އީޕީއޭގެ ދިރާސާތަކަށް، އިންޑިއާގައި ބަނދެފައިވާ "ތިމާވެށި" ބޯޓް
23 މެއި 2023 - 15:36
13 comments
އީޕީއޭގެ ދިރާސާތަކުގައި ބޭނުންކުރަން ހާއްސަ ކުރާ އުޅަނދު މި މަހު ފަހުކޮޅު ރާއްޖެ އަންނާނެ ކަމަށް އެންވަޔަރްމެންޓް މިނިސްޓްރީން އިއްޔެ ބުނެފި އެވެ.
"ތިމާވެށި" ގެ ނަން ދީފައިވާ 100 ފޫޓުގެ މި އުޅަނދަކީ ވޯލްޑް ބޭންކުގެ ހިލޭ އެހީގައި ކުރިއަށްދާ މޯލްޑިވްސް ކްލީން އެންވަޔަރަންމަންޓް ޕްރޮޖެކްޓުން ހަރަދުކޮށްގެން ބަނދެ ނިމިފައިވާ ބޯޓެކެވެ. ބޯޓުގެ ދަށް ހަދާފައިވަނީ ކަޓަމަރާންގެ ޑިޒައިނަށެވެ.
އިންޑިއާގެ ގޯއާގައި އެ ބޯޓު ބަނުމުގެ މަސައްކަތް ކުރިއަށް ގެންދަނީ އެ ގައުމުގެ "ވިޖޭއި މެރައިން ޝިޕްޔާޑް" އިންނެވެ. މިނިސްޓްރީން ބުނީ ބޯޓު ބަނުމުގެ މަސައްކަތް އެ ކުންފުންޏާ ހަވާލު ކުރީ އިންޓަނޭޝަނަލް ބިޑިންގެ އުސޫލުން ބީލަން ކާމިޔާބުކުރި ކުންފުންޏަށް ވާތީ ކަމަށެވެ.
އީޕީއޭގެ ދިރާސާތަކަށް، އިންޑިއާގައި ބަނދެފައިވާ "ތިމާވެށި" ބޯޓް
ބޯޓުގައި ހުރި ވަސީލަތް
- ތިމާވެށީގެ ދިރާސާތަކައް ބޭނުން ކުރާ އާލާތްތައް
- ބޯޓްގެ މެއިން ޑެކްގައި ތިން މީހުންގެ ޖާގައިގެ ދެ ކޮޓަރި ފާހަނައާ އެކު
- މަތީ ޑެކްގައި މާސްޓަ އަދި އިންޖިނިއަރިން އަށް ހާއްސަ ރޫމެއް އަދި ހަތަރު މީހުންގެ ޖާގައިގެ ތިން ކޮޓަރި
- ވެޓްލެބް, ޑްރައި ލެބް, އަދި ޑައިވިން ކޮމްޕްރެޝާ ރޫމެއް
- ބަދިގެ
- އިމަޖެންސީގައި ބޭނުންކުރަން ޑިންގީއެއް
އެންވަޔަރްމެންޓް މިނިސްޓްރީން ބުނީ ބޯޓުގެ މަސައްކަތް މުޅިން ނުނިމޭ ކަމަށެވެ. ބޯޓްގެ މަސައްކަތް ނިމުމުން ރާއްޖެ ގެނެސް ސަރުކާރާ އެ އުޅަނދު ހަވާލު ކުރުން އޮންނާނީ ބާއްވާ ހާއްސަ ރަސްމިއްޔާތެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރޯޑު ބުރޯ
25 May 2023
. މިނިސްޓްރީން ބުނީ ބޯޓު ބަނުމުގެ މަސައްކަތް އެ ކުންފުންޏާ ހަވާލު ކުރީ އިންޓަނޭޝަނަލް ބިޑިންގެ އުސޫލުން ބީލަން ކާމިޔާބުކުރި ކުންފުންޏަށް ވާތީ ކަމަށެވެ.@@@ އިންޓަނޭޝަނަލް ބީޑުގެ އުޞޫލުންނޭ ބުނީމާ އިންޓަނޭޝަނަލް ބިޑަކަށް ހުޅުވައިލައިގެނެއްނޫން ކަން ސާވެއްޖެ. ބޮޑު ކޮރަޕްޝަން ވަދެގެން ނިމިފައި. އެއްކަމެއްވެސް އޮޅުވާލުމަކަށް ނުލައި ނުވާބައއް.
1426
24 May 2023
ތި ވައްތަރީ ސަފާރީއަކާ1 ރިސަރޗް ވެސަލްއަކާ ވައްތަރެއް ނޫން!
މާރިޔާ ބާރަށް
24 May 2023
ރެބަންކެޑުމުގެ ރަސްމިއްޔާތަށް އުގަޑުމެންގެ ލޮބުވެތި ރައީސް ވަދައިގެން ދެއްވުމަށް އަޅުގަޑުއެދެން.
