ޕާކިސްތާންގެ ކޯޓަށް އިއްޔެ އިމްރާން ހާޒިރު ކުރި ވަގަުތު ސެކިއުރިޓީ އޮފިޝަލުންނާއި އާންމުން އޭނާ ވަށައިލައިގެން --- ފޮޓޯ: އޭއެފްޕީ
13 މެއި 2023 - 11:24
6 comments
އިސްލާމް އާބާދު (މެއި 13) - ކޮރަޕްޝަންގެ ތުހުމަތުގައި އޭނާ ހައްޔަރުކޮށް، އަމަލު ކުރި ގޮތުން، ޕާކިސްތާންގައި މިހާރު ހިންގަނީ ޖަންގަލީގެ ގާނޫނުތޯ، ކުރީގެ ބޮޑުވަޒީރު އިމްރާން ހާން ސުވާލު ކުރައްވައިފި އެވެ.
ކޮރަޕްޝަންގެ ތުހުމަތުކޮށް، އިމްރާން ހާން ހައްޔަރު ކުރަން އަމަރު ނެރުނީ އިސްލާމްއާބަދުގެ ހައި ކޯޓުންނެވެ. އެކަމަކު މިދިޔަ ބުރާސްފަތި ދުވަހު ޕާކިސްތާންގެ ސުޕްރީމް ކޯޓުން ނިންމީ އިމްރާން ހާން ހައްޔަރު ކުރީ ގާނޫނާ ހިލާފަށް ކަމަށެވެ.
އޭނާ އަށް ކުރާ ކޮރަޕްޝަންގެ ތުހުމަތުތައް އިމްރާން ދޮގު ކުރައްވަ އެވެ. އޭނާގެ މައްޗަށް އިތުރު ދައުވާތައް ވެސް އެބަހުއްޓެވެ. ޓެރަރިޒަމްގެ ދައުވާ ވެސް އިމްރާން ހާންގެ މައްޗަށް އުފުލަ އެވެ. ސަތޭކަ އަށް ވުރެ ގިނަ ދައުވާ އޭނާ ގެ މައްޗަށް ކުރެ އެވެ.
އަލުން އިއްޔެ ހައި ކޯޓަށް ހާޒިރުކޮށް، ކޯޓުން ވަނީ ކަފާލާތުގެ ދަށުން ދެ ހަފުތާ އަށް އިމްރާން ދޫކޮށްލައިފަ އެވެ. އަންނަ ބުދަ ދުވަހުގެ ނިޔަލަށް އެއްވެސް ކަމެއްގައި އޭނާ ހައްޔަރު ނުކުރެވޭނެ ކަމަށް ވެސް ކޯޓުން ނިންމި އެވެ.
ކޯޓުގައި ހުރެ އާންމު ކުރި ވީޑިއޯއެއްގައި އިމްރާން ވިދާޅުވީ، އޭނާ ހައްޔަރުކުރުމުގައި ވެސް އަމަލު ކުރީ އުސޫލާ ހިލާފަށް ކަމަށާއި ހައްޔަރު ކުރަން ނެރުނު އަމުރު ދެއްކީ އޭނާ ޖަލަށް ގެންދިޔަ ފަހުން ކަމަށެވެ.
"އަހަރެން އިނީ ހައި ކޯޓުގައި. އަހަރެން ހައްޔަރު ކުރާނެ ސަބަބެއް އެ މީހުންގެ އަތުގައި ނެތް. އަހަރެން ވަގަށް ނެގީ މި ތަނުން. އަދި އަހަރެން ގެންގޮސްފައި ދެން އެ ވަގުތު އަހަރެން ހައްޔަރު ކުރުމުގެ އަމުރު ދެއްކީ،” އިމްރާން ވިދާޅުވި އެވެ.
"މިއީ ޖަންގަލީގެ އުސޫލުތަ؟ އަދި އަސްކަރިއްޔާ އިން އަހަރެން ވަގަށް ނެގީ. ކޮބާ ފުލުހުން؟ ކޮބާ ގާނޫނު؟ ހީވަނީ މި ތަނުގައި އަސްކަރީ ގާނޫނު އިއުލާން ކޮށްފައިވާހެން."
އިމްރާން ހައްޔަރު ކުރުމުން އޭނާގެ ސަޕޯޓަރުން މަގުތަކަށް ނުކުމެ ކުރި އިހުތިޖާޖުތަކުގައި ހަމަނުޖެހުންތައް ހިންގި އެވެ. މިދިޔަ ހަފުގާއި ވެސް އެ ހަމަނުޖުންތަކުގައި 11 މީހުން މަރުވި އެވެ.
