މަދަނީ އިޖްރައާތާއި ހެއްކާބެހޭ ގާނޫނާ ގުޅިގެން ވަކީލުންނަށް ހާއްސަ ފޯރަމެއް ފަށައިފި

ބާ ކައުންސިލުން އިއްޔެ ފެށި ފޯރަމް: ވަކީލުންނަށް ދިމާވާ ގޮންޖެހުންތަކާ ގުޅިގެން އެ ފޯރަމްގައި މަޝްވަރާ ކުރާނެ --- ފޮޓޯ/ބާ ކައުންސިލް

މުއިއްޒު އިބްރާހިމް، މިހާރު

25 މެއި 2023 - 13:46

4 comments

މަދަނީ އިޖްރައާތުގެ ގާނޫނާއި ހެއްކާބެހޭ ގާނޫނު ތަންފީޒު ކުރުމުގައި ކުރިމަތިވާ ގޮންޖެހުންތަކާ ގުޅިގެން ބާ ކައުންސިލުން ހާއްސަ ފޯރަމެއް ފަށައިފި އެވެ.

ބާ ކައުންސިލުން ބުނި ގޮތުގައި ހައިބްރިޑްކޮށް އިއްޔެ ފެށި އެ ފޯރަމްގެ ސަބަބުން، އެ ދެ ގާނޫނުން ކުރިމަތިވެދާނެ ގޮންޖެހުންތަކާ ގުޅޭގޮތުން މަޝްވަރާކުރެވޭނެ ޕްލެޓްފޯމެއް ލިބޭޏެ ކަމަށެވެ. އަދި ގާނޫނީ ދާއިރާގެ ގިނަ ފަރާތްތައް ބައްދަލުވުމުގެ ފުރުސަތު ލިބޭނެ ކަމަށް އެ ކައުންސިލުން ބުންޏެވެ.

ބާ ކައުންސިލުން ބުނި ގޮތުގައި މަދަނީ އިޖްރައާތުގެ ގާނޫނާ ބެހޭގޮތުން އިއްޔެ ފެށި ފޯރަމް ކުރިއަށް ގެންދާނީ މިއަދާއި އަދި އަންނަ މަހުގެ ހަތް ވަނަ ދުވަހު އެވެ. އަދި ހެއްކާބެހޭ ގާނޫނާ ގުޅޭގޮތުން ބާއްވާ ފޯރަމް އަންނަ މަހުގެ 12 ވަނަ ދުވަހުން ފެށިގެން 15 ވަނަ ދުވަހާ ހަމައަށް ކުރިއަށް ގެންދާނެ ކަމަށް ބާ ކައުންސިލުން ބުންޏެވެ.

ބާ ކައުންސިލުން ބުނިގޮތުގައި ގާނޫނީ ދާއިރާގެ ކަންބޮޑުވުންތަކަށް ހައްލު ހޯދައިދޭން މަސައްކަތް ކުރުމަކީ އެ ކައުންސިލްގެ އެންމެ ބޮޑު އަމާޒެވެ.

ޖުޑީޝަރީ ވަކީލުން ބާ ކައުންސިލް

4 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުދުގުދާބެއްޔާ

26 May 2023

ފުރަތަމަ ގާނޫނަކީ ބިޑަކާނުލައި ބިންބިމާ ރަށްތައް ދެވޭގާނޫނު! ލަދުހަޔާތްކުޑަ މަޖިލިސްމެންބަރުން އެގޮތައް އެތިބީފާސްކޮއްލައިގެން! އެމީހުން ހެސްކިޔާފަ ހުޅުމާލެއިން ބިންތައް ނަގަނީ! ދެން އޮތް އަނެއްގާނޫނަކީ މަޖިލިހަށް ހާޒިރުނުވެ މުޅިއަހަރުގައި އެންމެ ހަތަރުދުވަހު ހާޒިރުވެ މުސާރަ 80ހާހުން ހާޒިރުނުވާދުވަސްތަކައްވެސް މުސާރަނަގާ މެންބަރުން! ސިވިލްސާވިސް މުއައްޒަފަކު ގަޑިޖެހިއްޖެއްޔާ މުސާރއިންކެނޑޭ.މިމީހުން އޯކޭ! ރައްޔިތުންވޯޓްދޭއިރު މިކަމާއަހާސުވަލުކުރޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނދޭގިރި.

25 May 2023

މުއިއްމު ނެރެންއުޅުނު ޗާގޯސް ރަނގަޅު ބަޔާން ނުނެރެގެން ތިއުލެނީ ކީއްވެ ؟ 3 ބަންޑާރަ ނައިބުން އިންޒާރު ދެއްވީމަތޯ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބިން

25 May 2023

ހައްލު ލިބޭނީ ހައްލު ހޯދަން ޖޭއެސްސީ އަދި މަޖިލިސް އުޅެގެން. ފަނޑިޔާރުން ނުނަގާ ލަސްކުރަނީ ޖޭއެސްސީއިން. އެކަން ނުބަލާ. ހައިކޯޓަށް ފަނޑިޔާރަކު ނުނަގާ ކިހާ ދުވަހެއް. މިހާރު އުޅެނީ ރައީސް އޮފީހުގެ ސިޔާސީ ވެރިއެއްގެ އަންހެނުންނަށް ގާޒީކަން ނުދެވިގެން. މިވަރުން ކިހިނެއް ހައްލު ހޯދާނީ. ސިވިލް ކޯޓު އެއޮތީ ހުއްޓިފަ. ފިޔަވަޅު އަޅަންޖެހެނީ މިހާރު. މާދަމާއެއްނޫން.