ނުބައި އިންޖެކްޝަނެއް ދިނުމުން އިނގިލިތައް ބުރިކޮށްލަން ޖެހުނު ކަމަށް ބުނާ މައްސަލައެއް އައިޖީއެމްއެޗުން ބަލަނީ
އައިޖީއެމްއެޗު: އެ ހޮސްޕިޓަލުގައި ނުބައި އިންޖެކްޝަނެއް ދިނުމުން މީހެއްގެ އިނގިލަތައް ބުރިކޮށްލަން ޖެހުނު ކަމަށް ބުނާ މައްސަލައެއް ދަނީ ބަލަމުން.-- ފޮޓޯ: މިހާރު
02 މެއި 2023 - 22:24
10 comments
އައިޖީއެމްއެޗުގައި އުމުރުން ދުވަސްވީ އަންހެނަކަށް ނުބައި އިންޖެކްޝަނެއް ދިނުމުގެ ސަބަބުން އޭނާގެ އިނގިލަތައް ބުރިކޮށްލަން ޖެހުނު ކަމަށް ބުނާ މައްސަލައެއް ސޯޝަލް މީޑިއާގައި ފެންމަތިކުރުމުން އެކަން ހިނގި ގޮތް ބަލަން އެ ހޮސްޕިޓަލުން ފަށައިފި އެވެ.
އެ ހޮސްޕިޓަލުން މިރޭ ނެރުނު ނޫސްބަޔާނެއްގައި ބުނީ އެ ހޮސްޕިޓަލުގައި އެޑްމިޓްކުރި 85 އަހަރުގެ ބަލި މީހެއްގެ އަތުގެ އިނގިލިތަކެއް ބުރިކޮށްލަން ޖެހުނީ އެތަނުން ދިން އިންޖެކްޝަނެއްގެ ސަބަބުން ކަމަށް ބުނެ ސޯޝަލް މީޑިއާގައި ފެތުރޭ ވާހަކަތަކާ ގުޅިގެން އެ މައްސަލަ ބަލަން މިހާރު ފަށާފައިވާ ކަމަށެވެ.
"...ބަލި މީހާއަށް ފަރުވާދިނުމުގައި ކްލިނިކަލް ޕްރޮޓޮކޯލްތަކާ އެއްގޮތަށް އަމަލުކޮށްފައި ވޭތޯ ހޮސްޕިޓަލުގައި އެކުލަވާލާފައިވާ މިފަދަ މައްސަލަތައް ބަލާ ކޮމެޓީން ދަނީ ތަހުގީގު ކުރަމުންނެވެ،" އެ ނޫސްބަޔާނުގައި ބުންޏެވެ.
އެ ކޮމެޓީގެ ހޯދުންތައް ކަމާބެހޭ ފަރާތްތަކާ ހިއްސާކުރާނެ ކަމަށް ވެސް އައިޖީއެމްއެޗުން ބުންޏެވެ.
"މިހާރު" އަށް އެނގިފައިވާ ގޮތުގައި، އެ އަންހެން މީހާއަށް ފަރުވާދެމުން ދަނިކޮށް މިދިޔަ އާދިއްތަ ދުވަހު ވަނީ ނިޔާވެފަ އެވެ. ސޯޝަލް މީޑިއާގައި އާންމުވެފައި ފޮޓޯތަކުން ފެންނަ ގޮތުގައި، އޭނާގެ އަތުގެ ބޮޑުވައި އިނގިލި ފިޔަވައި އެހެން ހުރިހާ އިނގިއްޔެއް ހުރީ ބުރިކޮށް، ފަހައިފަ އެވެ.
މެޑިކަލް ލިޔުންތަކުގައި ހުރީ އެ މީހާ ސެޕްސިސް އަށް ޑައިގްނޮސް ކޮށްފަ އެވެ. އެއީ އެކި ސަބަބުތަކާ ހެދި ކުރިމަތިވާ ޢިންފެކްޝަންތަކުން ދިމާވާ ކަމެކެވެ. ވައިރަލް އިންފެކްޝަންތަކާއި ކޮވިޑްގެ ސަބަބުން ވެސް ސެޕްސިސް ޖެހެ އެވެ. މިކަން ދިމާވި މީހާ ކޮވިޑަށް ވެސް ޕޮޒިޓިވް އެވެ. ސެޕްސިސް އަކީ ފަރުވާ ލަސް ވެއްޖެ ނަމަ ފުރާނައަށް ނުރައްކާވާ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލެކުސް
03 May 2023
އަޑުއަރައިފައި ދެން އެކަން ނިމިދާނެ. އަދައިގެ މަތީން. ޒިންމާނަނއގަވާނޭ ބޭފުޅޭއްނެތް. މުސާރަ ނަންގަވާނޭ ބޭފުޅުން ތިބީ.
