ހަރުގެ ހިސޯރުކޮށް މުދަލަށް ގެއްލުން ދިނީ: އެމްޑީޕީ

އެމްޑީޕީގެ މައި ހަރުގެ "ޑިމޮކްރެޓްސް" އިން ބޭނުންކުރަން ފެށުން: ހަރުގެ ބޭރުގައި ދަމާފައި ހުރި އެމްޑީޕީގެ ކެމްޕެއިން ބެނާއެއް ނަގަނީ.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

29 މެއި 2023 - 21:00

26 comments

މާލޭގެ އާޓިފިޝަލް ބީޗު ސަރަހައްދު ކުރިމަތީގައި ހުންނަ އެމްޑީޕީގެ މައި ހަރުގެ ބަޔަކު ހިސޯރުކޮށް، އެތަނަށް ގެއްލުން ދީފައިވާ ކަމަށް އެމްޑީޕީން މިރޭ ބުނެފި އެވެ.

އެމްޑީޕީން އެހެން ބުނީ ހަރުގެ ހުންނަ ތަން ހުސްކޮށް ތަން ހަވާލުކުރަން އެ ތަނުގެ ވެރިފަރާތުން އެންގުމުން އެކަން ހުއްޓުވަން އެމްޑީޕީން ކޯޓަށް މައްސަލަ ހުށަހަޅާފައި އޮއްވައި އެ ޕާޓީގެ ރައީސް މުހައްމަދު ނަޝީދަށް ތާއީދުކުރައްވާ ބޭފުޅުންގެ "ދަ ޑިމޮކްރެޓްސް"ގެ މަސައްކަތް ހަރުގޭގައި މިއަދު ފެށުމުންނެވެ. އެ ޕާޓީން ނެރުނު ނޫސްބަޔާނެއްގައި އެކަން ވަނީ ކުށްވެރިކޮށްފަ އެވެ.

އެމްޑީޕީގެ މައި ހަރުގެ "ޑިމޮކްރެޓްސް" އިން ބޭނުންކުރަން ފެށުން: ހަރުގޭގައި އެތެެރޭގައި ހުރި ގޮނޑިތަކާއި އެހެން ސާމާނު.-- ފޮޓޯ: ފަޔާޒް މޫސާ | މިހާރު

"ދިވެހި ރައްޔިތުންގެ ޑިމޮކްރެޓިކް ޕާޓީން މާލޭގައި ހިންގަމުން އަންނަ މައި ހަރުގޭގެ ތަޅު ހަލާކުކޮށްލައިގެން ވަދެ މި ޕާޓީގެ މުދާތަކަށް ގެއްލުންދީ ހަރުގެ ހިސޯރުކުރި ކުރުން އެންމެ ހަރުކަށި އިބާރާތުން ކުށްވެރިކުރަމެވެ،" އެ ބަޔާނުގައިވެ އެވެ.

އެމްޑީޕީން ބުނީ ހަރުގެއަކީ އެ ގޭގެ ވެރިފަރާތާ އެކުގައި ހަދާފައިވާ އެއްބަސްވުމެއްގެ ދަށުން ގަވާއިދުން ކުލި ދައްކާ ތަނެކެވެ. އަދި ހަރުގޭގެ ވެރިފަރާތާއެކު އަނގަބަހުން ވެފައިވާ އެއްބަސްވުމެއްގެ ދަށުން ކުރިއަށް އޮތް މި އަހަރުގެ ރިޔާސީ އިންތިހާބު ނިމެންދެން ހަރުގޭގައި އެ ޕާޓީގެ ސިޔާސީ ހަރަކާތްތައް ހިންގޭނެ ކަމަށް އެއްބަސްވެފައިވާ ކަމަށް އެމްޑީޕީން ބުންޏެވެ.

