އައްސޭރި ޖަލަށް އެތެރެކުރަން އުޅެނިކޮށް އަތުލައިގަތް ޑްރަގްސް.-- ފޮޓޯ: ކަރެކްޝަންސް
15 މެއި 2023 - 23:39
7 comments
ކ. ހިންމަފުށީ އައްސޭރި ޖަލަށް، ޑްރޯން ބޭނުންކޮށްގެން ވައްދަން އުޅުނު މަސްތުވާތަކެތި އަތުލައިގަނެފައިވާ ކަމަށް ޕްރިޒްންސް ކޮމިޝަނަރު އަހުމަދު މުހައްމަދުފުޅު މިރޭ ވިދާޅުވެއްޖެ އެވެ.
އޭނާ ކުރެއްވި ޓުވީޓެއްގައި ވިދާޅުވީ، ޑްރޯންއެއް ބޭނުންކޮށްގެން އެ ޖަލަށް މަސްތުވާތަކެތި ވައްދަން އުޅުނީ މިއަދުގެ ހެނދުނު ކަމަށެވެ.
“ޖަލު ބަލަހައްޓާ އޮފިސަރުންނަށް އެކަން އެނގިގެން ހުއްޓުވީ،” އަހުމަދު ވިދާޅުވި އެވެ.
އައްސޭރި ޖަލަށް އެތެރެކުރަން އުޅެނިކޮށް އަތުލައިގަތް ޑްރަގްސް.-- ފޮޓޯ: ކަރެކްޝަންސް
އޭނާ ވިދާޅުވި ގޮތުގައި، އެ ޑްރޯން އިން ޖަލަށް އެތެރެކުރަން އުޅުނީ މަސްތުވާތަކެތި ހުރި ފަސް ބުލެޓެވެ. އޭގައި 29 ގްރާމް ހުއްޓެވެ. އެއާ އެކު ފަސް ސިމް ކާޑު ވެސް ފޮނުވި އެވެ.
އެ މައްސަލައާ ގުޅިގެން މީހަކު ހައްޔަރުކުރި ކަމެއް އަދި ނޭނގެ އެވެ.
ޖަލުގައި މަސްތުވާތަކެތި ބޭނުންކުރާ މައްސަލަ މީގެ ކުރިން ވެސް އެކި ފަހަރު މަތިން ފެންމަތިވެފައިވެ އެވެ. އެކަން ހުއްޓުވަމަށް ކަރެކްޝަންސް އިން އަންނަނީ އެކި ޕްރޮގްރާމްތައް ވެސް ހިންގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
16 May 2023
މީހުން އުޅޭ ރަށްރަށުގަ ޖަލު ހެދީމަ ހުރިހާ ގޯސް ކަމެއް ހިގާނެ އެވެ. މީހުން ނޫޅޭ ރަށެއްގަ މަސައްކަތް ދަސް ކުރެވޭ ކަހަލަ ތަނެއް ހަދާފަ މަސައްކަތް ކުރީމަ ފައިސާ ލިބޭ ކަހަލަ ތަނެއް ގަ މީހުން ބަހައްޓަން ވީ އެވެ.
އަލިފުޅު3
16 May 2023
ޖަލު ބަލަހައްޓާ އިދާރާ އަކީ 'ވިޔަފާރިވެރިން' ގެ ބެލުމުގެ ދަށުން ހިނގާ އިދާރާ އެކެވެ. އެހެން މި ބުނަނީ، ޖަލުތަކުގައި މޮބައިލް ފޯނު، ޓެބްލެޓް، ސިމްކާޑު، އަދި ތަފާތު ބާވަތްތަކުގެ ޑުރަގު ތިޔާގި ވާހަކަ ނޫސްތަކުގާ ތާ އަބަދު ލިޔެފާ އޮންނާތީއެވެ. ޖަލަށް ވައްދާ ގިނަ ތަކެއްޗަކީ ޖަލު ބަލަހައްޓާ އިދާރާ ގެ މުވައްޒަފުންގެ އެހީތެރިކަމާއެކު ވައްދާ ތަކެތި ކަން ޔަގީން ވެއެވެ.
ސޯބު
16 May 2023
ސިމްތައް ނަގާފައިހުރީ ކާކު؟ އެވަރުވެސް ނެތް ދޯ އެނގޭކަށް.
އަބުދުބެއްޔާ
16 May 2023
ބަންގްލާދޭޝް ބޭފުޅެއްގެ ނަންމަތީ، އެ ބޭފުޅާ ވީ ތަނެއްނޭގެ.
LaamuonlineDOTcom
16 May 2023
ޖަލަށް ޑުރޮޕުކުރިއިރު ޑުރޯނަށް ބަޑިޔަހާ ވައްޓާލެވޭނެ ގޮތެއްނެތް؟ އެހެންހެދިނަމަ ތިޔަފަދަކަންކަން ތަކުރާރުނުވުމަށް ބާރުއެޅޭނެ، ތިޔަފަދަކަމެއް ކުރެވޭވަރުގެ އެންމެ ޑުރޯނެއްވެސް ލިބޭނީ 11 ވަރަކަށް ހާސްރުފިޔާއަށް، އެޔަށްވުރެން އާދައިގެ ޑުރޯނަކުން އެކަންކުރަންޔާ އެކަންކުރެވޭނީ ޖަލުގެ ފާރުބުޑުގައިތިބެ، ޑުރޯން ވަށްޓާލައި ތަހުގީގުކުރިނަމަ ތިޔަކަމެއް ކުރާބަޔަކު ތިބީ ޖަލާ ކިހާދުރުމިނެއްގައިކަން ލަފާކުރެވޭނެ!! ހަގީގަތްހޯދުމެއްނެތް، ޓުވީޓެއްކޮށްލީމަ އެވީ!
އަލީ!
16 May 2023
ޑުރޯން އަތުވިތަ؟!
އޮނަރަބްލް އަފީފު ދީދީ
15 May 2023
މެކްސިކޯ އާއި ކޮލަމްބިއާ ފަދަ ޑްރަޤް ވިޔަފާރީގެ ކުރީސަފުތަކުގައި ހިމެނޭ ޤައުމު ތަކުގައިވެސް ދިވެހިރާއްޖޭގައި ޑްރަޤް ބޭނުންކޮށް ވިޔަފާރި ކުރާފަދަ ފާޅުކަން ބޮޑު ގޮތަކަށް މިކަން ކުރާތަން ނުފެނޭ. # އެންމެ ޒަމާނީ ޓެކްނޯލޮޖީ ބޭނުންކޮށްގެން ރާއްޖޭގެ ޖަލަށް ޑްރަޤް އުފުލުމަކީ އެމަރިކާގެ ޖަލުން ސަލާމަތްވުމަށް މެކްސިކޯގެ މަޝްހޫރު ޑްރަޤް ލޯޑް Joaquín "El Chapo" Guzmán (އެލްޗާޕޯ) ހިންގިފަދަ ރޭވުންތެރި ޙަރަކާތެއްކަމަށްވާތީ ތިއީ ދުނިޔޭގެފެންވަރުގެ ކުރިއެރުމެއް.