މީރާއިން ކޮތަޅުން ފީ ނަގަނީ ޖީއެސްޓީ ދައްކާ ވިޔަފާރިތަކުން، އެހެން ފަރާތްތަކުން އަމަލު ކުރަންވީ ގޮތެއް ނެތް!
ވިއްކަން ފިހާރައެއްގައި ހުރި ކޮތަޅު ބޮޑިތަކެއް. ކޮތަޅުގެ އަގު ވަނީ ހަތަރު ގުނައަށް ބޮޑުވެފައި-- ފޮޓޯ: ނިޝާން އަލީ/ މިހާރު
19 އެޕްރީލް 2023 - 10:51
35 comments
ވިޔަފާރިތަކުން ދޫކުރާ އަދި ވިއްކާ ޕްލާސްޓިކް ކޮތަޅުން ދެ ރުފިޔާގެ ފީ ނަގަން ފަށާފައިވާއިރު، މީރާ އަށް އެ ފައިސާ ދައްކަން ޖެހެނީ ހަމައެކަނި ޖީއެސްޓީ ދައްކާ ފަރާތްތަކުން އެކަނި ކަމަށް އެ އިދާރާ އިން އިއްޔެ ބުނެފި އެވެ.
ޓެކްސް އިދާރާގެ ތަރުޖަމާނު އަހުމަދު ޝަރީފް ވިދާޅުވީ، ޕްލާސްޓިކް ކޮތަޅުން ދެ ރުފިޔާގެ ފީ ދައްކާތޯ މީރާ އިން ބަލާނީ ހަމައެކަނި ޖީއެސްޓީ ރަޖިސްޓަރީ ކޮށްފައިވާ ފަރާތްތަކުން އެކަނި ކަމަށެވެ. ގާނޫނުގައިވާ ގޮތުން އެހެން ޖީއެސްޓީތައް ރަޖިސްޓަރީ ނުކުރާ ވިޔަފާރިތަކުން ވެސް ކޮތަޅުން ދެ ރުފިޔާގެ ފީއެއް ނަގަން ޖެހެ އެވެ. އެކަމަކު، މީރާ އަށް އެ ވިޔަފާރިތަކުގެ ފީ ދެއްކުމުގެ ކަންކަން ބެލުމުގެ ޒިންމާ ގާނޫނުން މަތިކޮށްފައި ނުވާ ކަމަށް ޝަރީފް ވިދާޅުވި އެވެ.
"މީރާގެ ސްކޯޕްގެ ދަށުން މި އޮންނަނީ ޖީއެސްޓީ އަށް ރަޖިސްޓަރީ ކޮށްފައި ތިބޭ މީހުން. ޖީއެސްޓީ ރަޖިސްޓަރީ ނުކުރާ މީހުން ވެސް ފީ ނަގަން ޖެހޭނެ. އެކަމަކު އެ ފީ އަކީ މީރާ އަށް ދައްކަން ޖެހޭ އެއްޗެއް ނޫން،" އޭނާ ވިދާޅުވި އެވެ.
ޕްލާސްޓިކް ކޮތަޅުން ދެ ރުފިޔާގެ ފީއެއް ނެގި ނަމަވެސް އެ ފީ ދައްކަން ނުޖެހޭ ގޮތްތައް ވެސް ކުނި މެނޭޖުކުރުމާ ގުޅޭ ގާނޫނުގެ ދަށުން ވަނީ ބަޔާންކޮށްފަ އެވެ. ބަންދު ނުކޮށް ހުންނަ ހުރިހާ ބާވަތެއްގެ ތާޒާ މަސް ވިއްކާ ނަމަ އެ އަޅަން ބޭނުން ކުރާ ކޮތަޅުން ފީއެއް ނުނެގޭނެ އެވެ. އެހެންވެ މާރުކޭޓުންނާއި އެ ނޫން ގޮތްގޮތަށް ވެސް ބަންދުނުކޮށް ހުންނަ މަހުގެ ބާވަތްތައް ގަންނަ ނަމަ އެ ތަންތަނުން ކޮތަޅުން ފީއެއް ނުގެނޭނެ އެވެ.
މަސް މާރުކޭޓުގެ އިތުރަށް ބައެއް ފިހާރަތަކުން ވެސް ސީފުޑާއި ފަރުމަހުގެ ބާވަތްތައް ވިއްކާ ނަމަ އެ އަޅަން ބޭނުން ކުރާ ޕްލާސްޓިކް ކޮތަޅުން ފީއެއް ނުނެގޭނެ އެވެ. ޕްލާސްޓިކް ކޮތަޅުން ދެ ރުފިޔާގެ ފީއެއް ނުނެގި ނަމަވެސް އެފަދަ ތަންތަނުން ވެސް މިހާރު ވަނީ ކޮތަޅު ވިއްކަން ފަށައިފަ އެވެ.
