19 މެއި 2023 - 22:50
54 comments
ރާއްޖެއިން ޓައިވާނަށް ސަފީރަކު ކަނޑައަޅަން ފޮނުވުނު ސިޓީގެ މައްސަލާގައި ދިވެހި ސަރުކާރުން މާފަށް އެދެފި ކަމަށް ޗައިނާ ސަފީރު ވިދާޅުވެއްޖެ އެވެ.
މިދިޔަ ހަފްތާގެ ތެރޭގައި ރައީސް އިބްރާހިމް މުހައްމަދު ސޯލިހު ސޮއިކުރައްވައި ރައްޔިތުންގެ މަޖިލީހަށް ފޮނުއްވި ސިޓީއެއްގައި ވިދާޅުވެފައި ވަނީ "ރިޕަބްލިކް އޮފް ޗައިނާ" އަށް ރާއްޖެއިން ކަނޑައަޅާ ސަފީރު ކަމަށް ހުދާ އަލީ ޝަރީފް އައްޔަން ކުރުމަށް އެދިވަޑައިގަންނަވާ ކަމަށެވެ.
ރިޕަބްލިކް އޮފް ޗައިނާ އަކީ ޓައިވާން އެވެ. އެއީ ޗައިނާގެ މައި ސަރުކާރާ ދެކޮޅު ހަދައި ވަކި ގައުމެއް ކަމަށް ދައުވާ ކުރަމުން އަންނަ ގައުމެކެވެ.
ޓައިވާނަކީ މިނިވަން ވަކި ގައުމެއްގެ ގޮތުގައި ބައެއް ގައުމުތަކުން ބެލިޔަސް، ޗައިނާއިން ދެކޭ ގޮތުގައި އެއީ އެ ގައުމުގެ ބައެކެވެ. މި ފަހުން ވެސް ރާއްޖެއިން ވަނީ ޓައިވާނަކީ ޗައިނާގެ ބައެއްގެ ގޮތުގައި ބަލަމުން އަންނަ "ވަން ޗައިނާ ޕޮލިސީ" ރާއްޖެ އިން އަދިވެސް ދަމަހައްޓާނެ ކަމަށް ބުނެފަ އެވެ.
ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވެންގް ލިޒިން މިރޭ ކުރެއްވި ޓުވީޓެއްގައި ވިދާޅުވީ އެކަން ހިނގި ގޮތް ފޮރިން މިނިސްޓްރީން ސާފުކޮށްދީ މާފަށް އެދިފައިވާ ކަމަށެވެ.
ވަން ޗައިނާ-ޕްރިންސިޕަލް ރާއްޖެއިން ދިގު މުއްދަތަކަށް ހިފަހައްޓާނެ ކަމުގެ ޔަގީންކަން ދީފައިވާކަމަށް ސަފީރު ވިދާޅުވި އެވެ.
ޓައިވާނަށް އދ. އިން މިނިވަން ދައުލަތެއްގެ ދަރަޖަ ނުލިބުނަސް އެއީ މިނިވަން ދައުލަތެއްގެ ގޮތުގައި 15 ގައުމަކުން ގަބޫލުކުރެ އެވެ. އެކަމަކު އެމެރިކާ އާއި އިނގިރޭސި ވިލާތާއި ރަޝިއާ އާއި ބާރުގަދަ އެހެން ގައުމުތަކުގައި ރަސްމީ ސިފައެއްގައި ޓައިވާން ބަލައެއް ނުގަނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނރުޓޭ
21 May 2023
ކޮބާ އަލީ ޒާހިރު ކިޔާ މީހަކާ ހޫދު ކިޔާ މީހަކާ އަދި ފާުތުމަތު ސާލިހު ކިޔާ މިހަކުވެސް އުޅޭނެ ރައީސް އޮފީހުގަ ފިސާރި މަތި ހަށި ނަގާފަ އުޅޭ! ކޮނބާހޭ އެމީސްމީހުން؟ ރައީސްއޭ ބަނދުނާމު ވަނީ މި ޒާތުގެ ގާބިލު ނޫން މީސްމީހުން ތަންތަނަށް ސިޓީ އެޅީމަ! އެ ބުނާހެން ރިޕަބްލިކް އޮފް ޗައިނާ އާ ޕީޕަލްސް ރިޕަބްލިކް އޮފް ޗައިނާ އަކީ މުޅިން ދެ ގައުމެއް ދޯ!
