މީހަކު ފޯނަށް ބަލަހައްޓައިގެން: ރާއްޖޭގައި ކުޑަކުދިންގެ ބަރަހަނާ މަންޒަަރު ބެލުން ވަރަށް ބޮޑަށް އާންމުވަމުންދާ ކަމުގެ ކަންބޮޑުވުން ޕޮލިސް ކޮމިޝަނަރު މުހައްމަދު ހަމީދު ވަނީ ފާޅުކުރައްވާފައި.
17 މެއި 2023 - 16:30
38 comments
އިންޓަނެޓް ބޭނުންކޮށްގެން ކުޑަކުދިންގެ ބަރަހަލާ މަންޒަރު ބެލުމާއި ޝެއާކުރުމާއި ޗައިލްޑް ޕޯނޯގްރަފިކް މެޓީރިއަލްއަށް އެކްސެސްވުން ރާއްޖޭގައި ކަންބޮޑުވާ މިންވަރަަށް އިތުރުވެފައިވާ ކަމަށް ކޮމިޝަނަ އޮފް ޕޮލިސް މުހައްމަދު ހަމީދު މިއަދު ވިދާޅުވެއްޖެއެވެ.
މިއަދު ފެށި ޖަސްޓިސް ސެކްޓަ ހައިލެވެލް ކޮންފަރެންސްގެ ބައިވެރިންނާ ވާހަކަ ދައްކަވަމުން ހަމީދު ވިދާޅުވީ ދިވެހިރާއްޖޭގެ އައިޕީ އެޑްރެސްތަކުން ދުވާލަކު 200 އަށް ވުރެ ގިނަ ފަހަރަށް ޗައިލްޑް ޕޯނޯގްރަފީއަށް އެކްސެސްވެ އެފަދަ މަންޒަރުތަކާއި ވީޑިއޯ ޑައުންލޯޑްކޮށް ޝެއާކުރަމުންދާކަން ބައިނަލްއަގުވާމީ އިދާރާތަކުން ދިވެހި ފުލުހުންނާ ހިއްސާކުރަމުން އަންނަ މައުލޫމާތުތަކުން އެނގޭ ކަމަށެވެ. ނަމަވެސް މިފަދަ އަމަލުތައް ހިންގާ ފަރާތްތައް ހޯދުމަށް ބޮޑެތި ގޮންޖެހުންތަކެއް ހުރިކަން ޕޮލިސް ކޮމިޝަނަރު ފާހަގަކުރެއްވި އެވެ.
އޭނާ ވިދާޅުވީ މިއީ ދިވެހިރާއްޖޭގެ ކުޑަކުދިންގެ ރައްކާތެރިކަމަށް އޮތް ވަރަށް ބޮޑު ނުރައްކަލެއްކަމަށާއި އިދާރާތަކުން މިހާރަށްވުރެ ފަސޭހައިން މައުލޫމާތު ހިއްސާކޮށް މިފަދަ މައްސަލަތައް ބެލުމަށް ބޭނުންވާ ޑޭޓާ ލިބޭނެ އިންތިޒާމް ހަމަޖައްސަން ޖެހޭ ކަމަށެވެ.
"މިހާރު" އަށް އެގިފައިވާ ގޮތުގައި މިފަދަ މައްސަލަތަކުގެ ކޮންޓެންޓް އަދި އައިޕީ އެޑްރެސް ފަދަ މައުލޫމާތު ބައިނަލްއަގުވާމީ އިދާާރާތަކުން ފުލުހުންނާ ހިއްސާކުރިޔަސް މިފަދަ މީހުން ހޯދުމަށް ފުލުހުންނަށް ގޮނެޖެހުން މެދުވެރިވަނީ އިންޓަނެޓް ސާވިސް ޕްރޮވައިޑަރުން އައިޕީ އެޑްރެސްގެ ވެރިފަރާތުގެ މައުލޫމާތު ރައްކާކޮށްފައި ނުހުންނަކަމަށް ބުނެ އެފަދަ މައުލޫމާތު ފުލުހުންނާއި ހިއްސާ ނުކުރާތީ އެވެ. ސައިބަ ކްރައިމްއާ ގުޅުންހުރި ގިނަ މައްސަލަތަކެއްގައި އިންޓަނެޓް ޓްރެފިކް ޑޭޓާ ނުލިބިގެން މައްސަލަ ކުރިޔަށް ނުގެންދެވި ފައިލްކުރަންޖެހޭކަން ވެސް އެނގިފައިވެ އެވެ.