ނަމަވެސް, އެއްބަސްވުމާ ހިލާފަށް ގޭގެ ވެރިފަރާތުން އަމަލުކޮށްފައި ނުވާތީ،އެ ޕާޓީއަށް އެއްބަސްވުމުގެ ދަށުން ލިބިދޭ ހައްގުތައް ހިމާޔަތްކުރުމަށް ސިވިލް ކޯޓަށް މައްސަލަ ހުށަހަޅައި، އެ މައްސަލައިގެ ޝަރީއަތް ހިނގަނިކޮށް ޝަރީއަތުން ވަކި ގޮތެއް ނިންމުމުގެ ކުރިން ހަރުގެއަށް ބަޔަކު ވަދެ ހިސޯރުކޮށް, އެ ޕާޓީގެ މުދަލަށް ގެއްލުންދީފައިވާ ކަމަށް އެމްޑީޕީގެ ބަޔާނުގައިވެ އެވެ.

އެމްޑީޕީގެ ހަރުގެ ހުންނަ ބިމުގެ ވެރިފަރާތް ކަމަށްވާ ޝަފިއްޔާ ޒުބައިރު މިއަދު ނޫސްވެރިންނާ ވާހަކަދައްކަނީ.-- ފޮޓޯ: ފަޔާޒް މޫސާ | މިހާރު

އެމްޑީޕީން ސިވިލް ކޯޓުގައި އެދުނީ ޕާޓީން ސިޔާސީ ހަރަކާތްތައް ހިންގުމަށް އެހެން ތަނެއް ހަމަޖެއްސުމަށް އަންނަ ޖުލައި މަހުގެ 31 ގެ ނިޔަލަށް ހަރުގޭގައި ތިބެވޭނެ ގޮތަށް ކަނޑައަޅައިދިނުމަށް ކަމަށް އެ ޕާޓީން ބުންޏެވެ.

ރާއްޖޭގެ އެންމެ މެމްބަރުން ގިނަ ޕާޓީގެ ސަޕޯޓަރުން އެއްވެ ސިޔާސީ ހަރަކާތްތައް ހިންގާ މައި ހަރުގެއަކީ އެ ހަރަކާތްތަކުގެ ކުރީ ސަފުގައި އުޅުނު ޝަފިއްޔާ ޒުބައިރުގެ ބިމެކެވެ. އެކަމަކު، އެމްޑީޕީގެ އެތެރޭގެ ކޯޅުމުގައި ޝަފިއްޔާ މިހާރު ހުންނެވީ ނަޝީދުގެ "ފިކުރެއްގެ ދިރުން" ފެކްޝަންގެ އިސް މެމްބަރުން އުފައްދަން އުޅުއްވާ "ދަ ޑިމޮކްރެޓްސް"އާ އެކު އެވެ.

ހަރުގެ ހުރި ބިން މިހާރު ވަނީ އެހެން މީހަކަށް ކުއްޔަށް ދީފަ އެވެ.

MDP mai haruge Democrats in beynun kuran fashaifi

The most trusted news source in the Maldives

Mihaaru

ހަރުގެ ހުރި ބިން ކުއްޔަށް ދިނީ، އެމްޑީޕީގެ އެތޭރެގައި އުފެދުނު ކޯޅުންގަނޑުގައި ނަޝީދުގެ ފަޅީގައި ހުންނެވި އެސްޓީއޯގެ ކުރީގެ މެނޭޖިން ޑިރެކްޓަރު ހުސެއިން އަމްރު އަށެވެ. ޝަފިއްޔާ މިއަދު ބޭއްވި ނޫސްވެރިންގެ ބައްދަލުވުމަށް ފަހު، އަމްރުއާ ހަރުގޭގެ ތަޅުދަނޑި ހަވާލުކުރުމުން އޭނާ ވަނީ އެތަން ހުޅުވައި ޑިމޮކްރެޓްސްގެ ހަރަކާތްތަކަށް ބޭނުންކުރަން ފަށައިފަ އެވެ.

