ އާއި ފަތުގެ ބާވަތްތަކަށެވެ. ކަރާ ކިލޯއެއް އުޅެނީ 22ރ. އާއި 30ރ. އާ ދެމެދުގެ އަގެއްގަ އެވެ. ކޮޕީ ފަތް ބޮނޑިއެއް 10ރ. އަށް ލިބޭ އިރު ލެޓިއުސް އުޅެނީ ކިލޯއެއް 90ރ. އަށެވެ.
ލޯކަލް މާރުކޭޓަށް ވަންނަ މީހުން މަދުވެފައި ވާއިރު، އަމީނީމަގުގައި ހުންނަ މާރުކޭޓަށާއި މަޖީދީމަގުގައި ހުންނަ މާރުކޭޓަށް ގިނަ ބަޔަކު ދެ އެވެ. ވިޔަފާރިކުރާ ބައެއް މީހުން ބުނި ގޮތުގައި ކުރިން ދަތުރުވެރިންގެ މާރުކޭޓަށް ދާން ޖެހެނީ ރަށުތެރޭ ހުންނަ ތަންތަނުން އަގު ބޮޑުވުމުން ކަމަށެވެ. އެކަމަކު މިހާރު ރަށުތެރޭގެ މާރުކޭޓުތަކާއި ދަތުރުވެރިންގެ މާރުކޭޓުގައި ވެސް އަގުތަކުގައި ބޮޑު ތަފާތެއް ނެތް ކަމަށް އެ މީހުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
29 March 2023
އެެއްވެސް ޤައުމެއްގައި އެތަނެއްގެ ޢާއްމު ވިޔަފާރިތައް ތެރެއަކަށް ބިދޭސީންނަކަށް ނުވަދެވޭނެއެވެ! ލޯކަލް މާރުކޭޓަކާއި ދަތުރުވެރިންގެ މާރުކޭޓެެއް، ކައިރި ކައިރީގަ 2 މާކެޓް އޮންނާކަށްވެސް ނުޖެހެއެވެ! ރާއްޖއެއަށް ބޭނުންވާވަރަށްވުރެ މާގިނަ ބިދޭސީން، ޚާއްސަކޮށް ބަންގްލަދޭޝްމީހުން މިޤައުމުގަ ތިބުމުގެ ނުރައްކަލާއި ދަތި ގިނަބަޔަކަށް މިއަދު ދަނީ ފޯރަމުން! އެމީހުންގެ އަމިއްލަ ވިޔަފާރި/ކެފޭ ތަކާއި ފިހާރަތައްވެސް ދަނީ ވަރަށްބޮޑަށް އިތުރުވަމުން!
ނަލޭ
29 March 2023
ޝަކުވާނުކޮށް ހެސްކިޔާފަ އަގުހެޔޮކޮށްލަބަލަ. އެންމެންވެސް ދާން ފަށާނެ.
ވަހީދުބ
29 March 2023
އަގުހެޔޮކޮށްގެން ލިބޭ ފައިސާއިން ކިރިޔާ ބިލްތައް ދެއްކޭނީ. ކޮބާ ކޮޓަރިއަށް ދައްކާނެ ފައިސާ
ދަގަތްފާނު
28 March 2023
ތިތަނަށް "ދަތުރުވެރިންގެ މާރުކޭޓު" ނުވަތަ "ލޯކަލް މާރުކޭޓު" ކިޔާކަމަށްވަންޏާ ކ.މާލޭގަ އެހެރަ ހާޑުވެއާ ފިހާރަތަކާއި އަންނައުނުވިއްކާ ފިހާރަތަކަށްވެސް ކިޔަންވީ އެނަން. ސަބަބަކީ މިހުރިހާތާކުވެސް ހުންނަނީ ބޭރުން އިންޕޯޓުކޮށްފަ ހުންނަ މުދާ.
LaamuonlineDOTcom
28 March 2023
ތިފަދަކަންކަމަށް ކިޔަނީ ކޮންޕެޓިސާން، އަގުހެޔޮތަނަކަށް މީހުން ގިނައިންދާނީ، ލޯކަލްމާރުކޭޓުގައި އަގުހެޔޮނަމަ ރަށުތެރޭގެ މާރުކޭޓުތަކަށްވުރެން ގިނަމީހުން ދާނީ ލޯކަލްމާރުކޭޓަށް، ބޭނުންހާ އަގަކަށް ވިއްކަން މިހާރު ކުރިޔަށްވުރެން އުނދަގޫވާނެ، ސަބަބަކީ މާރުކޭޓުތަކާ ވައިބަރ ގުރޫޕުތަކާ ފުރީ ޑެލިވަރީތައް ގިނަވުން، މީ އާންމުންނަށް ލިބޭ ފަސޭހައެއް..