ރާއްޖެއަކީ މި ސަރައްދުގައި އިންޓަނެޓް އާބާދީގެ ނިސްބަތުން ބޭނުންކުރާ މިންވަރު އެންމެ ގިނަ ގައުމު ނަމަވެސް ރާއްޖޭގައި އިންފޮމޭޝަން ޓެކްނޮލޮޖީ އާއި ސައިބަ ކްރައިމް އަދި ސައިބަ ސޭފްޓީ ގާނޫނުތަކެއް ނެތެވެ. އެހެންވެ އިންޓަނެޓް ސަވިސް ދޭ ފަރާތްތަކުން ގާނޫނު ތަންފީޒުކުރާ އިދާރާތަކުން ބޭނުންވާ މައުލޫމާތު ރައްކާތެރިކޮށް ބަލަހައްޓައި ހިއްސާކުރުމަށް ހުރަސްއެޅުމުގެ ކަންބޮޑުވުން އޮވެ އެވެ.
އިންޓަނެޓްގެ އެކި ވަސީލަތްތައް ބޭނުންކޮށް ކުށްތަކަށް އަރައިގަތުމާއި ސޯޝަލް މީޑިއާ މެދުވެރިކޮށް މީހުންގެ އަބުރާ ބެހުމާއި ފުރައްސާރަކުރުން ވެސް ރާއްޖޭގައި އާންމުވެ އިޖުތިމާއީ އެތައް މައްސަލަތަކެއް ދަނީ އުފަންވަމުންނެވެ. މީގެ އިތުރުން އިންޓަނެޓްގައި ދިވެހިންނަށް އަމާޒުކޮށް ޣައިރު ދީންތައް ޕްރޮމޯޓްކުރުމާއި އިސްލާމް ދީނަށް ފުރައްސާރަކޮށް ލިޔުންތައް ޝާއިއުކުރާ ވެބްސައިޓްތަކާއި ޕޭޖްތަކާއި ޗެނަލްތަކެއް ބަންދުކުުރުމަށް ފުލުހުން ކޯޓަށް ހުށަހަޅައިގެން 2021 ވަނަ އަހަރު ޑިސެމްބަރު މަހު އަމުރެއް ނެރުނެވެ. އެ އަމުރު 72 ގަޑިއިރުތެރޭގައި ތަންފީޒުކުރަން ސާވިސް ޕްރޮވައިޑަރުންނަށް އެންގި ނަމަވެސް އެކަން ވެސް ތަންފީޒުކޮށްފައެއް ނުވެ އެވެ. އަދި އެކަމާ ގުޅިގެން އެއްވެސް ފަރާތަކަށް ފިޔަަވަޅެއް އެޅިކަން ވެސް އެނގޭކަށް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިކުރުކުރާ
18 May 2023
ތީ ސަރުކާރުތަކުން ހުއްޓވާން ބޭނުންވާ ކަމެއްނޫން ތާ! އެކަމަށް ފިޔަވަޅު ނަޅާތީ ދޯ
ފާރިސްް
18 May 2023
އެކަންކުރާ މީހުން ހޯދާކަށް ނުޖެހޭނެނޫންތަ ޕޯރން ސައިޓުތައް ބްލޮކް ކުރީމަ، ހާމައަށް ފެންނަން ހުންނަންޏާ ވަންނާނެ، އިބިލީސް ހުންނާނެ ވައްދަން. ކީކޭކިޔާ ބައެއްތަމީ، މިކަންކަން ހުއްޓުވަން އުޅޭމީހުން މި ކިޔަނީ މަސްތުވާތަކެތި ބޭނުންކުރާ މީހުންނާ އޮރިޔާން ސަިއިޓުތަކަށް ވަންނަ މީހުން ދުވަހެއް ދުވަހަކަށް އިތުރޭވަނީ، ލަދުކޮބާ، ބޮޑުސިންގާ ޝޭހެކޭ ކިޔާ މީހަކު ހޯމް މިނިސްޓަރަކަށް ލާގެން ބަހަނާ ދެއްކުން ހުއްޓާލާ.. މިވެރިންނަށްވެސް ބޭނުމެއްނުވޭ ބްލޮކް ކުރާކަށް.
