ރާއްޖޭގައި ބިމެއް ހިއްކަނީ: ބިން ހިއްކުމާއި ފަޅު ފުންކުރުމުގެ މަސައްކަތްތައް މަޑުޖައްސާލަން އީޕީއޭއިން ވަނީ އަންގާފައި --- ފޮޓޯ/އާބަންކޯ
09 މެއި 2024 - 20:33
43 comments
ރާއްޖޭގައި ގާ ހުދުވުމުގެ މައްސަލަ ބޮޑުވެފައިވާތީ ބިން ހިއްކުމާއި ފަޅު ފުން ކުރުމުގެ ހުރިހާ މަޝްރޫއުތަކެއް ވަގުތީ ގޮތުން މަޑުޖައްސާލަން އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ) އިން މިއަދު އަންގައިފި އެވެ.
ދުނިޔޭގެ ކަނޑުގެ ފިނިހޫނުމިން އެނަލައިޒްކޮށް، ގަވާއިދުން އާންމުކުރާ "ކޮރަލް ރީފް ވޮޗް"ގެ ވެބްސައިޓުގައިވާ ގޮތުގައި، ރާއްޖޭގައި ގާ ހުދުވުން އޮތީ އެންމެ ނުރައްކާތެރި ދަރަޖަ ކަމަށްވާ، "އެލާޓް ލެވަލް 1" ގަ އެވެ.
އީޕީއޭއިން މިއަދު ކުރި އިއުލާނެއްގައި ބުނީ ގިނަ އަދަދަކަށް ގާ ހުދުވަމުންދާ ކަމަށް ރިޕޯޓް ލިބެމުންދާތީ މިއަދުން ފެށިގެން އަންނަ މަހުގެ 10 ވަނަ ދުވަހުގެ ނިޔަލަށް ފިޔަވަޅުތަކެއް އެޅުމަށް ނިންމާފައިވާ ކަމަށެވެ.
ތިން ފިޔަވަޅެއް އެޅުމަށް އެ އެޖެންސީން ނިންމާފައި ވާއިރު، އެއީ:
1. ތަރައްގީގެ މަޝްރޫއުތަކުގެ ތެރެއިން ބިން ހިއްކުމާއި ފަޅު ފުންކުރުން ވަގުތީ ގޮތުން ހުއްޓާލުން
2. ބިން ހިއްކުމާއި ފަޅު ކޮނުމާއި ގޮނޑުދޮށަށް ވެލި އެޅުމާއި ޕަމްޕް ބޭނުން ކޮށްގެން ވެލި ނެގުމާއި ފަރުމަތީގައި ހޮޅި އަދި ކޭބަލް އެޅުމުގެ އިތުރުން ބަންޑުވޯލް ޖެހުން އަދި މިނޫނަސް މެޝިން ބޭނުންކޮށްގެން ފަރުމަތީގައި މަސައްކަތް ކުރުން މަޑުޖައްސާލުން
3. މިހާރު ހިނގަމުންދާ މަޝްރޫއުތަކާއި މަސައްކަތްތައް ކުރުމަށް އަންނަ މަހުގެ 10 ވަނަ ދުވަހުގެ ފަހުން އެ މަސައްކަތްތަކުގެ މަސައްކަތުގެ ތާވަލް މުރާޖާ ކުރުން.
ރާއްޖޭގެ ފަރުތަކުން ފުޅާ ދާއިރާއެއްގައި ގާ ހުދުވުމުގެ ހާދިސާއެއް ފުރަތަމަ ފަހަރަށް 1998 ގައި ފާހަގަ ކުރެވުނު ފަހުން އެފަދަ ހާދިސާތައް ދޭތެރެ ދަނީ ފެންނަމުންނެވެ. އޭގެފަހުން އެންމެ ބޮޑަށް ގާ ހުދުވެފައިވަނީ 2016 ވަނަ އަހަރު އެވެ.