އެމްޑީޕީ ސިޔާސީ ޕާޓީ އެމްޑީޕީ ހަރުގެ ފިކުރެއްގެ ދިރުން ދަ ޑިމޮކްރެޓްސް

26 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސްނުހީނާ

30 May 2023

ތިބިމުގެ ވެރިފަރާތް، މިހާރު ފާވެގެން އުޅޭ "ޑިމޮކްރެޓް" އަކާ ވަރަށް ވައްތަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމަ

30 May 2023

ވަރަށްސާފު ދިވެހިބަހުން މިބުނަނީ ދިވެހިރާއްޖެއަކު ދިވެހިރައްޔިތުންގެ ޑިމޮކްރެޓިކް ޕާޓީޢޭ ކިޔާ ޕާޓީއެއް ނޯންނާނެ.. ރަޖިސްޓަރީގަ އޮތްގޮތަށް ނޫސްތަކުގައިވެސް ލިޔަން އާދަކޮށްބަލަ.. މިރާއްޖޭގައި އޮންނާނީ މޯލްޑިވިއަން ޑިމޮކްރެޓިކް ޕާޓީ.. ސާފުވާނެކަމަށް އުއްމީދުކުރަން.. ވަރަށް ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަތީނު

30 May 2023

ކަލޭމެނަށް ރައްދުދޭން ހަދައިގެން އުފެއްދުންތެރި މަސައްކަތެއް ނުކުރެވި މިއަދު މިދަނީ. އެމްޑީޕީ ރަޖިސްޓަރ ކޮށްފަ އޮންނަ ގޮތުން، އިނގިރޭސި ނަމަކީ މޯލްޑިވިއަން ޑިމޮކްރެޓިކް ޕާޓީ. ދިވެހި ނަމަކީ ދިވެހި ރައްޔިތުންގެ ޑިމޮކްރެޓިކް ޕާޓީ. ރަމްޒީ ނަމަކީ އެމްޑީޕީ. މިނޫން ގޮތަކަށް އެޕާޓީގެ އަސާސީ ޤަވާޢިދު ބަދަލުވިކަމެއް ނޭގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްސަ

30 May 2023

ދިވެހި ނަމެއްގެގޮތުގައި ރަޖިސްޓަރ ކޮފައެއްނެތް.. މަތީނު.. އޮތީ އިނގިރޭސިބަހުން ކިޔާގޮތަށް.. އެއްޕާޓީއަކަށް ދެނަމެއް ރަޖިސްޓަރނުކުރެވޭނެކަން ހަމަ މަތީނަށް ނޭންގެނީތަ.. އަޖާއިބު ހީވޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

30 May 2023

ނޯޓިން ފޮނުވި ފަހުން އެމްޑީޕީން ގެގެ ވެރިފަރާތާއި ވާހަކަ ދެއްކުމުން، އެގޮތައް އެއްބަސްވި ކަމުގެ އެއް ހެއްކަކީ، މެއި މަހުގެ ކުއްޔާ ހަވާލުވުން! އެކަން ލިޔެކިޔުމުން އެގެން އެބައޮތް! މިހާރު ތިމަންނަ ފަހުން އިތުރަށްނެގި ކުލި ދޭނަމޭ ބުނިކަމަކު، ކުރިން ފޮނުވި ނޯޓިސްގެ ސައްހަކަން ނަގާލީ ވެރިފަރާތުން! އެއްބަސް ވުމަކީ ހަމައެކަނި ލިޔުމުން އޮންނަންނޖެހޭ އެއްޗެއްނޫން! އަނގަބަހުންވެސް ވެވިދާނެ! ޝަރީއަތުގަ ސާބިތުކޮށްދިނުން އޮންނާނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނޔަރީސް988

30 May 2023

އެއްޕާޓީގެ ކުލަ، އަނެއް ޕާޓީގެ ހަރުގެ ވަގަށް ނަގައިގެން ސިޔާސީ ޕާޓީ ހަދާފަ އެހެން މީހުނަށް މި ވަގަށް ގޮވަނީ. ޝަފިއްޔާ ހަރުގެ ނުދިނަސް އިންތިހާބު ނަގާނެ އެމްޑީޕީ ބޮޑުތަމުން އިންޝާ ﷲ. ބާރަށް ތެޅޭވަރަކަށް އަވަަހަށް ހުޅުނބުދާނީ. e

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާސް.

