ސައުދީއާއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި ފިނޭންސް މިނިސްޓަރު އިބްރާހިމް އަމީރު، ސައުދީގެ އިސްލާމިކް ޑިވެލޮޕްމަންޓް ބޭންކްގެ ރައީސް މުހައްމަދު އަލް ޖަސީރުއާއެކު.-- ފޮޓޯ: ފިނޭންސް މިނިސްޓްރީ
15 މެއި 2023 - 21:17
8 comments
ރާއްޖެ އިން ސައުދީ އަރަބިއްޔާއާ އެކު 40 މިލިއަން ޑޮލަރު (614 މިލިއަން ރުފިޔާ)ގެ އެއްބަސްވުމެއްގައި މިއަދު ސޮއިކޮށްފި އެވެ.
ފިނޭންސް މިނިސްޓްރީން މިރޭ ބުނީ، އެއީ ކުދި އަދި މެދުފަންތީގެ ވިޔަފާރިތަކަށް އެހީވުމަށް "އެސްއެމްއީ އިމްޕެކްޓް ފަންޑު" ހެދުމަށް ސައުދީގެ އިސްލާމިކް ޑިވެލޮޕްމަންޓް ބޭންކާ އެކު ހެދި އެއްބަސްވުމެއް ކަމަށެވެ.
އެ އެއްބަސްވުމުގައި ސޮއިކުރީ މިހާރު ސައުދީގައި ކުރިއަށް ގެންދާ އެ ބޭންކުގެ އަހަރީ ބައްދަލުވުމުގެ ތެރެއިންނެވެ. ދިވެހި ސަރުކާރުގެ ވަފުދެއް އެ ބައްދަލުވުމުގައި އަންނަނީ ބައިވެރިވަމުންނެވެ.
ސައުދީއާއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި ފިނޭންސް މިނިސްޓަރު އިބްރާހިމް އަމީރު އާއި ސައުދީގެ އިސްލާމިކް ޑިވެލޮޕްމަންޓް ބޭންކްގެ ރައީސް މުހައްމަދު އަލް ޖަސީރުއާއެކު ރާއްޖޭގެ ވަފުދު.-- ފޮޓޯ: ފިނޭންސް މިނިސްޓްރީ
ރާއްޖޭގެ ފަރާތުން އެއްބަސްވުމުގައި ސޮއިކުރެއްވީ ފިނޭންސް މިނިސްޓަރު އިބްރާހިމް އަމީރެވެ. އިސްލާމިކް ޑިވެލޮޕްމަންޓް ބޭންކްގެ ފަރާތުން ސޮއިކުރެއްވީ އެ ބޭންކުގެ ޗެއާމަން އަދި ރައީސް ޑރ. މުހައްމަދު އަލް ޖަސީރު އެވެ.
ފިނޭންސް މިނިސްޓްރީން ބުނި ގޮތުގައި، ކޮވިޑް-19ގެ ހާލަތުން އަރައިގަނެ ރާއްޖޭގެ އިގުތިސާދު އަލުން ކޮޅަށް ޖެހުމަށް މި ސަރުކާރުން ކުރި މަސައްކަތްތަކަށް އިސްލާމިކް ޑިވެލޮޕްމަންޓް ބޭންކްގެ ރައީސް ވަރަށް ބޮޑަށް ތައުރީފު ކުރެއްވި އެވެ.
ސައުދީއާއެކު ބޮޑު އެއްބަސްވުމެއްގައި ސަރުކާރުން މި ސޮއިކުރީ އެ ގައުމާއި ރާއްޖެއާ ދެމެދު އޮތް ގުޅުން ވަރަށް ބޮޑަށް ހީނަރުވެފައިވާ ކަމަށް އަޑު ފެތުރިފައި އޮތް ދަނޑިވަޅެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަނީމަ
16 May 2023
ތިޔައީ ސަރކާރު ދަރާވިކިގެން ހަރަދުކުރާނެ އެއްވެސް ލާރި އެއް ނެތިގެން ސަލާން ޖަހައިގެން އެސްއެމްމީ ކިޔައިގެން ލޯން ހޯދީ ތިޔަ ފައިސާ ހަރަދުކުރާނީ ރިކަރެންޓް ހަރަދުތަކަށް، ކެމްޕެއިނަށް
ކަފާލާތް
16 May 2023
ސުވާލަކީ 40 މިލިއަން ހޯދަން ތިޔަ ގާފިލާ ސައުދީއަށްދިޔަ ދަތުރަށް ކިތައް މިލިއަން ޚަރަދުވިތޯ.