ރާއްޖޭގައި ގާ ހުދުވުން ހުރި ދަރަޖަ ދައްކައިދޭ ޗާޓު.-- ފޮޓޯ: ކޮރަލް ރީފް ވޮޗް
ގާ ހުދުވުމުގެ މައްސަލަ އެންމެ ރަނގަޅަށް ދިރާސާ ކުރުމަށްފަހު 2016 ވަނަ އަހަރު ނެރުނު ރިޕޯޓުގައިވާ ގޮތުން، އެ އަހަރު ރާއްޖޭގެ 73 ޕަސެންޓް މުރަކަ ހުދުވި އެވެ.
މި ފަހުން ގާ ހުދުވުމުގެ މައްސަލަތައް މެދުވެރިވާ މިންވަރު ގާތްވަމުން އަންނަ ކަމަށް ފާހަގަ ކުރެވޭ ކަމަށް އީޕީއޭން ބުންޏެވެ. އެހެންވެ، މިފަދަ ދުވަސްވަރެއްގައި ކުރާ ކަންކަމުގެ ސަބަބުން ފަރުތައް އަލުން އިއާދަވާ މިންވަރު ލަސްވުމާއި އިއާދަވުމަށް ހުރަސް އެޅުމަކީ އެކަށީގެންވާ ކަމެއް އީޕީއޭ އިން ބުނެފައިވެ އެވެ.
އެގޮތުން ރާއްޖޭގައި ފުޅާ ދާއިރާއެއްގައި ކުރެވުމުންދާ ފަޅު ފުންކުރުމާއި ބިން ހިއްކުމުގެ މަސައްކަތްތަކާއި ބީޗް ނަރިޝްމަންޓް މަސައްކަތްތަކަކީ މި މަސައްކަތްތަކުގެ ސަބަބުން ފަރުތަކުގެ މާހައުލަށް ނޭދެވޭ އަސަރުތަކެއް ކުރަމުންދާ ކަންކަން ކަމަށް އެ އެޖެންސީން ފާހަގަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާ ހުދުވުން އަދި މަރެއްނުވޭ
11 May 2024
މުރަކަ ހުދުވުމަކީ އަދި މުރަކަ މަރުވުމެއް ނޫނޭ. ފަހުން ކުލަ އާދޭ.. ސޯ
ތެދެއް
11 May 2024
އުވާލާ, ފުލެޓް ކޮމެޓީވެސް, އޭސީސީވެސް.
ގާބެ
11 May 2024
އީޕީއޭ އެންގުން ބޮލާލާ ނުޖަހާށޭ.
ސިމްބެ
11 May 2024
ފުލެޓްކަންތަށްވެސް ނިންމިގޮތަށް އީޕީއޭގެ އެންގުން ބޮލާލާ ޖަހާކަށް ނުވާނެ, ގާ, ފަރުތަކަށް އެއްވެސް ގެއްލުމެއް ލިބޭކަށް ބޭނުމެއްނޫން, ވަގުތުން ޕޮރޮޖެކްޓް ހުއްޓާލާ, ވަކިގޮތެއް އަންގަންދެން.
ޝަޓްޑައުން
10 May 2024
ބިން ހިއްކުމުން ގާހުދުވާން ޖެހޭ ސަބަބު ތައް ޓެކްނިކަލީ އީޕީއޭ އިން ބުނެދޭން ޖެހޭނެއޭ އެކަން ކުރަން ޖެހޭނީ ސައެންޓިފިކް ކަލްކިއުލޭޝަން ތައް ބޭނުންކޮށްގެން މެތްލެބް ފަދަ ސޮފްޓް ވެއަރ އަކުން ކުރާ ސިމިއުލޭޝަން އަކުންނޭ ދެން އެމެރިކާ ގައި ހުންނަ ޖަމާއަތަކުން ދައްކާ ގްރާފަކުން ވާނުވާ ވެސް އެއްވެސް ރައްޔިތަކަށް ޚުދު އީޕީއޭގެ ބޮޑުންނަށް ވެސް ނޭގޭނެއޭ ބާރު އޮތުމުން ބާރު ނާޖާއިޒު ގޮތުގައި ބޭނުންކުރަނީއޭ އުނގުންނޭ އީޕީއޭ ބޮޑުން ތައް ވިސްނަނީ އީޕީއޭ
ލޮކްޑައުން
11 May 2024
ކަލޭ ފުރަތަމަ ލިޔަން ދަސްކޮށްބަލަ. ބޯ ހަލާކު
ތޮލާލް
10 May 2024
ގާހުދު ވީމަ ދިމާވަާމައްސަލައަކީ ކޮބާތޯ އެގެންބޭނުން!!!!!!!