ބުލޮކް
18 May 2023
ދެން ބުލޮކު ކުރީމަ ވީނުން
ފާތުން ޢަލީި
18 May 2023
އެވެރިންވެސް އަސްލު ބޭނުމެއްނުވޭ ބްލޮކްކުރާކަށް، އެކަންއެބަ އެނގޭތާ ބްލޮކްކުރަން ބޭނުންވާ ސައިޓް ތައް އެބަ ބޮލޮކު ކުރެއެއްނު، މިމީހުން ބޭނުންވަނީ މި ގަވްމުގަ ފާހިޝް ކަންތައް އާންމުކުރަން، އެކަކުވެސް ދުލަކުން ނުބުނާނެ، އެކަމު ޢަމަލުން އެކަން އެބަ ސާބިތުވޭ
ދިލް
18 May 2023
"މިފަދަ މީހުން ހޯދުމަށް ފުލުހުންނަށް ގޮނެޖެހުން މެދުވެރިވަނީ އިންޓަނެޓް ސާވިސް ޕްރޮވައިޑަރުން އައިޕީ އެޑްރެސްގެ ވެރިފަރާތުގެ މައުލޫމާތު ރައްކާކޮށްފައި ނުހުންނަކަމަށް ބުނެ އެފަދަ މައުލޫމާތު ފުލުހުންނާއި ހިއްސާ ނުކުރާތީ" ދެން އެއްވެސް ބިރެއް ނެތެއްނޫންތޯ މި މީހުނަށް! ކުރެވޭނެ ކަމެއް ނެތް، އަދި ކުރެވޭނެ ކަމެއް ނެތްކަން ޚާބަރުތަކުންވެސް އަނގަމުން ތި ދަނީ. ނައިސް!
ހިލަބެ
18 May 2023
ތިޔަ ސާވިސްޕްރޮވައިޑަރުން ތިޔަތިބީ ދިވެހި ގާނޫނުހިނގާވަރަށްވުރެމާމަތީގަ ކޯޓްއަމުރުންވެސް ކަހާތަންހިރުވާވެސްނުލާ އެތިބީ ގައިމުބާރެއްލިބިފަ އޮވެގެންތާ އެބާރަކީ ފައިސާއިންގަނެފައިވާބާރެއްކަމަށް ބެލެވެނީ މިއީ މިރާއްޖޭގެ މުސްތަގްބަލް ވަރަށްއަނދިރިވާނެކަމުގެ އަލިގަދަހެއްކެއް...އަޅާނުލާތިބޭވަރަށްވުރެ ނުރައްކާމާބޮޑުކަމެއްމީ...
ދެބަނދިހަ
18 May 2023
ބަލަ ތިޔަ އެއްޗެއް ބޮލޮކް ކޮށްބަލަ، ކެރޭނެތަ
ހަނެގެ
18 May 2023
މިކަހަލަވާހަކަ ނޫސްތަކުގަ ނުޖަހާ، އެމީހުންހޯދާ އަދަބުދޭންވީ. ނޫސްތަކުގަޖެހީމަ، މިކަހަލަމީހުން އިތުރުވުމުގެ ފުރުސަތުއޮވޭ.
ބުނަން ނުވާ ކަހަލަ ވާހަކަ!
18 May 2023
މިގައުމުގަ އެބައުޅޭ އަންހެން ކުއްޖެއް އުމުރުން 12 ވީމަ އެއީ ބޮޑުވެފައިވާ އަންހެނެއްކަމައް ހިތުގެ އަޑިން ގަބޫލު ކުރާ ބައިގަޑެއް! މިއީ ނޫހުގަ ކޮމެންޓު ވެސް ސެންސަރު ކުރާކަހަލަ ވާހަކަ! ބުނަން ހެޔޮވާވަރުގެ ވާހަކަ! ބިރުން!
