ހުޅުމާލޭގެ ދެވަނަ ފިޔަވަހީގައި ކުއްޖާ މަރާލާފައިވާ އޮއްވާ ފެނުނު ސަރަހައްދު ބަންދުކޮށްފައި: އެ މައްސަލާގައި ދައުވާލިބޭ މީހާއާ ދެކޮޅަށް 79 ހެކިން ދައުލަތުން ހުށަހަޅާފައިވޭ --- ފޮޓޯ/މިހާރު
14 މެއި 2023 - 14:51
1 comments
މިދިޔަ އަހަރުގެ ޖޫން މަހު ހުޅުމާލޭގައި މަރާލުމަށްފަހު ފޮއްޓަކަށްލައި އެއްލާލާފައި އޮތް ކުޑަކުއްޖާގެ މަރުގެ މައްސަލާގައި ދައުވާލިބޭ އިބްރާހިމް ޒިހާންއާ ދެކޮޅަށް ދައުލަތުން 79 ހެއްކަކު ދައުލަތުން ހުށަހަޅައި، ހެކިބަސް ނަގަން ފަށައިފި އެވެ.
މަރާލުމަށް ފަހު ހުޅުމާލޭ ދެވަނަ ފިޔަވަހީގެ މޫދުގައި ފޮއްޓަކަށް ލާފައި އެއްލާލާފައި އޮތް 13 އަހަރުގެ ކުއްޖާގެ މަރުގެ މައްސަލާގައި ނ. ލަންދޫ ބަގީޗާގޭ ޒިހާންގެ މައްޗަށް 100 އަހަރެއްހާ ޖަލު ހުކުމެއް އަންނަ ގޮތަށް 13 ދައުވާއެއް ކުރެ އެވެ. އެ މައްސަލާގެ ޝަރީއަތް ކްރިމިނަލް ކޯޓުން ކުރިއަށް ގެންދަނީ ސިއްރުކޮށްގެންނެވެ.
ޕްރޮސެކިއުޓާ ޖެނެރަލްގެ އޮފީހުން ބުނީ ޒިހާނާ ދެކޮޅަށް 79 ހެކިވެރިއަކު ހުށަހެޅިއިރު އޭގެ ތެރޭގައި 16 ސިއްރު ހެކިވެރިއަކު ވެސް ހިމެނޭ ކަމަށެވެ. އޭގެ ތެރެއިން ދެ ހެކިވެރިއެއްގެ ހެކިބަސް މިއަދު ކޯޓުން ނަގާފައިވާއިރު، ހެކިބަސް ނެގުމުގެ މަރުހަލާ އަދިވެސް ކުރިއަށް ދާނެ ކަމަށް ޕީޖީ އޮފީހުން ބުންޏެވެ.
އެ މައްސަލާގައި ޝަރީއަތް ނިމެންދެން ބަންދުކޮށްފައިވާ ޒިހާންގެ ބަންދު ދަމަހައްޓަން މިއަދު ނިންމި އެވެ.
އެ މައްސަލާގައި 17 އަހަރުގެ ކުއްޖަކަށް ވެސް ދައުލަތުން ޖުވެނައިލް ކޯޓުގައި ދައުވާކުރެ އެވެ. އެ ކުއްޖާގެ މައްޗަށް ކުރަނީ ތިން ދައުވާ އެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަރިންނަށް އަޅާނުލުމުގެ ހިތި ނަތީޖާ
14 May 2023
އެއްވެސް ބެލުމެއްނެތި ދޫކޮށްލެވިފައި ބެހެއްޓުމުގެ ސަބަބުން، އަނިޔާވެރި ޑްރަގް ޑީލަރެއްގެ އަތްދަށުވެ އެންމެ 13 އަހަރުގައި، ބިރުވެރި، އަނިޔާވެރި ގޮތަކަށް އެކުއްޖާފުޅުގެ ދުނިޔެ ނިމުނީއެވެ. އެހައިތަނައި ޖެހެންދެން ވެސް އޭނަގެ ޤާތިލުގެ އަޅަކަށްވެ އެކުއްޖާވަނީ ގިނަ ދުވަސްތަކެއް ވަންދެން، އެތަކެއް އަނިޔާއެއް ތަހަންމަލް ކޮށްފައެވެ.