ކޮރަލް
16 May 2023
ކުދި އަދި މެދުފަންތީގެ ވިޔަފާރިތަކަށް ފައިސާ ދެނީ އެއް ނޫނެވެ. ޕާޓީ ކުދީންނާ ރައްޓެހީންނަށް ފައިސާ ދެނީ އެވެ. ހޮވޭ މީޙުންގެ ލިސްޓް ހާމަ ކޮށްލަ ބަލާށެވެ. ފައިސާ ލިބޭ ވިޔަފާރި ތަކުގެ ނަން ތައް ހާމަ ކޮށްލަ ބަލާށެވެ. ރަޖިސްޓްރީ ކުރާ ތާ މަހެއް ވާއިރަށް ލޯން ދެނީ އެވެ. 5 އަހަރު ވިއަސް ލޯން އެއް ނުލިބެ އެވެ. ހޮވޭ މީހުންގެ ލިސްޓް ހާމަ ކޮށްލަ ބަލާށެވެ. ދެފުއް ފެންނަ ގޮތަށް ހަދާލަ ބަލާށެވެ.
މައުލޫމާތު
16 May 2023
ބޮޑު ސުވާލު: މި އެބަސްވުން ދިވެހި ރައްޔިތުންނައް ފެންނާނެތޯ ނުވަތަ މި އެއްބަސްވުންވެސް ވާނީ ގައުމީ ސަލާމަތައް ބިރުވެރިކަމެއް އޮތް އެބަސްވުމަކައްތޯއެވެ؟؟؟ މި އެއްބަސްވުން ފެންނާނެ ދުވަހަކައް އިންތިޒާރުގައި ހުރީމެވެ.
އިސްމާލި
16 May 2023
ތި އެއްބަސްވުން ފެނިދާނެ. އެކަމު އެއްބަސްވުމުގެ ދަށުން ލިބުނު ފައިސާ އިން ނަފާ ކުރި ފަރާތްތައް ހާމައެއް ނުކުރެވޭނެ. އިންތިޚާބު ބޯމަތިވެފައި އޮއްވާ އެ ލިބުނު ފައިސާކޮޅަކީ ނުހަނު ބޭނުންތެރި އެއްޗެއް. އެ ފައިސާ އިން ސަރުކާރުން ވޯޓަށް ނުފޫޒެއް ނުފޯރުވާނެ.
ވާނުވާ.
16 May 2023
ކުދި ވިޔަފާރިތަކަށޭ ކިޔާފަ އަހަރުމެނައް ކޯޗެއްބާ ތީގެން ލިބޭނީ...ކަލޭމެން ތިބަލަނީ އަބަދުވެސް އަހަރުމެން އަތުން އެއްޗެއް ނެގޭތޯ...ޑޮލަރެއް ވިއްކަނީ ކީ ނޫން! ހަބޭހައް ބޮޑުކޮށް ޑޮލަރު ގަނެގެން ޢަތުން ހިފައިގެން ފްލައިޓުން ގެންނަ އެތިކޮޅުން ވެސް ޑިއުޓީ އެވަރައް ނަގާ! ދެން ހުރި ޓެކްސް އެއް ނަގާ! ޢެކައުންޓައް ލާރިއެއް ވަންނަ އިރައް ބޭންކުން ސުވާލު ކުރޭ!ޖަވާބު ނުދީފިއްޔާ އެކައުޓް ކޮލޯސް ކުރޭ!ތިހިރީ ސމބ އައް އައް އެހީވެވިފަ އިގޭ!???
އަސްލު ސުވާލު
16 May 2023
ސުވާލަކީ މިއެއްވުމުގެ ދަށުން އާއްމުންނަށް އެސްމީއަށް ފުރުސަތުތައް ހުޅުވާލަން އިއުލާން ކުރައްވަނީ ކޮން ތާރީހެއް ގަތޯއެވެ؟ އެއްބަސްވުމުގެ ދަށުން އިންވެސްޓުކުރާ ޕްރޮޖެކްޓްތަކުގެ މައުލޫމާތާއި. ޚަރަދުކުރާނެ ޕްލޭން ކަރުދާސް އާއްމުންނަށް ފެންނާނެ ވެބްސައިޓަކީ ކޮބާތޯއެވެ؟
48343
15 May 2023
ވެރިކަމުގާހުންނައިރު ސައުދީލާރިއާ ޗައިނާލާރި ހުއްދަވާނެ. އެހެންބަޔަކު ވެރިކަމުގާ ހުރިނަމަ އެމީހުންނަށް އެމީސްމީހުންގެ ލާރި ހަރާމްވާނެ. އަދުރޭގެ ލޮޖިކާވެސް ވަރަށް ހަވާސް ލޮޖިކެއް މިއީ.