ގަލޮޅުގައި ހުރި ކެމިކަލް ގުދަނުގެ އެތެރެ: އެ ގުދަން ހަދައިފައި ހުރީ ގަވާއިދާ ހިލާފަށް ކަމަށް ސިފައިން ބުނި.-- ފޮޓޯ: އަހްމަދު ނައީމް | ޓުވިޓާ
04 އެޕްރީލް 2023 - 10:52
7 comments
މާލޭގެ ގެއެއްގައި ހަދާފައި ހުރި ކެމިކަލް ގުދަނުގައި ހުރި އެއްޗެހި ނެރެ، އެތަން ހުސްކޮށްފި އެވެ.
އެ ކެމިކަލް ގުދަން ހުރީ ލިލީ މަގުގައި ހުންނަ ގ. ގަސްކަރަގެއާ ޖެހިގެންނެވެ. މިއީ މާލެ އިން ކެމިކަލް ގުދަންތައް ބޭރުކުރި ފަހުން، މިފަދަ ތަނެއް ފަޅާއެރި ފުރަތަމަ ފަހަރެވެ. ސޯޝަލް މީޑިއާ އަށް އެ މައްސަލަ ތިލަވެ، ގިނަ ބައެއްގެ ފާޑުކިޔުން ސަރުކާރަށް އަމާޒުވި އެވެ.
ފުލުހުން މިއަދު ބުނީ ގުދަނުގައި ހުރި ތަކެތި ހުޅުމާލެ އަށް މިހާރު ބަދަލުކޮށް، އެތަން މިހާރު އެއްކޮށް ހުސްކޮށްފައިވާ ކަމަށެވެ.
މާލޭގައި ކެމިކަލް ގުދަނެއް ހުރި މައްސަލައެއް ފެންމަތިވެއްޖެ https://t.co/4KGTJjCB47
— Mihaaru (@Mihaarunews) April 3, 2023
ބައެއް މީޑިއާތަކުން އެ މައްސަލަ ސިފައިންނާއި ފުލުހުންގެ ސަމާލުކަމަށް އިއްޔެ ގެނައުމުން، އެމްއެންޑީއެފުން ބުނީ، ސިފައިންގެ ފަޔާ އެންޑް ރެސްކިއު ޓީމުން އިނީޝިއަލް އިންސްޕެކްޝަނެއް ހެދި ކަމަށެވެ. އަދި އެ ތަނުގައި ހުރި ބައެއް ތަކެތި ގުދަން ކޮށްފައި ވަނީ ގަވާއިދާ ހިލާފަށް ކަމަށް ވެސް ސިފައިން ބުންޏެވެ.
އެއްވެސް ބާވަތެއްގެ ކެމިކަލެއް މާލޭގެ އެއްވެސް ތަނެއްގައި ގުދަންކުރުމަކީ މިހާރު މަނާ ކަމެކެވެ. ކެމިކަލް ގުދަންކުރަން ސަރުކާރުން ވަނީ ހުޅުމާލެއިން ބިން ހަމަޖައްސައިދީފަ އެވެ.
މާލޭގައި ކެމިކަލް ގުދަންކުރުން މަނާކުރީ ހ. ތިލަފުށިގޭގައި ހުރި ކެމިކަލް ގުދަނުގައި ރޯވެ ހިނގި ބޮޑު އަލިފާނުގެ ހާދިސާއަށް ފަހު އެވެ. އެ ހާދިސާގައި ގިނަ ބައެއްގެ ގެދޮރު ގެއްލުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
05 April 2023
މާހަނި ގޯޅިތަކުގަ ހުރި އެހެނިހެން ގުދަންތައްވެސް ޢާއްމު އުނދަގުލަކަށްވޭ! އަބަދު ކޮންމެވެސް ލޮރީއެއް/ޕިކަޕެއް ގޯޅިތެރެއަށް ވައްދައިގެން ގޭގޭދޮރުމަތި ބަންދުވާންވީމަ އެއްވެސް ބަޔަކަށް ފަސޭހައެއް ނުވޭ!
ކޮރަލް
04 April 2023
އެތަން ހުސް ކުރިއަސް މައްސަލަ ބަލަން ޖެހެ އެވެ.
ހިރޭމު
04 April 2023
ބަލަ ތިތަން ބަންދުކުރަންވީ ގަވައިދާ ހިލާފަށް ހަދާފަ ހުރިއްޔާ!!!! އަދި މުދާވެސް ކޮންފިސްކޭޓު ކުރަންވީ!!!!!
ސޭކުބެ
04 April 2023
ތީ ސިއްރުން ގުދަން ހަދައިގެން އުޅުނުބައެއްނޫން. އެމީހުންގެ ފިހާރައިން ކެމިކަލް ގަތީމާ ބުނާނެ އެގުދަނަށްދާށޭ. ތީ މިރާއްޖޭގެ ގިނަބަޔަކު ދަންނަ ގުދަނެއް. އިމާރާތް ކުރާ ގިނަފަރާތަކަށް އެގޭނެ ތިގުދަން. ތިތަނުގަ މުޅިންވެސް ހުންނާނީ ކޮންކްރީޓާ އެއްކުރާ ކެމިކަލް، ކުލަފައިބާތީ ލާ ކެމިކަލް ފަދަ ކެމިކަލްތައް.
އެހެންތޭ
04 April 2023
ސޯ ވަޓް؟ އެކަކަމުވެސް ކެމިކަލް ދޯ ގުދަންކޮށްފައި ހުރީ. ސިއްރުންވިއަސް ނޫންވިއަސް.
ވޯލް
04 April 2023
ކީކުރަންތޯ ހުޅުމާލެއަށް ގެންދިޔަޢީ، މިފަދަ ކޭސްތަކުގައި ސީދާ މުދާ ނައްތާލަންޖެހޭނީ، އަދި ވިޔަފާރި ހުއްދަ ވަގުތުން ބާތިލް ކުރަންޖެހޭނެ، މި ރާއްޖޭގައި ހަރުކަށިކަމާއިއެކު ޤާނޫނާއި ގަވާއަިދު ތަންފީޒު ނުކުރެވޭތީ މިފަދަ ކަންކަން މީހުން ކުރަނީ. މިއީ މީހުންގެ ފުރާނައަށް ނުރައްކާވާ ފަދަ ބިރުވެރިކަމެއް.
ކޮލަމާހުއްޓާ
04 April 2023
ހުސްކުރުމުން ނުފުދޭ. ތިމީހުނަށް ފިޔަވަޅު އަޅަންވެސް ޖެހޭ. ކަމެއްހިނގިނަމަ ކިތައްބަޔަކަށް ގެއްލުންވީސް.