ގަވާއިދުގައިވާ ގޮތުން ދެން ޕްލާސްޓިކް ކޮތަޅުން ދެ ރުފިޔާގެ ފީ ނުނެގޭނީ ޑިއުޓީ ޕްރީ ފިހާރަތަކުން ވިއްކާ ތަކެތިންނާއި ކުނި މެނޭޖު ކުރުމުގެ ހިދުމަތްދޭ ފަރާތްތަކުން ކުނި އަޅަން ހާއްސަކޮށް ވިއްކާ ބިންލައިނަރުންނެވެ.
ދެ ރުފިޔާގެ ފީ ނުނެގިޔަސް ކޮތަޅު ވިއްކާ ނަމަ، އެ އަށް ވާ ފައިސާ ކަސްޓަމަރުން ދައްކަން ޖެހޭނެ ކަމަށް ޓެކްސް އިދާރާ އިން ބުންޏެވެ. ޕްލާސްޓިކް ކޮތަޅުން ފީ ނެގުމަށް ފަހު، ކަސްޓަމަރަށް ދޫކުރާ އިންވޮއިސްގައި، އެ ފަރާތުން ކަސްޓަމަރުގެ އަތުން ނެގި ޕްލާސްޓިކް ކޮތަޅުގެ ފީގެ އަދަދު ވަކިން އެނގޭ ގޮތަށް ހިމަނަން ވާނެ އެވެ. ކަސްޓަމަރުން އަތުން ނަގާ އެ ފީ ދައްކަން ޖެހޭނީ މީރާއަށެވެ.
އެ އިދާރާ އިން ވަނީ ޖީއެސްޓީ ބަޔާން ހުށަހަޅާ އިރު، ޕްލާސްޓިކް ކޮތަޅުގެ ފީގެ ބަޔާން ވެސް ވިޔަފާރިތަކުން ހުށަހަޅަން ޖެހޭ ގޮތަށް ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓެކްސް
21 April 2023
ކޮތަޅުން ޓެކްސް ނަގަންފެށިއިރު އެނަގަންފެށުމުގެ ކުރިން މީރާއިން އަދާކުރަންޖެހޭ ޒިއްމާފުރިހަމައަށް އަދާކޮށްފައެއްނުވޭ އޭގެޞަބަބުން ކޮތަޅަކަށް 2 ރުފިޔާގެ އިތުރުން އަދި އެ 2 ރުފިޔާގެ ޖީ އެސްޓީ ވެސް އެބަނަގާ. އެހެންވީމާ ޑަބަލް ޓެކްސް އެނެގެނީ
ޙެޔޮއެދޭ
20 April 2023
އެގާނޫނުގައި ފީނެގޭނެކަމަށް ބުނެފައި އޮތީ މުދާ އުފުލާ ކޮތަޅުން. ބިން ލައިނާ އަކީ ގާނޫނުގައި ބަޔާން ވެފައިވާ ކުނި އުފުލުމަށް ބޭނުން ކޮތަޅެއް. ޢެޔަށް އެގާނޫނުގެ ދަށުން ފީއެއް ނުނެގޭނެ. މީރާއިން ބޭނުން ގިތަކަށް ގާނޫނު މާނަ ކުރެވޭތަށް؟ ހެޔޮ އެދޭ ލޯޔަރެއް މިކަން ބަލާދީބަލަ
އިސްމާލި
20 April 2023
މޮޅުވާން ގާނޫނުގައި "ބިން ލައިނަރ" އޭ ލިޔާއިރު އަހަރެމެން އާންމު ދިވެހިންނަށް ހާރަކަސް ތަރާވީހަކަސް އޮތީ ރަތްކޮތަޅު. އެއަށް ބިންލައިނަރ އެކޭ ނުކިޔާ. ދެން ތިޔަބުނާ ބިންލައިނަރ ހުންނާނީ ފެންޓަސީގައި ކަހަލަ ތަންތަނުގައި. އެތަނުން ތިއެއް ގަނެވޭނީ ތި ގާނޫނުތައް ހަދާމީހުނާއި ޝައުނާއަދި އެ މިނިސްޓްރީގެ ޕޮލިސީ ޑިރެކްޓަރުން އަދި ރައީސް އޮފީހުގައި ތިބޭ ގުރޫޕަށް. ނިކަމެތިންނަށް އިތުރު ޚަރަދެއް. ފޯރާ ބޭފުޅުން ނަށް މާ ބޮޑުކަމެއް ނޫން.
