މިދިޔަ އަހަރުގެ އޯލެވެލް އިމްތިހާނުގެ ގަދަ 10 ގެ ދެވަނައިގައި ހިމެނުނު ކުދިންނާ އެކު، ރައީސްގެ އަނބިކަނބަލުން ފަސްޓް ލޭޑީ ފަޒްނާ އަހުމަދު އަދި އެޑިއުކޭޝަން މިނިސްޓަރު ޑރ. އައިޝަތު އަލީ ފޮޓޯއެއް ނަންގަވަނީ.--- ފޮޓޯ: ނިޝާން އަލީ| މިހާރު
18 މެއި 2023 - 10:05
9 comments
މިދިޔަ އަހަރުގެ އޯލެވެލް އިމްތިހާނުގައި ދުނިޔޭގެ ފެންވަރުގައި ރާއްޖޭގެ 16 ކުއްޖަކު ހިމެނިފައިވާ ކަމަށް އެޑިއުކޭޝަން މިނިސްޓްރީން ބުނެފި އެވެ.
މިދިޔަ އަހަރުގެ އިމްތިހާނުގައި ރާއްޖެ އިން 6،300 ކުއްޖަކު ބައިވެރިވި އެވެ. އޭގެ ތެރެއިން 844 ކުދިން ރާއްޖޭގެ ގަދަ 10 ގައި ހިމެނުނެވެ.
އެޑިޔުކޭޝަން މިނިސްޓްރީން ބުނީ، ދުނިޔޭގެ ފެންވަރުގައި ރަނގަޅު ނަތީޖާ ހޯދި ދިވެހި ކުދިންގެ ތެރޭގައި ހިމެނެނީ 11 އަންހެން ކުދިންނާއި ފަސް ފިހެެން ކުދިން ކަމަށެވެ. އަދި ނުވަ ކުއްޖަކު އެކި މާއްދާތަކުން ދުނިޔެއިން އެއް ވަނަ އަށް ގޮސްފައިވާ ކަމަށް ވެސް މިނިސްޓްރީން ބުންޏެވެ.
ރާއްޖެ އިން މިދިޔަ އަހަރު އިމްތިހާނު ހެދި ކުދިން ފާސްވި ޕަސެންޓޭޖް ވެސް އެހެން އަހަރުތަކާ އަޅާ ބަލާއިރު އިތުރުވެފައިވާ ކަމަށް މިނިސްޓްރީން ބުންޏެވެ. އެއީ:
- އިހުތިޔާރީ މާއްދާތަކުން 60 ޕަސެންޓަށް ވުރެ ގިނަ ކުދިން ފާސްވި.
- ބިޒްނަސް ސްޓްރީމް މާއްދާތަކުން ފުރަތަ ފަހަރަށް 75 ޕަސެންޓަށް ވުރެ ގިނަ ކުދިން ފާސްވި.
- އާޓްސް އަދި ސައިންސް ސްޓްރީމް މާއްދާތަކުން 80 ޕަސެންޓަށް ވުރެ ގިނަ ކުދިން ފާސްވި.
- އިނގިރޭސި ބަހުން ފާސްވި އަދަދު 73 ޕަސެންޓަށް އިތުރުވި.
މުޅި ދުނިޔެއިން އެއްވަނަ ލިބުނު ބައެއް ދަރިވަރުނާއެކު ރައީސް އަދި އެޑިޔުކޭޝަން މިނިސްޓަރު ރޭ ބޭއްވި ޖަލްސާގައި ބައިވެރިވަނީ-- ފޮޓޯ: ނިޝާން އަލީ \ މިހާރު
އޯލެވެލް އިން އޭ ފާސް ހޯދި ކުދިން އަދަދު އެހެން އަހަރުތަކަށް ވުރެ ތިން ޕަސެންޓް އިތުރުވެފައިވާ ކަމަށައި ބީ ފާސް ލިބުނު ކުދިންގެ އަދަދު ވެސް އެއް ޕަސެންޓް އިތުރު ކަމަށް މިނިސްޓްރީގެ ތަފާސްހިސާބުން ދައްކަ އެވެ.
އެންމެ ދަށް ގްރޭޑް ލިބުނު ކުދިންގެ ނިސްބަތް އެއް ޕަސެންޓް މަދުވެފައިވާ ކަމަށް ވެސް އެޑިއުކޭޝަން މިނިސްޓްރީން ބުންޏެވެ.