މުހައްމަދު 22
24 May 2023
ތި ކަހަލަ ސަފާރީ ބޯޓެއް މިހާރުވެސް ރާއްޖޭގަ ދުއްވާ، ހެންވޭރު ތިމާވެށި ނުޖެހިކަން ވަރަށް ރަނގަޅު
އިބުރާހިމް
23 May 2023
ކުރިން އިއުލާނވެސް ނުކޮއް ބޯޓެއްބަދެލީ ކިހާފައްކާދޯ މިދެން ކޮ,,,,,,,,,,,,,
މަހާރަދުން
23 May 2023
ހިލޭ ބަޔަކު ކަމެއް ނުކޮއް ދެންޏަ ކަމެއް ނުވޭ!!!ފަރަފަރަށް ބޯޓު އެރއްޔޭ ކިޔާފަ ބިލިޔަނުން ޖޫރިމަނާ ކޮއްފަ ޖީބަށް އަޅަނީ!!!ބޭރު ތަންތަނުން ފައިސާ ދަނީ ބޮޑޫ ކަޓު ޖީބަށް ލައިފަ ހަނަދީ ފީއިލޮށިް އެއްޗެހި...ސަރަކާރު ބަދަު ވާއިރަށް އެ ވެސް ކައްވާލެވޭ ގޮތަށް!!ވެްނޓިލޭޓަރުތައްވެސް ޗޮކުން!! !
ޢަރުތަ
24 May 2023
މަހާރަދުން ބުންޏަސް ތީ މުޅިއަކުން ދޮގެއްވެސް ނޫން، ކޮންމެ ވެރިކަމެއްގަވެސް މިކަހަލަ ޕްރޮޖެކްޓްތައް ހިންގަނީ ތިޔަބުނާ އުސޫލުން، ސަހަލު އެކަކުވެސް ހަމަ ނެތިއްޔޭ ވެރިންގެ ތެރޭގަ.
ޢަރުތަ
23 May 2023
"އެންވަޔަރްމެންޓް މިނިސްޓްރީން ބުނީ ބޯޓުގެ މަސައްކަތް މުޅިން ނުނިމޭ ކަމަށެވެ. ބޯޓްގެ މަސައްކަތް ނިމުމުން ރާއްޖެ ގެނެސް ސަރުކާރާ އެ އުޅަނދު ހަވާލު ކުރުން އޮންނާނީ ބާއްވާ ހާއްސަ ރަސްމިއްޔާތެއްގަ އެވެ". އެހެންތަ! އެކަމަކު ތިޔަ އުޅަނދުގެ ހުރިހާ މަސައްކަތެއް ނިންމާފަ ދިދައާ މާފަތި ދަމާ ކާށިބިނދެ ތިޔަ ބޯޓު އިންޑިއާގަ އިފްތިތާޙު ކުރި ވީޑިއޯ ސޯޝަލްމީޑިއާގަ ދައުރުވާތަން އެބަފެނޭ، މީކިހިނެއް ވާކަމެއްތޯ "މިހާރު" ނޫހުން ބަލާނުލަމުތޯ.
ޢަލީޢަލީ
23 May 2023
ބަލަ ދިވެހި ސަރުކާރަށް ހަވާލުނުކުރޭ އަދި. އެމީހުން މަސައްކަތް ނިމުން ފާހަގަކުރުން އެއީ އެހެންކަމެއް. އެއީ ރާއްޖެއާ ގުޅުންހުރި ކަމެއްނޫން.
އުދުހޭ
23 May 2023
ބޯޓުގެ ނަމާހިސާބުން ތިއޮތީ ހ.ތިމާވެށި އަބްދުﷲ ޖާބިރު ޕްރޮމޯޓްކުރަންގެށިފަ.
ބުހާރީ
23 May 2023
އަހަރުދުވަސް ބޭނުންކުރެވޭނީ، ދެންޖެހޭނީ ބާދަގަނޑު ގޮތުގައި އިނަޑިއާ އަށް ވިއްކާލަން.
ނަންނެއްގޮލާ
23 May 2023
ތޮޔައްވުރެ ރީއްޗައް އުޅަންދު ބަންނާނެ ރާއްޖޭ ބޮއްކުރާ ބަންނަ މީހުންވެސް.
ޢަރުތަ
23 May 2023
އެހެންވެގެނޭ ބޮއްކުރާ ބަންނަ މީހުނާ ހަވާލު ނުކުރީވެސް، އަނެއްކާ ރާއްޖެގަ ދުއްވާ ހުރިހާ ކޯސްޓްގާޑު އުޅަނދުފަހަރުވެސް ބަނދެފަ އެހުރީ ރާއްޖޭގަ ބޮއްކުރާ ބަންނަ މީހުންބާ! ޒާތީ ހަސަދައިގަ ހަލާކުވަނީ.