ރައީސް އިބްރާހިމް މުހައްމަދު ސޯލިހް، އައްޑޫ ބިން ހިއްކުމުގެ މަޝްރޫއު ފައްޓަވައިދެއްވަނީ.-- ފޮޓޯ: ރައީސް އޮފީސް
03 ޖޫން 2023 - 19:12
28 comments
ކުރިއަށް އޮތް ފަސް އަހަރު ނިމޭއިރު ރާއްޖޭގެ އިގުތިސޯދު ދެ ގުނަ ވުމަކީ ކުރު މުއަދަތަކުން ގެނެވޭނެ އެންމެ ބޮޑު ބަދަލު ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
އައްޑޫ ބިން ހިއްކުން ރަސްމީކޮށް ފެށުމަށް ބޭއްވި ރަސްމިއްޔާތުގައި އެ މަނިކުފާނު ވިދާޅުވީ މި ފަސް އަހަރުގެ ތެރޭގައި މި ސަރުކާރުން ކުރި މަސައްކަތާއި ކުރަން ހުރި ކަންކަމުގެ މައްޗަށް ފެންނަ ނަތީޖާ އެއްވާ ކަމަށެވެ.
އެހެންވެ، ރާއްޖޭގެ ހާލަތު ވަރު ހުރި އިގްތިސޯދެއްގެ މައްޗަށް ބިނާ ކުރެވޭނެ ކަމުގެ އުންމީދު ބޮޑު ކަމަށް ވެސް އެ މަނިކުފާނު ވިދާޅުވި އެވެ.
"2028 ނިމޭއިރު، ރާއްޖޭގެ އިގްތިސޯދު ދެ ގުނަ ވެގެން ދިއުމަކީ ކުރު މުއްދަތަކުން ގެނެވޭނެ އެންމެ ބޮޑު ބަދަލު. މީގެ ފަސް އަހަރު ކުރިން 2018 ވަނަ އަހަރު ރާއްޖޭގެ ޖުމްލަ އުފެއްދުންތެރި ކަމަކީ 82 ބިލިއަން ރުފިޔާ،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
"ކުރިއަށް އޮތް ފަސް އަހަރު ރާއްޖޭގެ އިގްތިސޯދު ދެ ގުނަކޮށް، 2028 ވަނަ އަހަރު ރާއްޖޭގެ އުފެއްދުންތެރިކަން 177 ބިލިއަން ރުފިޔާ އަށް ގެންދެވޭ."
ރައީސް ވިދާޅުވިގޮތުގައި، ކުރިއަށް އޮތް ފަސް އަހަރަށް ބޭނުންވާ ހުރިހާ މަސައްކަތްތަކެއް މިހާރު އަންނަނީ ކުރަމުންނެވެ.
"ރާއްޖޭގެ އުތުރާއި ދެކުނުގައި މި ސަރުކާރުން މި ވިއްދަނީ މުޅި ރާއްޖެ އެކުގައި އުފުލައިދޭނެ ދުންކަރާސް. އޭގެ ބުޑުގައި ބަހައްޓާނެ ބިން އައްޑޫ ސިޓީގައި މި ދަނީ ސަރާސަރުވެ ފެތުރެމުން،" އެ މަނިކުފާނު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ވިދާޅުވީ މުޅި ރާއްޖެ ތަރައްގީ ނުވެ ދިވެހިން ބޭނުންވާ މަންޒިލް ނުފެންނާނެ ކަމަށެވެ. އަދި ޖަޒީރާ ދިރިއުޅުން ވެސް ނުލިބޭނެ ކަމަށް ވިދާޅުވި އެވެ.
އެ މަނިކުފާނު ވިދާޅުވީ، ރާއްޖެ އަންނަ ކޮންމެ ހެޔޮ ބަދަލެއްގެ ފުރަތަމަ ފާހަގަޖެހޭ ތަނަކީ އައްޑޫ ކަމަށާއި އެއީ ކުރިން ވެސް ފާހަގަކުރައްވާ ކަމެއް ކަމަށެވެ.
"މިއަދު މި އޮތީ ވާހަކައެއް ދެންނެވުމެއް ނޫން. މިއަދު މި އޮތީ މި ފެންނަ އަމަލީ މަންޒަރު ދެކި އެކަމަށް ހެކިވުން. މިއަދަކީ ތަރައްގީގެ ހެޔޮފާހަގަ ފެށޭ، އައްޑޫ ސިޓީގެ މި ބިމަށް ތަރައްގީގެ ހެޔޮ ބަދަލު އަމަލީ ގޮތުން އައުމުގެ ދުވަސް،" އައްޑޫ ބިން ހިއްކުމުގެ މަޝްރޫއު އިފުތިތާހު ކުރުމުގެ ހަފުލާގައި ރައީސް ވިދާޅުވި އެވެ.
އެ މަނިކުފާނު ވިދާޅުވިގޮތުގައި، 1.5 ބިލިއަން ރުފިޔާ ހޭދަކޮށްގެން 190 ހެކްޓަރުގެ ބިން އެ މަޝްރޫއުގެ ދަށުން އައްޑު އަށް އިތުރުވާނެ އެވެ.