އާރީ
28 March 2023
ހިތުހުރި އަގަކަށް އެއްޗެހި ވިއްކި ޒަމާން މާޒީވެ ހިގައްޖެ. ދެން މީހުންނާނަ ވާހަކަ އާއި ވިޔަފާރި ނުވާވާހަކަ ނުދައްކާ. ހަމަ ގައިމްވެސް ބާޒާރު މަތީ ބާރު ކުޑަވެއްޖެ ރަށުތެރޭ މާރުކޭޓް ގިނަވީމަ
ހަސަންދީ
28 March 2023
ރާއްޖޭގައި ގަވާޢިދާ ޚިލާފަށް އުޅޭ ބަންގުލަދޭޝް މީހުން މިތަނުން ޑީޕޯޓް ކުރަން ސަރުކާރަށް ހަރުއަޑުން ގޮވާލަން، އެމީހުންނަކީ ޤާނޫނެއް ގަވާޢިދެއް ތަންފީޒު ކުރެވޭބައެއްނޫން، މީގެ 4ދުވަސް ކުރިން ވަންވޭއަކުން އިދިކޮޅައް ދުއްވާފައި ބައިސް ކަލެއްގައި ހުރި ބަންގުލަދޭޝް މީހަކު ފުލުހަކު މަޑުކޮށް އައިކޮޅަައް އަބުރާދާށޭ ބުނީމަ ފުލުސްމީހާއާއި ޒުވާބުކޮށް އަޑުގަދަ ކުރި މީއެމީހުންގެ ފެންވަރު ހުރިހިސާބު ގައުމީ ސަލާމަތައްވެސް މިމީހުންގެ ނުރައްކާބޮޑު
ކަސްތަމަރެއް
28 March 2023
ރަށުތެރޭ މާރުކޭޓްތަކުގައި 20 ޕަސެންޓް އަގުބޮޑުވާނެ
ޚަބީރު
28 March 2023
މިގައުމުގައި ގަވާއިދާ ޚިލާފ އުޅޭ ބިދޭސީނާއި އެކިއެކި މަސައްކަތްތަކަށް ގެނެފައިތިބި ބިދޭސީންވަނީ ވިޔަފާރިތަށް އާއުސްމިންތަކަކަށް ގެންގޮސްފައެވެ. އެމީހުންނަކީ ޓެކްސްފްރީ ބައެކެވެ.އެމީހުން ރާއްޖޭގައިއުޅެނީ ފްރީވިސާގައެވެ.މިގައުމުގެ ގާނޫނާއި ގަވާއިދު ހިގާނީ ހަމައެކަނި ދިވެހީނާށެވެ.އަދި ޖޫރިމަނާވެސް ހިގާނީ ދިވެހީނާށެވެ. ދުނިޔޭގެ އެއްވެސް ގައުމެއްގައި މިގޮތަށް މަގުމެދުގައި ވިޔަފާރިކޮށް ބޭނުންގޮތަކަށް އުޅެމުން މިދަނީ ތަނަފީޒީ އިދާރާތަށް ފޭލިވެގެންނެވެ.
ދިރާސާ
28 March 2023
ވިޔަފާރިވެރިންގެ ފުރުޓު ވިއްކާ ޖަގަހަ ތީ. ގޮޅިތަކަށް ބަލައިލީމަ ފެންނާނެ އެކަން.
ބަކުންބޭ
28 March 2023
މިޤައުމު ނޫނީ ބޭރުގެ ފަރާތްތަކަށް ހުރިހާ ކަމެއް ކުރެވޭ ޤައުމެއް ނޯވޭ، އިޤްތިޞާދާ ބެހޭ ވަޒީރު ދެން ބުނާނެ މަސައްކަތެއްކުރަން ބޭނުންވާ ދިވެހިންނެއް ނެތޭ، އެހެންވީމާ ބޭރު މީހުން ހަމަ ކޮންމެކަމެއްވެސް ކުރަންވީއޭ، ރެގިއުލަރައިޒްކޮށްލީމާ އޯކޭ ވާނެޔޭ!! ހުރިހާ ކޯނަރ ޝޮޕްގެ ކޮންޓްރޯލް ބަންގްލާދޭޝް، ހޯލްސޭލް ބާޒާރުމަތި އިންޑިއާގެ އަތްދަށުގައި މިހާރު.