އިމްރާން ވިދާޅުވީ އޭނާގެ ޕާޓީ، ޕީޓީއައިގެ މެންބަރުން ހަމަނުޖެހުން ހިންގިކަން އޭނާ އެނގިވަޑައި ނުގަންނަވާ ކަމަށެވެ. އޭނާ ވަނީ ސުލްހަވެރި ކަމާއެކު އެއްވުންތައް ބޭއްވުމަށް ސަޕޯޓަރުންނަށް ގޮވާލައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗޮކޮހިސްތާން
14 May 2023
އިންޑިޔާގައި ހިންދޫ މީހުންނާ އެކީ ނޫޅެވުނީމަ ވަކިވެފަ ޕާކިސްތާނު އުފެއްދީ. ދެންވެސް ނޫޅެވުނީމަ ބަންގްލަދޭޝް އުފައްދާފަ ވަކިވީ. އެކުގަ އަދިވެސް ނޫޅެނީމަ އަފްގާން ވަކިވީ. އަނެއްކާ ވަކިވެގަނެފަ މިހާރު އަނެއް ގައުމު އުފައްދަންވީ. ހުރިހާ ކަމެއް އެމެރިކާ ބޮލުގަ އަޅުވާ! ތެދެއް އެމީހުން ކުޅޭގޭމެއްގެ ބައެއް ތިއީ، އެކަމު ވަކިވަރަކައް ދޯ އެމަޅީގައިވެސް ޖެހެންވާނީ! ޖަޙިލިއްޔާ ޓީމް ދުވަހަކުވެސް ބައިބައިވުން ނޫން ކަމެއް ނުވާނެ! ގުނބޯ ހެދިފަ އަބަދުވެސް!
ވަކި ސަހަލު ބައެއް ނެތް
14 May 2023
އަހަރެމެން މިތިބީ ވަކި އެއްބައިވެގެންތަ؟؟ޕާޓީ ސިސްޓަމެއް ޑިމޮކްރަސީއެއް ގެނަފަހުން އެންމެ ހުރުމަތްތެރި ގުޅުންތައްވެސް ނެތިގެން ގޮސްފަވަނީ..މިސާލަކަށް ބަލަމާ ރަހިމުގެ ގުޅުން...އިސްލާމް ދީނުގެ ސަބަބުން މުސްލިމެއްގެ ހައިސިއްޔަތުން އެކަކު އަނެކަށް އޮތް އެކުވެރިކަމާއި އިހްތިރާމްކުރުމާ މިނޫންވެސް ރަނގަޅު ސިފަތައް ވަނީ އޮޔާ ގޮސްފަ..މިހާރުގެ އުސޫލަކީ ނަފްސީ ނަފްސީ..މީހަމަ އަހަރެމެންގެ ތެރެއިން ބަޔަކު އެގޮތްތައް ބޭނުންވެގެން ގެނެސްފަ އޮތް ނުބައި ބަދަލެއް
ޖުހާ.
13 May 2023
އެމެރިކާ އާއި ޔޫރަޕުގެ ފައިސާގެ ދަލުގައި ޖެހިފައިވާ ކޮރަޕްޓު ގައުމެއް. ތިއަތަންތަނުގައި ޖަންގަލީގެ ގާނޫނާއި ކަނޑުގެ ހުކުމްވެސް ހިނގާނެ. ކުޑަކުއްޖަކާއެކު ޖިންސީގުޅުން ހިންގިކަމުގެ ތުހުމަތުވެސް ކޮށްފާނެ. މައްސަލަ ސާބިތުކުރަން އަދީބަކާއި ޒިޔަތެއް ރެޑީކޮށްފަ ބަހައްޓާ. އިރާދަކުރެއްވިއްޔާ އާހިރުގައި ޢިމްރާނުހާނަށް ކާމިޔާބު ލިބޭނެ.
ސާންޑު
13 May 2023
އިމްރާނަށް އަދި މިތާ ކަންތައް އޮންނަގޮތް ނޭންގެނީ.
ތުނޑުހަސަނު
13 May 2023
އެމެެރިކާ އަޑީގައި އޮވެގެން ކުރުވާ ކަންކަން ތިހުންނަނީ. އެމެރިކާގެ ރިޝްވަތުގައި ނުހިފީމަ ރިޝްވަތުގައި ހިފިމީހުންލައްވާއި ތިކަން ކުރުވަނީ. ޢިމްރާނަކީ އެމެރިކާގެ ފިއްތުންތަކަށް ގޮތްދޫކުރާނެ މީހެއްް ނޫންކަން އެނގުމުން ނިޒާމުން ގެއްލުވާލަން ބޭނިންވަނީ.
ރަދީފްއޮފިޝަލް
13 May 2023
ފަހުގެ ތާރީހެއްގަ ޕާކިސްތާނުން އުފަންވި ވަރުގަދަ ފަހުލަވާނެއް.