އަހްމަދުު
20 May 2023
ތިޔަސިޓީ ލިޔުނު .. ކޮބާ. އޭނަ މިހާރުން މިހާރަށް ވަޒީފާއިން ވަކިކުރަންޖެހޭ. ހުރިހާ ބަދުނާމެއް މިއެޅުނީ ސޯލިހުގެ ބޮލުގައި.
ޢަހު
20 May 2023
މީހަކު ލިޔެގެން ގެނެސް ސޮއި ކުރާއިރު އެ ލިއުމެއް ރަނގަޅުތޯ ނޫންތޯ އެއީ ކޮއްޗެއްތޯ ބެލުމަކީ ސޮއިކުރާމީހާގެ ޒިންމާއެއް ކޮބާ އެޒިންމާ ނަގަންޖެހޭ މީހާ އިބޫ ސޯލިހު ނޫންތަ؟
ކަލަމިން
20 May 2023
އަދިވެސް އަނެއް ދައުރު ނުދެވިގެން. ލިޔަންކިޔަން އެނގޭ މީހުން މިރާއްޖޭގަ ނެތީތަ؟
ޢެމެރިކާ
20 May 2023
މި ސަރުކާރު ވަރައް ކަޑަ
އަބްޑޫޅް
20 May 2023
މުގުލުގަ މިތިބަ މީހުނަށް އެޔެއް މިޔެއް ނޭގެ. ސުއްޓާގެ ޓީ ނަންވަނީ.
އީވާ
20 May 2023
އަންނިއަށް ރަނުގެ ފުރުސަތެއް މުހައްމަދު ޝިހާބުލައްވައި ރައީސްގެ އިސްތިޢުފާގެ ސިޓީއެއް ރައީސް އަރިހަށްގެންގޮސް ސޮއި ހޯދާ. ހަމަގެންދިޔައީ ސޮއެކޮށްލީ
ޖީއެސްޓީ އަޢި އަގުލަބިއްޔަތު
20 May 2023
ބޮޑެތި މުސާރަޔާއި އިނާޔަތާއި ބިޒްނަސްކްލާސް ދަތަުރުކުރާ ގަބީލާއައި އައުލާދު މީހުން ލައިގެން ވާކަމެއް ނެތް. ހުރިހާ ދައުރެއްގަވެސް އުލެނީ އެއްބަޔެއް. މަހުން ޑިއުޓީ ޢިނާޔަތޭކިޔާތާވެސް އެތައް އަހަރެއް. ވަގުތުން ވަގުތައް ތިތަނުން މީހުން މަދުކޮއް ޖީއެސްޓީ 5 ޕަސެންޓައް ތިރިކުރަންވާ. ހުރިހާ ތަކުލީފެއް ރައްޔަތުންނައް . ކަމެއްވަނީކީނުން
އަހައްމަދުސް
20 May 2023
އަބަދު މިކަހަލަ ކޮހެއް ހެދިގެން އުޅޭ ސަރުކާރެއް މި ނޫނީ ނުދެކެން. ހަމަ ކޮންމެވެސް ކަނޑުކޮހެއްގަ އަޅައިގަނެފަ އޮންނާނީ. ރަންކޮޅާ ބައިނަލް އަޤްވާމީ މަޝްރަޙްގަ ރާއްޖޭގެ ނަން ހިފެހެއްޓުމަކީ ތިމީހުންގެ އެންމެ މަތީ މަސްލަހަތު. ރައީސް މައުމޫންގެ ދުވަސްވަރު އިންޓަރނޭޝަނަލް ރިލޭޝަންސް އޮތްގޮތަށް އޮތުން ދިވެހިންގެ އެދުމަކީ. ނުޖެހޭ ބަޔަކު ރުއްސަން ކޮންމެ ކަމެއް ކުރަން.
ޖެކް
20 May 2023
ރައީސް އޮފީސް ތެރެއިން ކޮންމެވެސް މީހަކު ގޮސް މަ މިއަދުންފެށިގެން އިސްތިއުފާ ދީފީމޭ ބުނެ ސިޓީއެއްގަ ސޮއޮކޮށްލަ ދީބަލަ! ދިވެހި އުންމަތަށްޓަލައި!