"އަދި ހަމަ އެއާ އެކު އެކީ، އިތުރު މަޝްރޫއެއްގެ ގޮތުގައި ހުޅުމީދު އަށް އިތުރުވާ 42 ހެކްޓަރުގެ ބިމަކީ އައްޑޫ ސިޓީ އަށް އިތުރުވާ ބިން. އެއީ 179 މިލިއަން ރުފިޔާގެ އަގުހުރި މަޝްރޫއެއް. ރާއްޖެ އަށް ހެޔޮ ބަދަލު ގެނައުމަށް ތިޔަބޭފުޅުން ނުކުމެ ވަޑައިގަތީ މި މަޝްރޫއުތައް އައްޑޫ ސިޓީ އަށް ބޭނުންވާތީ. އެކަން އެ ދަނީ ހިނގަމުން،" ރައީސް އިބްރާހިމް މުހައްމަަދު ސޯލިހު ވިދާޅުވި އެވެ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސޭލ
04 June 2023
އުފަންވ ކޮންމެ ތުއްތު ކުޖަކައް ހަދިޔާއެއްވެސް ލިބޭނެ. މިވެސް މީނަވީ ވައުދެއް.
އިބިރާ
04 June 2023
ސުވާލަކީ ސަރުކާރުގެ އެތެރޭގެ ކޮރަޕްޝަން 2028 ވަނަ އަހަރަށް ވާއިރު ވާނީ ދެގުނަތޯ ނޫނީ ތިންގުނަތޯ؟
ޒަމީނު
04 June 2023
މަނިކުފާނު ހައްދަވާހާ އިތުރުފުޅު ގަބޫލު ކުރާނެ ނޫނީ އިތުރުފުޅުކަން އެނގިވެސް ލިބޭ މަންފާއަށް އެވާހަކައާއި މެދު ފާޑު ނުކިޔާ ބަޔަކު ތިބެދާނެއެވެ. މިފަހަރު މަނިކުފާނަށް އައްޑޫގެ މެޖޯރިޓީ ނުލިބޭނެއެވެ.
އަސްތާރު
04 June 2023
މޮޔައިން މޮޔަ ހެއްދިދާނެއެވެ. އަނގަ އޮތީމަ އަރާތިބެ ކޮންމެ އެއްޗެއްވެސް ކިޔަންވީއެވެ. އައްޑޫ މީހުން މި ހުރިހާ ވާހަކަވެސް ގަބޫލު ކުރީހެއްޔެވެ. ހަގީގަތަކީ މި ދައުރުގައި ވީހައިވެސް ކަމަކީ ދަރަނި 3 ގުނަ ވުމެވެ. ރައީސް ޔާމީން ވެރިކަން ނިމުނުިއރު 40 ބިލިއަނުގައި ހުރި ދަރަނި ﷲ ގެ ރަހުމަތްފުޅުން މިހާރުވަނީ 120 ބިލިއަނާ ކައިރިވެފައެވެ. މީ ކުރިއެރުމެއް ކަމަށް ބަލާނަމަ ބާރަށް އަތް ޖަހަންވީއެވެ. ގައުމެއް ނެތެވެ. އެކަމު އެއްމެނަކީ މިޔައިން ކަމަށް ނުދެކޭށެވެ.
Draw
04 June 2023
މިއީ މިހާތަނަށް ދުއް އެންމެ ކަޑަސަރުކާރު. ސަރުކާރުގެ މަސައްކަތްތައް ކުރުވާފައި ފައިސާ ނުލިބި ގިނަދުވަސްވާ މައްސަލަ ވަރަށް ބޮޑު. ކުދިވިޔަފާރިތައް ވަރަށް ބޮޑަށް ދަށަށްހިގައްޖެ. ބައެއް ތަންތަން ބަގުރޫޓް ވެއްޖެ. ކުންފުނިތަކުން ފައިސާނުދޭ މައްސަލަ އަދި ވަކިން ބޮޑު. ޚާއްސަކޮށް ފެނަކަ، އާބަންކޯ، ޕީއެސްއެމް ފާހަގަކޮށްލެވޭ. ތިޔަނޫހުން މިތަނަތަނުން ކުންފުނިތަކަށްދޭން ހުރިފައިސާގެ ރިޕޯރޓެއް ތައްޔާރުކޮށްލަދީބަލަ
ނަނީ
04 June 2023
ސަރުކާރުގެ ކުންފުނިތަކުން މިހިންގާ ކޮރަޕްޝަން މިދާ ރޭޓްގައި ހިންގާނަމަ 2028 ހަމައަށް ދައުލަތް ދެމިއޮންނާނެތޯ؟؟
ބަޑިތަކުރު
04 June 2023
އިޤްތިޞާދު ރަނގަޅުވާއިރު ތަކެތީގެ އަގު ދަށަށްދާނީ ނުވަތަ ހިފެހެއްޓިފައި ހުންނާނީ ޑޮލަރުގެ އަގުދަށްވެގެންކަމަށް ފެނެއެވެ. ނިމިދިޔަ ސަރުކާރުން މަތީފަޑީގައި ތިބި މީހުން ޑޮލަރުގެ ވިޔަފާރި ކުރަންވެގެން ކަންކަން އިންތިޒާމްކޮށްފައިހުރިގޮތް ބަދަލުކޮށް ޑޮލަރުން އާމްދަނީ ލިބޭ ހުރިހާތާކުން ދައުލަތަށް ޑޮލަރުން ޓެކްސްއާއި ފީވެސް ދައްކާގޮތަށް ހަދައި ވިޔަފާރިތަކަށް ބޭންކްތަކުން ފަސޭހައިން ރަސްމީ ރޭޓްގައި ޑޮލަރު ލިބޭގޮތް ހަދަނިކޮށް ތަކެތީގެ އަގު ދަށަށް ދާނެކަމަށ
ަސޭޑް
04 June 2023
ރާއްޖެ ނުވެސް އޮންނާނެތޯއްޗެއް
ދަރަނި
04 June 2023
ދަރަނި 07 ގުނަވާނެ
ހުވޭ
04 June 2023
ދައުރެއް ނިމޭއިރު އަޅަން ފަށާފަހުރި ޓާމިނަލްވެސް ނުނިމިގެން ތިޔައުޅެނީ.