ހުސަންބެ ފާއިޒު
20 April 2023
މަހީކުރީ ފަރުތައް ހަލާކުވަނީ ސްޕާރީކޮތަޅުން ކަމަށް. އެކަމަކު އެހެންނޫންތާ މިވީދޯ؟ ބާޒާރު ކޮތަޅުން ވެސް ގެއްލުންވޭ އެބަދޯ؟ އެހެނިހެން ޕްލާސްޓިކުން ގެއްލުންވާނެބާ؟
ވަހީދުބެ
20 April 2023
ކާބޯތަކެތިން ޓެކްސް ނުނަގާ ވާހަކަ ވެސް ދައްކާ. އެކަމަކު 6 ޕަސެންޓުން 8 ޕަސެންޓަށް ޖީއެސްޓީ ބޮޑުކުރީމަ 5 ލިޓަރުގެ ފެންފުޅިއަކުން 2 ރުފިޔާ ބޮޑުކޮށްފިދޯ.
ކަނޑުކޮސް1
19 April 2023
ޕްލާސްޓިކް ކޮތަޅަށް ރުފިޔާ ނަގަން އަންގާފާއޮތް އިރު ރެޑްވޭވްއާއި ފަހި ޕްލާޒާ އިން ފޮތިކޮތަޅަށް ވެސް 2 ރުފިޔާ އެބަ ނަގާ.. މީ ކިހިނެތް ހަދާފަ އޮތް ގަވާއިދެއްތަ
ދުރުމި
19 April 2023
ވިއަފާރިވެރިޔާ ކޮތަޅު ގަނެފަ ވިއްކާ ފައިސާ މީރާޔަށް ދެއްކުމުން ވިއަފާރިވެރިޔާ ކޮތަޅުގަތް ފައިސާ ދޭނީ ކާކުބާ؟
ޢިއްބެ200
20 April 2023
ޓީމަބުނާ ވަަހަކަ އަކީ މިވާހަކަ ދައްކާނެ މީހަކު ނުވޭ
ސަބްޒީރޯ
19 April 2023
ގާނޫނާ ގަވާއިދާ އެއްޗިހި ހަދަން، ކުޑަމިނުން ތަންދޮރު ފިލާފަ ތިބި، ހޭ ޖެހޭ މީހުން މަޖިލީހަށް ލާން މިޖެހެނީ މިހެންވެ. ހަމަ ހިތަށް އަރާތަނުން ތިމާވެށީގެ އަންމަ އައްޕަވެފަ، ރާއްޖެޔަށް ގެއްލުމޭ ކިޔާ ގާނޫނުތައް ހަދައި ފާސްކުރީމާ ވާނީ މިހެން. ރައީސުވެސް ނުޖެހޭ އެހެން ފާސްކުރާހާއެއްޗެއް ޖަހާ ތަންފީޒުކުރާކަށް، މަޖިލީހު ރައީހަށް އިތުބާރުކޮށްފައެއް، އެ ރަނގަޅަށް ނުކިޔައި.
ނޭންގެޔޭ
20 April 2023
ކަލޯ ރައީސައް އެކިޔަން އެނގުނިއްޔާތާ
ހިންނަވަރު އިބުރާހިމު
19 April 2023
ކުދިންނޭ ކެތްތެރިވޭ ދެތިންދުވަހަކު ތިހެން ހަޅޭލަވަ ލަވަ ތިބެފާ ހުއްޓާލަފާނެ ވޯޓަށް ކައިރި ކޮއްލާފަ ލާރިކޮޅެއް ބަހާލީމާ މިކަހަލަ ކަމެއް ވީހެންވެސް ހިޔެއްނުވާނެ
ހިންނަވަރު ބޮލު ބުރާންތި
19 April 2023
ވާނުވާގަ ތިބެގެން ފާސްކުރާ ގަވައިދު. ރޯމަސް ވިއްކަނީ ކޮތަޅަށް އަޅަފަހޭ. ރޯމަސް އަޅަން ކޮތަޅު ހިލޭ ލިބެނީ ކޮންތާކުންހޭ. ޑިއުޓީ ފްރީން ކޮތަޅު ގަންނީ ކޮންތާކުންހޭ. ޖީއެސްޓީ ނުނަގާ ފިހާރަތަކުން 2ރ އަށް ކޮތަޅު ވިއްކީމާ ސަރުކާރުން އެލާރި ހޯދާނީ ކިހިނެއްހޭ.