ކުޑަސޮރު
18 May 2023
އިތުރުކޮއްލާނަން - އަދި އެބައިގަނޑު އެފަދަ ކުދިންނާ ކައިވެނީގެ ގޮތުން ގުޅުމަށް ފުރަތަމަ އަނބިމީހާއަށް ބާރުއަޅާ - މި ހަމަ މުޅީން ވަހުޞީކަމުން ކުރަން އުޅޭ ކަމެއް - އެބައިގަނޑު މައިތިރި ނުކޮށް ދުނިޔެ އަށް މިއަންނަ ބަދާލާއި އެކު އެންމެ ފައިދާ ހުރި ގޮތުގަކި ރާއްޖެ ފިރުކެމުން ގެންދިޔމުގައި ތުރާތަކެއް ކުރިމަތިވާނެ!
ސުން
17 May 2023
މިގައުމުގައި ބަންގާޅީން ނަގާފައި ދެން އެންމެ ގިނައީ އިންޑިޔާ މީހުން. ސްކޫލްދޮށަށް ކުޑަކުއްޖާ ގޮވައިގެންދާއިރު ބުޅާ މަސްގަނޑަށްް ބަލަހައްޓައިގެން ތިބޭގޮތަށް ކުޑަަކުދިންނަށް ބަލަން ތިބޭނީ ޚާއްސަކޮށް އިންޑިޔާ މީހުން. އިންޑިޔާއަކީ ކޮންތަނެއްކަމާއި ކުޑަކުދިންނަށް ދުނިޔޭގައި ޖިންސީ ގޯނާކުރުން އެންމެ ބޮޑު ގައުމަކީ ކޮބައިކަން އެއްވެސް މީހަކަށް ނޯޅޭނެ. އެހެންވީމަ ތި ޕްރޮނޮގްރަފީ މަތިވާ ސަބަބު އޮޅިފައެއް ނީންނާނެ
ދެރަކަމެއް.
18 May 2023
ކުޑަކުދިންނަށް ޖިންސީ ގޯނާ ކުރަނީ ގިނައިން ދިވެހިން ދިވެހި ރާއްޖޭގަ. ދުރަކުންވެސް ނޫން. ޢާެއިލާތެރޭން.
ޕެހެލޭ
18 May 2023
މިއީ އިންޑިއާ މީހުންގެ ކަމެއް ނޫން މުޅި ދުނޔޭގައިވެސް މިމުޑުދާރު ސިފަހުންނަ ފިރިހެނުން ގިނަ އެހާ ބޮޑުއަދަބު ލިބޭ އިރުވެސް ގޯނާކުރުމެއް ނުހުއްޓޭ އަދަބު ލިބޭނެތީ ނުކޮއްވެސް ކިތަންމެ ބައެއް ތިބޭނެ.
ބަބޫ
17 May 2023
ޓްރޭޑްކުރުން ހަރާމް. އެކަމަކު ޖުވާ ކުޅުން އޯކޭ. ގިންރަމީ ކަހަލަ ތާކުން ތާކުނުޖެހޭ ކާޑް ގޭމެއް ރާއްޖެއިން ބޮލޮކް ކުރެވިއްޖެ. ޕީޕީޕޮކާ ކަހަލަ ޕޮކާ އެޕްލިކޭޝަން ބްލޮކެއް ނުކުރޭ. ވާގޮތަކީ މަތީ ފަންތީގެ ބޭބޭފުޅުން ކުޅުއްވާއެއްޗެއް ވީމަ. ޓްރޭޑް ކުރުން ބްލޮކް ކުރީ ނިކަމެތިންނަށް ލާރިހޯދޭން މަގެއްވީމަ. އެމްއެމްއޭ. ބޭންކް އަދި މާލޭގެ ބޮޑެތި ޗިޔފާރި އިތުރުން ރިސޯޓްތަކުގެ އޯނަރުން އެއްބަޔަކު ބޯޑުތަކުގަ ގޮތް ނިންމަން މިތިބެނީ