އޯލެވެލާއި އޭލެވެލް އިމްތިހާނުގައި ބައިވެރިވި ކުދިންނަށް އެކި މާއްދާތަކުންނާއި ދުނިޔޭގެ ފެންވަރުގެ ވަނަތަކަށް ބަލައި ވެސް އެވޯޑް ދެ އެވެ. ރައީސުލްޖުމްހޫރިއްޔާގެ ހާއްސަ އިނާމު ރޭ ވަނީ އެ ކުދިންނަށް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުހްތާ
18 May 2023
މިނިސްޓްރީއިން ކޮންމެ އަހަރަކު 2 ފަހަރު ކިޔާ ގަނޑުމާލޫދު ހަފްލާ މިއީ. އަހަރެން ހިތުން މިކުދިންނަށް ހައްގުވާ އެއްޗެއް ދިނީމަ ނިމުނީ. ކިޔަވާކުދިންގެ %2 ކުދިން ކޮނޑުލައި ދުވާތީ ބާކީ %98 ކުދިން ގެ ހިތްހަމަނުޖެހުމާ ސްކޫލްތަކުގެ ވާދަވެރިކަމާ ބެލެނިވެރިންގެ ޕްރެޝަރު ބޮޑުވެ މިހުރިހާ ކަމެއްގަ ދަރިވަރުންނަށްކުރާ ނޭދެވޭ އަސަރު މިނޫސްތަކުން ތިލަކޮށްދޭށެވެ.
ޑެބީ
18 May 2023
ތިއިމްތިހާނު ހަދަނީ އަމިއްލަ އިމްތިހާނެއް ހެދޭނެ ފެންވަރުނެތް ދިވެހި ރާއްޖެ ކަހަލަ އެފްރިކާގެ ދެތިން ގައުމަކުން. އޭގެން ވަނައަކަށް ދިޔައިމަ ދުނިޔޭގެ އެއްވަނައޭ ދެވަނައޭ ކިޔަނީ ދިވެހި ބެލެނިވެރިން މޮޔަ ހައްދަން
......
21 May 2023
މިިއީ އައިޖީސީ އެސްއީ އިމްތިހާން. އެންމެ މަތީ ފެންވަރުގެ އިމްތިހާން. މުޅި ދުނިޔޭގެ ހުރިހާ ގައުމެއް ކަހަލަ ގޮތަކައް ހަދާނެ އިމްތިހާނެއް. މީ ގެން ވަނަ ލިބެނީކީ އެއް ކުއްޖެއް ދެކުއްޖަކައް ނޫން. ލައްކަ ކުދިން ހަމައެކަނި އެއް ވަނަޔައް ވެސް ދޭ. ބޭބެ މެން މިއިމްތިހާނު ތަކުން ފާސް ނުވީމަ ކިޔަންވި ކޮމްމެވެސް އެއްޗެއް. ވަނަ ތައް ލިބޭނި މޮޅަށް ކިޔަވާ ކުދިންނަށް. ކައެމެންނަށް ނުކިޔެވުނީމަ މާނަ އެއް ނޫން ދެންތިބި މީހުނަށް ނުވާނޭކޭ. އެހެންނޫނަސް ކޮންކަމެއް؟
ޙިނި
18 May 2023
ވަނަ ނުހޯދާ ކުދިންނައް ވާގޮތްވެސް ނިކަން ނޫހުގަ ޖަހަބަލަ، އިލެކްޓުރީޝަނެއް، މެކޭނިކެއް ވިޔަސް ރިސޯޓުތަކާ ވަޒީފާތަކުން މިފެނަނީ ލަންކަ އިންޑިޔާ މީހެއް. 16 ކުދިން ވަރައްމޮޅު، އެމަމު 16 ކުދިން ނައް ކިޔަވާދީގެން ގައުމެއް ނުހިންގޭނެ. ެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެެ
ލުބްލީ
18 May 2023
މީގެ 5، 6 އަހަރު ކުރިން މިގޮތަށް ވަނަ ހޯދި ކުރިން މިހާރު ތިބި ތަނެއް ހޯދާލުން މުހިންމު. ގައުމަށް ފައިދާއެއް ކުރޭތޯއާ އެއްޗެހި.
މާހޯރަަ
18 May 2023
ރަނގަޅު ވާހަކަ އެއް.
އެލެކްސަ
18 May 2023
ޓޮޕް އެޗީވާސް އެބަ ބަދަލު ކުރަންޖެހޭ މިހާރު ޓޮޕް 5 ނޫނީ ޓޮޕް 3 ވަނައަށް.
ކިޔަނީއިސްލާމުންނޭ
18 May 2023
އެސެސްސީ އިސްލާމް ދިވެހީގެ ހާލަކީ ކޮބައިބާ؟
އެހެން
18 May 2023
މަތީއަރުތަވެރީންގެ އެވޯޑް އެންމެ 16 ދަރިވަރުން ހާޞިލްކޮށްފައިވަނީ ކޮންރަށެއްގެ، ކޮން ސްކޫލެއްގެ ކޮންކުދިންނެއްކަން އެނގޭނޭހޭން އެކުދިންގެ ނަން ހާމަކޮށްލިނަމަ ކިހާރަނގަޅު. ކިޔަވާ އެހެން ދަރިވަރުން ވެސް ތިޔަ އެވޯޑް ހާޞިލްކުރުމުގެ ޝައުގުވެރިކަން އިތުރުވެދާނެ ގައިމު!