30 May 2023

ތިޔަޒާތުގެ ކަންކަމަކީ އަނގަބަހުން އެގްރިމެންޓު ހެދޭނެ ކަންކަމެއްނުން. ލިޔެ ސޮއިކޮށްފައިވާ އެގްރިމެންޓުގެ މުއްދަތު ހަމަވެ ތަނުން އެއްޗެހި ނެރެ ތަންހުސްކުރަން އެންގި. އެމްޑީޕީ އިން އެކަން ނުކުރީމަ ތަނުގެ ވެރިމީހާ އެތާހުރި ތަކެތި ގޮނޑަށް އުކާލިޔަސް އެޔަކު ގޯހެއް ނެތް. ކުލިދިން ވާހަކަ ތިޔަބުނީ ބަލަ އެތާ ވެރިމީހާ ނުބުނެ ކުލިނުލިބެޔެކޭ. އެތާ އެއްޗެހި ބެހެއްޓީމަ ކުލިވެސް ނެގޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންޓްރެކްޓް

30 May 2023

ދިވެހިރާއްޖޭގެ ކޮންޓްރެކްޓާބެހޭ ގާނޫނު ކިޔާލަބަލަ. ކޮންޓްރެކްޓްއަކީ ކިހިނެތްވާ އެއްޗެއްކަން ސާފުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީތާ

29 May 2023

މިޤައުމުގެ ވެރިޔާގެ ހޭވެރިކަންހުރިވަރު ތި ފެންނަނީ. އެގްރީމެންޓްގެ މުއްދަތު ހަމަވެ ގޭގެ ވެރިފަރާތުން ނޯޓިސް ދިނުމުންވެސް " އުނހު! މީ މަގޭވެރިކަމޭ. ވެރިކަމުގައި ހުރީ މަށޭ. މަ ބޭނުން އިރަކުުންނޭ ދޭނީ!" ބުނީމާ ގޭގެވެރިޔާވެސް މަޑަކުން ނުހުންނާނެކަން އެމް.ޑީ.ޕީ ކުދިންނަށް އެނގެންވާނެ. ޕާޓީހިންގަން ބިން ނުލިބޭވަރުގެ ޕާޓީއަކަށް ތި ޕާޓީވެގެންދިއުމަކީ ލަދުގަންނަން ޖެހޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

29 May 2023

އެގްރީމެންޓް ހަމަވެފައި އޮންނަ ތަނަކުން ނުނުކުމެ ތިބުމަކީ އަދި މާ ހަޑިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮފީސް

29 May 2023

ފުރަތަމަ ބަލަންވީ މިބިމަކީ ބަންޑާރަ ބިމެއްތޯ؟ ބަންޑާރަ ބިމެއް ނަމަ ދައުލަތައް ނަގަންވީ. ބަންޑާރަ ބިން ދޫކުރަނީ ދިރިއުޅެން. ހަރުގެއަކަށް ނޫން ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗޯރޭ

30 May 2023

ހުރިހާ ބަންޑާރަ ބިންވެސް ދައުލަތަށް ނަގަންވީ. ބަންޑާރަ ބިން ލިބެނީ ހަމައެކަނި ދިރިއުޅެން ކަމުގަވާނަމަ. މިގައުމުގަ އިތުރުކަމެއް ނުވެސް ކުރެވޭނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނގުރޫޓު ވިޔަފާރިވެރިޔާ

29 May 2023

ބަނގުރޫޓު ވިޔަފާރިވެރިޔާ ވައިއެޅިލިޔަސް އެތަނެއް ހަފުސްވާނެ ބަނގުރޫޓު ވިޔަފާރިވެރިޔާ ޗެއަރޕާސަންކަން ކުރާ ޕާޓީއަށް ގޭގެ ވެރިފަރާތުން ނޯޓިސްދިނީމައި ދެން ގެދޮރުން ނުނުކުމެ ގަދައެއް ނުހެދޭނެ.