މަރުކަޒީ ބޭންކް، އެމްއެމްއޭ. ބޮޑު އީދުގައި ޗުއްޓީގައި ބޭންކް އެއް ދުވަހު ހުޅުވާނެ-- ފޮޓޯ: މިހާރު
06 ޖޫން 2023 - 14:05
2 comments
ކުރިއަށް އޮތް ބޮޑު އީދު ބަންދުގައި މަރުކަޒީ ބޭންކް، އެމްއެމްއޭ އާއި ބޭންކުތަކުން ހިދުމަތް ދޭނީ މި މަހުގެ 26 ވާ ހޯމަ ދުވަހު އެކަނިި ކަމަށް އެމްއެމްއޭ އިން ބުނެފި އެވެ.
މި އަހަރުގެ ބޮޑު އީދާ އެކު، ސަރުކާރުން ވަނީ، ކުރިން ރަސްމީ ދުވަސްތަކުގެ ގޮތުގައި އޮތް ދެ ދުވަސް [މި މަހުހެ 25 އާއި 26] ބަންދުކޮށްލައިފަ އެވެ. އެހެންވެ، އީދު ބަންދަށް މިފަހަރު ނުވަ ދުވަސް ލިބެ އެވެ.
ކަލަންޑަރުގައިވާ ގޮތުން މި އަހަރުގެ ހައްޖު ދުވަހަކީ މި މަހުގެ 27 ވަނަ ދުވަހެވެ. އަޟްހާ އީދު ދުވަހަކީ މި މަހުގެ 28 ވަނަ ދުވަހެވެ.
އެމްއެމްއޭ އިން ބުނީ ފައިސާ ބަލައިގަނެ ދޫކުރުމުގެ ހިދުމަތް މި މަހުގެ 26 ވަނަ ދުވަހުގެ 8:30 އިން މެންދުރު 2:00 އަށް ކުރިއަށް ދާނެ ކަމަށެވެ. އަދި ސިޓީ އާއި އެހެން ތަކެތި ބަލައިގަތުން 9:00 އިން 2:00 އަށް ކުރިއަށްދާނެ ކަމަށެވެ.
އީދު ބަންދުގައި ބޭންކުތައް ހުޅުވުން 26 ވަނަ ދުވަހަށް ކަނޑައެޅި އިރު ފިނޭންސް މިނިސްޓްރީން ވަނީ ސަރުކާރު އޮފީސްތަކުން މުސާރައާ ގުޅޭ މައުލޫމާތުތައް މި މަހުގެ 19 ގެ ކުރިން ހުށަހަޅައި، މި މަހުގެ 22 ވަނަ މުސާރަ ޕްރޮސެސް ކުރާނެ ކަމަށް އަންގައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނރުޓޭ
08 June 2023
މީ ދެން ކޮންފަދަ ކަމެއް! އީދު ބަންދަކީ ހަމަ އެންމެންނަށްވެސް އީދު ބަންދު! ކޮން ބަޔެއް ވިޔާފާރި ކުރަން އުޅެނީ އީދު ބަންދުގަ! އެެންމެންތައް އެތިބީ ފުރަފުރައިގެން ތަންތަނަށް ދާން ރެޑީ ވެފަ އެއްނު!
ފިދަނަ.
11 June 2023
އެކަމަކު ދައްކާނެ ރިސޮތް ބޯއި ރޯދައަށް އީދަށް ޗުއްޓީއަށް ދާވާހަކަ. މިހިރީ ހަފުތާއަކު 5 ދުވަހު 8 ގަނޑި އިރު މަސައްކަތް ކުރަންޖެހޭ އިރުވެސް އޭގެތެރެއިން ގިނަވަގުތު ކޮފިގައި ތިބޭ ކުދިން ދައްކާ ވާހަކަ.