ޔާޔާ
11 May 2024
އެހެން ކުލަ ކުލައިގެ ގައު މަދުވުން އަދި ހުދު ގައު ގިނަވުން.
ބޮނބިފާލު ބަލާމީހާ
10 May 2024
ތިއޮތީދެން ބޮޑުތަނުގަޖެހިފަ. މުއިއްޒު އޯކޭ ތިމާވެށި ހިމާޔަތްކުރާމީހުން މަނާކުރީމަ ކުރާނެކަމެއްނޯންނާނެދޯ؟.
ކާންޓްބްރީދް
10 May 2024
ބިން ހިއްކުން އެންމެ ރަނގަޅު މަޑުޖައްސާލަން ރާއްޖެތެރޭގައި އެކަމަކު މާލެ ސަަރަހައްދުގައި ހުރި ފަޅުތައް ހިއްކާ އިންޑަސްޓްރިއަލް ސައިޓް ތަކާއި އަދި ރެސިޑެންޝަލް ސައިޓް ތަކާއި އަދި ޓޫރިޒަމް ސައިޓް ތައް ނަަހަދައިފިނަމަ އިގްތިސާދީ ގޮތުން ފޫނުބެދޭވަރުގެ ބޮޑު ގެއްލުމެއް ކުރިމަތިވެ ޓެކްސް ބޮޑުކުރަން ޖެހޭނެއޭ ގައުމެއްގެ ހަގީގީ ތަރައްގީ އަކީ ޓެކްސް ކުޑަކޮށް އާމްދަނީ ބިންތައް ވިއްކައިގެން ހޯދުމޭ މީ މިހާތަނަށް ދުނިޔެ ދެކުނު އެންމެ ކާމިޔާބު ވިޔާފާރިއަކީ
ފުރޮޅޭ ގައު
10 May 2024
ފުރޮޅޭގަލެއްގަ ފެއްސެނުޖަހާނެ މިސަރުކާރު ފުރޮޅޭވަރުން ބިންނުހިއްކޭނެ..ފައިސާނެތިގެންނޭ ނުބުނާތި..ގާހުދުވީމަ ބިންނުހިއްކުނީއޭ ބުނަންތިތިބީ ކައުންސިލް އިންތިހާބަށް ވޯޓުހޯދަން...8މަހާ 12މަސްދުވަހުގެ މުއްދަތުގަ ގުޅިފަޅު ގިރާވަރުފަޅުހިއްކާ ގޯތިހަވާލުކުރަންވީ ވައުދު މުއިއްޒުގެ ވައުދުފޮތުގަ އޮތްތޯބަލާދީބަލަ އެފޮތްލިބެންހުރިމީހަކު...ޖީބަށްޓަކާ މަޖުލިހުގެ ވޯޓުވިއްކި ބޭފުޅުންނަ ސަލާން...
ކުރާށޭ
10 May 2024
އީޕީއޭ އިން އަންގައިގެން ހުޅުމާލެ ހިއްކުމާއި އަދި ގިރާވަރު ފަޅު ހިއްކުމާއި އަދި ރަސްމާލެ ހިއްކުމުގެ މަަސައްކަތާއި ގާފަރު ފަޅު ހިއްކުމުގެ މަސައްކަތް ނުހުއްޓޭނެއޭ އީޕީއޭ މިހާރު އެކުޅެނީ ސަރުކާރާއި އިދިކޮޅު ސިޔާސީ ޕާރޓީން ބުނެގެން އެޕާރޓީގެ ހަރުގެއެއްގެ ގޮތުގައޭ އެމެން ހަރަކާތްތެރި ވަމުންދަނީ އީޕީއޭ ކޮންޓްރޯލް ނުކުރެވެއޭ ތިމާވެށި މިނިސްޓަރަށް ވެސް އެތަން ސިފައިންނާއި ހަވާލު ކުރާށޭ އެތަނުގެ ބޮޑަކަށް ސިފައިންގެ ޖެނެރަލަކު އައްޔަން ކުރާށޭ ކުރާށޭ