ަސޭޑް
03 May 2023
މެޑިކަލް ކަންތަކުގައި މީހުން މަރުވީމަ އެނުވޭ މާބޮޑުކަމަކަށް. އެޗްއާރސީއެމް މަޖިލިހަކަށްވާ ބެޙޭވެސްކަމެއްނޫުން. ވެކްސިނޖަހުވައިގެން މީހުންތައް މަރުވީމަވެސްް ހަނު
LaamuonlineDOTcom
03 May 2023
މަރުވިޔަކަސް އޯކޭ ދޯ، އެކަމަކު އިނގިލިތައް ބުރިކޮށްފަހުރެގެން އެކަން ތަހުގީގުކުރަނީ!! އެއްވެސް އިދާރާއަކަށް ހުށަނާޅާ ސޯޝަލްމީޑިޔާގައި މީހުންކުރާހާ ޕޯސްޓުތައް އައިޖީއެމްއެޗް އިން އިސްނަގައިގެން ތަހުގީގުކުރަންފެށީ ކޮންއިރަކުބާ؟ ކޮންމެވެސް ވަރެއްގެ ހަގީގަތެއް ތިޔަ ޕޯސްޓުގައި އޮތަތީ، ތަހުގީގޭ ކިޔާފަ ގޭސްގަނޑު ތި އަނބުރަންފެށީ!! މާދަމާ މީހަކު ފޭސްބުކުގަ ޖަހާފާނެ އައިޖީއެމްއެޗް އިން އެވެނިމިވެނި ބަލިމީހާގެ ޕެކިން ކަނޑާލައިފިޔޭ، ތަހުގީގުކުރާނަންތޯ؟
ހިތާމަ
03 May 2023
10 އަހަރުގެ ކުއްޖަކު ބަނޑުގައި ރިއްސާތީ ތިތަނަށް ދިޔައީ ބުދަ ދުވަހުގެރޭ. ބަލާފައި ބުނީ ގޮހޮރުން ބޭރަށް ކާތަކެތި ލީކުވެޔޭ އެބަ. އެމެޖެންސީއޭ ކިޔައިގެން ބަނޑުފަޅައިގެން ބެލިއިރު އެބުނާ ލީކެއްނެތް. އެއްފަހަރު ދިމާވާ ޑޮކްޓަރަކު ނަރުހަކު ދެވަނަ ފަހަރަކަށް ނުފެނޭ. އާއިލާ ހާސްކަން މަތީގައި ތެޅިތެޅި ތިއްބާ ހުކުރު ދުވަހު ދިނީ ފުރާނަ ނެތް މަސްގަނޑު. (އާއިލާގެ ހިތާމަ އާ ނުކުރުމައްޓަކައި ރަށުނަމާއި އެޑްރެސް ނުލިޔުނީ)
ކަރުމާ
03 May 2023
މި ދައްތައަށް ބޮޑުދައިތަ ކިޔާކުއްޖަކާ ދިމާވި އައިޖީއެމްއެޗް އިން.. އެކުއްޖާވެސް ކުރީ ހަމަ ތިސަކުވާ،، އެއްފަހަރު އަންނަ ޑޮކްޓަރެއް އަނެއްފަހަރު ނާދޭ.. އަންނަ ޑޮކްޓަރަކަށް ކުރިން އައި ޑޮކްޓަރ، ނަރުހުން ކިޔާއެއްޗެއް ދިމައެއްނުވޭ.. 3،4 ގަޑި އިރު ޑޮކްޓަރ އާބައްދަލުކުރަން މަޑުކޮށްވެސް އެދައްތަގެ ޑޮކްޓަރަކީ ކާކުކަމެއްވެސް އެޗްޑީޔޫގައި ތިބޭ މީހުނަކަށް ނޭގެ. އެހާލެއްގެ ތަޅުވާފަ މިބުނަނީ ކޮޥިޑް ޖެހިފައޭ މިތަނުން ނެރޭށޭ. އިންސާނިއްޔަތުގެ ކަންފުޅެއްވެސް ނެތް
ޖޯޖް
03 May 2023
ތީ ހާދަ ހީވޭ ހަދައިގެން އުޅޭ ދޮގުވާހަޖައެއްހެން
ޑރ ގައު
03 May 2023
އަދިވެސް މިމީހުންގެ މުސާރަ އިތުރަށް ބޮޑުކުރޭ. ހިދުމަތުގެ ފެންވަރު ރަނގަޅުކުރާނެ ކަމެއްނެތް
ޢެޑްމުންޑޯ
03 May 2023
މިއީ މުސާރައިގެ މައްސަލައެއްނޫން ، ތަނުގެ ހިންގުން ދޯދިޔާވެ ބޮއްސުންލީމާ ވާނެގޮތް މިވަނީ ، މިސަރުކާރަކީ ހިންގުމުގެ އެއްވެސް ގާބިލުކަމެއް ތިބި ބަޔަކު އުޅޭ ސަރުކާރެއްނޫން ، މަގުމަތީ އަޑުގަދަ މީހާއަށް މަތީމަގާމް ދޭ ސަރުކާރެއް ، ހުރިހާ ދިމާލަކުން މިފެންނަނީ އެކަމުގެ ހިތިނަތީޖާ !
މުރުކީ
02 May 2023
ކުރުސީ ހަދަނީ ތެދުހެން ހީވަނީ
ބސވސވ
02 May 2023
އަލަޖަށްނޫން އޮޅެނީ